Daniyɛ́li 7:13 - MAWUXÓWÉMA

¹³ Un ɖo nǔ e mɔ wɛ un ɖe zǎn ɔ́ mɛ ɖo amlɔ mɛ ɔ́ kpɔ́n wɛ, bó mɔ nǔ gbɛtɔ́ ɖɔhun ɖé ɖo akpɔ́kpɔ́ mɛ jǎwe. É ɖidó degénɔ e nukɔn è kplá ɛ xwe ɔ́ gɔ́n.

Daniyɛ́li 7:13 Iomraidhean Croise

Ɖɛhan 110:2

Mawu Mavɔmavɔ ná vlɔ́n kan nú axɔ́súɖuto towe, Sinyɔ́ɔ wɛ é ná bɛ́ sín; hwɛ ɔ́, a nǎ kpa acɛ nú kɛntɔ́ towe lɛ́ɛ.

Ɖɛhan 2:8

A byɔ̌ akɔta e ɖo gbɛ ɔ́ mɛ lɛ́ɛ bǐ ɔ́, un ná ná we, ayǐkúngban ɔ́ bǐ ná nyí towe káká yi fí e gbɛ ɔ́ kponu ɖó é.

Ɖɛhan 47:5

É sɔ́ to e nyí mǐ Jakɔ́bu ví lɛ́ɛ tɔn ɔ́ nú mǐ, bɔ é nyí susu nú mǐ, mǐ Jakɔ́bu ví e é yí wǎn ná lɛ́ɛ. Agbɔ̌n

Jelemíi 49:19

Lě e kinnikínní nɔ yi wu ɖo zunkan mɛ ɖo Judɛ́ɛn tɔ ɔ́ tó nú kanlin e ɖo gběhan mɛ lɛ́ɛ, bó nɔ́ wlí ɖě, bɔ ée kpo lɛ́ɛ nɔ́ gbadó gbɔn ɔ́, mɔ̌ wɛ un ná fyán Edɔ́mu to ɔ́ kpó toxo tɔn lɛ́ɛ kpó. Un ná gba mɛ bǐ dó sín fínɛ́, ɖo nukúnxwixwe ɖokpó mɛ, bó ná zé mɛ e un sɔ́ ɔ́ ɖó Edɔ́mu to ɔ́ nu. Mɛ̌ ka ɖó acɛ nyɛ ɖɔhun? Nú un wa nǔɖé ɔ́, mɛ̌ ka sixú kan nǔ e wú un wa mɔ̌ ɔ́ byɔ́ mì? Gǎn tɛ́ sixú nɔ te nukɔn ce?

Ezekiyɛ́li 1:26

È nɔ mɔ nǔɖé ɖo fínɛ́ axɔ́súzinkpo ɖɔhun, bɔ é cí awǐnnya xɔ akwɛ́ safíi wɛ è dǒ bló ɖɔhun. Nǔ gbɛtɔ́ ɖɔhun ɖé ɖo axɔ́súzinkpo ɔ́ jí ɖo aga dɔ̌n.

Daniyɛ́li 2:44

Axɔ́sú énɛ́ lɛ́ɛ sín hwenu ɔ́, Mawu sɛ́xwé tɔn ná ɖe axɔ́súɖuto e mɛɖé má sixú gba ǎ é ɖokpó tɔ́n. Acɛkpikpa tɔn ná jɛ akɔta ɖěvo sí gbeɖé ǎ. Axɔ́súɖuto énɛ́ ɔ́ ná gba axɔ́súɖuto e ko ɖo ayǐ lɛ́ɛ bǐ, bó ná hu acɛ nú yě, bɔ yě sɔ́ ná tíin nyǐ ǎ. Lo ɔ́, éyɛ́ ná nɔ te káká sɔ́yi.

Daniyɛ́li 7:12

Kanlin ɖě lɛ́ɛ e kpo ɔ́ sɔ́ ɖó acɛ ɖěbǔ ǎ. Amɔ̌, è to jó yě dó nyi gbɛ káká jɛ hwe ɖé nu.

