Daniyɛ́li 7:6 - MAWUXÓWÉMA

⁶ Ée un lɛ́ ɖo kpínkpɔ́n wɛ ɔ́, un mɔ kanlin ɖěvo bɔ é cí kpɔ ɖɔhun. É ɖó xɛ sín awa ɛnɛ ɖo nɛgbé, bó lɛ́ ɖó ta ɛnɛ. È ná ɛ acɛ bɔ é ná ɖu ɖo nǔ bǐ jí.

Daniyɛ́li 7:6 Iomraidhean Croise

Ezekiyɛ́li 17:3

A nǎ ɖɔ nú yě ɖɔ nyɛ Aklúnɔ Mavɔmavɔ wɛ dó lǒ ɔ́ nú yě. Lǒ ɔ́ ɖíe: ‘Gangan ɖaxó ɖé tíin; awa tɔn lɛ́ɛ d'agba ɖésú; é kɛ awa ɔ́, é nɔ́ gbló káká; fún tɔn sukpɔ́ káká bó ɖó hwɛkan tɛnmɛ tɛnmɛ. Gangan ɔ́ zɔn bó yi Libáan sókan mɛ, bó yi tɔ́ dó sɛ́dlutín ɖokpó sín ɖavínu wú,

Daniyɛ́li 10:20

É lɛ́ ɖɔ nú mì ɖɔ: ‘A tunwun nǔ e wú un wá gɔ̌n towe ɔ́ a? Din ɔ́, un ná yi fun ahwan xá Pɛ́sigán ɔ́; un ka yi ɔ́, Glɛ̌sigán ɔ́ ná wá.

Daniyɛ́li 2:39

Nú axɔ́súɖuto mɛtɔn wá yi ɔ́, axɔ́súɖuto ɖěvo ná wá; é ká ná ɖó acɛ sɔ mɛtɔn ǎ. Axɔ́súɖuto atɔngɔ́ ɔ́ ná wá, bó ná gba kpé ayǐkúngban ɔ́ bǐ jǐ. Axɔ́súɖuto énɛ́ ɔ́ wɛ ɖo ganvɔ ɔ́ nyí wɛ.

Daniyɛ́li 7:4

Kanlin nukɔntɔn ɔ́ cí kinnikínní ɖɔhun, bó ka ɖó gangan sín awa. Hwenu e un ɖo kpínkpɔ́n ɛ wɛ ɔ́, è sun awa tɔn lɛ́ɛ síin bó sɔ́ ɛ sí te ɖo afɔ tɔn gǔdo tɔn we lɛ́ɛ jí, bɔ é ɖo te gbɛtɔ́ ɖɔhun, bó ɖó gbɛtɔ́ sín ayi.

Daniyɛ́li 7:5

Kanlin wegɔ́ ɔ́ cí lɔnmɔ ɖɔhun. É ɖo tɔ́tɔ́, bɔ ajajaxú atɔn ɖo nu tɔn mɛ, bɔ é tɛ aɖǔ jí. È ná ɛ gbe ɖɔ é ní jlɔ́ bǐ bó yi ɖu lan gěgé.

Ozée 13:7

Énɛ́ ɔ́, un ná cí kinnikínní ɖɔhun nú mi, un ná cí kpɔ ɖɔhun nú mi. Un ná tɔwu nú mi, ɖo ali jí.

Nǔɖexlɛ́mɛ 13:2

Kanlin e un mɔ ɔ́ ɖi kpɔ; afɔ tɔn lɛ́ɛ ɖi lɔnmɔ sín afɔ; nu tɔn ɖi kinnikínní sín nu. Dlagɔ́ɔn ɔ́ sɔ́ hlɔ̌nhlɔ́n tɔn jó n'i, bó sɔ́ axɔ́súzinkpo tɔn kpódó acɛ tɔn ɖaxó ɔ́ kpó jó n'i.