Daniyɛ́li 8:1 - MAWUXÓWÉMA

¹ Hwenu e axɔ́sú Bɛlucasáa ɖo xwe atɔn bló wɛ ɖo zinkpo jí ɔ́, nyɛ Daniyɛ́li lɛ́ mɔ nǔ ɖěvo dó ée un ko mɔ ɖ'ayǐ ɔ́ gúdo.

Daniyɛ́li 8:1 Iomraidhean Croise

Ezekiyɛ́li 1:1

Sun ɛnɛgɔ́ ɔ́ e ɖo xwe gbangɔ́ (30) ɔ́ mɛ ɔ́ sín azǎn atɔ́ɔ́ngɔ́ ɔ́ gbe ɔ́, un ɖo mɛ e ahwan wlí, bó kplá yě yi ɖó Kebáa tɔ ɔ́ tó lɛ́ɛ mɛ; fínɛ́ wɛ un ɖe bo mɔ jǐnukúnsin hun, bɔ Mawu ɖe nǔ xlɛ́ mì.

Daniyɛ́li 1:17

Dɔ̌nkpɛvú ɛnɛ lɛ́ɛ ɔ́, Mawu ná yě nukúnnú-mɔjɛnǔmɛ, bó ná yě nǔtunwuntunwun, bɔ yě se gbe lɛ́ɛ, bó lɛ́ ɖó nǔnywɛ́. Daniyɛ́li ɔ́, éyɛ́ nɔ́ tín nǔmimɔ kpó dlɔ̌ lɛ́ɛ kpó mɛ.

Daniyɛ́li 10:2

“Hwenɛ́nu ɔ́, nyɛ Daniyɛ́li nɔ aluwɛ mɛ nú aklúnɔzángbla atɔn kpíkpé.

Daniyɛ́li 10:7

Nyi ɖokpó wɛ mɔ nǔ énɛ́ ɔ́. Mɛ e lɛ́ lɛ̌ dó mì lɛ́ɛ mɔ nǔ ɖěbǔ ǎ, có xɛsi ka jɛ yě bǐ jí, bɔ yě hɔn yi bɛ.

Daniyɛ́li 11:4

Hwenu e è nǎ ɖe e síin ɔ́, axɔ́súɖuto tɔn ná gba hánnyá, bó ná fúnfún gbɔn wɛ̌kɛ́zo ɛnɛ lɛ́ɛ bǐ mɛ. Vǐ tɔn ɖě ná jɛ tɛn tɔn mɛ ǎ. Mɛ ɖěvo ɖěvo lɛ́ɛ wɛ ná kpa acɛ dó axɔ́súɖuto ɔ́ nu, amɔ̌, acɛkpikpa yětɔn ná sɔ éyɛ́ tɔn ǎ.

Daniyɛ́li 7:1

Xwe e xwe axɔ́sú Babilɔ́nu tɔn Bɛlucasáa yi zinkpo jí ɔ́, Daniyɛ́li mlɔ ayǐ ɖo zan jí, bó kú dlɔ̌, bó mɔ nǔ tɛnmɛ tɛnmɛ ɖo amlɔ mɛ. Ée é yá ɔ́, é wlán dlɔ̌ e é kú ɔ́, bó xa nǔ tají tají e é mɔ ɖo amlɔ mɛ lɛ́ɛ.

Daniyɛ́li 7:15

“Nyɛ Daniyɛ́li ɔ́, ayi ce bǐ gbadó, bɔ nǔ e mɔ wɛ un ɖe lɛ́ɛ dó xɛsi nú mì.

Daniyɛ́li 7:28

“Dlɔ̌ ɔ́ fó dó fí. Amɔ̌, nyɛ Daniyɛ́li ɔ́, ayi ce nɔ ɖo hun xo xá mì wɛ, bɔ un blá wǔ bǐ, bó nɔ́ ɖo nǔ lin dó xó énɛ́ lɛ́ɛ wú wɛ ɖo gbɛmɛ.”

Daniyɛ́li 8:15

“Hwenu e nyɛ Daniyɛ́li ɖo nǔ e mɔ wɛ un ɖe ɔ́ kpɔ́n wɛ, bó ɖo nǔ e ɖɔ wɛ é ɖe ɔ́ ba ná tunwun wɛ ɔ́, un mɔ nǔ gbɛtɔ́ ɖɔhun ɖé wá nɔ te ɖo nukɔn ce,

Daniyɛ́li 8:2

Nǔ e un mɔ ɖo dlɔ̌ mɛ din ɔ́ ɖíe: Un mɔ nyiɖée ɖo to ɖaxó e è nɔ ylɔ́ ɖɔ Súzi ɔ́ mɛ, ɖo Elámu tokpɔn mɛ, bɔ un ɖo tɔ e è nɔ ylɔ́ ɖɔ Wuláyi ɔ́ tó.

Daniyɛ́li 9:2

nyɛ Daniyɛ́li xa wěma mímɛ́ lɛ́ɛ, bɔ xwe kanɖé gban (70) e è nǎ sɔ́ ɖó te dó hánnyá Jeluzalɛ́mu toxo ɔ́ ná, bɔ Mawu Mavɔmavɔ ɖɔ xó tɔn nú gbeyíɖɔ Jelemíi ɔ́, un mɔ nǔ jɛ mɛ.