Daniyɛ́li 8:15 - MAWUXÓWÉMA

¹⁵ “Hwenu e nyɛ Daniyɛ́li ɖo nǔ e mɔ wɛ un ɖe ɔ́ kpɔ́n wɛ, bó ɖo nǔ e ɖɔ wɛ é ɖe ɔ́ ba ná tunwun wɛ ɔ́, un mɔ nǔ gbɛtɔ́ ɖɔhun ɖé wá nɔ te ɖo nukɔn ce,

Daniyɛ́li 8:15 Iomraidhean Croise

Ezayíi 9:6

É ná gbló ada nú acɛkpikpa tɔn, bó ná bló bɔ fífá e má ná vɔ gbeɖé ǎ ɔ́ ná tíin. É ná jínjɔ́n axɔ́súzinkpo Davídi tɔn jí, bó ná kpa acɛ dó axɔ́súɖuto tɔn nu. É ná ɖó nǔ wa ɖó sɛ́nxwi jí ayǐ, bó ɖó hwɛjijɔ ayǐ dó sɔ́ axɔ́súɖuɖu tɔn jínjɔ́n ayǐ ganjí sín din káká sɔ́yi. Nǔ e Mawu Mavɔmavɔ Nǔbǐwúkpétɔ́ ɔ́ ná bló kpó wǎn yíyí tɔn ɖaxó ɔ́ kpó é nɛ́.

Daniyɛ́li 10:16

Mɛ ɖěvo wá ɖó alɔ nu ce wú, bɔ nu ce hun, bɔ un lɛ́ jɛ xó ɖɔ jí. Un ɖɔ nú mɛ ɖěvo énɛ́ e ɖo nukɔn ce ɔ́ ɖɔ: ‘Sɛ́mɛɖó ce, nǔ e un mɔ ɔ́ dó adohu nú mì, bo tlú kanmɛ nú mì.

Daniyɛ́li 10:18

Mɛ ɖěvo énɛ́ e ɖo nukɔn ce ɔ́ lɛ́ ɖó alɔ wu ce, bɔ un lɛ́ mɔ hlɔ̌nhlɔ́n,

Daniyɛ́li 10:5

Ée un ɖo fínɛ́, bó ɖo nǔ kpɔ́n wɛ ɔ́, un mɔ mɛɖé dó lɛ̌ɛnkanvɔ ɖé, lobo sin siká akú sín gǒjíblánú ɖokpó.

Daniyɛ́li 12:8

Nyɛ Daniyɛ́li lɛ́ se xó énɛ́ lɛ́ɛ, un ka mɔ nukúnnú jɛ mɛ ǎ. Énɛ́ wú wɛ un kanbyɔ́ ɖɔ: “Sɛ́mɛɖó ce! Nɛ̌ nǔ énɛ́ lɛ́ɛ bǐ ka ná fó gbɔn?”

Daniyɛ́li 7:13

Un ɖo nǔ e mɔ wɛ un ɖe zǎn ɔ́ mɛ ɖo amlɔ mɛ ɔ́ kpɔ́n wɛ, bó mɔ nǔ gbɛtɔ́ ɖɔhun ɖé ɖo akpɔ́kpɔ́ mɛ jǎwe. É ɖidó degénɔ e nukɔn è kplá ɛ xwe ɔ́ gɔ́n.

Daniyɛ́li 7:28

“Dlɔ̌ ɔ́ fó dó fí. Amɔ̌, nyɛ Daniyɛ́li ɔ́, ayi ce nɔ ɖo hun xo xá mì wɛ, bɔ un blá wǔ bǐ, bó nɔ́ ɖo nǔ lin dó xó énɛ́ lɛ́ɛ wú wɛ ɖo gbɛmɛ.”

Daniyɛ́li 8:1

Hwenu e axɔ́sú Bɛlucasáa ɖo xwe atɔn bló wɛ ɖo zinkpo jí ɔ́, nyɛ Daniyɛ́li lɛ́ mɔ nǔ ɖěvo dó ée un ko mɔ ɖ'ayǐ ɔ́ gúdo.

Daniyɛ́li 8:19

bó ɖɔ nú mì ɖɔ: ‘Un ná ɖɔ nǔ e ná jɛ hwenu e è ɖǒ, bɔ xomɛsin Mawu tɔn ná fó ɔ́ nú we.

