Daniyɛ́li 6:23 - MAWUXÓWÉMA

²³ Mawu ce sɛ́ wɛnsagun tɔn dó, bɔ é wá sú kinnikínní lɛ́ɛ sín nu, bɔ yě wa nǔɖé nú mì ǎ, ɖó un jɛ agɔ ɖé dó Mawu ce ǎ, un ka jɛ do dó mɛ lɔmɔ̌ ǎ.”

Daniyɛ́li 6:23 Iomraidhean Croise

1 Axɔ́sú 5:7

Tokpɔngán wěwe e Salomɔ́ɔ sɔ́ lɛ́ɛ nɔ́ ná nǔ e é kpódó mɛ e nɔ ɖu nǔ ɖo xwé tɔn gbe lɛ́ɛ kpó ná ɖu é sun mɛ sun mɛ, mɛjíjɛ mɛjíjɛ. É jɛ tokpɔngán ɖé jí sun ɖé mɛ ɔ́, é nɔ lɔn nú nǔɖuɖu nɔ hwe ǎ.

1 Tan 5:20

Hwenu e yě ɖo ahwan ɔ́ fun wɛ ɔ́, yě sú xó ylɔ́ Mawu ɖɔ é ní wá dó alɔ émí, bɔ Mawu dó alɔ yě bɔ yě ɖu ɖo Hagáa ví lɛ́ɛ kpó mɛ yětɔn lɛ́ɛ kpó jí, bó wlí yě. Mawu dó alɔ yě ɖó yě ɖeji dó wǔ tɔn.

2 Tan 20:20

Ayǐhɔ́ngbe tɔn zǎnzǎn tɛɛn ɔ́, yě bǐ jɛ ali ɖidó Tekowa sín gbětótló ɔ́ mɛ. Hwenu e yě jló ná jɛ ali ɔ́, Jozafáti wá ɖɔ nú yě ɖɔ: “Judáanu e mi, Jeluzalɛ́munu e mi, mi ɖótó mì. Mi ɖeji dó Mawu Mavɔmavɔ, Mawu mitɔn wú; énɛ́ ɔ́, é ná dó wǔsyɛ́n lanmɛ nú mi. Mi ɖeji dó gbeyíɖɔ tɔn lɛ́ɛ wú; énɛ́ ɔ́, mi ná ɖuɖéjí.”

Ɖɛhan 18:21

Mawu Mavɔmavɔ nɔ wa mɔ̌ nú mì, ɖó un ɖo gbejí n'i. É ná ajɔ mì, bɔ é sɔgbe xá walɔ ɖagbe e un ɖó é.

Ɖɛhan 37:40

Mawu Mavɔmavɔ nɔ gɔ́ alɔ nú yě, bó nɔ́ hwlɛ́n yě; é nɔ́ yí yě sín mɛdídá lɛ́ɛ sí, bó nɔ́ hwlɛ́n yě gán, ɖó é wɛ yě nɔ́ hɔn yi su.

Tíntɔ́n 18:9

Đagbe e Mawu Mavɔmavɔ wa nú Izlayɛ́li ví lɛ́ɛ bǐ, kpó hwlɛ̌n e é hwlɛ́n yě sín Ejípunu lɛ́ɛ sí ɔ́ kpó hun xomɛ nú Jetlo.

Nǔnywɛ́xó 18:10

Mawu Mavɔmavɔ ɔ́, ahohó wɛ é nyí; hwɛjijɔnɔ nɔ bɛ ta ɖo glɔ̌ tɔn bó nɔ́ gló nǔ.

Ezayíi 26:3

Mawu, mɛ e ɖeji dó wǔ we kpó ayi tɔn bǐ kpó, bó má nɔ́ húzú ǎ ɔ́, a nɔ ná ɛ ayi jɛ ayǐ.

Daniyɛ́li 3:17

Nǔ e mɛ ka ná tunwun ɔ́ wɛ nyí ɖɔ Mawu e mǐ nɔ́ sɛn ɔ́ ɖó acɛ bó ná hwlɛ́n mǐ gán. É ná ɖe mǐ sín myɔ mɛ, bó ná lɛ́ ɖe mǐ sín acɛ mɛtɔn mɛ.

Daniyɛ́li 3:25

Axɔ́sú ɔ́ lɛ́ ɖɔ: “Anhɛɛn nɛ́! Din ɔ́, un ka ɖo mɛ ɛnɛ mɔ ɖo zɔnlin ɖi wɛ ɖo myɔ ɔ́ mɛ. Yě ɖo kanmɛ ǎ, bó ɖo sa ɖi wɛ; myɔkpa ɖěbǔ ka ɖo yě wú ǎ. Mɛ ɛnɛgɔ́ ɔ́ ɖi nǔmɛsɛn sɛ́xwé tɔn lɛ́ɛ ɖě.”

Daniyɛ́li 6:14

Ée yě se mɔ̌ ɔ́, yě ɖɔ: “Éénɛ́! Sɛ́mɛɖó, mɛ e nyí Daniyɛ́li ɖo mɛ e ahwan wlí sín Judáa tomɛ lɛ́ɛ mɛ ɔ́ ké ya ɖěbǔ nú mɛ ǎ, é ka sí gbeta e mɛ ɖe tɔ́n é ǎ, ɖó azɔn atɔn wɛ é nɔ́ xomlá Mawu tɔn ɖo kéze ɖokpó mɛ.”

Daniyɛ́li 6:18

È zě awǐnnya ɖokpó wá ɖó do ɔ́ nu, bɔ axɔ́sú ɔ́ ɖó wuntun tɔn jí. Tozɔ́watɔ́ lɛ́ɛ lɔ ɖó wuntun yě lɔ tɔn jí, bónú mɛɖé ma húzú nǔ e ná jɛ dó Daniyɛ́li jí é ó.

Maki 9:23

Jezu yí gbe n'i ɖɔ: “Ani ka nyí a kpé nǔɖé wú tɔn bɔ a ɖɔ? Mɛ e ɖi nǔ ɔ́ kpé nǔ bǐ wú.”

Eblée 11:33

Nǔɖiɖi e yě ɖó ɔ́ zɔ́n bɔ yě fun ahwan, bó ɖu ɖo to gěgé jí; yě wa nǔ e sɔgbe ɔ́, bó mɔ nǔ e sín akpá Mawu dó ɔ́ yí. Nǔɖiɖi e yě ɖó ɔ́ zɔ́n bɔ yě sú kinnikínní lɛ́ɛ sín nu dó.