Daniyɛ́li 7:27 - MAWUXÓWÉMA

²⁷ Axɔ́súɖuto e ɖo ayǐkúngban ɔ́ jí lɛ́ɛ bǐ sín axɔ́súɖuɖu kpó acɛkpikpa kpó, kpódó susu yětɔn kpó ná húzú togun mímɛ́ Mawu Ajalɔ̌nlɔn tɔn ɔ́ tɔn. Togun mímɛ́ ɔ́ ná ɖu axɔ́sú káká yi mavɔ mavɔ, bɔ hlɔ̌nhlɔ́n e ɖo gbɛ ɔ́ mɛ lɛ́ɛ bǐ ná nɔ acɛ tɔn mɛ, bó ná nɔ́ se tónú n'i, bó ná nɔ́ sɛn ɛ.’

Daniyɛ́li 7:27 Iomraidhean Croise

Ɖɛhan 145:13

Axɔ́súɖuɖu towe ɔ́, axɔ́súɖuɖu mavɔ mavɔ wɛ, bɔ gǎnhúnǔ towe ɖo te káká sɔ́yi.

Ɖɛhan 22:27

Mɛ e nɔ zé yěɖée hwe lɛ́ɛ, ná ɖu nǔ gɔ́ xo. Mɛ e jó yěɖée nú Mawu Mavɔmavɔ lɛ́ɛ ná kpa susu n'i. Yě ná dɔ́ ji!

Ɖɛhan 72:11

Axɔ́sú lɛ́ɛ bǐ ná jɛ kpo bo ɖe kɔ́ n'i. Akɔta lɛ́ɛ bǐ ná nyí mɛsɛntɔ́ tɔn.

Ɖɛhan 86:9

Aklúnɔ, akɔta e a blǒ lɛ́ɛ bǐ nǎ wá ɖe kɔ́ nú we, bǐ nǎ kpa susu nú nyǐkɔ towe.

Ezayíi 14:2

Togun ɖěvo lɛ́ɛ ná dó alɔ yě, bó ná kplá yě wá Izlayɛ́li, to yětɔn mɛ. Yě ná nyí kannumɔ yětɔn súnnu, nyɔ̌nu, ɖo Mawu Mavɔmavɔ sín ayǐkúngban jí fínɛ́. Énɛ́ ɔ́, mɛ e Izlayɛ́li ko nyí gantɔ́ ná ɖ'ayǐ lɛ́ɛ ná húzú gantɔ́ tɔn. É ná nyí gǎn nú mɛ e ko kpa acɛ n'i ɖ'ayǐ lɛ́ɛ.

Ezayíi 54:3

Đó a nǎ gbló ada yi ɖisí amyɔ; vǐ towe lɛ́ɛ ná yí to e ɖo akpá towe lɛ́ɛ. Yě ná gba kpé toxo towe e mɛ mɛɖé má sɔ́ ɖe ǎ lɛ́ɛ mɛ.

Ezayíi 9:7

Aklúnɔ ɖɔ xó dó Jakɔ́bu ví lɛ́ɛ wú; xó e é ɖɔ ɔ́ jɛ dó axɔ́súɖuto Izlayɛ́li tɔn ɔ́ jí.

Daniyɛ́li 2:44

Axɔ́sú énɛ́ lɛ́ɛ sín hwenu ɔ́, Mawu sɛ́xwé tɔn ná ɖe axɔ́súɖuto e mɛɖé má sixú gba ǎ é ɖokpó tɔ́n. Acɛkpikpa tɔn ná jɛ akɔta ɖěvo sí gbeɖé ǎ. Axɔ́súɖuto énɛ́ ɔ́ ná gba axɔ́súɖuto e ko ɖo ayǐ lɛ́ɛ bǐ, bó ná hu acɛ nú yě, bɔ yě sɔ́ ná tíin nyǐ ǎ. Lo ɔ́, éyɛ́ ná nɔ te káká sɔ́yi.