Daniyɛ́li 7:2

Nǔ e Daniyɛ́li wlán lɛ́ɛ ɖíe: “Zǎn mɛ ɔ́, un ɖo amlɔ mɛ, bó mɔ jɔhɔn jɛ nyinyi jí sín wɛ̌kɛ́zo ɛnɛ lɛ́ɛ mɛ, bó nɔ́ nyi dó xu ɖaxó ɔ́ jí.

Daniyɛ́li 7:22

Lo ɔ́, degénɔ kpikpoe ɔ́ wá, bó mɔ hwɛjijɔ nú togun mímɛ́ Mawu Ajalɔ̌nlɔn ɔ́ tɔn. Ée hwe ɔ́ nu wá su ɔ́, togun mímɛ́ ɔ́ wá yí axɔ́súɖuto ɔ́.

Daniyɛ́li 7:9

Un kpó ɖo nǔ e mɔ wɛ un ɖe ɔ́ kpɔ́n wɛ, bó mɔ axɔ́súzinkpo ɖé lɛ́ɛ ɖo te, bɔ degénɔ kpikpoe ɖokpó wá jínjɔ́n ayǐ. Awu e é dó lɛ́ɛ wé lawé ɖɔhun. Đa e ɖo ta tɔn lɛ́ɛ cí fɛ́ɖɛ́fɛ́ɖɛ́ avɔkanfún ɖɔhun. Axɔ́súzinkpo tɔn nɔ́ kán zo bɔ afɔ tɔn lɛ́ɛ nɔ́ kɔ́n zo hɛhɛ ɖɔhun.

Daniyɛ́li 8:15

“Hwenu e nyɛ Daniyɛ́li ɖo nǔ e mɔ wɛ un ɖe ɔ́ kpɔ́n wɛ, bó ɖo nǔ e ɖɔ wɛ é ɖe ɔ́ ba ná tunwun wɛ ɔ́, un mɔ nǔ gbɛtɔ́ ɖɔhun ɖé wá nɔ te ɖo nukɔn ce,

Matíe 13:41

Nyɛ Gbɛtɔ́ví ɔ́ ná sɛ́ wɛnsagun ce lɛ́ɛ dó, bɔ yě ná wá bɛ́ hwɛmɛdɔnmɛdótɔ́ lɛ́ɛ bǐ kpódó nǔnyanyawatɔ́ lɛ́ɛ kpó sín axɔ́súɖuto Mawu tɔn mɛ,

Matíe 24:30

Énɛ́ ɔ́ gúdo ɔ́, wuntun e ná xlɛ́ ɖɔ nyɛ Gbɛtɔ́ví ɔ́ ko ja ɔ́ ná tɔ́n ɖo jǐnukúnsin, bɔ akɔta e ɖo gbɛ ɔ́ mɛ lɛ́ɛ bǐ ná jɛ alě ná jí, bɔ yě ná mɔ nyɛ Gbɛtɔ́ví ɔ́ ɖo akpɔ́kpɔ́ jí jǎwe kpódó hlɔ̌nhlɔ́n kpó, kpódó susu ɖaxó kpó;

Matíe 25:31

“Hwenu nyɛ Gbɛtɔ́ví ɔ́ ná lɛ́ kɔ wá, kpódó susu kpó, ɖo wɛnsagun lɛ́ɛ bǐ tɛ́ntin ɔ́, un ná wá jínjɔ́n axɔ́súzinkpo ce jí,

Matíe 26:64

Jezu ka yí gbe n'i ɖɔ: “Hwi wɛ ɖɔ, lo ɔ́, un lɛ́ ɖo ɖiɖɔ nú mi wɛ ɖɔ: bɛ́ sín din ɔ́, mi ná mɔ nyɛ Gbɛtɔ́ví ɔ́ ɖo ayǐjínjɔ́n, ɖo Mawu Nǔbǐwúkpétɔ́ ɔ́ sín ɖisíxwé; mi ná lɛ́ mɔ mì, bɔ un ná gosín jǐxwé jǎwe, ɖo akpɔ́kpɔ́ jí.”

