Daniyɛ́li 6:11 - MAWUXÓWÉMA

¹¹ Ée Daniyɛ́li se ɖɔ gbeta mɔ̌hun tɔ́n ɔ́, é yi xwé tɔn gbe, bó yi xɔ e ɖo aga é mɛ, bó hun flɛtɛ́li lɛ́ɛ dó Jeluzalɛ́mu sín awa jí. É jɛ kpo ɖo fínɛ́, bó xo ɖɛ, bó mlá Mawu tɔn. É bló mɔ̌ azɔn atɔn ɖo kéze ɔ́ mɛ, lě e é kó nɔ́ bló gbɔn ɖ'ayǐ é.

Daniyɛ́li 6:11 Iomraidhean Croise

1 Axɔ́sú 8:48

nú yě lɛ́ kɔ wá gɔ̌n towe kpódó ayixa yětɔn bǐ kpó, kpódó lǐndɔ̌n yětɔn kpó ɔ́, nú yě nɔ to e mɛ kɛntɔ́ wlí kannumɔ yětɔn hɛn yi ɔ́ mɛ, lobo kpan nukɔn to e a nǎ tɔ́gbó yětɔn lɛ́ɛ ɔ́ mɛ, toxo e a sɔ́ é, xwé e un sá nú we égbé, bó xo ɖɛ sɛ́ dó we hǔn,

Ɖɛhan 10:9

É nɔ́ tɔwu kinnikínní ɖo wudo mɛ ɖɔhun. É nɔ́ tɔwu bó ná zɔn mɛ ma ɖó mɛ ɖé jí; é nɔ́ dɔn mɛ ma ɖó mɛɖé dó mɔ tɔn mɛ bó nɔ́ wlí i.

Ɖɛhan 119:164

Un nɔ xomlá we azɔn tɛ́nwe gbe ɖokpó, ɖó hwɛ jlɔ́jlɔ́ e a ɖɔ lɛ́ɛ wú.

Ɖɛhan 28:2

Mawu Mavɔmavɔ, nú un dlɛ́n alɔ sɛ́ dó tɛn mímɛ́ bǐ e mɛ a ɖe ɔ́ hǔn, nú un sú xó ylɔ́ we ɖɔ hwi ní wá dó alɔ mì hǔn, ɖǒtó mì.

Jelemíi 51:50

Mi mɛ e kú xo kpo lɛ́ɛ mi, mi hɔn, mi ma nɔ te ó. Mi mɛ énɛ́ lɛ́ɛ e ɖo Babilɔ́nu dɔ̌n lɛ́ɛ mi, mi flín Mawu Mavɔmavɔ. Jeluzalɛ́mu ní nɔ ayi mitɔn mɛ hwebǐnu.

Daniyɛ́li 6:6

Din ɔ́, yě ɖɔ: “Mǐ mɔ nǔ e wú mǐ ná ɖó dó bó dó hwɛ Daniyɛ́li ɔ́ ɖěbǔ ǎ. Ényí mǐ ná mɔ nǔɖé din ɔ́, Mawu e é nɔ́ sɛn ɔ́ sín sɛ́n lixo jɛ́n mǐ nǎ ba ɖe.”