Daniyɛ́li 7:1 - MAWUXÓWÉMA

¹ Xwe e xwe axɔ́sú Babilɔ́nu tɔn Bɛlucasáa yi zinkpo jí ɔ́, Daniyɛ́li mlɔ ayǐ ɖo zan jí, bó kú dlɔ̌, bó mɔ nǔ tɛnmɛ tɛnmɛ ɖo amlɔ mɛ. Ée é yá ɔ́, é wlán dlɔ̌ e é kú ɔ́, bó xa nǔ tají tají e é mɔ ɖo amlɔ mɛ lɛ́ɛ.

Daniyɛ́li 7:1 Iomraidhean Croise

Bǐbɛ́mɛ 15:1

Ée nǔ énɛ́ lɛ́ɛ jɛ wá yi gúdo ɔ́, Ablámu mɔ nǔ. É mɔ Mawu Mavɔmavɔ bɔ é ɖɔ xó n'i; é ɖɔ n'i ɖɔ: “Ablámu! Ma ɖi xɛsi ó; nyɛ wɛ nyí gǎglónú towe; un ná ná we ajɔ bɔ é ná d'agba ɖésú.”

Bǐbɛ́mɛ 46:2

Mawu ɖɔ xó nú Jakɔ́bu zǎn mɛ ɖo nǔmimɔ ɖé mɛ, bó ɖɔ: “Jakɔ́bu! Jakɔ́bu!” Bɔ Jakɔ́bu yí gbe ɖɔ: “Nyɛ ɖíe!”

Jɔ̌bu 4:13

Zǎn xóxó mɛ wɛ nǔ énɛ́ jɛ ɖo dlɔ̌ nyanya ɖé mɛ, hwenu e gbɛtɔ́ lɛ́ɛ ɖo sɛnmlɔ dɔ́ wɛ é.

Ezayíi 30:8

Mawu ɖɔ nú Ezayíi ɖɔ: “Din ɔ́, yi wlán nǔ énɛ́ lɛ́ɛ ɖó atɛ jí ɖo Jeluzalɛ́munu lɛ́ɛ nukún mɛ. Wlǎn dó nǔ jí. Đó é ná wá nyí xlɛ́ ɖokpó nú yě sɔ; é ná nɔ ayǐ káká sɔ́yi.”

Ezayíi 8:1

Mawu Mavɔmavɔ ɖɔ nú mì ɖɔ: zě tɛ gblogblo ɖokpó bó wlán xó élɔ́ d'é jí ní ɖi wun ganjí: “Dɔkun-jɛ-agba-Zɔnmɛ-bo-bɛ́”.

Jelemíi 23:28

Gbeyíɖɔ ɖé kú dlɔ̌ ɖé hǔn, é ní wlí ɖɔ bó! Nú un ka ɖɔ xó nú mɛ ɖé hǔn, mɛ ɔ́ ní ɖɔ lě e un ɖɔ gbɔn n'i ɔ́ pɛ́pɛ́pɛ́. È ma sɔ́ jinukún ɖó wɔn tɛnmɛ ó. Xó e nyɛ Mawu Mavɔmavɔ ɖɔ ɔ́ nɛ́.

Jelemíi 27:7

Akɔta lɛ́ɛ bǐ ná nɔ acɛ tɔn mɛ, bǐ ná nɔ vǐ tɔn sín acɛ mɛ, bó nɔ vǐvú tɔn lɛ́ɛ sín acɛ mɛ, káká wá jɛ hwenu e to é ɖésúnɔ tɔn ná jɛ akɔta e syɛ́n hú i lɛ́ɛ kpó axɔ́sú e hú gǎn ɛ lɛ́ɛ kpó sín acɛ mɛ dó é.

Jelemíi 36:32

Jelemíi lɛ́ sɔ́ anyǔwéma ɖěvo, bó vlɔ́n, bó sɔ́ jó nú wěgbójínɔtɔ́ Baalúki, lobo lɛ́ ɖɔ xó e ɖo wěma nukɔn tɔn e Yoyakímu dó zo ɔ́ jí lɛ́ɛ bǐ nú Baalúki, bɔ é wlán xó e Jelemíi ɖɔ lɛ́ɛ ɖokpó ɖokpó ɖ'é jí. Xó mɔ̌hun gěgé ɖěvo lɛ́ɛ lɛ́ ɖo wěma ɔ́ jí.

Jelemíi 36:4

Ée Jelemíi se mɔ̌ ɔ́, é ylɔ́ Baalúki Nɛliya ví ɔ́, lobo ɖɔ xó e Mawu Mavɔmavɔ ɖɔ n'i lɛ́ɛ ɖokpó ɖokpó n'i, bɔ Baalúki dó bǐ wěma mɛ.

