Daniyɛ́li 7:10 - MAWUXÓWÉMA

¹⁰ Myɔtɔ nɔ tɔ́n bó nɔ ɖo sisa wɛ ɖo nukɔn tɔn. Gbɛtɔ́ wɔ̌blíba ɖo te nukɔn tɔn bó ná sɛn ɛ. Hwɛɖɔtɔ́ lɛ́ɛ wá jínjɔ́n ayǐ, bɔ è hun wěma ɖé lɛ́ɛ nyi wɛn.

Daniyɛ́li 7:10 Iomraidhean Croise

1 Axɔ́sú 22:19

Micée ka ɖɔ n'i ɖɔ: “Se nǔ e Mawu Mavɔmavɔ ɖɔ ɔ́. Un mɔ Mawu Mavɔmavɔ ɖo ayǐjínjɔ́n ɖo axɔ́súzinkpo tɔn jí, bɔ mɛsɛntɔ́ sɛ́xwé tɔn lɛ́ɛ bǐ ɖo gɔ̌n tɔn. Mɛ hǎbǔ ɖo ɖisí tɔn xwé, bɔ hǎbǔ ɖo amyɔ tɔn xwé.

2 Tan 18:18

Micée ka ɖɔ n'i ɖɔ: “Se nǔ e Mawu Mavɔmavɔ ɖɔ ɔ́. Un mɔ Mawu Mavɔmavɔ ɖo ayǐjínjɔ́n ɖo axɔ́súzinkpo tɔn jí, bɔ mɛsɛntɔ́ sɛ́xwé tɔn lɛ́ɛ bǐ ɖo gɔ̌n tɔn. Mɛ hǎbǔ ɖo ɖisí tɔn xwé, bɔ mɛ hǎbǔ ɖo amyɔ tɔn xwé.

Jɔ̌bu 25:3

Mɛ̌ ka sixú xa ahwangɔnu tɔn lɛ́ɛ? Mɛ̌ jí wɛ wěziza tɔn ma ka nɔ hɔ́n dó ǎ?

Ɖɛhan 103:21

Mi kpa susu nú Mawu Mavɔmavɔ, mi ahwangɔnu tɔn lɛ́ɛ. Mi mɛ e nyí mɛsɛntɔ́ tɔn bó nɔ́ wa jlǒ tɔn lɛ́ɛ bǐ ní kpa susu n'i.

Ɖɛhan 18:8

Ayǐkúngban ɔ́ húnhún bó dán wǔ; só lɛ́ɛ sín dodó lɛ́ɛ sísɔ́, bó húnhún, ɖó Mawu sin xomɛ.

Ɖɛhan 50:3

É ja, Mawu mǐtɔn ja, é ɖo xwíí bó ja ǎ. Myɔ ɖaxó ɖé ɖo nukɔn tɔn, jɔhɔn ɖaxó ɖé lɛ́ lɛ̌ dó e.

Ɖɛhan 68:17

Bɔ hwi só nuvínu gěgé nɔ, étɛ́wú a ɖo wǔ hwan só e Mawu sɔ́ bó ná nɔ jí é wɛ? Só e Mawu Mavɔmavɔ sɔ́ bɔ é ná nyí nɔtɛn tɔn káká sɔ́yi é wɛ.

Ezayíi 30:27

Mawu Mavɔmavɔ ɖésúnɔ ɖíe jǎwe sín zɔ dɔ̌n e; xomɛsin ɖaxó jí wɛ é ɖe, xomɛsin ɔ́ syɛ́n ɖésú; Mawu Mavɔmavɔ ɖo adǎn jí; xó e ɖo tíntɔ́n sín nu tɔn mɛ wɛ é cí myɔ ɖaxó ɖé ɖɔhun.

Ezayíi 30:33

Fí e è nǎ dó axɔ́sú ɔ́ zo ɖe ɔ́, è blǒ ɖ'ayǐ din ɔ́, é kó lín; fí ɔ́ gbló bó gɔ́ngɔ́n bɔ è to nakí d'é mɛ. Mawu Mavɔmavɔ sín funfún ná dó nakí ɔ́ zo, bɔ é ná ji hɛhɛ hwemí ɖɔhun.

Daniyɛ́li 12:1

Wɛnsagun ɔ́ lɛ́ vɔ́ ɖɔ nú mì ɖɔ: “Hwenɛ́nu ɔ́, Micɛ́li gǎn wɛnsagun lɛ́ɛ tɔn e nɔ́ nya xɛ ɖo togun towe jí é ná wá. Akpɔmimɔ sín hwenu ɖé wɛ é ná nyí, bɔ nǔ e ná jɛ akɔta énɛ́ ɔ́ hwenu ɔ́, ɖě ná ko jɛ kpɔ́n sín hwenu e akɔta ɖě lɛ́ɛ ko jɔ é ǎ. Énɛ́ ɔ́ gúdo ɔ́, è nǎ hwlɛ́n to towe mɛ nu e sín nyǐkɔ è wlǎn dó gbɛwéma ɔ́ mɛ lɛ́ɛ gán.

Daniyɛ́li 7:22

Lo ɔ́, degénɔ kpikpoe ɔ́ wá, bó mɔ hwɛjijɔ nú togun mímɛ́ Mawu Ajalɔ̌nlɔn ɔ́ tɔn. Ée hwe ɔ́ nu wá su ɔ́, togun mímɛ́ ɔ́ wá yí axɔ́súɖuto ɔ́.

