Daniyɛ́li 7:25 - MAWUXÓWÉMA

²⁵ É ná nylá nu dó Mawu Ajalɔ̌nlɔn ɔ́ wú, bó ná nɔ dó ya nú togun mímɛ́ ɔ́. É ná lin ná húzú togun mímɛ́ ɔ́ sín tito lɛ́ɛ, kpódó sɛ́n tɔn lɛ́ɛ kpó; togun mímɛ́ ɔ́ ná nɔ acɛ tɔn mɛ nú xwe atɔn adaɖé.

Daniyɛ́li 7:25 Iomraidhean Croise

Ezayíi 37:23

Senakelíbu, mɛ̌ wɛ a zun? Mɛ̌ wɛ a ba hǎ? Mɛ̌ wɛ a wa adǎn dó ta ná? Mɛ̌ wɛ a kpɔ́n wunvɔ? Nyɛ Mawu, mɛ mímɛ́ Izlayɛ́li tɔn ɔ́ wɛ a?

Daniyɛ́li 11:28

Axɔ́sú Totaligbé tɔn ɔ́ ná lɛ́ kɔ yi to tɔn mɛ kpó dɔkun gěgé kpó. Ée é ná lɛ́ kɔ wá xwe xwé ɔ́, é ná tɔ́n ahwan togun e è jɛ akɔ mímɛ́ xá lɛ́ɛ ɖokpó, lě e é ko to gbɔn ɖ'ayǐ é, bó ná ɖidó to tɔn mɛ.

Daniyɛ́li 12:7

Nya e dó lɛ̌ɛnkanvɔ ɔ́ dlɛ́n alɔ tɔn we lɛ́ɛ dó jǐxwé, bɔ un se bɔ é ɖɔ: “Un xwlé Mawu e ɖo gbɛ káká sɔ́yi ɔ́ sín nyǐkɔ ɖɔ nǔ énɛ́ lɛ́ɛ ná jɛ káká nú xwe atɔn adaɖé. Nǔ énɛ́ lɛ́ɛ ná fó hwenu e togun Mawu tɔn ɔ́ sín acɛkpikpa ná gba hánnyá bǐ é.”

Daniyɛ́li 2:21

É wɛ nɔ́ húzú hwenu lɛ́ɛ. É wɛ nɔ́ húzú nǔ e ɖo jijɛ wɛ lɛ́ɛ. É wɛ nɔ́ ɖe axɔ́sú sín gǎnzinkpo jí. É wɛ nɔ́ zé mɛ axɔ́sú. É wɛ nɔ́ ná nǔnywɛ́ nǔnywɛ́tɔ́ lɛ́ɛ. É wɛ nɔ́ ná nukúnnú-mɔjɛnǔmɛ nukúnnú-mɔjɛnǔmɛtɔ́ lɛ́ɛ.

Daniyɛ́li 3:26

Axɔ́sú Nabukodonɔzɔ́ɔ ka sɛkpɔ́ myɔkpó ɔ́, bó sú xó bó ɖɔ: “Cadlaki! Mɛcáki! Abɛ́di-Nɛgó! Mɛsɛntɔ́ Mawu Ajalɔ̌nlɔn tɔn lɛ́ɛ e mi! Mi tɔ́n bó wá!” Tlóló tɛn tɔn mɛ ɔ́, Cadlaki kpó Mɛcáki kpó, kpódó Abɛ́di-Nɛgó kpó tɔ́n sín myɔkpó ɔ́ mɛ.

Daniyɛ́li 4:17

Mɛ mɔ atín syɛ́nsyɛ́n ɖaxó ɖokpó, bɔ ala tɔn lɛ́ɛ ɖi ga káká yi sɔ́ jǐnukúnsin, bɔ gbɛ ɔ́ bǐ nɔ́ mɔ.

Daniyɛ́li 4:2

É wá su zǎn mɛ gbe ɖokpó, bɔ un ɖo ayǐmlɔ́mlɔ́ ɖo adɔ̌zan ce jí, lobo kú dlɔ̌ ɖokpó, bɔ é ɖó adohu nú mì. Nǔ e un mɔ ɖo dlɔ̌ ɔ́ mɛ ɔ́ dó xɛsi nú mì.

Daniyɛ́li 4:25

Nǔ e ɖo nǎ jɛ wɛ bɔ è ɖɔ nú axɔ́sú Nabukodonɔzɔ́ɔ lɛ́ɛ bǐ jɛ.

