Daniyɛ́li 6:13 - MAWUXÓWÉMA

¹³ Yě yi mɔ axɔ́sú ɔ́, bó ɖɔ n'i ɖɔ: “Sɛ́mɛɖó, mɛ ma dó sɛ́n ɖɔ mɛ ɖěbǔ xomlá nǔmɛsɛn ɖěbǔ, abǐ gbɛtɔ́ ɖěbǔ bɔ é ma nyí mɛ ɖésúnɔ ɔ́ wɛ è xomlá ǎ ɔ́, è ɖǒ ná sɔ́ mɛ ɔ́ nyi dó kinnikínnído mɛ ǎ cé?” Axɔ́sú ɔ́ yí gbe nú yě ɖɔ: “Gbeta e tɔ́n e nɛ́ mi ɖɔ pɛ́pɛ́pɛ́ nɛ́. É ná cí Mɛdinu lɛ́ɛ kpó Pɛ́sinu lɛ́ɛ kpó sɛ́n e mɛɖé ma nɔ́ húzú ǎ é ɖɔhun.”

Daniyɛ́li 6:13 Iomraidhean Croise

Ɛsitɛ́ɛ 3:8

Hamáa ɖɔ nú axɔ́sú Zɛ̌ɛzɛsi ɖɔ: “Sɛ́mɛɖó e, togun ɖé tíin bó ɖo axɔ́súɖuto mɛtɔn mɛ, bó gba kpé tokpɔn lɛ́ɛ bǐ mɛ. Togun énɛ́ ɔ́ gbɔn vo ɖo togun ɖě lɛ́ɛ bǐ mɛ, bɔ walɔ tɔn gbɔn vo nú togun ɖě lɛ́ɛ bǐ tɔn; mɛ e ɖo togun énɛ́ ɔ́ mɛ lɛ́ɛ nɔ nyi sɛ́n mɛtɔn lɛ́ɛ ǎ; è nǎ agbɔ̌n mɛ énɛ́ lɛ́ɛ ɔ́, é ná nyɔ́ nú mɛ ǎ.

Daniyɛ́li 1:6

Judáa sín súnnu wínnyáwínnyá ɛnɛ ka ɖo mɛ e è cyán lɛ́ɛ mɛ. Mɛ ɖokpó nɔ nyí Daniyɛ́li, mɛ ɖěvo nɔ nyí Hananiya, mɛ ɖěvo nɔ nyí Micaɛ́li, bɔ mɛ ɖěvo nɔ nyí Azalya.

Daniyɛ́li 2:25

Ée Alyɔki se mɔ̌ ɔ́, é kplá Daniyɛ́li yi axɔ́sú ɔ́ gɔ́n tlóló bó ɖɔ: “Sɛ́mɛɖó, un mɔ mɛ ɖokpó ɖo mɛ e è wlǐ sín Judáa lɛ́ɛ mɛ, bɔ é ná tín dlɔ̌ e mɛ kú ɔ́ mɛ nú mɛ.”

Daniyɛ́li 3:11

Nú mɛɖé ma ka jɛ kpo bó ɖe kɔ́ ná ǎ ɔ́, è nǎ zé mɛ ɔ́ nyi dó myɔkpó e mɛ zo hɛhɛ ɖe ɔ́ mɛ.’

Daniyɛ́li 3:12

Lo ɔ́, Jwifu ɖé lɛ́ɛ tíin, bɔ mɛ zé yě nǔjíkpɔ́ntɔ́ ɖo Babilɔ́nu. Yě wɛ nyí Cadlaki kpó Mɛcáki kpó, kpódó Abɛ́di-Nɛgó kpó. Nya énɛ́ lɛ́ɛ nɔ́ sɛn vodún mɛtɔn lɛ́ɛ ǎ; yě ká nɔ ɖe kɔ́ nú bǒcyɔ e mɛ tun te ɔ́ ǎ.”

Daniyɛ́li 3:8

Nǔwiwa ɔ́ ɖo fífó wɛ kɛ́ɖɛ́, bɔ Babilɔ́nunu ɖé lɛ́ɛ wá slɛ́ Jwifu lɛ́ɛ nú axɔ́sú ɔ́.

Daniyɛ́li 5:13

Nǔgbó ɔ́, è kplá Daniyɛ́li wá axɔ́sú ɔ́ gɔ́n, bɔ axɔ́sú ɔ́ kanbyɔ́ ɛ ɖɔ: “Hwi wɛ nyí Daniyɛ́li kannumɔ Jwifu e tɔ́ ce axɔ́sú ɔ́ kplá sín Judáa wá é a?

Mɛsɛ́dó 17:7

bɔ Jazɔ́ɔn ka yí yě dó xwé tɔn gbe; yě mɛ bǐ wɛ nɔ gba sɛ́n e Dadá Hlɔ̌ma tɔn dó lɛ́ɛ, bó nɔ ɖɔ axɔ́sú ɖěvo tíin bó nɔ́ nyí Jezu.”

Mɛsɛ́dó 5:29

Piyɛ́ɛ kpódó mɛsɛ́dó lɛ́ɛ kpó ká yí gbe n'i ɖɔ: “È ɖó ná se tónú nú Mawu; é nyɔ́ hú è se tónú nú gbɛtɔ́.