Daniyɛ́li 6:2 - MAWUXÓWÉMA

² Daliwúsi mɔ ɖɔ é nyɔ́ ɖɔ émí ní má axɔ́súɖuto émítɔn ɖó do kantɔn (120), lobo ná sɔ́ tokpɔngán ɖó ɖokpó ɖokpó nu, bónú yě ná sɔ́ acɛkpikpa émítɔn sín afɔ ɖó te gbɔn tokpɔn lɛ́ɛ mɛ.

Daniyɛ́li 6:2 Iomraidhean Croise

Ɛsidlási 4:22

Mi bo kpé nukún dó xó énɛ́ ɔ́ wú ganjí; mi ma dó vɛ̌ ná ɖěbǔ bónú nǔ e hú gǎn mɔ̌ ɔ́ má wá gblé dó Dadá ɔ́ sín acɛkpikpa wú ó.”

Ɛsitɛ́ɛ 7:4

Đó è sa nyɛ kpó togun ce kpó, bɔ è nǎ vɔ mǐ; è nǎ gbo gbe mǐ; è nǎ sú kún mǐtɔn dó. Nú é ka nyí sa wɛ è sa mǐ bɔ mǐ nǎ nyí kannumɔ abǐ mɛsɛntɔ́ kpowun wɛ ɔ́, un ná kɛ nu ǎ, ɖó énɛ́ ɔ́ byɔ́ ɖɔ un ná dó ya nú mɛ ǎ.”

Nǔnywɛ́xó 26:6

Mɛ e sɛ́ xlonɔ dó wɛn dó gbé ɔ́, xlohwɛ wɛ élɔ́ zɛ; é cí mɛ e sɛ́n afɔ éɖée ɔ́ ɖɔhun; tagba ɖaxó wɛ é ba nyi ayǐ.

Nǔnywɛ́xó 3:16

Jidɔ́ ɖo alɔ tɔn ɖokpó mɛ, bɔ dɔkun kpó susu kpó ɖo alɔ tɔn wegɔ́ mɛ.

Daniyɛ́li 5:16

Lo ɔ́, un se ɖɔ hwɛ ɔ́, a nɔ ɖɔ nǔsodómɛ lɛ́ɛ, bó nɔ́ mɔ nǔ jɛ nǔbúdo lɛ́ɛ wú. Ényí a sixú xa nǔwlánwlán élɔ́, bó tínmɛ nú mì ɔ́, un ná zé axɔ́súwu dó nú we, bó ná dó sikáwlɔ kɔ nú we.”

Daniyɛ́li 5:29

Bɛlucasáa nɔ tɛn e mɛ é se nǔwlánwlán ɔ́ sín tínmɛ ɖe é, bó ná gbe mɛsɛntɔ́ tɔn lɛ́ɛ ɖɔ è nǐ zé axɔ́súwu dó nú Daniyɛ́li, bó zé sikáwlɔ dó kɔ n'i, lobo jlá ɖɔ Daniyɛ́li wɛ nyí mɛ e ɖo zinkpo atɔngɔ́ ɔ́ jí ɖo axɔ́súɖuto ɔ́ mɛ é.

Daniyɛ́li 5:7

Énɛ́ ɔ́, é sú xó ɖɔ è nǐ yi ylɔ́ nǔkantɔ́ lɛ́ɛ, majíkiblótɔ́ lɛ́ɛ, azětɔ́ lɛ́ɛ kpó azɔnɖatɔ́ e ɖo Babilɔ́nu lɛ́ɛ bǐ kpó wá nú émí. Ée è yi ylɔ́ yě wá ɔ́, é ɖɔ nú nǔnywɛ́tɔ́ énɛ́ lɛ́ɛ ɖɔ: “Mɛ e ná xa nǔ e è wlǎn ɖó fínɛ́ ɔ́, bó ná tínmɛ nú mì ɔ́, un ná zé axɔ́súwu dó n'i, bó ná dó sikáwlɔ ɖokpó kɔ n'i, bó ná zé e ɖó tɛn atɔngɔ́ ɔ́ mɛ ɖo axɔ́súɖuto ce mɛ.”

Daniyɛ́li 6:1

Daliwúsi Mɛdinu ɔ́ ɖo xwe kanɖé ko-nukún-we (62) ɖó wɛ, bó yi gǎn jí.

Matíe 18:23

Énɛ́ ɔ́ wú ɔ́, axɔ́súɖuto sɛ́xwé tɔn ɔ́, nǔ e wú è sixú jlɛ́ dó ɔ́ ɖíe: gbe ɖokpó tíin, bɔ axɔ́sú ɖé jló ná xa nǔ tɔn e nu é sɔ́ mɛsɛntɔ́ tɔn lɛ́ɛ ɖó ɔ́ kpɔ́n, ɖɔ yě sɔgbe a jí.

Luki 16:2

Nya ɔ́ ka ylɔ́ ɛ, bó ɖɔ n'i ɖɔ: ‘Étɛ́ se dó wú towe wɛ un ɖe nɛ́? Wǎ xa nǔ ce lɛ́ɛ nú mì, ɖó a sɔ́ sixú nɔ nǔ ce lɛ́ɛ nu ǎ.’

1 Kɔlɛ́ntinu 4:2

Mɛ e è zě azɔ̌ ɖé dó así ná ɔ́, nǔ e byɔ́ ɛ wɛ è ɖe kpowun ɔ́ wɛ nyí ɖɔ é ní nɔ gbejí.

1 Samuwɛ́li 2:30

Énɛ́ ɔ́ wútu ɔ́, nǔ e Mawu Mavɔmavɔ, Mawu Izlayɛ́li tɔn ɖɔ ɔ́ ɖíe: Un ɖɔ xwédo towe kpó tɔ́gbó towe xwédo kpó ná nyí vɔ̌sánú-xwlémawutɔ́ ce káká sɔ́yi. Amɔ̌, din ɔ́, nǔ sɔ́ sixú nyí mɔ̌ gbeɖé ǎ. Đó mɛɖé sɔ́ mì su ɔ́, un ná sɔ́ ɛ su; mɛɖé ka dó vɛ̌ nú mì lɛ́ɛ ɔ́, un ná dó vɛ̌ nú yě.