Daniyɛ́li 5:7 - MAWUXÓWÉMA

⁷ Énɛ́ ɔ́, é sú xó ɖɔ è nǐ yi ylɔ́ nǔkantɔ́ lɛ́ɛ, majíkiblótɔ́ lɛ́ɛ, azětɔ́ lɛ́ɛ kpó azɔnɖatɔ́ e ɖo Babilɔ́nu lɛ́ɛ bǐ kpó wá nú émí. Ée è yi ylɔ́ yě wá ɔ́, é ɖɔ nú nǔnywɛ́tɔ́ énɛ́ lɛ́ɛ ɖɔ: “Mɛ e ná xa nǔ e è wlǎn ɖó fínɛ́ ɔ́, bó ná tínmɛ nú mì ɔ́, un ná zé axɔ́súwu dó n'i, bó ná dó sikáwlɔ ɖokpó kɔ n'i, bó ná zé e ɖó tɛn atɔngɔ́ ɔ́ mɛ ɖo axɔ́súɖuto ce mɛ.”

Daniyɛ́li 5:7 Iomraidhean Croise

Bǐbɛ́mɛ 41:8

Ayi tɔn gbadó ayǐhɔ́ngbe tɔn zǎnzǎn, bɔ é dó wɛn sɛ́ dó majíkiblótɔ́ lɛ́ɛ bǐ kpó nǔnywɛ́tɔ́ Ejípu tɔn lɛ́ɛ bǐ kpó ɖɔ yě ní wá. Ée mɛ lɛ́ɛ wá ɔ́, é wlí dlɔ̌ e é kú lɛ́ɛ ɖɔ nú yě. Lo ɔ́, yě mɛ ɖěbǔ kpé wú bó tín nǔ e ɖɔ wɛ dlɔ̌ lɛ́ɛ ɖe ɔ́ mɛ nú axɔ́sú ɔ́ ǎ.

Ɛsitɛ́ɛ 3:1

Ée nǔ énɛ́ lɛ́ɛ bǐ jɛ wá yi ɔ́, axɔ́sú Zɛ̌ɛzɛsi sɔ́ Hamáa gǎn. Hamáa ɔ́, Hamumɛdata ví wɛ, bó jɔ ɖo Agagi kún mɛ. Axɔ́sú ɔ́ sɔ́ ɛ gǎn hɔn-yitɔ́ xɔ́sú.

Tíntɔ́n 7:11

Axɔ́sú ɔ́ ká ylɔ́ bokɔ́nɔ lɛ́ɛ kpó azɔnɖatɔ́ lɛ́ɛ kpó, bɔ yě ná sɔ́ azě yětɔn dó bló nǔ ɖokpó ɔ́.

Nǔnywɛ́xó 1:9

Đó jɛ̌gbákún wɛ nǔ énɛ́ lɛ́ɛ nyí ɖo ta nú we, jɛ̌ wɛ yě nyí ɖo kɔ nú we.

Hanvíví 1:10

Tógbé e a dǒ lɛ́ɛ ɖe klɛ̌n towe sín ɖɛkpɛ xlɛ́. Kɔjɛ́ towe ɖe kɔ towe sín ɖɛkpɛ xlɛ́.

Ezayíi 47:13

A nɔ ɖo tagba jɛ wɛ, bó nɔ́ ɖo nǔ kan kpé wɛ gbɔn fí bǐ. Yě mɛ énɛ́ lɛ́ɛ e nɔ́ kpɔ́n jǐxwé, bó nɔ́ kpɔ́n sunví lɛ́ɛ, bó nɔ́ ɖɔ nǔ e ná jɛ dó jǐ towe lɛ́ɛ nú we ɖo sun mɛ sun mɛ lɛ́ɛ ɔ́, yě ní bó wá hwlɛ́n we gán din bó!

Jelemíi 50:35

Mawu Mavɔmavɔ ɖɔ: “Ahwanfunfun ɖo te kpɔ́n Babilɔ́nunu lɛ́ɛ. Ahwanfunfun ɖo te kpɔ́n mɛ e ɖo Babilɔ́nu tota mɛ lɛ́ɛ; é ɖo te kpɔ́n gǎn hɔn-yitɔ́ lɛ́ɛ kpó nǔnywɛ́tɔ́ lɛ́ɛ kpó.

