Daniyɛ́li 6:22 - MAWUXÓWÉMA

²² Daniyɛ́li yí gbe nú axɔ́sú ɔ́ bó ɖɔ: “Sɛ́mɛɖó, jidɔ́ mɛtɔn ní nyí káká.

Daniyɛ́li 6:22 Iomraidhean Croise

Bǐbɛ́mɛ 40:15

ɖó Eblée tomɛ wɛ è kplá mì sín gǎnnugǎnnu wá fí; un ka wa nǔɖé nyi do ɖo fí cóbɔ è wlǐ mì dó gan ǎ.”

2 Samuwɛ́li 22:7

Hwenu e adǎn gbo mì ɔ́, un ylɔ́ Mawu Mavɔmavɔ, un sú xó ylɔ́ Mawu ce. É se gbe ce sɛ́ dó sín xwé tɔn gbe, xó e un sú ɔ́ yi tó tɔn mɛ.

1 Axɔ́sú 13:28

gbeyíɖɔ Mawu tɔn degénɔ ɔ́ ɖidó, bó mɔ cyɔ ɔ́ ɖo alixo, bɔ tócí ɔ́ kpó kinnikínní ɔ́ kpó ɖo akpá tɔn. Kinnikínní ɔ́ vún cyɔ ɔ́ ɖu ǎ, é ká wlí tócí ɔ́ ɖu ǎ.

2 Tan 32:21

Bɔ Mawu Mavɔmavɔ sɛ́ wɛnsagun ɖokpó dó ahwankpá Asilíi xɔ́sú ɔ́ tɔn mɛ, bɔ é hu ahwanfuntɔ́ syɛ́nsyɛ́n lɛ́ɛ, ahwangán lɛ́ɛ kpódó gbɛtɔ́ nukúnɖéjí lɛ́ɛ kpó. Nǔ énɛ́ ɔ́ hu winnyá nú axɔ́sú ɔ́, bɔ é lɛ́ kɔ yi to tɔn mɛ. É ká wá su gbe ɖokpó bɔ é yi byɔ́ vodún tɔn xɔ mɛ, bɔ vǐ é ɖésúnɔ tɔn lɛ́ɛ hu i kpó hwǐ kpó.

Ɖɛhan 118:28

Mawu Mavɔmavɔ, hwi wɛ nyí Mawu ce, un ná kpa susu nú we. Mawu ce, un ná ɖɔ lě e a dǒ agba sɔ é.

Ɖɛhan 26:6

Mawu Mavɔmavɔ, un klɔ́ alɔ ce, dó ɖe xlɛ́ ɖɔ xomɛvɔ́nɔ wɛ un nyí; Mawu Mavɔmavɔ, un ná lɛ́ lɛ̌ dó vɔ̌sákpe towe,

Ɖɛhan 31:14

Un nɔ se nǔ ce e ɖɔ wɛ mɛ lɛ́ɛ nɔ ɖe ɔ́ bǐ. Ayi ce jɛ ayǐ ɖo fí ɖěbǔ ǎ. Yě ɖo kpá yi dó ta ce wɛ, yě ɖo gbě ce blá wɛ bó ná hu mì.

Ɖɛhan 34:7

Nyɛ lelenɔ ɖíe sú xó ylɔ́ Mawu Mavɔmavɔ e, bɔ é se bó hwlɛ́n mì gán ɖo nǔ e ɖo hǔn hɛn nú mì wɛ lɛ́ɛ bǐ mɛ.

Ɖɛhan 38:21

Nyanya wɛ yě nɔ́ dó sú ɖagbe xɔ́ mì; ɖagbe e un wa é wɛ nyí kɛn bɔ yě dó mì.

Ɖɛhan 84:11

Nǔgbó ɔ́, è nɔ kɔ́xo towe lɛ́ɛ ta xɔ azǎn ɖokpó ɔ́, é nyɔ́ hú è blǒ azǎn afatɔ́n ɖo fí ɖěvo. Mawu ce, un yí wǎn nú xwé towe lihɛ́nnu ninɔ hú adǎkaxotɔ́ lɛ́ɛ xwé ninɔ.

