Daniyɛ́li 7:11 - MAWUXÓWÉMA

¹¹ Goyíyíxó baɖabaɖa e ɖɔ wɛ zo ɔ́ ɖe ɔ́ wú wɛ un ɖo nǔ e mɔ wɛ un ɖe ɔ́ kpɔ́n wɛ. Hwenu e un ka ɖo kpínkpɔ́n ɛ wɛ ɔ́, è hu kanlin ɛnɛgɔ́ ɔ́, bó zé e nyi dó myɔ ɖaxó ɖé mɛ bó fyɔ́ ɛ.

Daniyɛ́li 7:11 Iomraidhean Croise

Daniyɛ́li 11:45

Xu ɔ́ kpó só mímɛ́ e ɖo to e nyɔ́ ɖɛkpɛ hú to lɛ́ɛ bǐ é kpó sín tɛ́ntin wɛ é ná bló axɔ́sú sín goxɔ tɔn lɛ́ɛ nyi. Fínɛ́ wɛ kú ná wá fyán ɛ ɖe, bɔ mɛ ɖěbǔ ná wá dó alɔ ɛ ǎ.”

Daniyɛ́li 7:12

Kanlin ɖě lɛ́ɛ e kpo ɔ́ sɔ́ ɖó acɛ ɖěbǔ ǎ. Amɔ̌, è to jó yě dó nyi gbɛ káká jɛ hwe ɖé nu.

Daniyɛ́li 7:8

Hwenu e un ɖo zo tɔn lɛ́ɛ kpɔ́n wɛ ɔ́, zo yɔ̌yɔ́ kpɛví ɖěvo lɛ́ jɛ wǔwú jí ɖó ɖě lɛ́ɛ tɛ́ntin, lobo zin zo xóxó lɛ́ɛ atɔn dɛ́. Zo yɔ̌yɔ́ ɔ́ ɖó gbɛtɔ́ nukún. É ɖó nu ɖokpó bɔ goyíyíxó nɔ́ ɖo tíntɔ́n sín mɛ wɛ.”

Daniyɛ́li 8:25

É ná zé bǐbí tɔn dó táfú mɛ ɖé lɛ́ɛ, bó ná zé goyíyí tɔn dó sú mɛ e vɛdó ɖɔ émí ko mɔ agbɔ̌n lɛ́ɛ sín kún dó, bó ná lɛ́ sí te dó axɔ́sú axɔ́sú lɛ́ɛ tɔn ɔ́ jí. Hwenɛ́nu ɔ́, mɛ ɖěbǔ ná ɖó alɔ wǔ tɔn ǎ, bɔ é ná nɔ mɔ̌ bó gba hánnyá.

2 Tɛsalonikinu 2:8

Hwenɛ́nu ɔ́, Mɛdídá ɔ́ ná tɔ́n, bɔ Aklúnɔ Jezu ná zé funfún e nɔ́ tɔ́n sín nu tɔn mɛ ɔ́ dó hu i, lobo ná sɔ́ wǐwá tɔn sín kínkɔ́n dó vívá kún tɔn.

2 Piyɛ́ɛ 2:18

Yě nɔ ɖo goyítɔ́ xó ɖɔ wɛ, bó nɔ ɖo xlonɔ xó ɖɔ wɛ; yě nɔ wlí mɛ e ma ko hɔn sín yě mɛ e ɖo ali bú wɛ lɛ́ɛ tɛ́ntin zinzin ǎ lɛ́ɛ dó mɔ mɛ; nǔblíblí wiwa sín jlǒ e yě ɖó ɖo gbɛtɔ́ nyínyí mɛ lɛ́ɛ wɛ yě nɔ́ dó wlí yě dó mɔ mɛ.

Judi 1:16

Mɛ énɛ́ lɛ́ɛ ɔ́, nǔɖé nɔ jɛ yětɔn jí gbeɖé ǎ; vo sa wɛ jɛ́n yě nɔ ɖe; yě nɔ zán gbɛ yětɔn lě e é jló yě gbɔn é; yě nɔ yí nu go, bó nɔ klɔ́ mɛ, bó ná dó mɔ nǔɖé yí ɖo mɛ sí.