Ezekiyɛ́li 16:11

Un ba acɔ́ nú we: un dó alɔgan alɔ nú we, un dó wlɔ kɔ nú we.

Daniyɛ́li 1:20

Nǔ e ná nyí nǔ bó ná byɔ́ ɖɔ è nǎ ɖó nǔnywɛ́ kpó nukúnnú-mɔjɛnǔmɛ kpó cóbó kɛ nu d'é wú ɔ́, ényí axɔ́sú ɔ́ kan nǔ byɔ́ yě dó ɖěbǔ jí ɔ́, xósin e yě nɔ́ ná ɔ́ nɔ́ mɛ́ hú ée nǔkantɔ́ lɛ́ɛ kpó majíkiblótɔ́ e ɖo axɔ́súɖuto ɔ́ mɛ é kpó nɔ́ ná ɔ́ azɔn wǒ.

Daniyɛ́li 1:4

Súnnuví énɛ́ lɛ́ɛ ɖó ná ɖó blɔ̌ ɖěbǔ ɖo wǔ ǎ; ninɔmɛ yětɔn ɖó ná nyɔ́ kpɔ́n. Wǔ ɖó ná yá yě, bɔ nǔnywɛ́ ná kpé yě. Yě ɖó ná tunwun nǔ, bó ɖó ná nɔ mɔ nukúnnú jɛ nǔ mɛ. Gbɛtɔ́ mɔ̌hunkɔtɔn wɛ yě ɖó ná nyí cóbó ná sixú wa azɔ̌ ɖo axɔ́sú ɔ́ sín hɔnmɛ. È nǎ kplɔ́n Babilɔ́nunu lɛ́ɛ sín gbe yě, bó ná kplɔ́n wlǎnwlán tɔn yě.

Daniyɛ́li 2:2

Énɛ́ ɔ́, é ɖɔ è nǐ ylɔ́ nǔkantɔ́ lɛ́ɛ, majíkiblótɔ́ lɛ́ɛ, azětɔ́ lɛ́ɛ, kpó azɔnɖatɔ́ lɛ́ɛ kpó wá, bónú yě ná ɖɔ nǔ e émí mɔ ɖo dlɔ̌ mɛ ɔ́ nú émí. Ée yě wá ɔ́, yě nɔ te ɖo nukɔn tɔn,

Daniyɛ́li 2:27

Daniyɛ́li yí gbe nú axɔ́sú ɔ́ ɖɔ: “Sɛ́mɛɖó, nǔ e búdo dó mɛ ɔ́, mɛ ɖěbǔ sixú tínmɛ nú mɛ ǎ. Nǔnywɛ́tɔ́ lɛ́ɛ, majíkiblótɔ́ lɛ́ɛ, nǔkantɔ́ lɛ́ɛ, azɔnɖatɔ́ lɛ́ɛ ɖěbǔ sixú tínmɛ nú mɛ ǎ.

Daniyɛ́li 2:48

Énɛ́ ɔ́ gúdo ɔ́, axɔ́sú ɔ́ sɔ́ Daniyɛ́li su, bó ná ɛ nǔ ɖagbe ɖagbe gěgé. É sɔ́ Daniyɛ́li tokpɔngán ɖo tokpɔn Babilɔ́nu tɔn nu. É lɛ́ sɔ́ gǎn Daniyɛ́li bɔ é kpa acɛ dó nǔnywɛ́tɔ́ e ɖo Babilɔ́nu lɛ́ɛ bǐ nu.

Daniyɛ́li 2:6

Ényí mi ka ɖɔ dlɔ̌ e un kú ɔ́ nú mì ɔ́, un ná dó dɔkun nú mi, bó ná wlí yɛ̌yi nú mi ɖaxó. Din ɔ́, mi bó ɖɔ nǔ e un mɔ ɖo dlɔ̌ mɛ ɔ́ nú mì, bó tínmɛ nú mì.”

Daniyɛ́li 4:14

“Wɛnsagun lɛ́ɛ wɛ hɛn gbeta énɛ́ ɔ́ wá, bónú mɛ e ɖo gbɛ lɛ́ɛ bǐ ná tunwun ɖɔ Mawu Ajalɔ̌nlɔn ɔ́ wɛ ɖó acɛ dó gbɛtɔ́ lɛ́ɛ bǐ jí, ɖó é nɔ́ ná acɛ mɛ e jló e é. É jló e ɔ́, é ná zé mɛ e gbɛtɔ́ lɛ́ɛ gbɛ́ wǎn ná ɔ́ su.