Zakalíi 1:9

Un kanbyɔ́ mɛ e ɖo sɔ́ ɔ́ jí ɔ́ ɖɔ: ‘Sɛ́mɛɖó ce, étɛ́ nyí wɛ sɔ́ énɛ́ lɛ́ɛ ká ɖe?’ Bɔ wɛnsagun Mawu Mavɔmavɔ tɔn e ɖo xó ɖɔ nú mì wɛ ɔ́ yí gbe ɖɔ: ‘Un ná tínmɛ nú we.’

Matíe 13:36

Jezu nyi togun ɔ́, bó yi xwé gbe, bɔ ahwanvú tɔn lɛ́ɛ sɛkpɔ́ ɛ, bó ɖɔ n'i ɖɔ: “Lǒ e a dǒ dó ɖɔ xó dó gběhan nyanya e ɖo gle mɛ ɔ́ wú ɔ́, tínmɛ nú mǐ.”

Matíe 24:15

“Énɛ́ ɔ́ wútu ɔ́, mi ná mɔ suɖunú baɖabaɖa e xó gbeyíɖɔ Mawu tɔn Daniyɛ́li ko ɖɔ ɖ'ayǐ ɔ́ ɖo tɛn mímɛ́ ɔ́ mɛ. Mɛ ɖé xa nǔ énɛ́ lɛ́ɛ hǔn, ní bó mɔ nǔ jɛ wú.

Matíe 24:30

Énɛ́ ɔ́ gúdo ɔ́, wuntun e ná xlɛ́ ɖɔ nyɛ Gbɛtɔ́ví ɔ́ ko ja ɔ́ ná tɔ́n ɖo jǐnukúnsin, bɔ akɔta e ɖo gbɛ ɔ́ mɛ lɛ́ɛ bǐ ná jɛ alě ná jí, bɔ yě ná mɔ nyɛ Gbɛtɔ́ví ɔ́ ɖo akpɔ́kpɔ́ jí jǎwe kpódó hlɔ̌nhlɔ́n kpó, kpódó susu ɖaxó kpó;

Maki 13:14

“Hwenu e mi ná wá mɔ suɖunú baɖabaɖa ɔ́ ɖo tɛn e mɛ é ma ɖó ná nɔ ǎ ɔ́, (mɛ e xa nǔ énɛ́ ɔ́ ní mɔ nǔ jɛ wú); mɛ e ɖo Judée yíkúngban jí lɛ́ɛ ní hɔn yi sókan lɛ́ɛ mɛ.

Maki 4:12

Énɛ́ ɔ́, ‘Yě ná mɔ, cóbó ka ná dán ɛ; yě ná se, yě ka ná mɔ nǔ jɛ mɛ ǎ. Đó yě táá wá lɛ́ kɔ sín hwɛ yětɔn lɛ́ɛ gúdo, nú Mawu ná wá sɔ́ hwɛ yětɔn lɛ́ɛ kɛ yě.’ ”

Jozuwée 5:14

Bɔ nya ɔ́ yí gbe n'i ɖɔ: “Un ɖo mɛ ɖěbǔ jí ǎ, ahwangán Mawu Mavɔmavɔ tɔn wɛ un nyí. Wǐwá wɛ un ɖe din.” Ée Jozuwée se mɔ̌ ɔ́, é xwe agbɔ̌nnusú do, bó ɖe kɔ́, lobo ɖɔ nú nya ɔ́ ɖɔ: “Mɛsɛntɔ́ towe wɛ un nyí, étɛ́ a jlǒ ná zɔ́n mì?”

Nǔɖexlɛ́mɛ 1:13

Nǔ gbɛtɔ́ ɖɔhun ɖé ɖo tɛ́ntin yětɔn; é dó awu gaga ɖé, bɔ awu ɔ́ ɖi ga káká wá afɔ tɔn lɛ́ɛ jí; é zé akɔ́ntablánú e è zé siká dó bló ná ɔ́ sin dó akɔ́ngónu.

Nǔɖexlɛ́mɛ 13:18

Nǔ énɛ́ lɛ́ɛ byɔ́ ɖɔ è ɖǒ ná ɖó nǔnywɛ́. Mɛ e ɖó nǔnywɛ́ ɔ́ ní lɛ́n xixa nabí e kanlin ɔ́ nyí é; ɖó gbɛtɔ́ sín nyǐkɔ sín xixa wɛ, bɔ xixa tɔn nyí nǔwɔntɔn kanɖé koatɔ́n-nukún-ɖokpó (666).