Nǔɖexlɛ́mɛ 18:8

Énɛ́ ɔ́ wú wɛ awě e è sɔ́ ɖó ayǐ n'i lɛ́ɛ ná xo e ɖo kéze ɖokpó géé mɛ; awě énɛ́ lɛ́ɛ wɛ nyí: kúzɔ́n, aluwɛ kpódó adɔ kpó; è nǎ zě myɔ dó fyɔ́ ɛ ná. Đó Aklúnɔ Mawu e ɖo hwɛ ɖɔ xá ɛ wɛ ɔ́ ɖó hlɔ̌nhlɔ́n.”

Nǔɖexlɛ́mɛ 19:20

Ahwan wlí kanlin ɔ́ kpó gbeyíɖɔnyíjɛtɔ́ e jlɛ́ nǔ ɖo nukɔn tɔn ɔ́ kpó. Nǔjlɛ́jlɛ́ énɛ́ lɛ́ɛ wɛ é dó flú mɛ e wú kanlin ɔ́ sín wuntun ɖe, bɔ yě nɔ́ sɛn kanlin ɔ́ sín akpajlɛ́ lɛ́ɛ ná. È sɔ́ kanlin ɔ́ kpó gbeyíɖɔnyíjɛtɔ́ ɔ́ kpó gbɛɖe gbɛɖe nyi dó myɔ togotogo e mɛ hwemí ɖo jiji ɖe wɛ ɔ́ mɛ.

Nǔɖexlɛ́mɛ 20:10

Hwenɛ́nu ɔ́, è zě awǒvi e ɖo yě flú wɛ ɔ́ nyi dó myɔ togotogo e mɛ hwemí ɖo jiji ɖe wɛ ɔ́ mɛ; myɔ énɛ́ mɛ wɛ è ko zé kanlin ɔ́ kpó gbeyíɖɔnyíjɛtɔ́ ɔ́ kpó nyi; yě ná ɖo ya ɖaxó ɖé ji wɛ zǎn kéze káká sɔ́yi.

Nǔɖexlɛ́mɛ 20:12

Un mɔ mɛkúkú lɛ́ɛ, mɛxó kpó yɔkpɔ́vú kpó ɖo te ɖo axɔ́súzinkpo ɔ́ nukɔn, bó lɛ́ hun wěma ɖé lɛ́ɛ. È lɛ̌ hun wěma ɖěvo; wěma e mɛ è wlǎn mɛ e ɖo gbɛ lɛ́ɛ sín nyǐkɔ dó ɔ́ wɛ. Mɛkúkú lɛ́ɛ ɔ́, è ɖɔ hwɛ xá yě bɔ é sɔgbe xá nǔ e yě wa bɔ è wlǎn dó wěma lɛ́ɛ mɛ é.

Nǔɖexlɛ́mɛ 20:4

Un mɔ axɔ́súzinkpo lɛ́ɛ: è nǎ acɛ mɛ e jínjɔ́n jí lɛ́ɛ, bɔ yě ná ɖɔ hwɛ. Mɛ e è gbo ta, ɖó yě jlá Mawuxó ɔ́, bó ɖe kúnnu nú Jezu wútu lɛ́ɛ ɔ́, un lɛ́ mɔ lǐndɔ̌n yětɔn. Yě sɛn kanlin ɔ́ ǎ; yě sɛn akpajlɛ́ tɔn ǎ, kanlin ɔ́ sín wuntun ka ɖo nukɔn nú yě ǎ; é ka lɛ́ ɖo alɔ nú yě ǎ. Mɛ énɛ́ lɛ́ɛ lɛ́ wá gbɛ, bó ɖu axɔ́sú xá Klísu nú xwe afatɔ́n (1.000).