Daniyɛ́li 7:14 - MAWUXÓWÉMA

¹⁴ È ná ɛ acɛkpikpa kpó susu kpó, kpódó axɔ́súɖuɖu kpó, bónú togun lɛ́ɛ, akɔta lɛ́ɛ kpódó gbɛtɔ́ e nɔ dó gbe alɔkpa alɔkpa lɛ́ɛ kpó bǐ ná sɛn ɛ. Acɛkpikpa tɔn nyí acɛkpikpa ɖé, bó ná nɔ ayǐ káká sɔ́yi; é ná ɖó vivɔnu ǎ, mɛɖé ká ná sixú gba axɔ́súɖuto tɔn gbeɖé ǎ.

Daniyɛ́li 7:14 Iomraidhean Croise

Ɖɛhan 102:22

Énɛ́ ɔ́, yě ná jlá Mawu Mavɔmavɔ nyíkɔ ɖo Sinyɔ́ɔ; yě ná nɔ́ mlá ɛ ɖo Jeluzalɛ́mu,

Ɖɛhan 103:19

Mawu Mavɔmavɔ sɔ́ axɔ́súzinkpo tɔn ɖó jǐnukúnsin; axɔ́súɖuɖu tɔn hú gǎn nǔ bǐ.

Ɖɛhan 145:13

Axɔ́súɖuɖu towe ɔ́, axɔ́súɖuɖu mavɔ mavɔ wɛ, bɔ gǎnhúnǔ towe ɖo te káká sɔ́yi.

Ɖɛhan 146:10

Mawu Mavɔmavɔ ɖu axɔ́sú káká sɔ́yi. Óo! Sinyɔ́ɔ, Mawu towe tíin káká sɔ́yi. Mi kpa Mawu Mavɔmavɔ!

Ɖɛhan 45:6

Gǎ towe lɛ́ɛ sín nu xwíɖí; gǎ towe ná xo kɛntɔ́ towe lɛ́ɛ sín hǔn zlɛ́, togun lɛ́ɛ ná j'ayǐ ɖo nukɔn towe.

Ɖɛhan 72:11

Axɔ́sú lɛ́ɛ bǐ ná jɛ kpo bo ɖe kɔ́ n'i. Akɔta lɛ́ɛ bǐ ná nyí mɛsɛntɔ́ tɔn.

Ɖɛhan 72:17

Nyǐkɔ tɔn ní ɖo te káká sɔ́yi. Nú hwe nɔ tɔ́n jɛ́n wɛ ɔ́, nyǐkɔ tɔn ní ɖo te. È nǐ kpɔ́n lě e nǔ nyɔ́ n'i gbɔn ɔ́ dó xo nyɔ̌ná ɖɛ nú mɛɖée, akɔta lɛ́ɛ bǐ ní nɔ́ ɖɔ nǔ nyɔ̌ n'i.

Ɖɛhan 8:6

A blǒ gbɛtɔ́, bɔ kpɛɖé jɛ́n hwi ɖésú hú gǎn ɛ. A sɔ́ ɛ su ɖésú; a wlǐ yɛ̌yi n'i tawun.

Ezayíi 16:5

hwenɛ́nu wɛ axɔ́sú towe sín acɛkpikpa ná jínjɔ́n ayǐ ganjí; acɛkpikpa tɔn ná jínjɔ́n xomɛnyínyɔ́ tɔn jí; axɔ́sú ɔ́ ná nyí Davídi ví, bó ná nɔ gbejí. É ná nyí hwɛɖɔtɔ́, é ná nɔ́ nyi sɛ́n, bɔ nǔjlɔ́jlɔ́wiwa ná nɔ́ myá nukún n'i.”

Ezayíi 60:12

“Ényí akɔta ɖé abǐ axɔ́súɖuto ɖé gbɛ́ ɖɔ émí kún ná wa azɔ̌ nú we ó ɔ́, è nǎ sú kún tɔn dó bǐ gbídígbídí.

