Daniyɛ́li 8:12 - MAWUXÓWÉMA

¹² È jǒ nǔ e ɖo gbɛ ɖo sɛ́xwé lɛ́ɛ n'i, bó lɛ́ jó vɔ̌ e è nɔ sá ayǐhɔ́ngbe ayǐhɔ́ngbe ɔ́ dó n'i ɖó hwɛ e é hu ɔ́ wú. Zo ɔ́ zé sinsɛn ɖagbe ɔ́ xo kɔ́. É sɔ́ nǔ ɖěbǔ ɔ́, é nɔ́ kpé wú bó nɔ́ wa.

Daniyɛ́li 8:12 Iomraidhean Croise

Jɔ̌bu 12:6

Asúfántɔ́ lɛ́ɛ nɔ́ vo fɛɛ ɖo xwé yětɔn lɛ́ɛ gbe; yě mɛ e nɔ ba xó Mawu lɛ́ɛ ɔ́, nǔɖé nɔ́ dó xɛsi nú yě ǎ, yě nɔ́ sɛn nǔɖé zɛ hlɔ̌nhlɔ́n yětɔn wú ǎ.

Ɖɛhan 119:142

Hwɛjijɔ towe ɔ́, hwɛjijɔ e ɖo ayǐ káká sɔ́yi ɔ́ wɛ, sɛ́n towe nɔ́ húzú gbeɖé ǎ.

Ɖɛhan 119:43

Ma lɔn gbeɖé bónú un húzú nǔgbó ɔ́ xwe ó, ɖó hwɛgbigbo towe wɛ un ɖo te kpɔ́n.

Ɖɛhan 28:5

Yě nɔ́ ké ya nú azɔ̌ e Mawu Mavɔmavɔ wa lɛ́ɛ ǎ, yě nɔ́ ké ya nú nǔ e é sɔ́ alɔ tɔn dó bló ná lɛ́ɛ é ǎ. Mawu Mavɔmavɔ ní zin yě dɛ́ bó ma sɔ́ sɔ́ yě sí te gbeɖé ó!

Ezayíi 59:14

Énɛ́ ɔ́ wú ɔ́, nǔjlɔ́jlɔ́wiwa yi gǔdo; nǔ wa ɖó sɛ́nxwi jí sɔ́ ɖe ǎ, mɛɖé sɔ́ nɔ́ ɖɔ xó nǔgbó ɖo tokplétɛn lɛ́ɛ ǎ; ayijlɔ́jlɔ́nɔ ɖě sɔ́ nɔ́ yi fínɛ́ ǎ.

Jelemíi 12:1

Mawu Mavɔmavɔ, a nyǐ hwɛjijɔnɔ sɔ mɔ̌ bɔ un sixú mɔ nǔ jɛ do ɖěbǔ ɖo nǔ e a wa lɛ́ɛ wú ǎ. É ká ɖo mɔ̌ có, un jló ná ɖɔ xó xá we dó hwɛjijɔ wú: Étɛ́wú mɛ e ka nyí mɛdídá lɛ́ɛ ɔ́ nǔ ka nɔ́ nyɔ́ nú yě? Étɛ́wú gbɛtɔ́ e nyí nuwenɔ lɛ́ɛ bǐ ká nɔ́ vo?

Daniyɛ́li 11:28

Axɔ́sú Totaligbé tɔn ɔ́ ná lɛ́ kɔ yi to tɔn mɛ kpó dɔkun gěgé kpó. Ée é ná lɛ́ kɔ wá xwe xwé ɔ́, é ná tɔ́n ahwan togun e è jɛ akɔ mímɛ́ xá lɛ́ɛ ɖokpó, lě e é ko to gbɔn ɖ'ayǐ é, bó ná ɖidó to tɔn mɛ.

Daniyɛ́li 7:21

Ée un ɖo kpínkpɔ́n ɛ wɛ ɔ́, un mɔ ɛ bɔ é ɖo ahwan fun xá togun mímɛ́ Mawu Ajalɔ̌nlɔn ɔ́ tɔn wɛ, bó ɖo ɖuɖu ɖ'é jí wɛ.

Daniyɛ́li 8:4

Un mɔ agbo ɔ́ ɖo zo nyi dó gbadahwe jí wɛ, bó ɖo nyinyi dó totaligbé wɛ, bó ɖo nyinyi dó tofɔligbé wɛ. Kanlin mɔ̌hun tíin bó ná nɔ te nukɔn tɔn ǎ, è ka sixú yí mɛɖé sín fɛn tɔn mɛ ǎ. Nǔ e jló e ɔ́ wɛ é nɔ́ wa, bɔ hlɔ̌nhlɔ́n tɔn fɔ́n ɔ́, é nɔ́ ɖo jijɛ jí wɛ.

Nǔɖexlɛ́mɛ 13:7

È ná ɛ gbe ɖɔ ní fun ahwan xá mɛɖeɖóvo Mawu tɔn lɛ́ɛ, bó ɖu ɖo yě jǐ; è ná ɛ acɛ dó akɔta lɛ́ɛ bǐ kpó togun lɛ́ɛ bǐ kpó nu; é ná ɛ acɛ dó gbe lɛ́ɛ bǐ kpó to lɛ́ɛ bǐ kpó nu.

1 Samuwɛ́li 23:9

Davídi se nǔ baɖabaɖa e lin dó wǔ tɔn wɛ Sawúlu ɖe é, bó ɖɔ nú vɔ̌sánú-xwlémawutɔ́ Abiyatáa ɖɔ: “Sɔ́ nǔ e è nɔ dó kan nǔ byɔ́ Mawu ɔ́ wá.”