Ezekiyɛ́li 1:1

Sun ɛnɛgɔ́ ɔ́ e ɖo xwe gbangɔ́ (30) ɔ́ mɛ ɔ́ sín azǎn atɔ́ɔ́ngɔ́ ɔ́ gbe ɔ́, un ɖo mɛ e ahwan wlí, bó kplá yě yi ɖó Kebáa tɔ ɔ́ tó lɛ́ɛ mɛ; fínɛ́ wɛ un ɖe bo mɔ jǐnukúnsin hun, bɔ Mawu ɖe nǔ xlɛ́ mì.

Ezekiyɛ́li 40:2

Mawu zé mì yi Izlayɛ́li ɖo nǔmimɔ mɛ; é sɔ́ mì yi ɖó só ɖé jí; só ɔ́ yi jǐ ɖésú; nǔ xɔ ɖɔhun ɖé lɛ́ɛ ɖo só ɔ́ sín ajaja e ɖo afɔligbé ɔ́ mɛ, toxo ɖé wɛ ɖo fínɛ́ ɖɔhun.

Daniyɛ́li 1:17

Dɔ̌nkpɛvú ɛnɛ lɛ́ɛ ɔ́, Mawu ná yě nukúnnú-mɔjɛnǔmɛ, bó ná yě nǔtunwuntunwun, bɔ yě se gbe lɛ́ɛ, bó lɛ́ ɖó nǔnywɛ́. Daniyɛ́li ɔ́, éyɛ́ nɔ́ tín nǔmimɔ kpó dlɔ̌ lɛ́ɛ kpó mɛ.

Daniyɛ́li 2:1

Hwenu e axɔ́sú Nabukodonɔzɔ́ɔ ɖo xwe we bló wɛ ɖo zinkpo jí ɔ́, é kú dlɔ̌ ɖokpó, bɔ ayi tɔn bǐ gbadó, bɔ adɔ̌ vɛ́ ɛ.

Daniyɛ́li 2:26

Axɔ́sú ɔ́ yí xó, bó kanbyɔ́ Daniyɛ́li e è sun nyǐ ɖɔ Bɛluticasáa ɔ́ ɖɔ: “A sixú ɖɔ dlɔ̌ e un kú ɔ́, bó tínmɛ nú mì a?”

Daniyɛ́li 4:13

È nǎ yí ayi gbɛtɔ́ tɔn sín así tɔn, bó ná ná ɛ ayi kanlin tɔn, bɔ é ná nɔ mɔ̌ káká nú xwe tɛ́nwe.’

Daniyɛ́li 4:5

É nɔ zaan bɔ Daniyɛ́li lɔmɔ̌ wá mɔ mì. Nya ɖé wɛ bɔ è nɔ lɛ́ ylɔ́ ɛ ɖɔ Bɛluticasáa. Nyǐkɔ énɛ́ ɔ́, vodún ce sín nyǐkɔ mɛ wɛ è ɖe sín . Nya énɛ́ ɔ́, nǔmɛsɛn mímɛ́ lɛ́ɛ sín yɛ ɖo jǐ tɔn. Ée é wá ɔ́, un ɖɔ dlɔ̌ e un kú ɔ́ n'i; un ɖɔ n'i ɖɔ:

Daniyɛ́li 5:1

É wá su gbe ɖokpó, bɔ axɔ́sú Bɛlucasáa ylɔ́ agɔ̌ ɖaxó ɖokpó dó tozɔ́watɔ́ tɔn ɖaxó ɖaxó lɛ́ɛ tamɛ. Yě bǐ kplékplé yi afatɔ́n (1.000), bɔ axɔ́sú ɔ́ nu vɛ̌ɛn xá yě.

Daniyɛ́li 5:22

Amɔ̌ hwɛ Bɛlucasáa ɔ́, vǐ tɔn wɛ a nyǐ, bó tunwun nǔ énɛ́ lɛ́ɛ bǐ, cóbó ká zé hwiɖée hwe ǎ.

Daniyɛ́li 5:30

Gbe énɛ́ gbe zǎn mɛ ɔ́, è hu axɔ́sú Babilɔ́nu tɔn Bɛlucasáa.

Daniyɛ́li 7:13

Un ɖo nǔ e mɔ wɛ un ɖe zǎn ɔ́ mɛ ɖo amlɔ mɛ ɔ́ kpɔ́n wɛ, bó mɔ nǔ gbɛtɔ́ ɖɔhun ɖé ɖo akpɔ́kpɔ́ mɛ jǎwe. É ɖidó degénɔ e nukɔn è kplá ɛ xwe ɔ́ gɔ́n.