Matíe 28:18

Jezu ka sɛ yá yě, bó ɖɔ nú yě ɖɔ: “Mawu ná acɛ e ɖo jǐnukúnsin, kpódó ée ɖo ayǐkúngban jí ɔ́ kpó bǐ mì.

Matíe 8:20

Jezu ka yí gbe n'i bó ɖɔ: “Ayǐsájɛ lɛ́ɛ ɖó nɔtɛn yětɔn, bɔ xɛ e nɔ zɔ́n gbɔn jɔmɛ lɛ́ɛ ɖó adɔ̌ yětɔn. Lo ɔ́, nyɛ Gbɛtɔ́ví ɔ́ ɖó fí e un ná mlɔ́, bó ná gbɔjɛ́ ɔ́ ǎ.”

Maki 13:26

Énɛ́ ɔ́, è nǎ mɔ Gbɛtɔ́ví ɔ́ ɖo akpɔ́kpɔ́ jí jǎwe, kpódó hlɔ̌nhlɔ́n ɖaxó kpó, kpódó susu kpó.

Luki 21:27

Énɛ́ ɔ́, è nǎ mɔ Gbɛtɔ́ví ɔ́ ɖo akpɔ́kpɔ́ mɛ jǎwe, kpódó hlɔ̌nhlɔ́n kpán, ɖo susu ɖaxó ɖé mɛ.

Luki 21:36

Mi bo nɔ wunzɛn hwebǐnu, bó nɔ ɖo ɖɛ xo wɛ hwebǐnu, bó ná mɔ hlɔ̌nhlɔ́n dó gló nǔ énɛ́ lɛ́ɛ e ná jɛ lɛ́ɛ bǐ, lobo ná sigǎn nɔ te ɖo Gbɛtɔ́ví ɔ́ nukɔn.”

Luki 24:27

É ka bɛ́ xó sín Mɔyízi jí, bó gbɔn gbeyíɖɔ Mawu tɔn lɛ́ɛ bǐ jí, bɔ nǔ e è wlǎn dó wǔtu tɔn ɖo Mawuxówéma mɛ ɔ́, é tín bǐ mɛ nú yě.

Jǎan 12:34

Mɛ lɛ́ɛ ka yí gbe n'i ɖɔ: “Mǐ xa ɖo Mawuxówéma ɔ́ mɛ ɖɔ Klísu ɔ́ kún ná kú gbeɖé ó, bɔ hwɛ ka ɖo ɖiɖɔ nú mǐ wɛ din ɖɔ è nǎ sɔ́ Gbɛtɔ́ví ɔ́ dó jǐ. Mɛ̌ ká nyí Gbɛtɔ́ví énɛ́?”

Jǎan 3:13

Mɛ ɖěbǔ yi Mawu gɔ̌n kpɔ́n gbeɖé zɛ Gbɛtɔ́ví e jɛ te sín sɛ́xwé ɔ́ wú ǎ.

Jǎan 5:27

Mawu ná acɛ ɛ, bɔ é ná ɖɔ hwɛ xá gbɛtɔ́ lɛ́ɛ, ɖó Gbɛtɔ́ví wɛ é nyí.

Mɛsɛ́dó 7:56

bɔ é ɖɔ: “Mi ɖótó! Un mɔ sɛ́xwé ɖo hunhun, bó mɔ Gbɛtɔ́ví ɔ́ ɖo te ɖo ɖisíxwé nú Mawu.”

