Daniyɛ́li 7:9 - MAWUXÓWÉMA

⁹ Un kpó ɖo nǔ e mɔ wɛ un ɖe ɔ́ kpɔ́n wɛ, bó mɔ axɔ́súzinkpo ɖé lɛ́ɛ ɖo te, bɔ degénɔ kpikpoe ɖokpó wá jínjɔ́n ayǐ. Awu e é dó lɛ́ɛ wé lawé ɖɔhun. Đa e ɖo ta tɔn lɛ́ɛ cí fɛ́ɖɛ́fɛ́ɖɛ́ avɔkanfún ɖɔhun. Axɔ́súzinkpo tɔn nɔ́ kán zo bɔ afɔ tɔn lɛ́ɛ nɔ́ kɔ́n zo hɛhɛ ɖɔhun.

Daniyɛ́li 7:9 Iomraidhean Croise

1 Axɔ́sú 22:19

Micée ka ɖɔ n'i ɖɔ: “Se nǔ e Mawu Mavɔmavɔ ɖɔ ɔ́. Un mɔ Mawu Mavɔmavɔ ɖo ayǐjínjɔ́n ɖo axɔ́súzinkpo tɔn jí, bɔ mɛsɛntɔ́ sɛ́xwé tɔn lɛ́ɛ bǐ ɖo gɔ̌n tɔn. Mɛ hǎbǔ ɖo ɖisí tɔn xwé, bɔ hǎbǔ ɖo amyɔ tɔn xwé.

2 Tan 18:18

Micée ka ɖɔ n'i ɖɔ: “Se nǔ e Mawu Mavɔmavɔ ɖɔ ɔ́. Un mɔ Mawu Mavɔmavɔ ɖo ayǐjínjɔ́n ɖo axɔ́súzinkpo tɔn jí, bɔ mɛsɛntɔ́ sɛ́xwé tɔn lɛ́ɛ bǐ ɖo gɔ̌n tɔn. Mɛ hǎbǔ ɖo ɖisí tɔn xwé, bɔ mɛ hǎbǔ ɖo amyɔ tɔn xwé.

Ɖɛhan 45:8

A yǐ wǎn nú hwɛjijɔ, a gbɛ̌ wǎn nú nǔ nyanya; énɛ́ ɔ́ wɛ zɔ́n bɔ Mawu, Mawu towe kɔn ami dó ta nú we; awǎjijɛ sín ami wɛ é kɔn dó ta nú we, bó dó sɔ́ we ɖó vo ɖo hǎgbɛ́ towe lɛ́ɛ mɛ.

Ɖɛhan 90:2

Cóbónú só lɛ́ɛ ná jɔ ɔ́, cóbónú a nǎ ɖó ayǐkúngban ɔ́, bó ná ɖó gbɛ ɔ́, a ko nyí Mawu, bó ná nyí Mawu káká sɔ́yi.

Ɖɛhan 93:2

Mawu Mavɔmavɔ, axɔ́súɖuɖu towe ɖo te din ɔ́, é nyí mɛɖé hwenu xó ǎ; Mawu Mavɔmavɔ, sín do ɔ́, hwi wɛ tíin.

Ezayíi 6:1

Xwe e xwe axɔ́sú Oziyási zán kú ɔ́, un mɔ nǔ, bó mɔ Aklúnɔ ɖo ayǐjínjɔ́n axɔ́súzinkpo tɔn jí; axɔ́súzinkpo ɔ́ yi jǐ káká. Awu tɔn sín tó gɔ́ sinsɛnxɔ ɔ́.

Ezayíi 9:6

É ná gbló ada nú acɛkpikpa tɔn, bó ná bló bɔ fífá e má ná vɔ gbeɖé ǎ ɔ́ ná tíin. É ná jínjɔ́n axɔ́súzinkpo Davídi tɔn jí, bó ná kpa acɛ dó axɔ́súɖuto tɔn nu. É ná ɖó nǔ wa ɖó sɛ́nxwi jí ayǐ, bó ɖó hwɛjijɔ ayǐ dó sɔ́ axɔ́súɖuɖu tɔn jínjɔ́n ayǐ ganjí sín din káká sɔ́yi. Nǔ e Mawu Mavɔmavɔ Nǔbǐwúkpétɔ́ ɔ́ ná bló kpó wǎn yíyí tɔn ɖaxó ɔ́ kpó é nɛ́.

