Daniyɛ́li 8:13 - MAWUXÓWÉMA

¹³ “Un se wɛnsagun ɖokpó sín gbe. Wɛnsagun ɖěvo ka kanbyɔ́ wɛnsagun e sín gbe un se ɔ́ ɖɔ: ‘Hwetɛ́nu nǔ e ɖo jijɛ wɛ lɛ́ɛ ná fó bɔ è ɖɔ ɖo nǔmimɔ ɔ́ mɛ? Káká jɛ hwetɛ́nu wɛ vɔ̌sísá ayǐhɔ́ngbe ayǐhɔ́ngbe tɔn ɔ́ ná nɔ te yi ɖó? Nǔmasɔgbe e ɖo nǔ bǐ gba wɛ ɔ́, káká jɛ hwetɛ́nu é ná gba nǔ yi ɖó te ɖó? Goxɔ ɔ́ kpó nǔɖogbɛ e ɖo sɛ́xwé lɛ́ɛ kpó ɔ́, káká jɛ hwetɛ́nu wɛ yě ná nyí afɔsúnsúnnú yi ɖó?’

Daniyɛ́li 8:13 Iomraidhean Croise

Ɖɛhan 74:10

Mawu ce, káká jɛ hwetɛ́nu acɛgannaganna-kpanúmɛtɔ́ ɔ́ ná dó hɛ̌n we yi jɛ? Kɛntɔ́ ná fɔ́n, bó ɖo nyǐkɔ towe cá ko wɛ tɛgbɛ wɛ a?

Ɖɛhan 74:9

Mǐ sɔ́ nɔ́ mɔ asyá mǐtɔn ɔ́ ɖě ǎ. Gbeyíɖɔ Mawu tɔn ɖě sɔ́ ɖe ǎ. Mɛ ɖěbǔ ka ɖo mǐ mɛ bó tunwun hwenu e é ná fó dó ɔ́ ǎ.

Ɖɛhan 79:5

Mawu Mavɔmavɔ, xomɛ e sin dó mǐ wɛ a ɖe ɔ́, hwetɛ́nu wɛ a nǎ jǒ dó dó? Xomɛsin towe e ɖo nǔ fyɔ́ wɛ myɔ ɖɔhun ɔ́, hwetɛ́nu wɛ a nǎ jǒ dó dó?

Ezayíi 28:18

Akɔ e mi jɛ xá kú ɔ́ ná gblé, alɛ e mi nu xá kútomɛ ɔ́ sɔ́ ná wa azɔ̌ ǎ. Hwenu e nǔ baɖabaɖa ɔ́ ná wá é ɔ́, é ná gba mi hánnyá.

Ezayíi 6:11

Ée Aklúnɔ ɖɔ mɔ̌ ɔ́, un kanbyɔ́ ɛ ɖɔ: “Aklúnɔ, hwetɛ́nu é ná fó dó?” Bɔ é yí gbe nú mì ɖɔ: “Nǔ ná nɔ mɔ̌ káká jɛ hwenu e toxo lɛ́ɛ bǐ ná gba bó jɛ vɔ̌, bɔ xwé lɛ́ɛ bǐ ná jɛ vɔ̌, lobɔ to ɔ́ bǐ ná húzú gbětótló é.”

Ezayíi 63:18

Mǐ togun towe e a sɔ́ ɖó vo é ɔ́, hwenu kpɛɖé jɛ́n to e a nǎ mǐ ɔ́ nyí mǐtɔn xɔ; kɛntɔ́ mǐtɔn lɛ́ɛ gbídí tɛn mímɛ́ towe ɖó afɔ wú.

Ezayíi 9:6

É ná gbló ada nú acɛkpikpa tɔn, bó ná bló bɔ fífá e má ná vɔ gbeɖé ǎ ɔ́ ná tíin. É ná jínjɔ́n axɔ́súzinkpo Davídi tɔn jí, bó ná kpa acɛ dó axɔ́súɖuto tɔn nu. É ná ɖó nǔ wa ɖó sɛ́nxwi jí ayǐ, bó ɖó hwɛjijɔ ayǐ dó sɔ́ axɔ́súɖuɖu tɔn jínjɔ́n ayǐ ganjí sín din káká sɔ́yi. Nǔ e Mawu Mavɔmavɔ Nǔbǐwúkpétɔ́ ɔ́ ná bló kpó wǎn yíyí tɔn ɖaxó ɔ́ kpó é nɛ́.

