Daniyɛ́li 7:7 - MAWUXÓWÉMA

⁷ Un lɛ́ ɖo nǔ e mɔ wɛ un ɖe ɖo zǎn mɛ ɔ́ kpɔ́n wɛ. Kanlin ɛnɛgɔ́ e un mɔ ɔ́ dó xɛsi bó hu ado. Hlɔ̌nhlɔ́n e ɖo wǔtu tɔn ɔ́ vɛ́ jlɛ́. Ganɖú ɖaxó ɖaxó wɛ ɖo nu tɔn mɛ bɔ é nɔ dó ɖu nǔ ná, bó nɔ́ zé dó vúnvún nǔ e é nɔ́ wlí lɛ́ɛ ná. É nɔ́ gbídí nǔ e é ma nɔ ɖu ǎ lɛ́ɛ ɖó afɔ wú. Kanlin énɛ́ ɔ́ gbɔn vo nú atɔn ɖě lɛ́ɛ sésé, bó lɛ́ ɖó zo wǒ.

Daniyɛ́li 7:7 Iomraidhean Croise

2 Samuwɛ́li 22:43

Un nɔ li yě kɔ́ ɖɔhun, un nɔ li yě kpɔ́ɖɔ́kpɔ́ɖɔ́, un nɔ gbídí yě babá e ɖo ali jí é ɖɔhun.

Jɔ̌bu 41:14

Kɔ tɔn mɛ wɛ hlɔ̌nhlɔ́n tɔn ɖe, mɛ bǐ nɔ́ hɔn ɖo nukɔn tɔn.

Ezekiyɛ́li 40:2

Mawu zé mì yi Izlayɛ́li ɖo nǔmimɔ mɛ; é sɔ́ mì yi ɖó só ɖé jí; só ɔ́ yi jǐ ɖésú; nǔ xɔ ɖɔhun ɖé lɛ́ɛ ɖo só ɔ́ sín ajaja e ɖo afɔligbé ɔ́ mɛ, toxo ɖé wɛ ɖo fínɛ́ ɖɔhun.

Daniyɛ́li 2:19

Énɛ́ ɔ́, Mawu ɖe nǔbúdo énɛ́ ɔ́ xlɛ́ Daniyɛ́li ɖo dlɔ̌ mɛ, bɔ Daniyɛ́li jɛ Mawu sɛ́xwé tɔn ɔ́ mlá jí,

Daniyɛ́li 7:13

Un ɖo nǔ e mɔ wɛ un ɖe zǎn ɔ́ mɛ ɖo amlɔ mɛ ɔ́ kpɔ́n wɛ, bó mɔ nǔ gbɛtɔ́ ɖɔhun ɖé ɖo akpɔ́kpɔ́ mɛ jǎwe. É ɖidó degénɔ e nukɔn è kplá ɛ xwe ɔ́ gɔ́n.

Daniyɛ́li 7:2

Nǔ e Daniyɛ́li wlán lɛ́ɛ ɖíe: “Zǎn mɛ ɔ́, un ɖo amlɔ mɛ, bó mɔ jɔhɔn jɛ nyinyi jí sín wɛ̌kɛ́zo ɛnɛ lɛ́ɛ mɛ, bó nɔ́ nyi dó xu ɖaxó ɔ́ jí.

Daniyɛ́li 8:10

Zo ɔ́ ɖi ga káká bó yi sɔ́ nǔ e ɖo gbɛ ɖo sɛ́xwé lɛ́ɛ bǐ, bɔ nǔ e ɖo dɔ̌n lɛ́ɛ akpá ɖě, kpó sunví lɛ́ɛ kpó wá jɛ kɔ́ mɛ, lobɔ é sɔ́ afɔ dó gbídí ná.

Daniyɛ́li 8:22

Hwenu e zo ɖaxó énɛ́ ɔ́ lɔ́ ɔ́, zo ɖěvo ɛnɛ wú ɖó tɛn tɔn mɛ. Énɛ́ xlɛ́ ɖɔ axɔ́súɖuto ɛnɛ ná jɛ axɔ́súɖuto e wá yi ɔ́ sín tɛnmɛ. Amɔ̌, axɔ́súɖuto énɛ́ lɛ́ɛ ná ɖó hlɔ̌nhlɔ́n sɔ ée yě wá ɖyɔ́ é ǎ.

Zakalíi 2:1

Un lɛ́ mɔ nǔ ɖěvo: un mɔ lanzo ɛnɛ.

Nǔɖexlɛ́mɛ 12:3

Xlɛ̌ ɖěvo lɛ́ tɔ́n ɖo jǐxwé: è mɔ kanlin baɖabaɖa ɖaxó vɔvɔ ɖé; è nɔ ylɔ́ kanlin ɔ́ ɖɔ Dlagɔ́ɔn; é ɖó ta tɛ́nwe, bó ɖó zo wǒ, bɔ axɔ́súgbákún ɖokpó ɖokpó ɖo ta tɔn ɖokpó ɖokpó jí.

Nǔɖexlɛ́mɛ 13:1

Énɛ́ ɔ́ gúdo ɔ́, un mɔ kanlin ɖé tɔ́n sín xu mɛ; é ɖó zo wǒ, bó ɖó ta tɛ́nwe; é xwe axɔ́súgbákún ɖokpó ɖokpó ɖó zo tɔn lɛ́ɛ ɖokpó ɖokpó jí; è wlǎn nu nylá dó Mawu wú sín nyǐkɔ dó ta tɔn lɛ́ɛ wú.

Nǔɖexlɛ́mɛ 17:12

“Zo wǒ e a mɔ lɛ́ɛ ɔ́, axɔ́sú wǒ wɛ yě nyí; yě ka ko jɛ axɔ́sú ɖu jí ǎ. Amɔ̌ è nǎ sɔ́ acɛkpikpa ɔ́ dó así nú yě, bɔ yě ná ɖu axɔ́sú xá kanlin ɔ́ nú ganxixo ɖokpó.

Nǔɖexlɛ́mɛ 17:7

Énɛ́ ɔ́, wɛnsagun ɔ́ ɖɔ nú mì ɖɔ: “Nɛ̌ ka gbɔn bɔ é kpácá we? Nǔ e nyɔ̌nu ɔ́ kpó kanlin e jí é jínjɔ́n, bɔ é ɖó ta tɛ́nwe, zo wǒ ɔ́ kpó nyí ɔ́, un ná tín nǔbúdo e ɖ'é mɛ ɔ́ mɛ nú we.

Nǔɖexlɛ́mɛ 17:8

Kanlin e a mɔ ɔ́ nɔ gbɛ ɖ'ayǐ; é ka sɔ́ ɖo gbɛ din ǎ; é ɖó ná tɔ́n sín do gɔngɔn ɔ́ mɛ, bó ka ná yi dɔn. Mɛ e ɖo ayǐkúngban jí bɔ è ma wlán nyǐkɔ yětɔn dó gbɛwéma ɔ́ mɛ sín bǐbɛ́mɛ gbɛ ɔ́ tɔn ǎ lɛ́ɛ wá mɔ kanlin ɔ́, é ná kpácá yě: nǔgbó ɔ́, kanlin ɔ́ ɖo gbɛ ɖ'ayǐ; é ka sɔ́ ɖo gbɛ din ǎ, é ná lɛ́ vɔ́ ɖe éɖée xlɛ́.