Daniyɛ́li 8:14 - MAWUXÓWÉMA

¹⁴ Wɛnsagun nukɔntɔn ɔ́ yí gbe n'i ɖɔ: ‘Kéze afatɔ́n kantɔn gban (1.150) kpó zǎn afatɔ́n kantɔn gban (1.150) kpó ná to wá yi hwɛ̌. Énɛ́ ɔ́ gúdo ɔ́, è nǎ lɛ́ slá wǔ nú goxɔ ɔ́.’ ”

Daniyɛ́li 8:14 Iomraidhean Croise

Bǐbɛ́mɛ 1:5

É ylɔ́ wěziza ɔ́ ɖɔ kéze, bó ylɔ́ ablu ɔ́ ɖɔ zǎn. Zǎn kú, bɔ ayǐ hɔ́n; azǎn nukɔntɔn ɔ́ nɛ́.

Ezayíi 1:27

Mawu ná zé hwɛjijɔ tɔn dó hwlɛ́n Sinyɔ́ɔ gán, bɔ mɛ e ɖo Sinyɔ́ɔ bó lɛ́ kɔ sín hwɛ yětɔn gúdo lɛ́ɛ bǐ ná mɔ hwlɛngán.

Ezayíi 45:25

Amɔ̌, Izlayɛ́li ví lɛ́ɛ bǐ ná mɔ hwɛjijɔ ɖo gɔ̌n ce bɔ é ná víví nú yě.”

Daniyɛ́li 12:11

Nǔ énɛ́ lɛ́ɛ ná bɛ́ jijɛ sín gbe e gbe è ma sɔ́ ná sixú sá vɔ̌ nú Mawu ayǐhɔ́ngbe ayǐhɔ́ngbe ǎ é, bɔ è nǎ zé suɖunú baɖabaɖa ɖokpó ɖó vɔ̌sákpe ɔ́ jí. Nǔ lɛ́ɛ ná ɖo jijɛ wɛ káká nú azǎn afayizɛ́n kanwe wǒ (1.290).

Daniyɛ́li 12:12

Nǔ nyɔ́ nú mɛ e ná syɛ́nlǐn, bó ná ɖo nukún ɖó nǔ wɛ káká nú azǎn afayizɛ́n kantɔn afɔtɔn (1.335) é.

Daniyɛ́li 12:7

Nya e dó lɛ̌ɛnkanvɔ ɔ́ dlɛ́n alɔ tɔn we lɛ́ɛ dó jǐxwé, bɔ un se bɔ é ɖɔ: “Un xwlé Mawu e ɖo gbɛ káká sɔ́yi ɔ́ sín nyǐkɔ ɖɔ nǔ énɛ́ lɛ́ɛ ná jɛ káká nú xwe atɔn adaɖé. Nǔ énɛ́ lɛ́ɛ ná fó hwenu e togun Mawu tɔn ɔ́ sín acɛkpikpa ná gba hánnyá bǐ é.”

Daniyɛ́li 7:25

É ná nylá nu dó Mawu Ajalɔ̌nlɔn ɔ́ wú, bó ná nɔ dó ya nú togun mímɛ́ ɔ́. É ná lin ná húzú togun mímɛ́ ɔ́ sín tito lɛ́ɛ, kpódó sɛ́n tɔn lɛ́ɛ kpó; togun mímɛ́ ɔ́ ná nɔ acɛ tɔn mɛ nú xwe atɔn adaɖé.

Daniyɛ́li 8:26

Tínmɛ e jɛ xá vɔ̌sísá zǎnzǎn gbada tɔn e a mɔ lɛ́ɛ é nɛ́. Amɔ̌, ma ɖɔ nǔ énɛ́ e a mɔ ɔ́ nú mɛɖé ó, ɖó hwenu e é ná jɛ dó ɔ́ kpo ɖaxó.’

Galatinu 3:8

Mawuxó ɔ́ ko ɖɔ sín do ɖɔ: mɛ e ma nyí Jwifu ǎ lɛ́ɛ ná ɖi nǔ nú Mawu, bɔ Mawu ná sɔ́ yě dó húzú hwɛjijɔnɔ; énɛ́ ɔ́ wú wɛ Mawu dó akpá ɖagbe élɔ́ nú Ablaxámu ɖo Mawuxówéma ɔ́ mɛ ɖɔ: “Un ná xo ɖɛ dó akɔta e ɖo gbɛ ɔ́ mɛ lɛ́ɛ bǐ jǐ gbɔn jǐ towe.”

Nǔɖexlɛ́mɛ 11:15

Énɛ́ ɔ́ gúdo ɔ́, wɛnsagun Mawu tɔn tɛ́nwegɔ́ ɔ́ kún kpɛn, bɔ gbe ɖaxó ɖé lɛ́ɛ ɖi ɖo jǐxwé bó ɖɔ: “Axɔ́súɖuɖu gbɛ ɔ́ tɔn nyí Aklúnɔ mǐtɔn kpó Klísu tɔn kpán tɔn lo! Bɔ é ná ɖu axɔ́sú káká sɔ́yi.”

Nǔɖexlɛ́mɛ 12:14

Lo ɔ́, è nǎ gangan ɖaxó sín awa we nyɔ̌nu ɔ́, bónú é ná zɔn yi tɛn tɔn mɛ ɖo gbětótló mɛ, fí e è nǎ ná ɛ nǔɖuɖu ɖe xɔ xwe atɔn adaɖé é; fí e dan ɔ́ ma ná wlí i ɖe ǎ é.

Nǔɖexlɛ́mɛ 13:5

È nǎ gbe kanlin ɔ́ ɖɔ ní ɖɔ xó, bó dó yí go Mawu wú, bó ɖɔ xó dó zun Mawu; è ná ɛ acɛ ɖɔ ní wa mɔ̌ xɔ sun kanɖé nukún-we (42).