Daniyɛ́li 6:5 - MAWUXÓWÉMA

⁵ Din ɔ́, gǎn we ɖě lɛ́ɛ kpó tokpɔngán lɛ́ɛ kpó jɛ nǔ e wú yě ná ɖó dó, bó ná dɔn toxó ɖé dó kɔ nú Daniyɛ́li ɔ́ ba jí, yě ká mɔ ali tɔn ǎ, é ká dó nǔɖé sin ǎ, ɖó é ɖo gbejí, bɔ è nɔ mɔ vɛ̌dónúnǔ sín walɔ ɖé ɖo así tɔn ǎ; é ká wa nǔɖé nyi do ǎ.

Daniyɛ́li 6:5 Iomraidhean Croise

Ɛsitɛ́ɛ 3:8

Hamáa ɖɔ nú axɔ́sú Zɛ̌ɛzɛsi ɖɔ: “Sɛ́mɛɖó e, togun ɖé tíin bó ɖo axɔ́súɖuto mɛtɔn mɛ, bó gba kpé tokpɔn lɛ́ɛ bǐ mɛ. Togun énɛ́ ɔ́ gbɔn vo ɖo togun ɖě lɛ́ɛ bǐ mɛ, bɔ walɔ tɔn gbɔn vo nú togun ɖě lɛ́ɛ bǐ tɔn; mɛ e ɖo togun énɛ́ ɔ́ mɛ lɛ́ɛ nɔ nyi sɛ́n mɛtɔn lɛ́ɛ ǎ; è nǎ agbɔ̌n mɛ énɛ́ lɛ́ɛ ɔ́, é ná nyɔ́ nú mɛ ǎ.

Ɖɛhan 37:32

Mɛdídá nɔ́ ɖo wu yi nú hwɛjijɔnɔ wɛ, bó nɔ́ ɖo hwenu e é ná mɔ tɛn ɖo wǔ tɔn bó hu i é ba wɛ.

Jelemíi 29:7

Mi ba lě e toxo e mɛ un sɔ́ ahwan dó wlí mi yi ɖó ɔ́ ná yi nukɔn gbɔn é; mi xo ɖɛ nú Mawu Mavɔmavɔ dó toxo ɔ́ tamɛ, ɖó nyɔ̌ná mitɔn ɖo nukɔn yiyi to ɔ́ tɔn sí.’

1 Samuwɛ́li 24:17

Ée Davídi ɖɔ xó énɛ́ lɛ́ɛ nú Sawúlu fó ɔ́, Sawúlu kanbyɔ́ Davídi ɖɔ: “Davídi, vǐ ce, hwi jɛ́n ɖo mɔ̌ ɖɔ nú mì wɛ a?” Ée é ɖɔ mɔ̌ ɔ́, é sú xó bó ya avǐ káká,

1 Samuwɛ́li 29:3

Ahwangán Filisitɛ́ɛn lɛ́ɛ tɔn lɛ́ɛ kanbyɔ́ ɖɔ: “Étɛ́ wa wɛ Eblée élɔ́ lɛ́ɛ ka ɖe ɖo fí?” Bɔ Akíci yí gbe nú yě ɖɔ: “É má nyí Sawúlu Izlayɛ́li xɔ́sú ɔ́ sín mɛsɛntɔ́ Davídi nɛ́ a? É ɖo gɔ̌n ce din ɔ́, xwe ko yi ɖokpó abǐ we; sín gbe e gbe é jó gǎn tɔn dó ɔ́ káká jɛ égbé din ɔ́, un ko mɔ nǔjɛdo ɖěbǔ ɖo wǔ tɔn ǎ.”