Daniyɛ́li 7:8 - MAWUXÓWÉMA

⁸ Hwenu e un ɖo zo tɔn lɛ́ɛ kpɔ́n wɛ ɔ́, zo yɔ̌yɔ́ kpɛví ɖěvo lɛ́ jɛ wǔwú jí ɖó ɖě lɛ́ɛ tɛ́ntin, lobo zin zo xóxó lɛ́ɛ atɔn dɛ́. Zo yɔ̌yɔ́ ɔ́ ɖó gbɛtɔ́ nukún. É ɖó nu ɖokpó bɔ goyíyíxó nɔ́ ɖo tíntɔ́n sín mɛ wɛ.”

Daniyɛ́li 7:8 Iomraidhean Croise

Ɖɛhan 12:3

Mɛ ɖé sí te ɔ́, adingban jɛ́n é nɔ́ ɖó nú nɔzo tɔn, yě nɔ́ ɖo xó víví ɖɔ nú yěɖée wɛ, vo wɛ é ká ɖe ɖo xo yětɔn mɛ.

Daniyɛ́li 11:36

“Axɔ́sú ɔ́ ná nɔ́ wa nǔ lě e é jló e gbɔn é. É ná nɔ́ tɛ afɔ ayǐ, bó ná nɔ́ mɔ ɖɔ émí hú gǎn vodún lɛ́ɛ bǐ. É ja xó ɖɔ nú Mawu mawu lɛ́ɛ tɔn gbé ɔ́, é ná nɔ́ lin tamɛ kpɔ́n ǎ. Nǔ nǎ ɖo nyǐnyɔ́ n'i wɛ káká jɛ hwenu e xomɛsin Mawu tɔn ná wá é. Lo ɔ́, nǔ e Mawu ɖɔ ɔ́ jɛ́n ná jɛ.

Daniyɛ́li 7:19

Énɛ́ ɔ́ gúdo ɔ́, un kan nǔ byɔ́ dó kanlin ɛnɛgɔ́ ɔ́ wú, bó ná mɔ nukúnnú jɛ wǔ tɔn tawun, ɖó éyɛ́ gbɔn vo nú atɔn ɖě lɛ́ɛ. É dó xɛsi bɔ é vɛ́ jlɛ́. Aɖǔ tɔn lɛ́ɛ nyí gan, fɛn tɔn lɛ́ɛ nyí ganvɔ. Kanlin e é nɔ́ wlí lɛ́ɛ ɔ́, é nɔ ɖu ɖě, bó nɔ́ vúnvún ɖě, bó nɔ́ gbídí ée kpo lɛ́ɛ ɖó afɔ wú.

2 Tɛsalonikinu 2:4

É ná lɔn bónú gbɛtɔ́ lɛ́ɛ sɔ́ ná sɛn nǔ e yě nɔ sɛn lɛ́ɛ ɖě ǎ; yě ká sɔ́ ná sɛn nǔ e yě nɔ dó ɖó Mawu ná ɔ́ ɖě ǎ. É ná sɔ́ éɖée ɖó aga, nú nǔ énɛ́ lɛ́ɛ bǐ, bó ná hun káká yi byɔ́ sinsɛnxɔ Mawu tɔn mɛ, bó na jínjɔ́n ayǐ, lobo ná jlá ɖɔ émí nyí Mawu.

2 Timɔtée 3:2

Hwe énɛ́ nu ɔ́, gbɛtɔ́ lɛ́ɛ ná nɔ ba ɖɔ émítɔn jɛ́n ná nyɔ́; yě ná nɔ yí wǎn nú akwɛ́; yě ná nɔ mɔ yěɖée; yě ná nɔ́ yí go; yě ná nɔ́ nylá nu dó Mawu wú; yě ná nɔ́ vɛ́ tóli nú mɛjitɔ́ yětɔn lɛ́ɛ; yě ná nɔ dó alɔgúdokpɛ́ nú mɛ; yě ná nɔ ɖó sísí nú nǔ e nyí Mawu tɔn lɛ́ɛ ɖě ǎ.

2 Piyɛ́ɛ 2:18

Yě nɔ ɖo goyítɔ́ xó ɖɔ wɛ, bó nɔ ɖo xlonɔ xó ɖɔ wɛ; yě nɔ wlí mɛ e ma ko hɔn sín yě mɛ e ɖo ali bú wɛ lɛ́ɛ tɛ́ntin zinzin ǎ lɛ́ɛ dó mɔ mɛ; nǔblíblí wiwa sín jlǒ e yě ɖó ɖo gbɛtɔ́ nyínyí mɛ lɛ́ɛ wɛ yě nɔ́ dó wlí yě dó mɔ mɛ.

Judi 1:16

Mɛ énɛ́ lɛ́ɛ ɔ́, nǔɖé nɔ jɛ yětɔn jí gbeɖé ǎ; vo sa wɛ jɛ́n yě nɔ ɖe; yě nɔ zán gbɛ yětɔn lě e é jló yě gbɔn é; yě nɔ yí nu go, bó nɔ klɔ́ mɛ, bó ná dó mɔ nǔɖé yí ɖo mɛ sí.

Nǔɖexlɛ́mɛ 13:1

Énɛ́ ɔ́ gúdo ɔ́, un mɔ kanlin ɖé tɔ́n sín xu mɛ; é ɖó zo wǒ, bó ɖó ta tɛ́nwe; é xwe axɔ́súgbákún ɖokpó ɖokpó ɖó zo tɔn lɛ́ɛ ɖokpó ɖokpó jí; è wlǎn nu nylá dó Mawu wú sín nyǐkɔ dó ta tɔn lɛ́ɛ wú.

Nǔɖexlɛ́mɛ 9:7

Kle énɛ́ lɛ́ɛ cí sɔ́ e ɖo gbesisɔ mɛ, bó ná fun ahwan é ɖɔhun; nǔ axɔ́súgbákún e è sɔ́ siká dó bló ná é ɖɔhun ɖé lɛ́ɛ ɖo ta nú yě; nukún mɛ yětɔn lɛ́ɛ cí gbɛtɔ́ nukún mɛ ɖɔhun.

1 Samuwɛ́li 2:3

Mi ma nɔ yí nu go ó, mɛmasíxó ɖé ní má tɔ́n sín nu mitɔn mɛ ó: Mawu Mavɔmavɔ ɔ́, Mawu ɖé wɛ, bó tunwun nǔ bǐ, é wɛ nɔ ɖɔ hwɛ dó nǔ e gbɛtɔ́ lɛ́ɛ nɔ wa lɛ́ɛ bǐ.