Daniyɛ́li 7:4 - MAWUXÓWÉMA

⁴ Kanlin nukɔntɔn ɔ́ cí kinnikínní ɖɔhun, bó ka ɖó gangan sín awa. Hwenu e un ɖo kpínkpɔ́n ɛ wɛ ɔ́, è sun awa tɔn lɛ́ɛ síin bó sɔ́ ɛ sí te ɖo afɔ tɔn gǔdo tɔn we lɛ́ɛ jí, bɔ é ɖo te gbɛtɔ́ ɖɔhun, bó ɖó gbɛtɔ́ sín ayi.

Daniyɛ́li 7:4 Iomraidhean Croise

2 Samuwɛ́li 1:23

Hwenu e Sawúlu kpó Jonatáan kpó ɖo gbɛ ɔ́, yě yí wǎn nú yěɖée ɖésú. Yě yí wǎn nú yěɖée káká bó zɔn kpɔ́ yi kú. Yě yá alɔ hú gangan, Yě kpan akɔ́n hú kinnikínní.

Jɔ̌bu 25:6

Ényí nǔ ɖo mɔ̌ ɔ́, gbɛtɔ́ tɔn sɔ́ nyí ɖiɖɔ ǎ. Gbɛtɔ́ ɔ́ wěvú kpowun wɛ.

Ɖɛhan 9:20

Mawu Mavɔmavɔ! Sí te, ma lɔn nú gbɛtɔ́ ní ɖu ɖ'é jí ó! Đɔ hwɛ xá akɔta e ma nɔ sɛn we ǎ lɛ́ɛ!

Jelemíi 25:38

É jó xwé tɔn dó, lě e kinnikínní ví nɔ́ jó nɔtɛn tɔn dó é ɖɔhun. Nǔ baɖabaɖa e ahwan dó sin ɔ́ zɔ́n bɔ to yětɔn húzú gbětótló, mɛɖé sɔ́ nɔ gbɔn fínɛ́ ǎ. Xomɛsin Mawu Mavɔmavɔ tɔn wɛ wa mɔ̌ xá yě.

Jelemíi 4:13

Bɔ togun ɔ́ ná ɖɔ: “Mi kpɔ́n! Kɛntɔ́ ɖíe jǎwe jǐ wɔ̌ ɖɔhun e! Ahwanhún tɔn lɛ́ɛ ɖo zǐngídi jí jǎwe jɔhɔn ɖaxó ɖɔhun! Sɔ́ tɔn lɛ́ɛ kplɔ́ jǎwe gangan xwe nǔ sá gbe ɖɔhun! Heelú! Gbɛ mǐtɔn vɔ lo!”

Jelemíi 4:7

Kinnikínní tɔ́n sín zun tɔn mɛ, mɛ e nɔ gblé gbɛ dó nú akɔta lɛ́ɛ e ko gosín fí e é nɔ́ nɔ é, é jǎwe, é ná wá vɔ to mitɔn. É ná gba toxo mitɔn lɛ́ɛ bǐ, mɛɖé sɔ́ ná kpo ɖo toxo lɛ́ɛ mɛ ǎ.

Jelemíi 48:40

Xó e Mawu Mavɔmavɔ ɖɔ é ɖíe: “Kɛntɔ́ zɔn gangan hɔ̌nsúhɔ́nsú ɖɔhun, bó kɛ awa ɖo Mɔwabu ta nu.

Jelemíi 49:19

Lě e kinnikínní nɔ yi wu ɖo zunkan mɛ ɖo Judɛ́ɛn tɔ ɔ́ tó nú kanlin e ɖo gběhan mɛ lɛ́ɛ, bó nɔ́ wlí ɖě, bɔ ée kpo lɛ́ɛ nɔ́ gbadó gbɔn ɔ́, mɔ̌ wɛ un ná fyán Edɔ́mu to ɔ́ kpó toxo tɔn lɛ́ɛ kpó. Un ná gba mɛ bǐ dó sín fínɛ́, ɖo nukúnxwixwe ɖokpó mɛ, bó ná zé mɛ e un sɔ́ ɔ́ ɖó Edɔ́mu to ɔ́ nu. Mɛ̌ ka ɖó acɛ nyɛ ɖɔhun? Nú un wa nǔɖé ɔ́, mɛ̌ ka sixú kan nǔ e wú un wa mɔ̌ ɔ́ byɔ́ mì? Gǎn tɛ́ sixú nɔ te nukɔn ce?