Daniyɛ́li 4:34

Énɛ́ wú wɛ nyɛ axɔ́sú Nabukodonɔzɔ́ɔ ɖo Mawu jǐxwé tɔn ɔ́ mlá wɛ din, bó ɖo sísɔ́ ɛ su wɛ, bó ɖo susu kpa n'i wɛ. Nǔ e é bló é bǐ wɛ sɔgbe, nǔ e é wa lɛ́ɛ bǐ wɛ nyɔ́. É lɛ́ ɖó acɛ e ná sɔ́ mɛ e ɖo afɔ tɛ ayǐ wɛ lɛ́ɛ hwe é lɔ.”

Daniyɛ́li 6:26

Ée axɔ́sú Daliwúsi bló mɔ̌ ɔ́, é wlán sɛ́ dó togun lɛ́ɛ bǐ, akɔta lɛ́ɛ bǐ kpó mɛ e nɔ dó gbe alɔkpa alɔkpa ɖo gbɛ ɔ́ mɛ lɛ́ɛ kpó ɖɔ: “Fífá ní nɔ kpɔ́ xá mi bó túnflá!

Daniyɛ́li 7:14

È ná ɛ acɛkpikpa kpó susu kpó, kpódó axɔ́súɖuɖu kpó, bónú togun lɛ́ɛ, akɔta lɛ́ɛ kpódó gbɛtɔ́ e nɔ dó gbe alɔkpa alɔkpa lɛ́ɛ kpó bǐ ná sɛn ɛ. Acɛkpikpa tɔn nyí acɛkpikpa ɖé, bó ná nɔ ayǐ káká sɔ́yi; é ná ɖó vivɔnu ǎ, mɛɖé ká ná sixú gba axɔ́súɖuto tɔn gbeɖé ǎ.

Daniyɛ́li 7:18

Axɔ́sú ɛnɛ énɛ́ lɛ́ɛ wá yi ɔ́, togun mímɛ́ Mawu Ajalɔ̌nlɔn ɔ́ tɔn ná wá ɖu axɔ́sú, bó ná nɔ axɔ́súɖuto ɔ́ nu káká yi mavɔ mavɔ.’

Daniyɛ́li 7:22

Lo ɔ́, degénɔ kpikpoe ɔ́ wá, bó mɔ hwɛjijɔ nú togun mímɛ́ Mawu Ajalɔ̌nlɔn ɔ́ tɔn. Ée hwe ɔ́ nu wá su ɔ́, togun mímɛ́ ɔ́ wá yí axɔ́súɖuto ɔ́.

Abudiyási 1:21

Yě ná ɖu ɖ'é jí, bó ná byɔ́ Jeluzalɛ́mu toxo ɔ́ mɛ, bó ná kpa acɛ nú Edɔ́munu lɛ́ɛ. Axɔ́súɖuɖu ɔ́ ná nyí Mawu Mavɔmavɔ tɔn.

Zakalíi 14:9

Hwenɛ́nu ɔ́, Mawu Mavɔmavɔ ná nyí ayǐkúngban ɔ́ bǐ sín axɔ́sú. Mawu Mavɔmavɔ ɖokpónɔ géé wɛ è nǎ nɔ́ sɛn, nyǐkɔ tɔn ɖokpónɔ géé wɛ gbɛtɔ́ lɛ́ɛ bǐ ná nɔ́ ylɔ́.

Luki 1:33

É ná ɖu axɔ́sú ɖo Izlayɛ́li ví lɛ́ɛ nu káká sɔ́yi, bɔ axɔ́súɖuɖu tɔn ná vɔ gbeɖé ǎ.”

Jǎan 12:34

Mɛ lɛ́ɛ ka yí gbe n'i ɖɔ: “Mǐ xa ɖo Mawuxówéma ɔ́ mɛ ɖɔ Klísu ɔ́ kún ná kú gbeɖé ó, bɔ hwɛ ka ɖo ɖiɖɔ nú mǐ wɛ din ɖɔ è nǎ sɔ́ Gbɛtɔ́ví ɔ́ dó jǐ. Mɛ̌ ká nyí Gbɛtɔ́ví énɛ́?”