Ezayíi 9:6

É ná gbló ada nú acɛkpikpa tɔn, bó ná bló bɔ fífá e má ná vɔ gbeɖé ǎ ɔ́ ná tíin. É ná jínjɔ́n axɔ́súzinkpo Davídi tɔn jí, bó ná kpa acɛ dó axɔ́súɖuto tɔn nu. É ná ɖó nǔ wa ɖó sɛ́nxwi jí ayǐ, bó ɖó hwɛjijɔ ayǐ dó sɔ́ axɔ́súɖuɖu tɔn jínjɔ́n ayǐ ganjí sín din káká sɔ́yi. Nǔ e Mawu Mavɔmavɔ Nǔbǐwúkpétɔ́ ɔ́ ná bló kpó wǎn yíyí tɔn ɖaxó ɔ́ kpó é nɛ́.

Ezayíi 9:7

Aklúnɔ ɖɔ xó dó Jakɔ́bu ví lɛ́ɛ wú; xó e é ɖɔ ɔ́ jɛ dó axɔ́súɖuto Izlayɛ́li tɔn ɔ́ jí.

Daniyɛ́li 2:35

Đo nukúnxwixwe ɖokpó mɛ ɔ́, gan e ɖ'é mɛ é, ko e ɖ'é mɛ é, ganvɔ e ɖ'é mɛ é, kpatágan e ɖ'é mɛ é, kpó siká e ɖ'é mɛ é kpó bǐ gúdú, bó húzú afúntúntún, bɔ jɔhɔn d'alɔ mɛ bó dɔn yi lě e è ɖo jinukún fún wɛ ɔ́, jɔhɔn nɔ d'alɔ wɔn tɔn mɛ é ɖɔhun. Bǒcyɔ ɔ́, è sɔ́ mɔ wǔjɔnú tɔn ɖěbǔ ǎ. Awǐnnya e ká wá xo bǒcyɔ ɔ́ húzú só ɖaxó bó cyɔ́n ayǐkúngban ɔ́ bǐ.

Daniyɛ́li 2:37

Mɛ wɛ kpa acɛ nú axɔ́sú lɛ́ɛ bǐ. Mawu sɛ́xwé tɔn ná axɔ́súɖuɖu mɛ, bó ná acɛ mɛ, bó ná hlɔ̌nhlɔ́n mɛ, bó ná susu mɛ.

Daniyɛ́li 2:44

Axɔ́sú énɛ́ lɛ́ɛ sín hwenu ɔ́, Mawu sɛ́xwé tɔn ná ɖe axɔ́súɖuto e mɛɖé má sixú gba ǎ é ɖokpó tɔ́n. Acɛkpikpa tɔn ná jɛ akɔta ɖěvo sí gbeɖé ǎ. Axɔ́súɖuto énɛ́ ɔ́ ná gba axɔ́súɖuto e ko ɖo ayǐ lɛ́ɛ bǐ, bó ná hu acɛ nú yě, bɔ yě sɔ́ ná tíin nyǐ ǎ. Lo ɔ́, éyɛ́ ná nɔ te káká sɔ́yi.

Daniyɛ́li 3:4

Gǎn e ɖo nǔwiwa ɔ́ nu ɔ́ zé gbe yi jǐ, bó sú xó bó ɖɔ: “Atóógbe! Mɛ bǐ ní ɖó tó mì! O togun e wá fí é, akɔta e wá fí é, mɛ e nyí mɛ bó nɔ dó gbe alɔkpa ɖěbǔ é bǐ ní ɖó tó mì.

Daniyɛ́li 4:3

Énɛ́ ɔ́, un ɖɔ è nǐ kplé nǔnywɛ́tɔ́ e ɖo Babilɔ́nu lɛ́ɛ bǐ, bónú yě ná tín dlɔ̌ ɔ́ mɛ nú mì.