Daniyɛ́li 7:26

Énɛ́ ɔ́ gúdo ɔ́, hwɛɖiɖɔ sɛ́xwé tɔn ɔ́ ná wá, bó ná yí acɛkpikpa tɔn, bó ná sú kún tɔn dó, bɔ é sɔ́ ná tíin nyǐ gbeɖé ǎ.

Zakalíi 14:5

Énɛ́ ɔ́, mi ná hɔn yi tɔdo e ɖo só ce lɛ́ɛ tɛ́ntin é mɛ, ɖó tɔdo ɔ́ ná gbló ada káká yi Asálu. Mi ná hɔn lě e tɔ́gbó mitɔn lɛ́ɛ hɔn gbɔn hwenu e ayǐkúngban dán wǔ axɔ́sú Judáa tɔn Oziyási hwenu é. Mawu Mavɔmavɔ, Mawu ce ná wá, é kpódó wɛnsagun tɔn lɛ́ɛ bǐ kpó.

Matíe 25:31

“Hwenu nyɛ Gbɛtɔ́ví ɔ́ ná lɛ́ kɔ wá, kpódó susu kpó, ɖo wɛnsagun lɛ́ɛ bǐ tɛ́ntin ɔ́, un ná wá jínjɔ́n axɔ́súzinkpo ce jí,

Sɛ́nflínmɛ 33:2

“Mawu Mavɔmavɔ gosín Sinayíi só jí bó wá. É tɔ́n ɖo Seyíi to ɔ́ ta nu hwe ɖɔhun. É tɔ́n ɖo Paláni só lɛ́ɛ jí, bó za wě dó togun ɔ́ bǐ jí. Wɛnsagun wɔ̌buwɔ́bú ɖé xwedó e bɔ é wá mɛ tɔn lɛ́ɛ gɔ́n, bó hɛn sɛ́n ɔ́ alɔ mɛ, bɔ é ɖo jiji wɛ myɔ ɖɔhun.

Eblée 1:14

Étɛ́ wɛnsagun lɛ́ɛ ka nyí lo? Yɛ wɛ yě bǐ nyí, bó ɖo azɔ̌ wa nú Mawu wɛ, bɔ Mawu sɛ́ yě dó nú yě ná wá dó alɔ mɛ e ɖó ná mɔ hwlɛngán lɛ́ɛ.

Eblée 12:22

Lo ɔ́, midɛɛ lɛ́ɛ ɔ́, mi sɛkpɔ́ Sinyɔ́ɔ só ɔ́; mi sɛkpɔ́ Jeluzalɛ́mu sɛ́xwé tɔn, ée nyí toxo Mawu gbɛɖe ɔ́ tɔn é, bó sɛkpɔ́ wɛnsagun wɔ̌buwɔ́bú lɛ́ɛ.

Judi 1:14

Henɔci e nyí jijimɛ tɛ́nwegɔ́ ɔ́ bɛ́ sín Adámu jí ɔ́, é ko lín xóxó din bɔ é dó wɛn élɔ́ e Mawu sɔ́ dó ayi mɛ n'i ɖɔ é ní dó e; é ɖɔ: “Mi kpɔ́n! Aklúnɔ kpó wɛnsagun mímɛ́ tɔn wɔ̌buwɔ́bú lɛ́ɛ kpó ja, bó ná ɖɔ hwɛ xá mɛ bǐ, bó ná ɖó hwɛ nú mɛdídá lɛ́ɛ bǐ; yě ná bló mɔ̌, ɖó nǔ nyanya e mɛdídá lɛ́ɛ wa hwenu e yě fɔ́n gǔ dó Mawu jí lɛ́ɛ bǐ, kpódó xó baɖabaɖa e hwɛhutɔ́ énɛ́ lɛ́ɛ e ma nɔ ɖó sísí nú Mawu ǎ lɛ́ɛ ɖɔ dó Mawu wú ɔ́ bǐ kpó wútu”. Mɛ énɛ́ lɛ́ɛ wú wɛ wɛn énɛ́ e é dó ɔ́ ɖɔ xó dó.

Nǔɖexlɛ́mɛ 11:18

To lɛ́ɛ ko ɖo adǎn jí ɖ'ayǐ, amɔ̌ hwenu e a nǎ ɖe xomɛsin towe xlɛ́ dó ɔ́ su; hwenu e a nǎ ɖɔ hwɛ xá mɛkúkú lɛ́ɛ dó ɔ́ su; hwenu e a nǎ ná ajɔ gbeyíɖɔ mɛsɛntɔ́ towe lɛ́ɛ dó ɔ́ su. Mɛ e nyí towe lɛ́ɛ kpódó mɛ e nɔ sí we lɛ́ɛ bǐ kpó ɔ́, yě tlɛ nyí mɛxó abǐ yɔkpɔ́vú ɔ́, hwenu e a nǎ ná ajɔ yě dó ɔ́ su; hwenu e a nǎ vívá mɛ e nɔ hɛn ayǐkúngban ɔ́ gblé lɛ́ɛ sín kún dó ɔ́ su.”

Nǔɖexlɛ́mɛ 5:11

Un lɛ́ kpɔ́n bó se wɛnsagun wɔ̌buwɔ́bú ɖé lɛ́ɛ sín gbe; wɛnsagun wɔ̌bliwɔ̌va wɛ; yě lɛ́ lɛ̌ dó axɔ́súzinkpo ɔ́ kpó nǔɖogbɛ lɛ́ɛ kpó, kpódó mɛxó lɛ́ɛ kpán.