Daniyɛ́li 6:27 - MAWUXÓWÉMA

²⁷ “Un ná gbe ɖɔ mɛ e ɖo axɔ́súɖuto ce sín ayǐkúngban jí lɛ́ɛ bǐ ní ɖó sísí nú Mawu Daniyɛ́li tɔn, bó ɖi xɛsi n'i. É wɛ nyí Mawu gbɛɖe ɔ́. É wɛ ná nɔ ayǐ tɛgbɛ sɔ́yi. Axɔ́súɖuɖu tɔn ná vɔ gbeɖé ǎ. Acɛkpikpa tɔn ná nɔ ayǐ káká sɔ́yi.

Daniyɛ́li 6:27 Iomraidhean Croise

Jɔ̌bu 36:15

Mawu nɔ hwlɛ́n gbɛ̌dónɔ gán gbɔn yajiji mɛ; wǔvɛ́ e mɔ wɛ é ɖe ɔ́ wɛ Mawu nɔ zé dó ɖó afɔ afɔ jí n'i.

Ɖɛhan 145:13

Axɔ́súɖuɖu towe ɔ́, axɔ́súɖuɖu mavɔ mavɔ wɛ, bɔ gǎnhúnǔ towe ɖo te káká sɔ́yi.

Ɖɛhan 18:48

Mawu énɛ́ wɛ nɔ́ ba hlɔn nú mì; é wɛ nɔ́ sɔ́ togun lɛ́ɛ dó acɛ ce mɛ.

Ɖɛhan 18:50

Mawu Mavɔmavɔ! Énɛ́ ɔ́ wú wɛ un ná nɔ́ kpa we ɖo akɔta lɛ́ɛ tɛ́ntin. Un ná nɔ́ ji han dó kpa susu nú nyǐkɔ towe.

Ɖɛhan 32:7

Hwi wɛ nyí bibɛtɛn ce; a nɔ lɔn nú adǎn nɔ gbo mì ǎ; un ná sú xó bó j'awǎ, ɖó alɔ e a nɔ cyɔ́n jǐ ce ɔ́ wú. Agbɔ̌n

Ɖɛhan 35:17

Aklúnɔ, káká jɛ hwetɛ́nu wɛ a nǎ tin kpɔ́n nǔ mɔ̌hun yi jɛ? Cyɔ́n alɔ jǐ ce, bó ɖe mì sín ya e dó nú mì wɛ yě ɖe é mɛ, hwlɛ̌n mì ɖo kinnikínní ví nɛ́ lɛ́ɛ sí.

Ɖɛhan 97:10

Mi mɛ e yí wǎn nú Mawu Mavɔmavɔ lɛ́ɛ e mi, mi gbɛ́ wǎn nú nǔ nyanya. Mawu Mavɔmavɔ nɔ nya xɛ ɖo mɛ e ɖo gbejí n'i lɛ́ɛ jí; é nɔ́ hwlɛ́n yě gán sín mɛdídá fɛn mɛ.

Jelemíi 10:10

Lo ɔ́, Mawu Mavɔmavɔ wɛ nyí Mawu ɖokpó e tíin é; é wɛ nyí Mawu, bó nyí axɔ́sú káká yi káká sá. È sin xomɛ ɔ́ ayǐkúngban nɔ dán wǔ, akɔta lɛ́ɛ nɔ́ sixú nɔ te xomɛsin tɔn nukɔn ǎ.

Daniyɛ́li 2:44

Axɔ́sú énɛ́ lɛ́ɛ sín hwenu ɔ́, Mawu sɛ́xwé tɔn ná ɖe axɔ́súɖuto e mɛɖé má sixú gba ǎ é ɖokpó tɔ́n. Acɛkpikpa tɔn ná jɛ akɔta ɖěvo sí gbeɖé ǎ. Axɔ́súɖuto énɛ́ ɔ́ ná gba axɔ́súɖuto e ko ɖo ayǐ lɛ́ɛ bǐ, bó ná hu acɛ nú yě, bɔ yě sɔ́ ná tíin nyǐ ǎ. Lo ɔ́, éyɛ́ ná nɔ te káká sɔ́yi.

Daniyɛ́li 4:31

Axɔ́sú Nabukodonɔzɔ́ɔ ɖɔ: “Ée xwe tɛ́nwe lɛ́ɛ wá yi ɔ́, un kpɔ́n jǐxwé, bɔ gbɛtɔ́ sín ayixa e un ɖó ɖ'ayǐ ɔ́ lɛ́ wá nú mì. Un dó kú nú Mawu Ajalɔ̌nlɔn e ɖo gbɛ káká sɔ́yi é. Un jɛ mlǎmlá ɛ jí, bó jɛ susu kpa n'i jí ɖɔ: Acɛkpikpa tɔn ɖó dogbó ǎ, axɔ́súɖuɖu tɔn ná nɔ ayǐ káká sɔ́yi.

Daniyɛ́li 4:34

Énɛ́ wú wɛ nyɛ axɔ́sú Nabukodonɔzɔ́ɔ ɖo Mawu jǐxwé tɔn ɔ́ mlá wɛ din, bó ɖo sísɔ́ ɛ su wɛ, bó ɖo susu kpa n'i wɛ. Nǔ e é bló é bǐ wɛ sɔgbe, nǔ e é wa lɛ́ɛ bǐ wɛ nyɔ́. É lɛ́ ɖó acɛ e ná sɔ́ mɛ e ɖo afɔ tɛ ayǐ wɛ lɛ́ɛ hwe é lɔ.”

Daniyɛ́li 6:20

Axɔ́sú ɔ́ fɔ́n zǎn fuu, bó ɖidó kinnikínnído ɔ́ kɔn.

Jǎan 4:48

Jezu ka ɖɔ n'i ɖɔ: “Ényí mi ma ko mɔ nǔjíjlɛ́ lɛ́ɛ kpódó nǔdábaɖa lɛ́ɛ kpó ǎ ɔ́, mi ná ɖi nǔ ǎ.”

Mɛsɛ́dó 4:30

Dlɛ̌n alɔ towe, bónú nǔjlɛ́jlɛ́ lɛ́ɛ kpódó nǔdábaɖa lɛ́ɛ kpó ná tíin, ɖo mɛsɛntɔ́ towe mímɛ́ Jezu sín nyǐkɔ mɛ.”

Eblée 2:4

Azɔn ɖokpó ɔ́, Mawu ɖe wuntun tɛnmɛ tɛnmɛ lɛ́ɛ xlɛ́, bó jlɛ́ nǔ tɛnmɛ tɛnmɛ kpódó nǔdábaɖa tɛnmɛ tɛnmɛ kpó gbɔn yě jí, bó dó ɖe xlɛ́ ɖɔ émí yí gbe nú kúnnuɖiɖe yětɔn. É lɛ́ má Yɛsinsɛn sín nǔníná lɛ́ɛ lě e é jló e gbɔn é.

1 Samuwɛ́li 17:26

Davídi kanbyɔ́ sɔ́ja e ɖo akpá tɔn lɛ́ɛ ɖɔ: “Étɛ́ è ka ná ná mɛ e ná hu Filisitɛ́ɛn énɛ́, bó ná ɖe winnyá nú Izlayɛ́li to ɔ́ é? Bɔ mɛ̌ ká nyí Filisitɛ́ɛn énɛ́ ɔ́, mɛ e ma nɔ sɛn Mawu ǎ nɛ́ ɔ́, bó glá káká bó zun Mawu gbɛɖe ɔ́ sín ahwangɔnu?”