Daniyɛ́li 6:26

Ée axɔ́sú Daliwúsi bló mɔ̌ ɔ́, é wlán sɛ́ dó togun lɛ́ɛ bǐ, akɔta lɛ́ɛ bǐ kpó mɛ e nɔ dó gbe alɔkpa alɔkpa ɖo gbɛ ɔ́ mɛ lɛ́ɛ kpó ɖɔ: “Fífá ní nɔ kpɔ́ xá mi bó túnflá!

Daniyɛ́li 7:18

Axɔ́sú ɛnɛ énɛ́ lɛ́ɛ wá yi ɔ́, togun mímɛ́ Mawu Ajalɔ̌nlɔn ɔ́ tɔn ná wá ɖu axɔ́sú, bó ná nɔ axɔ́súɖuto ɔ́ nu káká yi mavɔ mavɔ.’

Daniyɛ́li 7:27

Axɔ́súɖuto e ɖo ayǐkúngban ɔ́ jí lɛ́ɛ bǐ sín axɔ́súɖuɖu kpó acɛkpikpa kpó, kpódó susu yětɔn kpó ná húzú togun mímɛ́ Mawu Ajalɔ̌nlɔn tɔn ɔ́ tɔn. Togun mímɛ́ ɔ́ ná ɖu axɔ́sú káká yi mavɔ mavɔ, bɔ hlɔ̌nhlɔ́n e ɖo gbɛ ɔ́ mɛ lɛ́ɛ bǐ ná nɔ acɛ tɔn mɛ, bó ná nɔ́ se tónú n'i, bó ná nɔ́ sɛn ɛ.’

Abudiyási 1:21

Yě ná ɖu ɖ'é jí, bó ná byɔ́ Jeluzalɛ́mu toxo ɔ́ mɛ, bó ná kpa acɛ nú Edɔ́munu lɛ́ɛ. Axɔ́súɖuɖu ɔ́ ná nyí Mawu Mavɔmavɔ tɔn.

Micée 4:7

Un ná kplé afɔkponɔ lɛ́ɛ, bónú togun ɔ́ ná lɛ́ fɔ́n. Un ná zé yě mɛ e ɖo gbejí lɛ́ɛ dó bló togun syɛ́nsyɛ́n ɖé, bɔ nyɛ Mawu Mavɔmavɔ ɔ́ ná ɖu axɔ́sú ɖo yě nu, ɖo Sinyɔ́ɔ só ɔ́ jí, sín hwenɛ́nu káká sɔ́yi.

Matíe 11:27

“Nǔ bǐ wɛ Tɔ́ ce sɔ́ dó alɔ ce mɛ, bɔ mɛ ɖěbǔ ka mɔ nǔ jɛ Vǐ ɔ́ wú, zɛ Tɔ́ ɔ́ wú ǎ; mɛ ɖěbǔ ka lɛ́ mɔ nǔ jɛ Tɔ́ ɔ́ wú, zɛ Vǐ ɔ́ kpódó mɛ e Vǐ ɔ́ jló ná ɖe e xlɛ́ lɛ́ɛ kpó wú ǎ.

Matíe 28:18

Jezu ka sɛ yá yě, bó ɖɔ nú yě ɖɔ: “Mawu ná acɛ e ɖo jǐnukúnsin, kpódó ée ɖo ayǐkúngban jí ɔ́ kpó bǐ mì.

Luki 1:33

É ná ɖu axɔ́sú ɖo Izlayɛ́li ví lɛ́ɛ nu káká sɔ́yi, bɔ axɔ́súɖuɖu tɔn ná vɔ gbeɖé ǎ.”

Luki 10:22

“Nǔ bǐ wɛ Tɔ́ ce sɔ́ dó alɔ ce mɛ, bɔ mɛ ɖěbǔ tunwun mɛ e Vǐ ɔ́ nyí ɔ́ zɛ Tɔ́ ɔ́ wú ǎ; mɛ ɖěbǔ ká tunwun mɛ e Tɔ́ ɔ́ nyí ɔ́ zɛ Vǐ ɔ́ kpódó mɛ e Vǐ ɔ́ jló ná ɖe e xlɛ́ lɛ́ɛ kpó wú ǎ.”

