Daniyɛ́li 7:20 - MAWUXÓWÉMA

²⁰ Un lɛ́ kan nǔ byɔ́ dó zo wǒ e ɖo ta tɔn lɛ́ɛ wú, bó lɛ́ ba do nú zo e jɛ wǔwú jí, bó zin zo ɖěvo atɔn dɛ́ é. Zo énɛ́ ɔ́ e wú ɔ́ ɖó nukún, bó ɖó nu, bɔ goyíyíxó kɛ́ɖɛ́ jɛ́n nɔ́ tɔ́n sín mɛ. Zo énɛ́ kló hú zo ɖě lɛ́ɛ.

Daniyɛ́li 7:20 Iomraidhean Croise

Daniyɛ́li 7:11

Goyíyíxó baɖabaɖa e ɖɔ wɛ zo ɔ́ ɖe ɔ́ wú wɛ un ɖo nǔ e mɔ wɛ un ɖe ɔ́ kpɔ́n wɛ. Hwenu e un ka ɖo kpínkpɔ́n ɛ wɛ ɔ́, è hu kanlin ɛnɛgɔ́ ɔ́, bó zé e nyi dó myɔ ɖaxó ɖé mɛ bó fyɔ́ ɛ.

Daniyɛ́li 7:19

Énɛ́ ɔ́ gúdo ɔ́, un kan nǔ byɔ́ dó kanlin ɛnɛgɔ́ ɔ́ wú, bó ná mɔ nukúnnú jɛ wǔ tɔn tawun, ɖó éyɛ́ gbɔn vo nú atɔn ɖě lɛ́ɛ. É dó xɛsi bɔ é vɛ́ jlɛ́. Aɖǔ tɔn lɛ́ɛ nyí gan, fɛn tɔn lɛ́ɛ nyí ganvɔ. Kanlin e é nɔ́ wlí lɛ́ɛ ɔ́, é nɔ ɖu ɖě, bó nɔ́ vúnvún ɖě, bó nɔ́ gbídí ée kpo lɛ́ɛ ɖó afɔ wú.

Daniyɛ́li 7:21

Ée un ɖo kpínkpɔ́n ɛ wɛ ɔ́, un mɔ ɛ bɔ é ɖo ahwan fun xá togun mímɛ́ Mawu Ajalɔ̌nlɔn ɔ́ tɔn wɛ, bó ɖo ɖuɖu ɖ'é jí wɛ.

Daniyɛ́li 7:23

“Tínmɛ e é ná mì dó kanlin ɛnɛgɔ́ ɔ́ wú ɔ́ ɖíe: ‘Kanlin ɛnɛgɔ́ ɔ́ wɛ nyí axɔ́súɖuto ayǐkúngban jí tɔn ɛnɛgɔ́ ɔ́. Axɔ́súɖuto énɛ́ ɔ́ gbɔn vo nú ɖě lɛ́ɛ bǐ. É ná vúnvún nǔ e ɖo ayǐkúngban ɔ́ jí lɛ́ɛ bǐ. É ná gbídí yě, bó ná gba yě hánnyá.

Daniyɛ́li 7:7

Un lɛ́ ɖo nǔ e mɔ wɛ un ɖe ɖo zǎn mɛ ɔ́ kpɔ́n wɛ. Kanlin ɛnɛgɔ́ e un mɔ ɔ́ dó xɛsi bó hu ado. Hlɔ̌nhlɔ́n e ɖo wǔtu tɔn ɔ́ vɛ́ jlɛ́. Ganɖú ɖaxó ɖaxó wɛ ɖo nu tɔn mɛ bɔ é nɔ dó ɖu nǔ ná, bó nɔ́ zé dó vúnvún nǔ e é nɔ́ wlí lɛ́ɛ ná. É nɔ́ gbídí nǔ e é ma nɔ ɖu ǎ lɛ́ɛ ɖó afɔ wú. Kanlin énɛ́ ɔ́ gbɔn vo nú atɔn ɖě lɛ́ɛ sésé, bó lɛ́ ɖó zo wǒ.

Daniyɛ́li 7:8

Hwenu e un ɖo zo tɔn lɛ́ɛ kpɔ́n wɛ ɔ́, zo yɔ̌yɔ́ kpɛví ɖěvo lɛ́ jɛ wǔwú jí ɖó ɖě lɛ́ɛ tɛ́ntin, lobo zin zo xóxó lɛ́ɛ atɔn dɛ́. Zo yɔ̌yɔ́ ɔ́ ɖó gbɛtɔ́ nukún. É ɖó nu ɖokpó bɔ goyíyíxó nɔ́ ɖo tíntɔ́n sín mɛ wɛ.”

Nǔɖexlɛ́mɛ 12:3

Xlɛ̌ ɖěvo lɛ́ tɔ́n ɖo jǐxwé: è mɔ kanlin baɖabaɖa ɖaxó vɔvɔ ɖé; è nɔ ylɔ́ kanlin ɔ́ ɖɔ Dlagɔ́ɔn; é ɖó ta tɛ́nwe, bó ɖó zo wǒ, bɔ axɔ́súgbákún ɖokpó ɖokpó ɖo ta tɔn ɖokpó ɖokpó jí.