Jelemíi 12:10

Lɛ̌ngbɔ́nyitɔ́ lɛ́ɛ dó ahwan gbě bó ɖo vǐwungbo ce vɔ wɛ. Yě ɖo gle ce gbídí ɖó afɔ wú wɛ. Gle ce ɖagbe ɖagbe ɔ́, yě zě dó húzú gbětótló, fí e mɛɖé ma nɔ́ gbɔn ǎ é.

Daniyɛ́li 11:31

Sɔ́ja e é sɛ́ dó lɛ́ɛ ná sí ahwan te, ɖo ahohó mímɛ́ ɔ́ nukɔn, bó ná ɖu su ná. Vɔ̌ e sá nú Mawu wɛ è nɔ ɖe ayǐhɔ́ngbe ayǐhɔ́ngbe ɔ́, yě ná ɖó te; yě ná zé suɖunú baɖabaɖa ɖokpó ɖó vɔ̌sákpe ɔ́ jí.

Daniyɛ́li 12:11

Nǔ énɛ́ lɛ́ɛ ná bɛ́ jijɛ sín gbe e gbe è ma sɔ́ ná sixú sá vɔ̌ nú Mawu ayǐhɔ́ngbe ayǐhɔ́ngbe ǎ é, bɔ è nǎ zé suɖunú baɖabaɖa ɖokpó ɖó vɔ̌sákpe ɔ́ jí. Nǔ lɛ́ɛ ná ɖo jijɛ wɛ káká nú azǎn afayizɛ́n kanwe wǒ (1.290).

Daniyɛ́li 12:8

Nyɛ Daniyɛ́li lɛ́ se xó énɛ́ lɛ́ɛ, un ka mɔ nukúnnú jɛ mɛ ǎ. Énɛ́ wú wɛ un kanbyɔ́ ɖɔ: “Sɛ́mɛɖó ce! Nɛ̌ nǔ énɛ́ lɛ́ɛ bǐ ka ná fó gbɔn?”

Daniyɛ́li 4:10

“Un ɖo adɔ̌zan ce jí mɔ̌, bó lɛ́ mɔ wɛnsagun ɖokpó jɛ te sín jǐxwé.

Daniyɛ́li 4:13

È nǎ yí ayi gbɛtɔ́ tɔn sín así tɔn, bó ná ná ɛ ayi kanlin tɔn, bɔ é ná nɔ mɔ̌ káká nú xwe tɛ́nwe.’

Daniyɛ́li 4:23

Gbeta e ka ɖɔ è nǐ jó atínta ɔ́ kpó ɖɔ tɔn lɛ́ɛ kpó dó ɔ́, tínmɛ tɔn ɖíe: mɛ ná lɛ́ wá ɖu axɔ́sú hwenu e mɛ ná wá tunwun ɖɔ Mawu sɛ́xwé tɔn ɔ́ wɛ kpa acɛ dó nǔ bǐ nu é.

Daniyɛ́li 7:16

Un sɛkpɔ́ mɛ e ɖo fínɛ́ lɛ́ɛ ɖokpó, lobo kan nǔ e ɖɔ wɛ nǔ e mɔ wɛ un ɖe lɛ́ɛ ɖe tawun ɔ́ byɔ́ ɛ. É ɖɔ nú mì bó lɛ́ tínmɛ nú mì.

Daniyɛ́li 7:23

“Tínmɛ e é ná mì dó kanlin ɛnɛgɔ́ ɔ́ wú ɔ́ ɖíe: ‘Kanlin ɛnɛgɔ́ ɔ́ wɛ nyí axɔ́súɖuto ayǐkúngban jí tɔn ɛnɛgɔ́ ɔ́. Axɔ́súɖuto énɛ́ ɔ́ gbɔn vo nú ɖě lɛ́ɛ bǐ. É ná vúnvún nǔ e ɖo ayǐkúngban ɔ́ jí lɛ́ɛ bǐ. É ná gbídí yě, bó ná gba yě hánnyá.

Daniyɛ́li 9:27

Xwe tɛ́nwe gúdo tɔn lɛ́ɛ mɛ ɔ́, Mawu ná ɖó azɔ̌ syɛ́nsyɛ́n kɔ jí nú mɛ gěgé, bɔ yě ɖó ná wa dandan. Yě bló xwe atɔn adaɖé ɖo xwe tɛ́nwe énɛ́ lɛ́ɛ mɛ ɔ́, è nǎ ɖó vɔ̌sísá kpó nǔníná kpó lɔ bǐ te. Nǔhɛngblétɔ́ énɛ́ ɔ́ ná yá wǔ bló nǔ baɖabaɖa lɛ́ɛ lě e é jló e gbɔn é káká jɛ hwenu e è ɖǒ, bɔ éyɛ́ tɔn ná fó dó é.’ ”