Jǎan 12:34

Mɛ lɛ́ɛ ka yí gbe n'i ɖɔ: “Mǐ xa ɖo Mawuxówéma ɔ́ mɛ ɖɔ Klísu ɔ́ kún ná kú gbeɖé ó, bɔ hwɛ ka ɖo ɖiɖɔ nú mǐ wɛ din ɖɔ è nǎ sɔ́ Gbɛtɔ́ví ɔ́ dó jǐ. Mɛ̌ ká nyí Gbɛtɔ́ví énɛ́?”

Jǎan 3:35

Tɔ́ ɔ́ yí wǎn nú Vǐ ɔ́, bó sɔ́ nǔ lɛ́ɛ bǐ dó alɔ tɔn mɛ.

Eblée 12:28

Hǔn, mi nú mǐ ná tunwun nǔ e Mawu wa nú mǐ ɔ́ n'i; ɖó é ɖo axɔ́súɖuto e ma sixú húnhún ǎ é ná mǐ wɛ. Mi nú mǐ ná sɛn ɛ lě e mǐ ná sɛn ɛ gbɔn, bɔ é ná nyɔ́ nukún tɔn mɛ é kpó sísí kpó, kpódó xɛsi kpó, bó ná dó ɖe xlɛ́ ɛ ɖɔ mǐ tunwun nǔ e é wa nú mǐ ɔ́ n'i.

1 Piyɛ́ɛ 3:22

Jezu Klísu ɔ́ wɛ yi sɛ́xwé bó jínjɔ́n ɖisíxwé nú Mawu; fínɛ́ wɛ é ɖu axɔ́sú nú wɛnsagun lɛ́ɛ bǐ kpó acɛkpikpa lɛ́ɛ bǐ kpó, kpódó hlɔ̌nhlɔ́n lɛ́ɛ bǐ kpán ɖe.

Nǔɖexlɛ́mɛ 1:6

bó zé mǐ dó bló vɔ̌sánú-xwlémawutɔ́ lɛ́ɛ sín axɔ́súɖuto ná, bónú mǐ ná nɔ wa azɔ̌ nú Tɔ́ tɔn Mawu. Susu kpó hlɔ̌nhlɔ́n kpó ní nyí étɔn káká sɔ́yi mavɔ mavɔ! Amǐ.

Nǔɖexlɛ́mɛ 11:15

Énɛ́ ɔ́ gúdo ɔ́, wɛnsagun Mawu tɔn tɛ́nwegɔ́ ɔ́ kún kpɛn, bɔ gbe ɖaxó ɖé lɛ́ɛ ɖi ɖo jǐxwé bó ɖɔ: “Axɔ́súɖuɖu gbɛ ɔ́ tɔn nyí Aklúnɔ mǐtɔn kpó Klísu tɔn kpán tɔn lo! Bɔ é ná ɖu axɔ́sú káká sɔ́yi.”

Nǔɖexlɛ́mɛ 17:14

Yě ná fun ahwan xá Lɛ̌ngbɔ́ví ɔ́. Lɛ̌ngbɔ́ví ɔ́ ka ná ɖu ɖo yě jǐ; ɖó é wɛ nyí Aklúnɔ aklúnɔ lɛ́ɛ tɔn; Axɔ́sú axɔ́sú lɛ́ɛ tɔn; é ná ɖu ɖo yě jǐ, é kpó mɛ e ɖo kpɔ́ xá ɛ lɛ́ɛ kpó; mɛ e è ylɔ̌ bó cyán bɔ yě nɔ gbejí n'i lɛ́ɛ.”

Nǔɖexlɛ́mɛ 3:21

“Mɛ e ná ɖu ɖ'é jí ɔ́, un ná ná ɛ gbe, bɔ é ná jínjɔ́n axɔ́súzinkpo ce jí, lě e un ɖu ɖ'é jí, bó jínjɔ́n Tɔ́ ce kpá ɖo axɔ́súzinkpo tɔn jí é ɖɔhun.