Daniyɛ́li 7:28 - MAWUXÓWÉMA

²⁸ “Dlɔ̌ ɔ́ fó dó fí. Amɔ̌, nyɛ Daniyɛ́li ɔ́, ayi ce nɔ ɖo hun xo xá mì wɛ, bɔ un blá wǔ bǐ, bó nɔ́ ɖo nǔ lin dó xó énɛ́ lɛ́ɛ wú wɛ ɖo gbɛmɛ.”

Daniyɛ́li 7:28 Iomraidhean Croise

Bǐbɛ́mɛ 37:10

Ée Jozɛ́fu ɖɔ dlɔ̌ e é kú ɔ́ nú tɔ́ tɔn kpó nɔví tɔn lɛ́ɛ kpó mɔ̌ ɔ́, tɔ́ tɔn bɛ́ adǎn dó jǐ tɔn, bó kanbyɔ́ ɛ ɖɔ: “Dlɔ̌ tɛ́ nyí dlɔ̌ énɛ́ ɔ́ bɔ a kú? Nyɛ kpó nɔ towe kpó nɔví towe lɛ́ɛ kpó ɔ́, mǐ ɖó ná yi do nú we ɖɔ wɛ a ɖe nɛ́ hǔn!”

Bǐbɛ́mɛ 37:11

Nɔví tɔn lɛ́ɛ nɔ́ hwan wǔ dó e. Tɔ́ tɔn ká hɛn nǔ nɛ́ ɔ́ e jɛ ɔ́ ayi mɛ.

Daniyɛ́li 10:16

Mɛ ɖěvo wá ɖó alɔ nu ce wú, bɔ nu ce hun, bɔ un lɛ́ jɛ xó ɖɔ jí. Un ɖɔ nú mɛ ɖěvo énɛ́ e ɖo nukɔn ce ɔ́ ɖɔ: ‘Sɛ́mɛɖó ce, nǔ e un mɔ ɔ́ dó adohu nú mì, bo tlú kanmɛ nú mì.

Daniyɛ́li 10:8

Nyɛ ɖokpó géé wɛ kpo ɖo nǔdábaɖa énɛ́ ɔ́ mɔ wɛ. Un ba hlɔ̌nhlɔ́n kpo. Nukún ce mɛ húzú bó tá myɔ, bɔ kanmɛ ce bǐ túntún.

Daniyɛ́li 11:27

Axɔ́sú Totaligbé tɔn ɔ́ kpó axɔ́sú tofɔligbé tɔn ɔ́ kpó ná kplé ɖo nǔɖuká ɖokpó ɔ́ kɔn. Amɔ̌, ée dǎkaxixo kpo ɖo ayi mɛ nú yě ɔ́, nǔvú jɛ́n yě ná ɖó nú yěɖée ɖo fínɛ́. Kplé yětɔn énɛ́ ɔ́ ná ɖó bɛ̌nu ɖé ǎ, ɖó hwenu e nǔ bǐ ná fó dó ɔ́ kó su ǎ.

Daniyɛ́li 12:13

Amɔ̌, hwɛ Daniyɛ́li ɔ́, nɔ gbejí káká yi fó. Énɛ́ ɔ́, a nǎ ɖó vivo, bó ná fɔ́n sí te, bó ná wá yí ajɔ towe ɖo vivɔnu.”

Daniyɛ́li 12:9

É yí gbe nú mì ɖɔ: “Daniyɛ́li, ado ma hu we ó. Xó énɛ́ ɖó ná nɔ hwlǎhwlá ganjí káká jɛ nǔ lɛ́ɛ sín vivɔ hwenu.

Daniyɛ́li 4:16

Daniyɛ́li e è nɔ ylɔ́ ɖɔ Bɛluticasáa ɔ́ cí cúɖúɖú nú nukúnxwixwe ywɛywɛ ɖé, ɖó ayi tɔn bǐ gbadó, bɔ axɔ́sú ɔ́ ɖɔ n'i ɖɔ: “Bɛluticasáa, ma nú dlɔ̌ énɛ́ ɔ́ kpó tínmɛ e é ɖó ɔ́ kpó ɖó adohu nú we ó.” Bɛluticasáa yí gbe nú axɔ́sú ɔ́ ɖɔ: “Sɛ́mɛɖó, dlɔ̌ e mɛ kú ɔ́ kpó tínmɛ tɔn kpó ɔ́, kɛntɔ́ mɛtɔn lɛ́ɛ wú ɖɔ xó dó wɛ bǐ ɖe.