1 Kɔlɛ́ntinu 15:24

Klísu ná gblé gbɛ dó nú gǎn lɛ́ɛ bǐ, bó ná gbídí acɛkpikpa lɛ́ɛ bǐ kpó hlɔ̌nhlɔ́n e ɖo yɛswímɛ lɛ́ɛ bǐ kpó, bó ná sɔ́ axɔ́súɖuɖu ɔ́ dó alɔ mɛ nú Mawu Tɔ́ ɔ́. Énɛ́ ɔ́ gúdo ɔ́, gbɛ ná vɔ.

Nǔɖexlɛ́mɛ 11:1

Énɛ́ ɔ́ gúdo ɔ́, è sɔ́ fántín bǎ ɖɔhun ɖokpó dó así nú mì bó ɖɔ: “Yi jlɛ́ sinsɛnxɔ Mawu tɔn kpódó vɔ̌sákpe ɔ́ kpó, bó xa mɛ e ɖo Mawu sɛn wɛ ɖo sinsɛnxɔ ɔ́ mɛ lɛ́ɛ.

Nǔɖexlɛ́mɛ 11:15

Énɛ́ ɔ́ gúdo ɔ́, wɛnsagun Mawu tɔn tɛ́nwegɔ́ ɔ́ kún kpɛn, bɔ gbe ɖaxó ɖé lɛ́ɛ ɖi ɖo jǐxwé bó ɖɔ: “Axɔ́súɖuɖu gbɛ ɔ́ tɔn nyí Aklúnɔ mǐtɔn kpó Klísu tɔn kpán tɔn lo! Bɔ é ná ɖu axɔ́sú káká sɔ́yi.”

Nǔɖexlɛ́mɛ 17:14

Yě ná fun ahwan xá Lɛ̌ngbɔ́ví ɔ́. Lɛ̌ngbɔ́ví ɔ́ ka ná ɖu ɖo yě jǐ; ɖó é wɛ nyí Aklúnɔ aklúnɔ lɛ́ɛ tɔn; Axɔ́sú axɔ́sú lɛ́ɛ tɔn; é ná ɖu ɖo yě jǐ, é kpó mɛ e ɖo kpɔ́ xá ɛ lɛ́ɛ kpó; mɛ e è ylɔ̌ bó cyán bɔ yě nɔ gbejí n'i lɛ́ɛ.”

Nǔɖexlɛ́mɛ 19:16

È wlǎn nyǐkɔ ɖé dó awu tɔn kpó asá tɔn kpó wú; è wlǎn ɖɔ: “Axɔ́sú axɔ́sú lɛ́ɛ tɔn; Aklúnɔ aklúnɔ lɛ́ɛ tɔn.”

Nǔɖexlɛ́mɛ 20:4

Un mɔ axɔ́súzinkpo lɛ́ɛ: è nǎ acɛ mɛ e jínjɔ́n jí lɛ́ɛ, bɔ yě ná ɖɔ hwɛ. Mɛ e è gbo ta, ɖó yě jlá Mawuxó ɔ́, bó ɖe kúnnu nú Jezu wútu lɛ́ɛ ɔ́, un lɛ́ mɔ lǐndɔ̌n yětɔn. Yě sɛn kanlin ɔ́ ǎ; yě sɛn akpajlɛ́ tɔn ǎ, kanlin ɔ́ sín wuntun ka ɖo nukɔn nú yě ǎ; é ka lɛ́ ɖo alɔ nú yě ǎ. Mɛ énɛ́ lɛ́ɛ lɛ́ wá gbɛ, bó ɖu axɔ́sú xá Klísu nú xwe afatɔ́n (1.000).

Nǔɖexlɛ́mɛ 22:5

Zǎn sɔ́ ná nɔ kú ǎ; yě sɔ́ ná ba wěziza zogbɛ́n tɔn ǎ; yě ka sɔ́ ná ba wěziza hwe tɔn ǎ, ɖó Aklúnɔ Mawu ná gba wěziza tɔn kɔn nyi yě jí, bɔ yě ná ɖu axɔ́sú káká sɔ́yi.