Daniyɛ́li 4:32

Lě do gbɛtɔ́ sukpɔ́ ɖo ayǐkúngban jí sɔ é nɛ́, có yě mɛ ɖěbǔ ká nyí nǔ ɖěbǔ ɖo nukɔn tɔn ǎ. Nǔɖíɖó sɛ́xwé tɔn lɛ́ɛ kpó gbɛtɔ́ lɛ́ɛ kpó ɔ́, nǔ e jló e ɔ́ wɛ é nɔ́ sɔ́ yě dó wa. É ja nǔɖé wa gbé ɔ́, mɛɖé nɔ́ sixú gbɛ́ ǎ, mɛɖé ka nɔ́ sixú kɛ nu dó nǔ e é wa ɔ́ wu n'i ǎ.

Daniyɛ́li 7:18

Axɔ́sú ɛnɛ énɛ́ lɛ́ɛ wá yi ɔ́, togun mímɛ́ Mawu Ajalɔ̌nlɔn ɔ́ tɔn ná wá ɖu axɔ́sú, bó ná nɔ axɔ́súɖuto ɔ́ nu káká yi mavɔ mavɔ.’

Daniyɛ́li 7:20

Un lɛ́ kan nǔ byɔ́ dó zo wǒ e ɖo ta tɔn lɛ́ɛ wú, bó lɛ́ ba do nú zo e jɛ wǔwú jí, bó zin zo ɖěvo atɔn dɛ́ é. Zo énɛ́ ɔ́ e wú ɔ́ ɖó nukún, bó ɖó nu, bɔ goyíyíxó kɛ́ɖɛ́ jɛ́n nɔ́ tɔ́n sín mɛ. Zo énɛ́ kló hú zo ɖě lɛ́ɛ.

Daniyɛ́li 7:8

Hwenu e un ɖo zo tɔn lɛ́ɛ kpɔ́n wɛ ɔ́, zo yɔ̌yɔ́ kpɛví ɖěvo lɛ́ jɛ wǔwú jí ɖó ɖě lɛ́ɛ tɛ́ntin, lobo zin zo xóxó lɛ́ɛ atɔn dɛ́. Zo yɔ̌yɔ́ ɔ́ ɖó gbɛtɔ́ nukún. É ɖó nu ɖokpó bɔ goyíyíxó nɔ́ ɖo tíntɔ́n sín mɛ wɛ.”

Daniyɛ́li 8:11

Zo ɔ́ zɔn mɔ̌ káká yi sɔ́ gǎn e kpa acɛ dó nǔɖogbɛ e ɖo sɛ́xwé lɛ́ɛ nu é, lobo ɖó vɔ̌ e è nɔ sá n'i ayǐhɔ́ngbe ayǐhɔ́ngbe lɛ́ɛ é te, lobo lɛ́ ɖu su nú fí e goxɔ tɔn ɖe é.

Daniyɛ́li 8:14

Wɛnsagun nukɔntɔn ɔ́ yí gbe n'i ɖɔ: ‘Kéze afatɔ́n kantɔn gban (1.150) kpó zǎn afatɔ́n kantɔn gban (1.150) kpó ná to wá yi hwɛ̌. Énɛ́ ɔ́ gúdo ɔ́, è nǎ lɛ́ slá wǔ nú goxɔ ɔ́.’ ”

Daniyɛ́li 8:9

Zo yɔ̌yɔ́ ɖokpó wú ɖo zo kpɛví e ɖo zo ɛnɛ lɛ́ɛ mɛ ɔ́ wú. Zo ɔ́ ɖo ga ɖi wɛ tunta tofɔligbé zǎnzǎnhwe jí, kpó to e nyɔ́ ɖɛkpɛ hú to lɛ́ɛ bǐ ɔ́ kpó.

Daniyɛ́li 9:27

Xwe tɛ́nwe gúdo tɔn lɛ́ɛ mɛ ɔ́, Mawu ná ɖó azɔ̌ syɛ́nsyɛ́n kɔ jí nú mɛ gěgé, bɔ yě ɖó ná wa dandan. Yě bló xwe atɔn adaɖé ɖo xwe tɛ́nwe énɛ́ lɛ́ɛ mɛ ɔ́, è nǎ ɖó vɔ̌sísá kpó nǔníná kpó lɔ bǐ te. Nǔhɛngblétɔ́ énɛ́ ɔ́ ná yá wǔ bló nǔ baɖabaɖa lɛ́ɛ lě e é jló e gbɔn é káká jɛ hwenu e è ɖǒ, bɔ éyɛ́ tɔn ná fó dó é.’ ”

Ozée 7:16

Nyɛ Mawu Ajalɔ̌nlɔn ɔ́ gɔ́n wɛ yě lɛ́ kɔ wá ǎ. Yě cí da e má ɖo ganjí ǎ ɖɔhun. Gǎn yětɔn lɛ́ɛ ná cí ahwan, ɖó mɛ ma sí xó e nɔ́ tɔ́n sín nu yětɔn mɛ lɛ́ɛ wú. Nǔ e ná zɔ́n bɔ yě ná nyí nǔkiko ɖo Ejípu é nɛ́.”