Jelemíi 49:38

Un ná hu Elámu xɔ́sú ɔ́ kpó gǎn Elámu tɔn lɛ́ɛ kpó, lobo ná zé axɔ́súzinkpo ce ɖ'ayǐ ɖo Elámu to ɔ́ mɛ dɔ̌n. Xó e nyɛ Mawu Mavɔmavɔ ɖɔ ɔ́ nɛ́.

Ezekiyɛ́li 1:26

È nɔ mɔ nǔɖé ɖo fínɛ́ axɔ́súzinkpo ɖɔhun, bɔ é cí awǐnnya xɔ akwɛ́ safíi wɛ è dǒ bló ɖɔhun. Nǔ gbɛtɔ́ ɖɔhun ɖé ɖo axɔ́súzinkpo ɔ́ jí ɖo aga dɔ̌n.

Daniyɛ́li 7:13

Un ɖo nǔ e mɔ wɛ un ɖe zǎn ɔ́ mɛ ɖo amlɔ mɛ ɔ́ kpɔ́n wɛ, bó mɔ nǔ gbɛtɔ́ ɖɔhun ɖé ɖo akpɔ́kpɔ́ mɛ jǎwe. É ɖidó degénɔ e nukɔn è kplá ɛ xwe ɔ́ gɔ́n.

Daniyɛ́li 7:22

Lo ɔ́, degénɔ kpikpoe ɔ́ wá, bó mɔ hwɛjijɔ nú togun mímɛ́ Mawu Ajalɔ̌nlɔn ɔ́ tɔn. Ée hwe ɔ́ nu wá su ɔ́, togun mímɛ́ ɔ́ wá yí axɔ́súɖuto ɔ́.

Micée 5:2

Énɛ́ ɔ́ wú wɛ Mawu Mavɔmavɔ ná jó togun tɔn dó nú kɛntɔ́ lɛ́ɛ káká jɛ hwenu e nyɔ̌nu e ɖo ajidonu ɔ́ ná ji vǐ dó é. Yě mɛ e ná kpo ɖo gbɛ ɖo kannumɔgbénu lɛ́ɛ ná lɛ́ kɔ wá gɔ́ nú Izlayɛ́li ví e kpo ɖo xwé lɛ́ɛ.

Xabakúku 1:12

Sín xóxó hwenu ɖokpóó ɔ́, hwi wɛ nyí Mawu Mavɔmavɔ, hwi wɛ nyí Mawu ce, Mawu mímɛ́ ce, Mawu Mavɔmavɔ ce. Áo! Mawu Mavɔmavɔ, a ɖǒ togun élɔ́ e nyí kɛntɔ́ mǐtɔn ɔ́ ayǐ, bɔ é ná nɔ ɖɔ hwɛ lě e a ba gbɔn é. Áo! Só ce, a sɔ́ ɛ bɔ é ná nɔ dɔn tó nú mɛ lě e a ba gbɔn é.

Matíe 17:2

Jezu húzú agbaza ɖo nukɔn yětɔn, bɔ nukún tɔn mɛ nɔ́ kɔ́n ɖi hwesivɔ́ ɖɔhun; bɔ awu tɔn lɛ́ɛ wé pépé.

Matíe 28:3

Wɛnsagun ɔ́ nɔ́ kɔ́n jǐkɛwun ɖɔhun; bɔ awu tɔn wé tété.

Maki 9:3

Bɔ awu e ɖo wǔtu tɔn ɔ́ jɛ kínkɔ́n jí, bó wé tété, bɔ mɛ ɖěbǔ ɖo ayǐkúngban jí fí bó ná bló bɔ é ná wé sɔ mɔ̌ ǎ.

Mɛsɛ́dó 2:30

Lo ɔ́, gbeyíɖɔ Mawu tɔn wɛ é nyí, bó ka tunwun ɖɔ Mawu dó akpá, bó xwlé nǔ d'é jí nú émí ɖɔ émí ná wá sɔ́ vǐvú émítɔn ɖokpó ɖó axɔ́súzinkpo émítɔn jí.

