Daniyɛ́li 8:16 - MAWUXÓWÉMA

¹⁶ bɔ mɛ ɖokpó sú xó ɖo Wuláyi tɔ ɔ́ tɛ́ntin, bó ɖɔ n'i ɖɔ: ‘Gabliyɛ́li, tín nǔ e mɔ wɛ nya énɛ́ ɔ́ ɖe ɔ́ mɛ n'i.’

Daniyɛ́li 8:16 Iomraidhean Croise

Daniyɛ́li 10:14

Din ɔ́, un wá bó ná ɖɔ nǔ e ná wá jɛ dó togun towe jí sɔ gúdo ɔ́ nú we. Nǔ ɔ́ wɛ Mawu ɖe xlɛ́ we bɔ a mɔ.’

Daniyɛ́li 10:21

Lo ɔ́, un jló ná xlɛ́ nǔ e è wlǎn dó nǔgbówéma ɔ́ mɛ é we. Mɛ ɖé ka ná dó alɔ mì ɖo ahwan e fun gbé un ja ɔ́ mɛ zɛ gǎn mitɔn Micɛ́li wú ǎ.’ ”

Daniyɛ́li 7:16

Un sɛkpɔ́ mɛ e ɖo fínɛ́ lɛ́ɛ ɖokpó, lobo kan nǔ e ɖɔ wɛ nǔ e mɔ wɛ un ɖe lɛ́ɛ ɖe tawun ɔ́ byɔ́ ɛ. É ɖɔ nú mì bó lɛ́ tínmɛ nú mì.

Daniyɛ́li 8:2

Nǔ e un mɔ ɖo dlɔ̌ mɛ din ɔ́ ɖíe: Un mɔ nyiɖée ɖo to ɖaxó e è nɔ ylɔ́ ɖɔ Súzi ɔ́ mɛ, ɖo Elámu tokpɔn mɛ, bɔ un ɖo tɔ e è nɔ ylɔ́ ɖɔ Wuláyi ɔ́ tó.

Zakalíi 1:9

Un kanbyɔ́ mɛ e ɖo sɔ́ ɔ́ jí ɔ́ ɖɔ: ‘Sɛ́mɛɖó ce, étɛ́ nyí wɛ sɔ́ énɛ́ lɛ́ɛ ká ɖe?’ Bɔ wɛnsagun Mawu Mavɔmavɔ tɔn e ɖo xó ɖɔ nú mì wɛ ɔ́ yí gbe ɖɔ: ‘Un ná tínmɛ nú we.’

Zakalíi 2:4

Bɔ un kanbyɔ́ ɖɔ: “Étɛ́ wa gbé yě wá?” Bɔ é yí gbe nú mì ɖɔ: “Yě wá bó ná dó xɛsi akɔta hlɔ̌nhlɔ́nnɔ e sí te dó Judáanu lɛ́ɛ jí, bó ná gba é. Yě gba Judáanu lɛ́ɛ dó káká bɔ mɛ ɖěbǔ sixú nɔ te nukɔn yětɔn ǎ.”

Luki 1:19

Wɛnsagun ɔ́ yí gbe n'i ɖɔ: “Nyɛ wɛ nyí Gabliyɛ́li, bó nɔ́ nɔ te ɖo Mawu nukɔn. É wɛ sɛ́ mì dó, nú má ɖɔ xó nú we, lobo dó Wɛn Ɖagbe énɛ́ we.

Luki 1:26

Ée Elizabɛ́ti sín adɔgo ɖó sun ayizɛ́n ɔ́, Mawu sɛ́ wɛnsagun Gabliyɛ́li dó Galilée sín toxo e è nɔ ylɔ́ ɖɔ Nazalɛ́ti é mɛ, nú é ná yi dó wɛn ɖyɔ̌vǐ ɖé. Đyɔ̌vǐ énɛ́ ɔ́, è nɔ ylɔ́ ɛ ɖɔ Mali, bɔ é nyí asixɔ́ntɔn nú Jozɛ́fu e jɔ ɖo axɔ́sú Davídi hɛ́nnu mɛ é.

Mɛsɛ́dó 10:13

É ká se gbe ɖé, bɔ gbe ɔ́ ɖɔ n'i ɖɔ: “Piyɛ́ɛ! Sí te, hu, bó ɖu.”

Mɛsɛ́dó 9:7

Ahwangbɛ́ tɔn e kpó é kpó xwe to ɔ́ mɛ lɛ́ɛ nɔ te, bó sɔ́ sixú kɛ nu ǎ. Yě ɖo xó ɔ́ se wɛ, yě ka mɔ mɛ e ɖo xó ɔ́ ɖɔ wɛ é ǎ.

Eblée 1:14

Étɛ́ wɛnsagun lɛ́ɛ ka nyí lo? Yɛ wɛ yě bǐ nyí, bó ɖo azɔ̌ wa nú Mawu wɛ, bɔ Mawu sɛ́ yě dó nú yě ná wá dó alɔ mɛ e ɖó ná mɔ hwlɛngán lɛ́ɛ.

Nǔɖexlɛ́mɛ 1:12

Un lílɛ́, bó ná kpɔ́n mɛ e ɖo xó ɖɔ nú mì wɛ é; énɛ́ ɔ́, un mɔ sikázogbɛ́nhɛnnú tɛ́nwe.

Nǔɖexlɛ́mɛ 22:16

“Nyɛ Jezu ɔ́, un sɛ́ wɛnsagun ce dó mi, nú é ná ɖɔ nǔ énɛ́ lɛ́ɛ bǐ nú mi ɖo agun lɛ́ɛ mɛ. Davídi sín hɛ̌nnu mɛ wɛ un jɔ ɖe; un nyí sunví zǎnzǎn tɔn e nɔ kɔ́n é.”