Daniyɛ́li 4:19

Sɛ́mɛɖó, mɛ wɛ ɖo atín énɛ́ ɔ́ nyí wɛ. Đó mɛ ɖésú wá d'agba bó syɛ́n ɖésú, bɔ susu mɛtɔn hun káká yi jǐxwé, bɔ acɛkpikpa mɛtɔn gba kpé gbɛ ɔ́ bǐ mɛ.

Daniyɛ́li 5:6

Ée é mɔ mɔ̌ ɔ́, é dɔn nukún mɛ nyɔ, bɔ ayi tɔn bǐ gbadó, bɔ alin tɔn kɛwun, bɔ koligó tɔn lɛ́ɛ ɖě nɔ́ xo dó ɖě wú.

Daniyɛ́li 7:15

“Nyɛ Daniyɛ́li ɔ́, ayi ce bǐ gbadó, bɔ nǔ e mɔ wɛ un ɖe lɛ́ɛ dó xɛsi nú mì.

Daniyɛ́li 8:1

Hwenu e axɔ́sú Bɛlucasáa ɖo xwe atɔn bló wɛ ɖo zinkpo jí ɔ́, nyɛ Daniyɛ́li lɛ́ mɔ nǔ ɖěvo dó ée un ko mɔ ɖ'ayǐ ɔ́ gúdo.

Daniyɛ́li 8:17

Gabliyɛ́li jǎwe fí e un ɖe ɔ́, bɔ xɛsi jɛ jǐ ce, bɔ un xwe agbɔ̌nnusú do. Lo ɔ́, é ɖɔ nú mì ɖɔ: ‘Daniyɛ́li, ɖǒ tó; hwɛ ɔ́ gbɛtɔ́ wɛ a nyǐ, nǔ e mɔ wɛ a ka ɖe ɔ́, gbɛvivɔ wú ɖɔ xó dó wɛ é ɖe.’

Daniyɛ́li 8:19

bó ɖɔ nú mì ɖɔ: ‘Un ná ɖɔ nǔ e ná jɛ hwenu e è ɖǒ, bɔ xomɛsin Mawu tɔn ná fó ɔ́ nú we.

Daniyɛ́li 8:27

Énɛ́ ɔ́ gúdo ɔ́, nyɛ Daniyɛ́li ɔ́, un ba hlɔ̌nhlɔ́n kpo, lobo jɛ azɔn nú azǎn. Ée azɔn gbɔ nú mì ɔ́, un jɛ azɔ̌ e un nɔ wa nú axɔ́sú ɔ́ lɛ́ɛ wa jí. Nǔ e un mɔ ɔ́ kpó ɖo kpíkpácá mì wɛ, ɖó un ko mɔ nukúnnú jɛ mɛ ǎ.”

Maki 9:15

Ée mɛ lɛ́ɛ mɔ Jezu ɔ́, é kpácá yě tlala, bɔ yě xozǐn yi kpé e, bó dó gbe e.

Luki 2:19

Mali ka yí xó énɛ́ lɛ́ɛ bǐ hɛn dó ayi mɛ, bó nɔ́ ɖo tamɛ lin d'é wú wɛ.

Luki 2:51

É ka sí te, bó xwedó yě, bɔ yě wá yi Nazalɛ́ti; é nɔ́ se tónú nú yě. Nɔ tɔn ka hɛn nǔ e jɛ nɛ́ lɛ́ɛ bǐ ayi mɛ.

Luki 9:44

“Midɛɛ lɛ́ɛ ɔ́, mi ɖótó xó élɔ́ ganjí: è nǎ wá jó nyɛ Gbɛtɔ́ví ɔ́ nú mɛ lɛ́ɛ.”