2 Tɛsalonikinu 2:3

Mi ma lɔn nú mɛɖé blɛ́ mi gbɔn alɔkpa ɖěbǔ mɛ ó, ɖó azǎn énɛ́ ná ko wá cóbɔ gǔfínfɔ́n gǔdo gúdo tɔn ɔ́ na wá yi ǎ; é ná ko wá cóbɔ Mɛdídá e sín kún è nǎ sú dó ɔ́ ná tɔ́n jɛ wěxo ǎ.

2 Tɛsalonikinu 2:4

É ná lɔn bónú gbɛtɔ́ lɛ́ɛ sɔ́ ná sɛn nǔ e yě nɔ sɛn lɛ́ɛ ɖě ǎ; yě ká sɔ́ ná sɛn nǔ e yě nɔ dó ɖó Mawu ná ɔ́ ɖě ǎ. É ná sɔ́ éɖée ɖó aga, nú nǔ énɛ́ lɛ́ɛ bǐ, bó ná hun káká yi byɔ́ sinsɛnxɔ Mawu tɔn mɛ, bó na jínjɔ́n ayǐ, lobo ná jlá ɖɔ émí nyí Mawu.

2 Tɛsalonikinu 2:8

Hwenɛ́nu ɔ́, Mɛdídá ɔ́ ná tɔ́n, bɔ Aklúnɔ Jezu ná zé funfún e nɔ́ tɔ́n sín nu tɔn mɛ ɔ́ dó hu i, lobo ná sɔ́ wǐwá tɔn sín kínkɔ́n dó vívá kún tɔn.

Nǔɖexlɛ́mɛ 12:14

Lo ɔ́, è nǎ gangan ɖaxó sín awa we nyɔ̌nu ɔ́, bónú é ná zɔn yi tɛn tɔn mɛ ɖo gbětótló mɛ, fí e è nǎ ná ɛ nǔɖuɖu ɖe xɔ xwe atɔn adaɖé é; fí e dan ɔ́ ma ná wlí i ɖe ǎ é.

Nǔɖexlɛ́mɛ 12:6

bɔ nyɔ̌nu ɔ́ hɔn yi gbětótló mɛ, fí e Mawu ko bló tɛnmɛ ɖó ɖ'ayǐ n'i ɖe é, bónú è nǎ ná nǔɖuɖu i xɔ azǎn afatɔ́n afɔɖé kanɖé ko (1.260) .

Nǔɖexlɛ́mɛ 14:12

Nǔ e wú é byɔ́ ɖɔ mɛɖeɖóvo Mawu tɔn e nɔ xwedó Mawusɛ́n lɛ́ɛ, bó ɖó nǔɖiɖi nú Jezu lɛ́ɛ ɖó ná dɛ ɔ́ nɛ́.

Nǔɖexlɛ́mɛ 16:6

Nǔgbó ɔ́, yě kɔn mɛɖeɖóvo Mawu tɔn lɛ́ɛ kpó gbeyíɖɔ lɛ́ɛ kpó sín hun nyi ayǐ, bɔ din ɔ́, a nǎ kanjɔ yě, bɔ yě nu. Nǔ e jɛ xá yě ɔ́ nɛ́!”

Nǔɖexlɛ́mɛ 17:6

Un mɔ ɖɔ mɛɖeɖóvo Mawu tɔn lɛ́ɛ kpódó kúnnuɖetɔ́ Jezu tɔn e è hu lɛ́ɛ kpó sín hun mú nyɔ̌nu ɔ́. Ée un mɔ nyɔ̌nu ɔ́, é kpácá mì ɖésú.

Nǔɖexlɛ́mɛ 18:24

È dɔn tó nú Babilɔ́nu, ɖó è mɔ gbeyíɖɔ lɛ́ɛ kpó mɛɖeɖóvo Mawu tɔn lɛ́ɛ kpó, kpódó mɛ e è hu ɖo ayǐkúngban jí lɛ́ɛ bǐ kpán sín hun ɖo agblo tɔn mɛ.