Gbɛvíhan 4:19

Mɛ e ɖo ya dó nú mǐ wɛ lɛ́ɛ yá afɔ hú gangan ɖo jǐxwé; yě ɖo nyinya mǐ wɛ gbɔn só ta, só ta, yě ɖǒ mɔ nú mǐ ɖo gbětótló mɛ.

Ezekiyɛ́li 17:3

A nǎ ɖɔ nú yě ɖɔ nyɛ Aklúnɔ Mavɔmavɔ wɛ dó lǒ ɔ́ nú yě. Lǒ ɔ́ ɖíe: ‘Gangan ɖaxó ɖé tíin; awa tɔn lɛ́ɛ d'agba ɖésú; é kɛ awa ɔ́, é nɔ́ gbló káká; fún tɔn sukpɔ́ káká bó ɖó hwɛkan tɛnmɛ tɛnmɛ. Gangan ɔ́ zɔn bó yi Libáan sókan mɛ, bó yi tɔ́ dó sɛ́dlutín ɖokpó sín ɖavínu wú,

Ezekiyɛ́li 28:2

“Hwɛ gbɛtɔ́ e, yi ɖɔ xó nú axɔ́sú Tíi tɔn; ɖɔ n'i ɖɔ xó e nyɛ Aklúnɔ Mavɔmavɔ ɖɔ sɛ́ dó e ɔ́ ɖíe: A yǐ go bo ɖɔ: ‘Nyɛ ɔ́, Mawu wɛ un nyí, bó jínjɔ́n axɔ́súzinkpo ce jí ɖo xu jí.’ Lo ɔ́, gbɛtɔ́ kpowun wɛ a nyǐ; a sixú sɔ́ hwiɖée jlɛ́ dó nyɛ wú ǎ. A nɔ sɔ́ linlin towe ɖó nyɛ Mawu sín linlin há jí.

Ezekiyɛ́li 28:9

Hwenu e a nǎ ɖo mɛ e ɖo nǎ hu we wɛ ɔ́ nukɔn ɔ́, a nǎ sixú lɛ́ glá ɖɔ émí nyí Mawu a? A nǎ sixú lɛ́ nyí Mawu ɖo mɛ e ɖo nǎ hu we wɛ lɛ́ɛ lɔ mɛ a? Éeǒ! Gbɛtɔ́ kpowun wɛ a nyǐ.

Daniyɛ́li 2:38

É sɔ́ gbɛtɔ́ kpó kanlin kpó, kpódó xɛ kpó ɖó acɛ mɛtɔn mɛ. Yě ɖo fí ɖěbǔ ɔ́, mɛ wɛ ɖo gǎn yětɔn nyí wɛ. Hǔn Sɛ́mɛɖó, mɛ wɛ nyí ta e è sɔ́ siká dó bló é.

Daniyɛ́li 7:12

Kanlin ɖě lɛ́ɛ e kpo ɔ́ sɔ́ ɖó acɛ ɖěbǔ ǎ. Amɔ̌, è to jó yě dó nyi gbɛ káká jɛ hwe ɖé nu.

Daniyɛ́li 7:5

Kanlin wegɔ́ ɔ́ cí lɔnmɔ ɖɔhun. É ɖo tɔ́tɔ́, bɔ ajajaxú atɔn ɖo nu tɔn mɛ, bɔ é tɛ aɖǔ jí. È ná ɛ gbe ɖɔ é ní jlɔ́ bǐ bó yi ɖu lan gěgé.

Matíe 24:28

Fí e nǔkúkú ɖe ɔ́, fínɛ́ wɛ aklasú lɛ́ɛ nɔ kplé ɖe.

Sɛ́nflínmɛ 28:49

Mawu Mavɔmavɔ ná sɛ́ akɔta ɖokpó dó mi sín zɔ vóéé, sín fí e gbɛ ɔ́ kponu ɖó é, bɔ mi ná se gbe e é nɔ́ dó ɔ́ ǎ; akɔta ɔ́ ná kplɔ́ bó wá zɔn mi jí lě e gangan nɔ sá nǔ gbɔn ɔ́.

Nǔɖexlɛ́mɛ 13:2

Kanlin e un mɔ ɔ́ ɖi kpɔ; afɔ tɔn lɛ́ɛ ɖi lɔnmɔ sín afɔ; nu tɔn ɖi kinnikínní sín nu. Dlagɔ́ɔn ɔ́ sɔ́ hlɔ̌nhlɔ́n tɔn jó n'i, bó sɔ́ axɔ́súzinkpo tɔn kpódó acɛ tɔn ɖaxó ɔ́ kpó jó n'i.