Ezayíi 3:10

Mi hɛn ɔ́, mi ná ɖɔ: nǔ bǐ nɔ́ yi linsinlinsin nú nǔjlɔ́jlɔ́watɔ́ lɛ́ɛ. Nǔ e yě wa ɔ́, yě nɔ́ ɖu.

Ezayíi 63:9

Yě ɖo aluwɛ mɛ ɔ́, é ɖésú nɔ́ nɔ aluwɛ mɛ xá yě, bɔ wɛnsagun e nɔ ɖo kpɔ́ xá ɛ ɔ́ nɔ hwlɛ́n yě; éyɛ́ Mawu ɔ́ ɖésú xɔ yě ɖo wǎn yíyí tɔn kpó nǔbláwǔkúnúmɛ tɔn kpó mɛ; é wɛ kpé nukún dó yě wú, bó hɛn sɔ yě ɖo hwe yětɔn nu.

Jelemíi 37:18

Énɛ́ ɔ́ gúdo ɔ́, Jelemíi kanbyɔ́ axɔ́sú Sedesíyasi ɖɔ: “Hwɛ tɛ́ un ka hu dó we, bó hu dó gǎn hɔn-yitɔ́ towe lɛ́ɛ, bó hu dó mɛ e ɖo toxo élɔ́ mɛ lɛ́ɛ bɔ mi wlí mì dó gan?

Daniyɛ́li 3:28

Bɔ axɔ́sú ɔ́ sú xó bó ɖɔ: “Susu nú Mawu Cadlaki kpó Mɛcáki kpó Abɛ́di-Nɛgó kpó tɔn. Mawu yětɔn sɛ́ wɛnsagun tɔn dó, bɔ é wá hwlɛ́n mɛsɛntɔ́ tɔn lɛ́ɛ gán, ɖó é wú wɛ yě gán jɛ, bó má se tónú nú gbeta e un ɖe tɔ́n é ǎ. Yě yí gbe nú wǔvɛ́mimɔ hú yě ní sɛn vodún, bó ɖe kɔ́ ná, lobo ná jó Mawu yětɔn dó.

Daniyɛ́li 6:20

Axɔ́sú ɔ́ fɔ́n zǎn fuu, bó ɖidó kinnikínnído ɔ́ kɔn.

Daniyɛ́li 6:23

Mawu ce sɛ́ wɛnsagun tɔn dó, bɔ é wá sú kinnikínní lɛ́ɛ sín nu, bɔ yě wa nǔɖé nú mì ǎ, ɖó un jɛ agɔ ɖé dó Mawu ce ǎ, un ka jɛ do dó mɛ lɔmɔ̌ ǎ.”

Daniyɛ́li 6:4

Daniyɛ́li ka ɖo nukɔn nú mɛ we ɖě lɛ́ɛ ɖo nǔnywɛ́ lixo, ɖó yɛ e ɖo jǐ tɔn ɔ́ syɛ́n ɖésú, bɔ axɔ́sú ɔ́ ɖo linlin wɛ ná sɔ́ ɛ ɖó axɔ́súɖuto ɔ́ bǐ nu.

Daniyɛ́li 6:7

Ée yě ɖɔ mɔ̌ ɔ́, yě ɖidó kpódó zǐngídi kpó, bó yi mɔ axɔ́sú ɔ́, bó ɖɔ n'i ɖɔ: “Axɔ́sú Daliwúsi, jidɔ́ mɛtɔn ní nyí káká.

Micée 7:7

Amɔ̌, nyɛ ɔ́, un ná nɔ te kpɔ́n Mawu Mavɔmavɔ ce; un ɖeji dó Mawu wǔ, ɖó é nɔ hwlɛ́n mì gán. Mawu ce ná se ɖɛ ce.

Kɛ́nsísɔ́ 20:16

Mǐ ká sú xó ylɔ́ Mawu Mavɔmavɔ ɖɔ é ní wá dó alɔ mǐ, bɔ é sɔ nú mǐ, bó sɛ́ wɛnsagun ɖokpó dó, bó ɖe mǐ tɔ́n sín Ejípu. Toxo Kadɛ́ci e ɖo to towe sín dogbó jí ɔ́ mɛ wɛ mǐ ɖe din.

