Daniyɛ́li 6:16 - MAWUXÓWÉMA

¹⁶ Daniyɛ́li kɛntɔ́ lɛ́ɛ zɔn adǎn jí, bó wá mɔ axɔ́sú ɔ́ bó ɖɔ: “Sɛ́mɛɖó, mɛ tunwun ganjí ɖɔ Mɛdinu lɛ́ɛ kpó Pɛ́sinu lɛ́ɛ kpó sín sɛ́n ɖɔhun wɛ sɛ́n e mɛ dó ɔ́ kpó gbeta e mɛ ɖe tɔ́n ɔ́ kpó cí, bɔ mɛɖé nɔ́ húzú ǎ.”

Daniyɛ́li 6:16 Iomraidhean Croise

2 Samuwɛ́li 3:39

È kɔn ami dó ta nú mì bó sɔ́ mì axɔ́sú, có un ka ba hlɔ̌nhlɔ́n kpo. Nya énɛ́ lɛ́ɛ ɔ́, Selúya ví énɛ́ lɛ́ɛ ɔ́, yě syɛ́n hú mì. Mawu Mavɔmavɔ ní wa nǔ xá mɛ e wa nǔ nyi do é.”

Jɔ̌bu 5:19

Adǎn gěgé ná gbo we adǎn ɖěbǔ ká gbo we ɔ́, é ná nɔ́ hwlɛ́n we sín mɛ, bɔ nǔɖé ná wa we gbeɖé ǎ.

Nǔnywɛ́xó 29:25

Mɛ e nɔ ɖi xɛsi nú gbɛtɔ́ ɔ́ dɔn éɖée dó kɔ́blúmánya mɛ; mɛ e ka nɔ gán jɛ Mawu Mavɔmavɔ wú ɔ́ nɔ́ vo.

Ezayíi 41:10

Din ɔ́, ma ɖi xɛsi ó, ɖó un ɖo kpɔ́ xá we. Ma ɖo nukún dó gbɛmɛ kpɔ́n wɛ ó, ɖó nyi wɛ nyí Mawu towe. Un ná ná akɔ́nkpinkpan we; un ná gɔ́ alɔ nú we; un ɖo xɛ nya ɖo jǐ we wɛ kpódó aɖisí lɔ ce, ɖuɖéjí lɔ ɔ́ kpó.

Ezayíi 43:2

A ɖo tɔ mɛ gbɔn wɛ ɔ́, un ná ɖo kpɔ́ xá we; a ɖo tɔ gbo wɛ ɔ́, a nǎ kú tɔ ǎ. A ɖo zɔnlin ɖi gbɔn myɔ mɛ wɛ ɔ́, a nǎ ji myɔ ǎ, myɔ ná wa nǔɖé nú we ǎ.

Jelemíi 26:14

Amɔ̌, nyɛ ɔ́, un ɖo alɔ mitɔn mɛ, nǔ e mi mɔ ɖɔ é nyɔ́ bó sɔgbe ɔ́, mi sɔ́ mì dó wa.

Jelemíi 38:5

Énɛ́ ɔ́, axɔ́sú Sedesíyasi ɖɔ: “É ɖíe; mi bo sɔ́ ɛ dó wa nǔ e jló mi é ná, ɖó nyɛ wɛ nyí axɔ́sú mitɔn nǔgbó, un ka ɖó acɛ dó mi jí ǎ.”

Jelemíi 38:6

Ée axɔ́sú ɔ́ ɖɔ mɔ̌ ɔ́, yě yi zé Jelemíi, bó sɔ́ ɛ dó axɔ́sú ɔ́ sín vǐ Malukíya sín sitɛ́nu mɛ ɖo gankpá ɔ́ sín kɔ́xota. Kan wɛ è dó Jelemíi, bó zé e dó sitɛ́nu ɔ́ mɛ. Sin ɖěbǔ sɔ́ ɖo tɔ ɔ́ mɛ ǎ, babá kɛ́ɖɛ́ wɛ kpo ɖ'é mɛ. Bɔ Jelemíi jɛ bɔ̌ yi jí ɖo tɔ ɔ́ mɛ.

Jelemíi 39:17

Amɔ̌, gbe nɛ́ gbe ɔ́, un na hwlɛ́n we gán; un ná lɔn bónú a nǎ jɛ mɛ e ɖi xɛsi ná wɛ a ɖe lɛ́ɛ lɔ mɛ ǎ. Xó e nyɛ Mawu Mavɔmavɔ ɖɔ ɔ́ nɛ́.