Zakalíi 14:5

Énɛ́ ɔ́, mi ná hɔn yi tɔdo e ɖo só ce lɛ́ɛ tɛ́ntin é mɛ, ɖó tɔdo ɔ́ ná gbló ada káká yi Asálu. Mi ná hɔn lě e tɔ́gbó mitɔn lɛ́ɛ hɔn gbɔn hwenu e ayǐkúngban dán wǔ axɔ́sú Judáa tɔn Oziyási hwenu é. Mawu Mavɔmavɔ, Mawu ce ná wá, é kpódó wɛnsagun tɔn lɛ́ɛ bǐ kpó.

Matíe 11:27

“Nǔ bǐ wɛ Tɔ́ ce sɔ́ dó alɔ ce mɛ, bɔ mɛ ɖěbǔ ka mɔ nǔ jɛ Vǐ ɔ́ wú, zɛ Tɔ́ ɔ́ wú ǎ; mɛ ɖěbǔ ka lɛ́ mɔ nǔ jɛ Tɔ́ ɔ́ wú, zɛ Vǐ ɔ́ kpódó mɛ e Vǐ ɔ́ jló ná ɖe e xlɛ́ lɛ́ɛ kpó wú ǎ.

Matíe 24:15

“Énɛ́ ɔ́ wútu ɔ́, mi ná mɔ suɖunú baɖabaɖa e xó gbeyíɖɔ Mawu tɔn Daniyɛ́li ko ɖɔ ɖ'ayǐ ɔ́ ɖo tɛn mímɛ́ ɔ́ mɛ. Mɛ ɖé xa nǔ énɛ́ lɛ́ɛ hǔn, ní bó mɔ nǔ jɛ wú.

Maki 13:14

“Hwenu e mi ná wá mɔ suɖunú baɖabaɖa ɔ́ ɖo tɛn e mɛ é ma ɖó ná nɔ ǎ ɔ́, (mɛ e xa nǔ énɛ́ ɔ́ ní mɔ nǔ jɛ wú); mɛ e ɖo Judée yíkúngban jí lɛ́ɛ ní hɔn yi sókan lɛ́ɛ mɛ.

Luki 10:22

“Nǔ bǐ wɛ Tɔ́ ce sɔ́ dó alɔ ce mɛ, bɔ mɛ ɖěbǔ tunwun mɛ e Vǐ ɔ́ nyí ɔ́ zɛ Tɔ́ ɔ́ wú ǎ; mɛ ɖěbǔ ká tunwun mɛ e Tɔ́ ɔ́ nyí ɔ́ zɛ Vǐ ɔ́ kpódó mɛ e Vǐ ɔ́ jló ná ɖe e xlɛ́ lɛ́ɛ kpó wú ǎ.”

Luki 21:20

“Hwenu e mi ka ná wá mɔ kɛntɔ́ lɛ́ɛ nyi ahwan, bó ján Jeluzalɛ́mu toxo ɔ́, mi nywɛ́ ɖɔ hwenu e è nǎ gba dó ɔ́ kó sɛ yá.

Luki 21:24

Yě ná kú hwǐ kú; ahwan ná wlí kannumɔ yětɔn yi to lɛ́ɛ mɛ to lɛ́ɛ mɛ, bɔ mɛ e ma nɔ sɛn Mawu ǎ lɛ́ɛ ná gbídí Jeluzalɛ́mu dó afɔ wú, káká yi jɛ hwenu e gan mɛ yětɔn ná vɔ dó é.”

Jǎan 1:18

Mɛ ɖěbǔ mɔ Mawu kpɔ́n gbeɖé ǎ; lo ɔ́, Vǐɖokpónɔ e nyí Mawu bó ɖo akɔ́n tɔn mɛ ɔ́ wɛ wá ɖe e xlɛ́.

Sɛ́nflínmɛ 33:2

“Mawu Mavɔmavɔ gosín Sinayíi só jí bó wá. É tɔ́n ɖo Seyíi to ɔ́ ta nu hwe ɖɔhun. É tɔ́n ɖo Paláni só lɛ́ɛ jí, bó za wě dó togun ɔ́ bǐ jí. Wɛnsagun wɔ̌buwɔ́bú ɖé xwedó e bɔ é wá mɛ tɔn lɛ́ɛ gɔ́n, bó hɛn sɛ́n ɔ́ alɔ mɛ, bɔ é ɖo jiji wɛ myɔ ɖɔhun.