Matíe 27:46

Ée é wá su hwelɛ́kɔ ɔ́, Jezu sú xó gǎngán ɖé, bó ɖɔ: “Eli, Eli, lama sabakitani.” (Tínmɛ tɔn wɛ nyí: “Mawu ce, Mawu ce, nɛ̌ ka gbɔn bɔ a jǒ mì dó.”)

Mɛsɛ́dó 12:11

Piyɛ́ɛ ka mɔ éɖée mɛ, bó ɖɔ: “Un mɔ ganjí din ɖɔ Aklúnɔ wɛ sɛ́ wɛnsagun tɔn dó, bó wá xɔ mì ɖo Elódu kpódó nǔ e nɔ te kpɔ́n wɛ Jwifu lɛ́ɛ ɖe ɔ́ bǐ kpó sí.”

Mɛsɛ́dó 24:16

Énɛ́ ɔ́ wú wɛ un nɔ dó gǎn, bónú ayi ce ma xo hun xá mì ɖo nǔ ɖěbǔ mɛ, ɖo Mawu kpódó gbɛtɔ́ lɛ́ɛ kpán nukɔn ó.

Mɛsɛ́dó 27:23

Đó Mawu e tɔn un nyí, bó nɔ́ sɛn ɔ́ sín wɛnsagun ɖokpó sɛ yá mì égbé zǎn mɛ,

2 Kɔlɛ́ntinu 1:12

Nǔ e wú mǐ hɛn ɔ́, mǐ ná gó ɔ́ ɖíe: ayixa mǐtɔn ná gǎnjɛwú mǐ ɖɔ mǐ zǎn gbɛ mǐtɔn ɖo gbɛ ɔ́ mɛ; ɖo tají ɔ́, mǐ zán gbɛ mǐtɔn ɖo tɛ́ntin mitɔn kpó ayi ɖokpó kpó, kpó nǔgbó e nɔ gosín Mawu gɔ̌n ɔ́ kpó. Nǔ énɛ́ e mǐ ka wa ɔ́, fɛ́nú Mawu tɔn wɛ xlɛ́ ali mǐ; é nyí nǔnywɛ́ gbɛtɔ́ tɔn ǎ.

2 Timɔtée 4:17

Aklúnɔ ka nɔ gǔdo ce, bó ná hlɔ̌nhlɔ́n mì, bɔ un jlá wɛn Mawu tɔn ɔ́ ganjí, bónú mɛ e ma nyí Jwifu ǎ lɛ́ɛ bǐ ná se. Aklúnɔ hwlɛ́n mì sín kinnikínní nu mɛ.

Eblée 1:14

Étɛ́ wɛnsagun lɛ́ɛ ka nyí lo? Yɛ wɛ yě bǐ nyí, bó ɖo azɔ̌ wa nú Mawu wɛ, bɔ Mawu sɛ́ yě dó nú yě ná wá dó alɔ mɛ e ɖó ná mɔ hwlɛngán lɛ́ɛ.

Eblée 11:33

Nǔɖiɖi e yě ɖó ɔ́ zɔ́n bɔ yě fun ahwan, bó ɖu ɖo to gěgé jí; yě wa nǔ e sɔgbe ɔ́, bó mɔ nǔ e sín akpá Mawu dó ɔ́ yí. Nǔɖiɖi e yě ɖó ɔ́ zɔ́n bɔ yě sú kinnikínní lɛ́ɛ sín nu dó.

1 Samuwɛ́li 17:37

Davídi lɛ́ ɖɔ: “Mawu e nɔ hwlɛ́n mì sín kinnikínní fɛn mɛ, bó nɔ hwlɛ́n mì sín lɔnmɔ fɛn mɛ ɔ́ ná hwlɛ́n mì ɖo Filisitɛ́ɛn énɛ́ sí.” Bɔ Sawúlu ɖɔ nú Davídi ɖɔ: “Bo yi! Mawu Mavɔmavɔ ní nɔ kpɔ́ xá we.”

1 Samuwɛ́li 26:18

Davídi lɛ́ ɖɔ: “Sɛ́mɛɖó, étɛ́wú è ka ɖo gbě ce mɛ? Étɛ́ un ka wa nú mɛ? Nǔ nyanya tɛ́ un wa?