Daniyɛ́li 7:2 - MAWUXÓWÉMA

² Nǔ e Daniyɛ́li wlán lɛ́ɛ ɖíe: “Zǎn mɛ ɔ́, un ɖo amlɔ mɛ, bó mɔ jɔhɔn jɛ nyinyi jí sín wɛ̌kɛ́zo ɛnɛ lɛ́ɛ mɛ, bó nɔ́ nyi dó xu ɖaxó ɔ́ jí.

Daniyɛ́li 7:2 Iomraidhean Croise

Ezayíi 17:12

Heelú! Étɛ́ ká ɖíe! Mi se zǐngídi e jí togun wɔ̌buwɔ́bú élɔ́ lɛ́ɛ ɖe é! Yě ɖo adǎn jí bɔ a nǎ ɖɔ xu wɛ ɖo zǐn xo wɛ. Akɔta lɛ́ɛ ɖo zǐngídi jí bɔ a nǎ ɖɔ xu ɖaxó ɖaxó lɛ́ɛ wɛ ɖo xixo wɛ kpó hlɔ̌nhlɔ́n kpó.

Jelemíi 49:36

Un ná sɛ́ jɔhɔn ɛnɛ dó sín wɛ̌kɛ́zo ɛnɛ lɛ́ɛ mɛ, bɔ jɔhɔn ɔ́ ná nyi dó Elámu to ɔ́ jí. “Un ná zé jɔhɔn énɛ́ lɛ́ɛ dó gba yě dó. Elámunu lɛ́ɛ ná hɔn yi akɔta lɛ́ɛ bǐ mɛ, è nǎ ba yě kpo ɖo akɔta ɖěbǔ mɛ ǎ.

Jelemíi 51:42

Xu ɖi sin bó gba Babilɔ́nu to, tɔ bú i bǐ.

Daniyɛ́li 11:4

Hwenu e è nǎ ɖe e síin ɔ́, axɔ́súɖuto tɔn ná gba hánnyá, bó ná fúnfún gbɔn wɛ̌kɛ́zo ɛnɛ lɛ́ɛ bǐ mɛ. Vǐ tɔn ɖě ná jɛ tɛn tɔn mɛ ǎ. Mɛ ɖěvo ɖěvo lɛ́ɛ wɛ ná kpa acɛ dó axɔ́súɖuto ɔ́ nu, amɔ̌, acɛkpikpa yětɔn ná sɔ éyɛ́ tɔn ǎ.

Daniyɛ́li 2:19

Énɛ́ ɔ́, Mawu ɖe nǔbúdo énɛ́ ɔ́ xlɛ́ Daniyɛ́li ɖo dlɔ̌ mɛ, bɔ Daniyɛ́li jɛ Mawu sɛ́xwé tɔn ɔ́ mlá jí,

Daniyɛ́li 7:13

Un ɖo nǔ e mɔ wɛ un ɖe zǎn ɔ́ mɛ ɖo amlɔ mɛ ɔ́ kpɔ́n wɛ, bó mɔ nǔ gbɛtɔ́ ɖɔhun ɖé ɖo akpɔ́kpɔ́ mɛ jǎwe. É ɖidó degénɔ e nukɔn è kplá ɛ xwe ɔ́ gɔ́n.

Daniyɛ́li 7:7

Un lɛ́ ɖo nǔ e mɔ wɛ un ɖe ɖo zǎn mɛ ɔ́ kpɔ́n wɛ. Kanlin ɛnɛgɔ́ e un mɔ ɔ́ dó xɛsi bó hu ado. Hlɔ̌nhlɔ́n e ɖo wǔtu tɔn ɔ́ vɛ́ jlɛ́. Ganɖú ɖaxó ɖaxó wɛ ɖo nu tɔn mɛ bɔ é nɔ dó ɖu nǔ ná, bó nɔ́ zé dó vúnvún nǔ e é nɔ́ wlí lɛ́ɛ ná. É nɔ́ gbídí nǔ e é ma nɔ ɖu ǎ lɛ́ɛ ɖó afɔ wú. Kanlin énɛ́ ɔ́ gbɔn vo nú atɔn ɖě lɛ́ɛ sésé, bó lɛ́ ɖó zo wǒ.

Daniyɛ́li 8:2

Nǔ e un mɔ ɖo dlɔ̌ mɛ din ɔ́ ɖíe: Un mɔ nyiɖée ɖo to ɖaxó e è nɔ ylɔ́ ɖɔ Súzi ɔ́ mɛ, ɖo Elámu tokpɔn mɛ, bɔ un ɖo tɔ e è nɔ ylɔ́ ɖɔ Wuláyi ɔ́ tó.

Daniyɛ́li 8:8

Gbǎgbá ɔ́, hlɔ̌nhlɔ́n tɔn ɖo jijɛ jí wɛ. Ée hlɔ̌nhlɔ́n tɔn wá syɛ́n bǐ ɔ́, zo tɔn ɖaxó ɔ́ nɔ mɔ̌ bó wɛ́n, bɔ zo ɖagbe ɖagbe ɛnɛ wú ɖó tɛn tɔn mɛ, lobo kpan nukɔn wɛ̌kɛ́zo ɛnɛ lɛ́ɛ.

Zakalíi 6:5

Bɔ é yí gbe nú mì ɖɔ: “Wɛ̌kɛ́zo ɛnɛ lɛ́ɛ wɛ. Aklúnɔ e kpa acɛ dó ayǐkúngban ɔ́ bǐ nu ɔ́ gɔ́n wɛ yě nɔ́ nɔ. Gɔ̌n tɔn wɛ yě gosín din.”

Matíe 24:31

bɔ un ná sɛ́ wɛnsagun ce lɛ́ɛ dó, bónú ahwankpɛn ɖaxó ɔ́ ɖɔ nǔ ɔ́, yě ná kplé mɛ e Mawu cyán lɛ́ɛ sín wɛ̌kɛ́zo ɛnɛ lɛ́ɛ bǐ mɛ, sín fí e jǐnukúnsin ɔ́ ko bɛ́ sín ɔ́, káká yi jɛ fí e é kponu dó ɔ́.

Nǔɖexlɛ́mɛ 17:15

Wɛnsagun ɔ́ lɛ́ ɖɔ nú mì ɖɔ: “Tɔsisa e a mɔ ɖo fí e agalɛtɔ́ ɔ́ ɖe lɛ́ɛ ɔ́, togun lɛ́ɛ wɛ; ahwan lɛ́ɛ wɛ; to lɛ́ɛ kpó gbe lɛ́ɛ kpó wɛ.

Nǔɖexlɛ́mɛ 7:1

Énɛ́ ɔ́ gúdo ɔ́, un mɔ wɛnsagun Mawu tɔn ɛnɛ ɖo te ɖo ayǐkúngban ɔ́ sín zo ɛnɛ lɛ́ɛ jí; yě hɛn jɔhɔn ayǐkúngban jí tɔn ɛnɛ lɛ́ɛ ɖó te, bónú jɔhɔn ɖěbǔ ma nyi dó ayǐkúngban ɔ́ ó, é ma nyi dó xu ó; é ma ka nyi dó atín ɖěbǔ ó.