Daniyɛ́li 5:11

Nǔmɛsɛn mímɛ́ lɛ́ɛ sín yɛ ɖo nya ɖokpó jí ɖo axɔ́súɖuto mɛtɔn mɛ. Tɔ́ mɛtɔn hwenu ɔ́, nya ɖé wɛ, bó nɔ́ mɔ nukúnnú jɛ nǔ wú céɖécéɖé. É bí, bó ɖó nǔnywɛ́ nǔmɛsɛn ɖɔhun. Énɛ́ ɔ́ wú wɛ tɔ́ mɛtɔn sɔ́ ɛ gǎn, bɔ é kpa acɛ dó nǔkantɔ́ lɛ́ɛ, majíkiblótɔ́, azětɔ́ lɛ́ɛ, kpódó azɔnɖatɔ́ lɛ́ɛ kpó nu.

Daniyɛ́li 5:15

È ko kplá nǔnywɛ́tɔ́ lɛ́ɛ kpó majíkiblótɔ́ lɛ́ɛ kpó wá nú mì din, bónú yě ná xa nǔwlánwlán e mɔ wɛ a ɖe ɔ́, bó ná tínmɛ nú mì, yě mɛ ɖěbǔ ká kpé wú ǎ.

Daniyɛ́li 5:16

Lo ɔ́, un se ɖɔ hwɛ ɔ́, a nɔ ɖɔ nǔsodómɛ lɛ́ɛ, bó nɔ́ mɔ nǔ jɛ nǔbúdo lɛ́ɛ wú. Ényí a sixú xa nǔwlánwlán élɔ́, bó tínmɛ nú mì ɔ́, un ná zé axɔ́súwu dó nú we, bó ná dó sikáwlɔ kɔ nú we.”

Daniyɛ́li 5:29

Bɛlucasáa nɔ tɛn e mɛ é se nǔwlánwlán ɔ́ sín tínmɛ ɖe é, bó ná gbe mɛsɛntɔ́ tɔn lɛ́ɛ ɖɔ è nǐ zé axɔ́súwu dó nú Daniyɛ́li, bó zé sikáwlɔ dó kɔ n'i, lobo jlá ɖɔ Daniyɛ́li wɛ nyí mɛ e ɖo zinkpo atɔngɔ́ ɔ́ jí ɖo axɔ́súɖuto ɔ́ mɛ é.

Kɛ́nsísɔ́ 22:17

É ɖɔ hwi wá ɔ́, émí ná wlí yɛ̌yi nú hwi ɖésú. Émí ná bló nǔ e hwi ná byɔ́ émí lɛ́ɛ bǐ. Hwi ní kɛnklɛ́n wá dó nu togun ɔ́ nú émí.”

Kɛ́nsísɔ́ 22:7

Tomɛxó Mɔwabu tɔn lɛ́ɛ kpó Madiáani tɔn lɛ́ɛ kpó hɛn nǔ e yě ná yi ná nǔkantɔ́ Baláamu é. Yě yi Baláamu gɔ́n bó ɖɔ xó e Balaki ɖɔ lɛ́ɛ n'i.

Kɛ́nsísɔ́ 24:11

Din ɔ́, bǔ dó mì, lɛ̌ kɔ yi xwé towe gbe! Un ko ɖɔ nú we ɖ'ayǐ ɖɔ un ná wlí yɛ̌yi nú we, amɔ̌, Mawu Mavɔmavɔ sú ali tɔn dó we.”

1 Samuwɛ́li 17:25

Mɛ ɖokpó ɖokpó nɔ ɖɔ: “Mi ma mɔ nya énɛ́ e wá é a? Adǎn gblɔ́n nú Izlayɛ́li ví lɛ́ɛ gbé wɛ é ja bó wá. Ényí mɛɖé kpé wú bó hu i ɔ́, axɔ́sú mǐtɔn ná dó dɔkun nú mɛ ɔ́, bó ná ná ɛ vǐ tɔn nyɔ̌nu bɔ é ná da, bó ná sɔ́ mɛ énɛ́ ɔ́, bɔ mɛ e ɖo daá tɔn xwé lɛ́ɛ sɔ́ ná nɔ ná nǔjɔ ɖo Izlayɛ́li ǎ.”