Mɛsɛ́dó 2:33

bɔ din e Mawu sɔ́ ɛ su, bó sɔ́ ɛ jínjɔ́n akpá, ɖo ɖisí tɔn xwé ɔ́, Mawu tɔ́ tɔn sɔ́ Yɛsinsɛn e sín akpá é dó nú mǐ ɔ́ jó n'i, bɔ é gba kɔn nyi mǐ jí; nǔ e mɔ wɛ mi ɖe, bó ɖo sise wɛ din ɔ́ nɛ́.

Filípunu 3:9

bó ná nɔ bǔ xá ɛ titewungbe; un sɔ́ nɔ́ lin ɖɔ tónú e un nɔ se nú sɛ́n ɔ́ wútu wɛ un nyí hwɛjijɔnɔ ɖo Mawu nukɔn ǎ; nǔɖiɖi e un ɖó nú Klísu ɔ́ wútu wɛ un nyí hwɛjijɔnɔ ɖo Mawu nukɔn. Un nyí hwɛjijɔnɔ ɖó Mawu ná mì hlɔ̌nhlɔ́n e é nɔ ná mɛ e ɖi nǔ nú Klísu lɛ́ɛ, bɔ yě ná sixú nyí hwɛjijɔnɔ é.

1 Timɔtée 6:16

É ɖokpónɔ géé wɛ má nɔ kú ǎ, bó ɖo wěziza e mɛɖé ma sixú sɛkpɔ́ ǎ é mɛ; mɛɖé mɔ ɛ kpɔ́n gbeɖé ǎ; mɛɖé ka sixú mɔ ɛ lɔ bo gbɔ ǎ. Susu kpódó hlɔ̌nhlɔ́n mavɔ mavɔ kpó ní nyí étɔn; amǐ!

1 Jǎan 1:5

Wɛn e mǐ se ɖo Jezu Klísu nu, bó ɖo dǐdó mi wɛ ɔ́ wɛ nyí ɖɔ Mawu nyí wěziza, bɔ zǐnflú ɖěbǔ ɖo wǔ tɔn ǎ.

Nǔɖexlɛ́mɛ 1:14

Ta tɔn kpó ɖa tɔn lɛ́ɛ kpó wé avɔkanfún abǐ lawé ɖɔhun; nukún tɔn lɛ́ɛ nɔ́ kán zo myɔ ɖɔhun.

Nǔɖexlɛ́mɛ 19:18

Mi wá ɖu axɔ́sú lɛ́ɛ sín lan; mi wá ɖu ahwangán lɛ́ɛ kpó asúká lɛ́ɛ kpó sín lan; mi wá ɖu sɔ́ lɛ́ɛ kpó sɔ́xátɔ́ lɛ́ɛ kpó sín lan; mi wá ɖu gbɛtɔ́ lɛ́ɛ bǐ sín lan; kannumɔ lɛ́ɛ kpó mɛ e ɖo yě ɖésúnɔ sí lɛ́ɛ kpó, mɛxó kpó yɔkpɔ́vú kpó sín lan.”

Nǔɖexlɛ́mɛ 20:4

Un mɔ axɔ́súzinkpo lɛ́ɛ: è nǎ acɛ mɛ e jínjɔ́n jí lɛ́ɛ, bɔ yě ná ɖɔ hwɛ. Mɛ e è gbo ta, ɖó yě jlá Mawuxó ɔ́, bó ɖe kúnnu nú Jezu wútu lɛ́ɛ ɔ́, un lɛ́ mɔ lǐndɔ̌n yětɔn. Yě sɛn kanlin ɔ́ ǎ; yě sɛn akpajlɛ́ tɔn ǎ, kanlin ɔ́ sín wuntun ka ɖo nukɔn nú yě ǎ; é ka lɛ́ ɖo alɔ nú yě ǎ. Mɛ énɛ́ lɛ́ɛ lɛ́ wá gbɛ, bó ɖu axɔ́sú xá Klísu nú xwe afatɔ́n (1.000).

Nǔɖexlɛ́mɛ 4:2

Tlóló ɔ́, Yɛ wá jǐ ce, bɔ un mɔ axɔ́súzinkpo ɖokpó ɖo sɛ́xwé, bɔ mɛ ɖokpó ɖo ayǐjínjɔ́n ɖo axɔ́súzinkpo énɛ́ jí.