Daniyɛ́li 3:15

Din ɔ́, mi nɔ acéjí. Mi ná lɛ́ se ahwankpɛn, kpete, kanhún, kpó nǔxonú alɔkpa alɔkpa kpó sín gbe, lobo ná jɛ kpo bó ɖe kɔ́ nú bǒcyɔ ɔ́. Ényí mi ma ɖe kɔ́ ná ǎ ɔ́, è nǎ bɛ́ mi dó myɔkpó e mɛ myɔ ɖo jiji ɖe wɛ hɛhɛ é mɛ din tlóló, bɔ un ná kpɔ́n vodún e ná yí mi sín fɛn ce mɛ é.”

Daniyɛ́li 3:17

Nǔ e mɛ ka ná tunwun ɔ́ wɛ nyí ɖɔ Mawu e mǐ nɔ́ sɛn ɔ́ ɖó acɛ bó ná hwlɛ́n mǐ gán. É ná ɖe mǐ sín myɔ mɛ, bó ná lɛ́ ɖe mǐ sín acɛ mɛtɔn mɛ.

Daniyɛ́li 3:28

Bɔ axɔ́sú ɔ́ sú xó bó ɖɔ: “Susu nú Mawu Cadlaki kpó Mɛcáki kpó Abɛ́di-Nɛgó kpó tɔn. Mawu yětɔn sɛ́ wɛnsagun tɔn dó, bɔ é wá hwlɛ́n mɛsɛntɔ́ tɔn lɛ́ɛ gán, ɖó é wú wɛ yě gán jɛ, bó má se tónú nú gbeta e un ɖe tɔ́n é ǎ. Yě yí gbe nú wǔvɛ́mimɔ hú yě ní sɛn vodún, bó ɖe kɔ́ ná, lobo ná jó Mawu yětɔn dó.

Daniyɛ́li 6:20

Axɔ́sú ɔ́ fɔ́n zǎn fuu, bó ɖidó kinnikínnído ɔ́ kɔn.

Daniyɛ́li 6:7

Ée yě ɖɔ mɔ̌ ɔ́, yě ɖidó kpódó zǐngídi kpó, bó yi mɔ axɔ́sú ɔ́, bó ɖɔ n'i ɖɔ: “Axɔ́sú Daliwúsi, jidɔ́ mɛtɔn ní nyí káká.

Mɛsɛ́dó 24:27

Xwe we gúdo ɔ́, Pɔsiwusi Fɛsitúsi wá ɖyɔ́ Felísi. Felísi ka jló ná wa nǔ, bó ná dó xomɛhunhun nú Jwifu lɛ́ɛ, bó jó Pɔ́lu dó nyi gankpá mɛ.

Mɛsɛ́dó 25:11

Ényí un wa nǔɖé nyi do nǔgbó, bɔ nǔ énɛ́ ɔ́ byɔ́ ɖɔ è nǐ hu mì ɔ́, un gbɛ́ kú ǎ. Amɔ̌, ényí hwɛ e dó mì wɛ mɛ nɛ́ lɛ́ɛ ɖe ɔ́ ɖě ma ka nyí nǔgbó ǎ ɔ́, mɛ ɖěbǔ ɖó acɛ e jó mì nú yě ɔ́ ǎ. Hǔn un ylɔ́ hwɛ ɖaxó ɖo Dadá Hlɔ̌ma tɔn gɔ́n.”

Mɛsɛ́dó 25:9

Ée Fɛsitúsi ká jló ná wa nǔ bó ná dó xomɛhunhun nú Jwifu lɛ́ɛ ɔ́, é kanbyɔ́ Pɔ́lu ɖɔ: “A jló ná yi Jeluzalɛ́mu, nú è nǎ yi ɖɔ hwɛ xá we ɖo nukún ce mɛ a?”

Hlɔ̌manu 13:3

Nǔgbó ɔ́, mɛ e nɔ wa nǔ ɖagbe lɛ́ɛ wɛ ná ɖi xɛsi nú gǎn lɛ́ɛ ǎ; lo ɔ́, mɛ e nɔ wa nǔ nyanya lɛ́ɛ wɛ na ɖi xɛsi nú yě. Nú a ma jló ná ɖi xɛsi nú acɛkpikpa ɔ́ ǎ hǔn, nɔ wa nǔ ɖagbe; énɛ́ ɔ́, acɛkpikpa ɔ́ ná kpá we;

2 Kɔlɛ́ntinu 1:10

É wɛ hwlɛ́n mǐ sín afɔkú baɖabaɖa énɛ́ e hɛn ɔ́, é ná dɔn mɛ yi kú ɔ́ mɛ, bó ka ná lɛ́ hwlɛ́n mǐ sín mɛ. Nǔgbó wɛ! Mǐ ɖo nukún ɖó e wɛ ɖɔ é ná lɛ́ hwlɛ́n mǐ sín mɛ;