Daniyɛ́li 7:15

“Nyɛ Daniyɛ́li ɔ́, ayi ce bǐ gbadó, bɔ nǔ e mɔ wɛ un ɖe lɛ́ɛ dó xɛsi nú mì.

Daniyɛ́li 7:7

Un lɛ́ ɖo nǔ e mɔ wɛ un ɖe ɖo zǎn mɛ ɔ́ kpɔ́n wɛ. Kanlin ɛnɛgɔ́ e un mɔ ɔ́ dó xɛsi bó hu ado. Hlɔ̌nhlɔ́n e ɖo wǔtu tɔn ɔ́ vɛ́ jlɛ́. Ganɖú ɖaxó ɖaxó wɛ ɖo nu tɔn mɛ bɔ é nɔ dó ɖu nǔ ná, bó nɔ́ zé dó vúnvún nǔ e é nɔ́ wlí lɛ́ɛ ná. É nɔ́ gbídí nǔ e é ma nɔ ɖu ǎ lɛ́ɛ ɖó afɔ wú. Kanlin énɛ́ ɔ́ gbɔn vo nú atɔn ɖě lɛ́ɛ sésé, bó lɛ́ ɖó zo wǒ.

Daniyɛ́li 8:1

Hwenu e axɔ́sú Bɛlucasáa ɖo xwe atɔn bló wɛ ɖo zinkpo jí ɔ́, nyɛ Daniyɛ́li lɛ́ mɔ nǔ ɖěvo dó ée un ko mɔ ɖ'ayǐ ɔ́ gúdo.

Amɔ́si 3:7

Đó Aklúnɔ Mavɔmavɔ nɔ wa nǔɖé ma ɖe nǔbúdo tɔn xlɛ́ mɛsɛntɔ́ tɔn gbeyíɖɔ lɛ́ɛ ǎ.

Xabakúku 2:2

Mawu Mavɔmavɔ yí gbe nú nyɛ Xabakúku ɖɔ: “Wlǎn nǔ e ɖe xlɛ́ we wɛ un ɖe ɔ́, wlǎn dó awǐnnyatɛ jí ní kló, bónú è nǎ sixú mɔ xa ganjí.

Kɛ́nsísɔ́ 12:6

bɔ é ɖɔ nú yě ɖɔ: “Mi ɖótó xó e ná ɖɔ nú mi wɛ un ɖe ɔ́ ganjí. Ényí gbeyíɖɔ ɖé ɖo mi mɛ ɔ́, nyɛ Mawu Mavɔmavɔ wɛ nɔ ɖe nyɛɖée xlɛ́ ɛ, bó nɔ́ ɖɔ xó n'i gbɔn nǔmimɔ kpódó dlɔ̌ kpó mɛ.

Hlɔ̌manu 15:4

Nǔ e è ko wlán dó Mawuxówéma ɔ́ mɛ ɖ'ayǐ xóxó lɛ́ɛ bǐ ɔ́, è wlán yě, bó ná dó kplɔ́n nǔ mǐ, bónú mǐ ná ɖó nukún nǔ gbɔn sɔxwixwe kpó akɔ́nkpinkpan e Mawuxówéma ɔ́ nɔ ná mǐ ɔ́ kpó gbla mɛ.

2 Kɔlɛ́ntinu 12:1

Hǔn, un ɖó ná jlá ajɔ̌ nú nyɛɖée; có é ka nyɔ́ mɔ̌ ǎ. Amɔ̌ din ɔ́, un ná ɖɔ xó dó nǔmimɔ kpódó nǔɖexlɛ́mɛ kpán e Aklúnɔ ná mì ɔ́ wú.

Nǔɖexlɛ́mɛ 1:19

Hǔn, bo wlán nǔ e a mɔ lɛ́ɛ: ée ɖo jijɛ wɛ din lɛ́ɛ kpódó ée ná wá jɛ dó énɛ́ lɛ́ɛ gúdo lɛ́ɛ kpán.

Nǔɖexlɛ́mɛ 10:4

Ée so tɛ́nwe lɛ́ɛ dó gbe fó ɔ́, un jló ná jɛ nǔ e yě ɖɔ lɛ́ɛ wlán jí, lo ɔ́, un se gbe ɖé sín jǐxwé, bɔ gbe ɔ́ ɖɔ nú mì ɖɔ: “Hɛn nǔ e so tɛ́nwe lɛ́ɛ ɖɔ é dó ayi mɛ; ma wlán ó.”