1 Tɛsalonikinu 3:13

Énɛ́ ɔ́, é ná dó wǔsyɛ́n lanmɛ nú mi, bɔ mi ná nyí mɛ mímɛ́, bó ná nyí mɛ ma ɖó blɔ̌ ɖo wǔ ɖo Mawu Tɔ́ mǐtɔn nukɔn, hwenu e Aklúnɔ mǐtɔn Jezu ná wá kpó mɛ e nyí étɔn lɛ́ɛ bǐ kpó é.

Eblée 10:29

Énɛ́ ɔ́, nɛ̌ é ka ná nyí gbɔn nú mɛ e gbɛ́ wǎn nú Mawu ví ɔ́ é lo? Mɛ e sɔ́ akɔjijɛ Mawu tɔn sín hun e gbla mɛ è slá wǔ n'i gbɔn ɔ́ dó mɔ nǔ yǎyá, bó zun Yɛ nǔbláwǔkúnúmɛtɔ́ ɔ́, nɛ̌ é ka ná nyí gbɔn n'i? Mi ɖésúnɔ ɔ́, mi ná ko tunwun ɖɔ tó e è nǎ dɔn nú mɛ énɛ́ ɔ́ ná nylá hú mɛ e gba Mɔyízisɛ́n ɔ́ é tɔn.

1 Piyɛ́ɛ 1:12

Mawu ɖe xlɛ́ gbeyíɖɔ lɛ́ɛ ɖɔ wɛn énɛ́ e è ɖɔ yě ní dó ɔ́ kún nyí yě ɖésúnɔ tɔn ó; lo ɔ́, mi tɔn wɛ. Wɛn Ɖagbejlátɔ́ lɛ́ɛ dó wɛn énɛ́ ɔ́ mi din; yě ɖɔ xó tɔn nú mi kpó hlɔ̌nhlɔ́n e Yɛsinsɛn e è sɛ́ dó sín sɛ́xwé ɔ́ ná yě ɔ́ kpó; wɛnsagun lɛ́ɛ ɖésú lɔ ka jló ná mɔ nǔ jɛ wɛn énɛ́ mɛ.

Judi 1:14

Henɔci e nyí jijimɛ tɛ́nwegɔ́ ɔ́ bɛ́ sín Adámu jí ɔ́, é ko lín xóxó din bɔ é dó wɛn élɔ́ e Mawu sɔ́ dó ayi mɛ n'i ɖɔ é ní dó e; é ɖɔ: “Mi kpɔ́n! Aklúnɔ kpó wɛnsagun mímɛ́ tɔn wɔ̌buwɔ́bú lɛ́ɛ kpó ja, bó ná ɖɔ hwɛ xá mɛ bǐ, bó ná ɖó hwɛ nú mɛdídá lɛ́ɛ bǐ; yě ná bló mɔ̌, ɖó nǔ nyanya e mɛdídá lɛ́ɛ wa hwenu e yě fɔ́n gǔ dó Mawu jí lɛ́ɛ bǐ, kpódó xó baɖabaɖa e hwɛhutɔ́ énɛ́ lɛ́ɛ e ma nɔ ɖó sísí nú Mawu ǎ lɛ́ɛ ɖɔ dó Mawu wú ɔ́ bǐ kpó wútu”. Mɛ énɛ́ lɛ́ɛ wú wɛ wɛn énɛ́ e é dó ɔ́ ɖɔ xó dó.

Nǔɖexlɛ́mɛ 11:2

Lo ɔ́, jǒ sinsɛnxɔ ɔ́ sín kɔ́xota dó; ma jlɛ́ ó; ɖó è ko sɔ́ kɔ́xota ɔ́ nú mɛ e ma nɔ sɛn Mawu ǎ lɛ́ɛ, bɔ yě ná gbídí toxo mímɛ́ ɔ́ ɖó afɔ wú káká nú sun kanɖé nukún-we (42).

Nǔɖexlɛ́mɛ 6:10

Yě nɔ sú xó tlílí, bó nɔ ɖɔ: Aklúnɔ mímɛ́, Aklúnɔ nǔgbó nǔgbó, káká hwetɛ́nu wɛ a nǎ nɔ te yi jɛ, bó ná ɖɔ hwɛ xá mɛ e ɖo ayǐkúngban jí lɛ́ɛ, bó ná ba hlɔn nú mǐ, ɖó hu e yě hu mǐ ɔ́ wútu?

Hwɛɖɔtɔ́ 13:18

Wɛnsagun ɔ́ yí xó bó ɖɔ: “Étɛ́wú a jlǒ ná tunwun nyǐkɔ ce? Nyǐkɔ ɖé wɛ bó búdo.”