Daniyɛ́li 6:8 - MAWUXÓWÉMA

⁸ Mǐ mɛ gǎn e ɖo axɔ́súɖuto ɔ́ mɛ lɛ́ɛ bǐ: Nǔjíkpɔ́ntɔ́ lɛ́ɛ, tokpɔnjíkpɔ́ntɔ́ lɛ́ɛ, nǔnywɛ́námɛtɔ́ lɛ́ɛ kpó tokpɔngán lɛ́ɛ kpó bǐ kplé, bó ɖó gbe kpɔ́ ɖɔ mɛ ní ɖe gbeta ɖokpó tɔ́n, bó jlá gbɔn to ɔ́ bǐ mɛ, bó ɖɔ syɛ́nsyɛ́n ɖɔ sín égbé káká yi azǎn gban (30) gbe ɔ́, mɛ ɖěbǔ xomlá nǔmɛsɛn ɖěbǔ, abǐ gbɛtɔ́ ɖěbǔ, bɔ é má nyí mɛ Sɛ́mɛɖó ɔ́ wɛ è xomlá ǎ ɔ́, è nǎ sɔ́ mɛ énɛ́ nyi dó kinnikínnído mɛ.

Daniyɛ́li 6:8 Iomraidhean Croise

Ɛsitɛ́ɛ 1:19

Sɛ́mɛɖó! Ényí é jló mɛ ɔ́, è nǎ ɖe sɛ́n ɖokpó tɔ́n; è nǎ wlán sɛ́n ɔ́ dó Pɛ́si kpó Mɛdi kpó sín sɛ́nwéma ɔ́ mɛ, bɔ è sɔ́ ná súnsún gbeɖé ǎ. Sɛ́n ɔ́ ná ɖɔ axɔ́si Vasitíi kún sɔ́ ná wá axɔ́sú ɔ́ nukɔn gbeɖé ó; bɔ mɛ ná zé axɔ́si nyínyí sín acɛ e é ɖó ɔ́ nú nyɔ̌nu ɖěvo e ná nyɔ́ hú éyɛ́ ɔ́.

Ɛsitɛ́ɛ 3:12

Azǎn wǒ-atɔngɔ́ e ɖo sun nukɔntɔn ɔ́ mɛ ɔ́, è ylɔ̌ wěgbóhɛntɔ́ axɔ́sú ɔ́ tɔn lɛ́ɛ; yě wlán wěma lɛ́ɛ lě e Hamáa ɖɔ gbɔn nú yě é, bó sɛ́ dó mɛ e sɔ́ axɔ́sú ɔ́ sín afɔ ɖó te lɛ́ɛ kpó tokpɔngán lɛ́ɛ kpó, kpódó togun tɛnmɛ tɛnmɛ lɛ́ɛ sín gǎn lɛ́ɛ kpán. È wlǎn wěma lɛ́ɛ lě e tokpɔn ɖokpó ɖokpó nɔ wlán nǔ gbɔn é, bó wlán dó gbe e togun ɖokpó ɖokpó nɔ dó ɖo axɔ́súɖuto ɔ́ mɛ é mɛ. Axɔ́sú Zɛ̌ɛzɛsi sín nyǐkɔ mɛ wɛ è wlǎn wěma lɛ́ɛ dó, bó zé alɔgan tɔn dó ɖó wuntun ná.

Ɛsitɛ́ɛ 8:10

È wlǎn wěma ɔ́ dó axɔ́sú Zɛ̌ɛzɛsi sín nyǐkɔ mɛ, bó sɔ́ alɔgan tɔn sín wuntun tɛ jí. È bɛ̌ wěma lɛ́ɛ nú sɔ́xátɔ́ lɛ́ɛ bɔ yě xá sɔ́ e yě bɛ̌ sín axɔ́sú ɔ́ sín sɔ́kpó mɛ lɛ́ɛ jí, bó yi má wěma lɛ́ɛ.

Ɛsitɛ́ɛ 8:3

Énɛ́ ɔ́ gúdo ɔ́, Ɛsitɛ́ɛ jɛ kpo ɖo axɔ́sú ɔ́ sá mɛ kpó avǐ kpó, bó sa vo n'i ɖɔ é ní gbɛ́ tito baɖabaɖa e Hamáa e tɔ́n sín Agagi kún mɛ ɔ́ ɖó ayǐ bó ná dó sú Jwifu lɛ́ɛ sín kún dó é.

Ɛsitɛ́ɛ 8:8

Amɔ̌, wěma e è wlǎn dó nyǐkɔ ce mɛ bó sɔ́ alɔgan ce sín wuntun tɛ jí ɔ́, un sɔ́ sixú húzú gbeɖé ǎ. É ká ɖo mɔ̌ có midɛɛ ɔ́, mi sixú wlán wěma ɖokpó lě e é jló mi gbɔn ɔ́ nú ɖagbe Jwifu lɛ́ɛ tɔn. Mi wlán wěma ɔ́ dó nyǐkɔ ce mɛ, bó sɔ́ alɔgan ce sín wuntun tɛ ji.”

Ɖɛhan 94:21

Yě nɔ́ kplé dó mɛ e nɔ wa nǔ jlɔ́jlɔ́ lɛ́ɛ bó ná hu; yě nɔ́ ɖó hwɛ nú xomɛvɔ́nɔ.

Ezayíi 10:1

Heelú yě mɛ e nɔ ɖe gbetakɛ́n nyanya tɔ́n lɛ́ɛ é; heelú yě mɛ e nɔ wlán sɛ́n e nɔ́ dɔn toví dó ya mɛ é dó wěma mɛ lɛ́ɛ é!

Daniyɛ́li 5:28

‘Palusíin’ ɔ́ sín tínmɛ nyí nǔmímá. É ɖo ɖiɖɔ ɖo fínɛ́ wɛ ɖɔ è mǎ axɔ́súɖuto ɔ́ nú Mɛdinu lɛ́ɛ kpó Pɛ́sinu lɛ́ɛ kpó.”

Daniyɛ́li 6:12

Đɛ xo wɛ é ɖe, bó ɖo Mawu tɔn xomlá wɛ, bɔ kɛntɔ́ lɛ́ɛ wá byɔ́ xɔ ɔ́ mɛ kpó zǐngídi kpó, bó gbo e dó.

Daniyɛ́li 6:15

Ée axɔ́sú ɔ́ se mɔ̌ ɔ́, wǔ kú i ɖésú, bɔ é ɖɔ dó ayi mɛ ɖɔ émí ná hwlɛ́n Daniyɛ́li gán, bó ɖo lě e é ná wa gbɔn ɔ́ lin wɛ káká bɔ hwe yi xɔ.

Matíe 24:35

Jǐnukúnsin kpódó ayǐkúngban kpó ná vɔ, amɔ̌, xó ce lɛ́ɛ ná vɔ gbeɖé ǎ.