1 Tɛsalonikinu 4:17

Énɛ́ ɔ́ gúdo ɔ́, mǐ mɛ e ná kpo ɖo gbɛ hwenɛ́nu lɛ́ɛ ɔ́, Mawu ná zé mǐ kpó yě kpó zɛ̌ɛ́n yi jǐ, ɖo akpɔ́kpɔ́ mɛ, bɔ mǐ ná yi kpé Aklúnɔ ɔ́ ɖo jɔhɔn mɛ; bɔ énɛ́ ɔ́, mǐ ná nɔ kpɔ́ xá Aklúnɔ ɔ́ hwebǐnu.

1 Timɔtée 6:16

É ɖokpónɔ géé wɛ má nɔ kú ǎ, bó ɖo wěziza e mɛɖé ma sixú sɛkpɔ́ ǎ é mɛ; mɛɖé mɔ ɛ kpɔ́n gbeɖé ǎ; mɛɖé ka sixú mɔ ɛ lɔ bo gbɔ ǎ. Susu kpódó hlɔ̌nhlɔ́n mavɔ mavɔ kpó ní nyí étɔn; amǐ!

Eblée 2:14

Ée ényí ɖɔ vǐ énɛ́ lɛ́ɛ ɔ́, gbɛtɔ́ wɛ yě nyǐ, bó ɖó agbaza kpó hun kpó ɔ́, Jezu ɖésú húzú gbɛtɔ́, bó ɖó agbaza kpó hun kpó yě ɖɔhun. É húzú gbɛtɔ́, bɔ gbɔn kú tɔn gbla mɛ ɔ́, é hu acɛ nú awǒvi e ɖó acɛ e nɔ hu mɛ é;

Eblée 9:24

Đó Tɛn mímɛ́ e mɛ Klísu byɔ́ ɔ́ nyí Tɛn mímɛ́ ɖé kpowun bɔ gbɛtɔ́ lɛ́ɛ bló, bɔ é nyí xlɛ́ Tɛn mímɛ́ titewungbe ɔ́ tɔn ǎ; lo ɔ́, sɛ́xwé ɖésú wɛ é yi. Fínɛ́ wɛ é ɖo Mawu nukɔn ɖe din, dó ta mǐtɔn mɛ.

Nǔɖexlɛ́mɛ 1:13

Nǔ gbɛtɔ́ ɖɔhun ɖé ɖo tɛ́ntin yětɔn; é dó awu gaga ɖé, bɔ awu ɔ́ ɖi ga káká wá afɔ tɔn lɛ́ɛ jí; é zé akɔ́ntablánú e è zé siká dó bló ná ɔ́ sin dó akɔ́ngónu.

Nǔɖexlɛ́mɛ 1:18

Nyɛ wɛ nyí mɛ gbɛɖe ɔ́. Un ko kú ɖ'ayǐ; amɔ̌ din ɔ́, un ɖo gbɛ hwebǐnu; kú kpódó kútomɛ kpán sín cávi ɖo así ce.

Nǔɖexlɛ́mɛ 1:7

Mi kpɔ́n! É jǎwe ɖo akpɔ́kpɔ́ mɛ! Mɛ bǐ ná mɔ ɛ; mɛ e sɔ́ hwǎn ɛ lɛ́ɛ lɔ ná mɔ ɛ. Akɔta e ɖo ayǐkúngban jí lɛ́ɛ bǐ ná ná alě ɖó éyɛ́ wú. Nǔgbó wɛ, é ná nyí mɔ̌! Amǐ.

Nǔɖexlɛ́mɛ 14:14

Un lɛ́ ɖo kpínkpɔ́n wɛ bó mɔ akpɔ́kpɔ́ wěwé ɖé, bɔ nǔ gbɛtɔ́ ɖɔhun ɖé ɖo ayǐjínjɔ́n ɖ'é jí. Axɔ́súgbákún e è sɔ́ siká dó bló ná ɔ́ ɖokpó ɖo ta tɔn, bɔ é hɛn nǔkún-yanú ɖíɖá ɖokpó alɔ mɛ.