Daniyɛ́li 7:5 - MAWUXÓWÉMA

⁵ Kanlin wegɔ́ ɔ́ cí lɔnmɔ ɖɔhun. É ɖo tɔ́tɔ́, bɔ ajajaxú atɔn ɖo nu tɔn mɛ, bɔ é tɛ aɖǔ jí. È ná ɛ gbe ɖɔ é ní jlɔ́ bǐ bó yi ɖu lan gěgé.

Daniyɛ́li 7:5 Iomraidhean Croise

2 Axɔ́sú 2:24

Bɔ Elizée lɛ́ kɔ kpɔ́n yě, bó dó nu yě ɖo Mawu Mavɔmavɔ nyíkɔ mɛ, bɔ lɔnmɔ we tɔ́n sín nǔkan mɛ, bó vúnvún mɛ kanɖé-nukún-we (42) ɖo yě mɛ.

Nǔnywɛ́xó 17:12

È yi kpé lɔnmɔ e ba vǐ tɔn kpo ɔ́, é nyɔ́ hú è yi kpé xlonɔ e ɖo xlohwɛ zɛ wɛ é.

Ezayíi 56:9

Mi gběkanlin lɛ́ɛ mi, mi bǐ ní wá, mi kanlin e ɖo zunkan mɛ lɛ́ɛ mi, mi wá ba nǔ ɖu.

Daniyɛ́li 11:2

Amɔ̌, din ɔ́, wɛn jɔ wɛn e ná dó we wɛ un ɖe ɔ́ ɖíe: “Axɔ́sú atɔn ná ɖu axɔ́sú ɖo Pɛ́si. Axɔ́sú ɛnɛgɔ́ e ná bɔ dó yě wu ɔ́ ná jɛ dɔkun hú axɔ́sú ɖě lɛ́ɛ. Hwenu e dɔkun tɔn lɛ́ɛ ná ná ɛ hlɔ̌nhlɔ́n, bɔ é ná kpa acɛ ganjí ɔ́, é ná wa nǔ bǐ bó ná tɔ́n ahwan axɔ́súɖuto Glɛ̌si tɔn.

Daniyɛ́li 2:39

Nú axɔ́súɖuto mɛtɔn wá yi ɔ́, axɔ́súɖuto ɖěvo ná wá; é ká ná ɖó acɛ sɔ mɛtɔn ǎ. Axɔ́súɖuto atɔngɔ́ ɔ́ ná wá, bó ná gba kpé ayǐkúngban ɔ́ bǐ jǐ. Axɔ́súɖuto énɛ́ ɔ́ wɛ ɖo ganvɔ ɔ́ nyí wɛ.

Daniyɛ́li 5:28

‘Palusíin’ ɔ́ sín tínmɛ nyí nǔmímá. É ɖo ɖiɖɔ ɖo fínɛ́ wɛ ɖɔ è mǎ axɔ́súɖuto ɔ́ nú Mɛdinu lɛ́ɛ kpó Pɛ́sinu lɛ́ɛ kpó.”

Daniyɛ́li 7:4

Kanlin nukɔntɔn ɔ́ cí kinnikínní ɖɔhun, bó ka ɖó gangan sín awa. Hwenu e un ɖo kpínkpɔ́n ɛ wɛ ɔ́, è sun awa tɔn lɛ́ɛ síin bó sɔ́ ɛ sí te ɖo afɔ tɔn gǔdo tɔn we lɛ́ɛ jí, bɔ é ɖo te gbɛtɔ́ ɖɔhun, bó ɖó gbɛtɔ́ sín ayi.

Daniyɛ́li 7:6

Ée un lɛ́ ɖo kpínkpɔ́n wɛ ɔ́, un mɔ kanlin ɖěvo bɔ é cí kpɔ ɖɔhun. É ɖó xɛ sín awa ɛnɛ ɖo nɛgbé, bó lɛ́ ɖó ta ɛnɛ. È ná ɛ acɛ bɔ é ná ɖu ɖo nǔ bǐ jí.

Ozée 13:8

Un ná zɔn mi jí lɔnmɔ e è zě vǐ tɔn é ɖɔhun, bó ná tlɛ́n akɔ́nnu mitɔn. Un ná vún mi lě e kinnikínní asi nɔ vún lan ɔ́ ɖɔhun. Gběkanlin lɛ́ɛ ná já mi.

Nǔɖexlɛ́mɛ 13:2

Kanlin e un mɔ ɔ́ ɖi kpɔ; afɔ tɔn lɛ́ɛ ɖi lɔnmɔ sín afɔ; nu tɔn ɖi kinnikínní sín nu. Dlagɔ́ɔn ɔ́ sɔ́ hlɔ̌nhlɔ́n tɔn jó n'i, bó sɔ́ axɔ́súzinkpo tɔn kpódó acɛ tɔn ɖaxó ɔ́ kpó jó n'i.