Daniyɛ́li 7:22 - MAWUXÓWÉMA

²² Lo ɔ́, degénɔ kpikpoe ɔ́ wá, bó mɔ hwɛjijɔ nú togun mímɛ́ Mawu Ajalɔ̌nlɔn ɔ́ tɔn. Ée hwe ɔ́ nu wá su ɔ́, togun mímɛ́ ɔ́ wá yí axɔ́súɖuto ɔ́.

Daniyɛ́li 7:22 Iomraidhean Croise

Ɖɛhan 149:5

Mɛ e nɔ sɛn Mawu lɛ́ɛ ní ɖu xwe bó kpa susu n'i; yě ná bó ɖo adɔ̌zan yětɔn jí hǔn, yě ní sú xó kpó awǎjijɛ kpó.

Ezayíi 63:4

Un ko tunwun dó ayi ce mɛ ɖɔ un ná ba hlɔn nú togun ce gbe ɖokpó; azǎn ɔ́ wɛ kpé. Xwe e xwe un ná hwlɛ́n togun ce gán ɔ́ wɛ su.

Daniyɛ́li 7:18

Axɔ́sú ɛnɛ énɛ́ lɛ́ɛ wá yi ɔ́, togun mímɛ́ Mawu Ajalɔ̌nlɔn ɔ́ tɔn ná wá ɖu axɔ́sú, bó ná nɔ axɔ́súɖuto ɔ́ nu káká yi mavɔ mavɔ.’

Daniyɛ́li 7:23

“Tínmɛ e é ná mì dó kanlin ɛnɛgɔ́ ɔ́ wú ɔ́ ɖíe: ‘Kanlin ɛnɛgɔ́ ɔ́ wɛ nyí axɔ́súɖuto ayǐkúngban jí tɔn ɛnɛgɔ́ ɔ́. Axɔ́súɖuto énɛ́ ɔ́ gbɔn vo nú ɖě lɛ́ɛ bǐ. É ná vúnvún nǔ e ɖo ayǐkúngban ɔ́ jí lɛ́ɛ bǐ. É ná gbídí yě, bó ná gba yě hánnyá.

Matíe 19:28

Bɔ Jezu yí gbe n'i ɖɔ: “Má ɖɔ nǔgbó nú mi: hwenu e nyɛ Gbɛtɔ́ví ɔ́ ná wá jínjɔ́n axɔ́súzinkpo ce jí, ɖo susu ce mɛ, ɖo gbɛ yɔ̌yɔ́ ɔ́ mɛ ɔ́, mi mɛ wěwe e xwedó mì lɛ́ɛ lɔmɔ̌ ná jínjɔ́n axɔ́súzinkpo wěwe jí, bó ná ɖɔ hwɛ xá Izlayɛ́li sín akɔta wěwe lɛ́ɛ,

2 Tɛsalonikinu 2:8

Hwenɛ́nu ɔ́, Mɛdídá ɔ́ ná tɔ́n, bɔ Aklúnɔ Jezu ná zé funfún e nɔ́ tɔ́n sín nu tɔn mɛ ɔ́ dó hu i, lobo ná sɔ́ wǐwá tɔn sín kínkɔ́n dó vívá kún tɔn.

Nǔɖexlɛ́mɛ 1:6

bó zé mǐ dó bló vɔ̌sánú-xwlémawutɔ́ lɛ́ɛ sín axɔ́súɖuto ná, bónú mǐ ná nɔ wa azɔ̌ nú Tɔ́ tɔn Mawu. Susu kpó hlɔ̌nhlɔ́n kpó ní nyí étɔn káká sɔ́yi mavɔ mavɔ! Amǐ.

Nǔɖexlɛ́mɛ 20:4

Un mɔ axɔ́súzinkpo lɛ́ɛ: è nǎ acɛ mɛ e jínjɔ́n jí lɛ́ɛ, bɔ yě ná ɖɔ hwɛ. Mɛ e è gbo ta, ɖó yě jlá Mawuxó ɔ́, bó ɖe kúnnu nú Jezu wútu lɛ́ɛ ɔ́, un lɛ́ mɔ lǐndɔ̌n yětɔn. Yě sɛn kanlin ɔ́ ǎ; yě sɛn akpajlɛ́ tɔn ǎ, kanlin ɔ́ sín wuntun ka ɖo nukɔn nú yě ǎ; é ka lɛ́ ɖo alɔ nú yě ǎ. Mɛ énɛ́ lɛ́ɛ lɛ́ wá gbɛ, bó ɖu axɔ́sú xá Klísu nú xwe afatɔ́n (1.000).

Nǔɖexlɛ́mɛ 3:21

“Mɛ e ná ɖu ɖ'é jí ɔ́, un ná ná ɛ gbe, bɔ é ná jínjɔ́n axɔ́súzinkpo ce jí, lě e un ɖu ɖ'é jí, bó jínjɔ́n Tɔ́ ce kpá ɖo axɔ́súzinkpo tɔn jí é ɖɔhun.

Nǔɖexlɛ́mɛ 5:10

A sɔ́ yě dó bló axɔ́súɖuto, bó sɔ́ yě dó bló vɔ̌sánú-xwlémawutɔ́ lɛ́ɛ sín axɔ́súɖuto ná, bónú yě ná wa azɔ̌ nú Mawu mǐtɔn, bó ná ɖu axɔ́sú ɖo ayǐkúngban jí.”