Daniyɛ́li 5:5 - MAWUXÓWÉMA

⁵ Hwenu e yě ɖo han ji wɛ ɔ́, è mɔ gbɛtɔ́ sín alɔ ɖokpó ɖo nǔ wlán dó ahohó e è sá nǔ wěwé dó ɔ́ wú wɛ, ɖo zogbɛ́nhɛnnú ɔ́ kpá. Axɔ́sú ɔ́ mɔ alɔ e ɖo nǔ wlán wɛ é.

Daniyɛ́li 5:5 Iomraidhean Croise

Jɔ̌bu 20:5

mɛdídá nɔ j'awǎ nú hwenu gěgé ǎ, nǔnyanyawatɔ́ nɔ́ nɔ xomɛ hunhun mɛ yi gbada ǎ.

Nǔnywɛ́xó 29:1

Mɛ e è gbɛ́ nǔ ná ɔ́, é nɔ́ ɖo ta syɛ́n wɛ é ɔ́, è nǎ gblé gbɛ dó n'i ɖo nukún xwixwe ɖokpó mɛ, bɔ ɖě wa gbɔn ná hán.

Jelemíi 50:43

Ée Babilɔ́nu xɔ́sú ɔ́ se ɖɔ ahwan ja ɔ́, awakanmɛ kú i, akpɔ ɖó e; é jɛ wǔvɛ́ mɔ jí nyɔ̌nu ɖo ajidonu ɖɔhun.

Daniyɛ́li 4:31

Axɔ́sú Nabukodonɔzɔ́ɔ ɖɔ: “Ée xwe tɛ́nwe lɛ́ɛ wá yi ɔ́, un kpɔ́n jǐxwé, bɔ gbɛtɔ́ sín ayixa e un ɖó ɖ'ayǐ ɔ́ lɛ́ wá nú mì. Un dó kú nú Mawu Ajalɔ̌nlɔn e ɖo gbɛ káká sɔ́yi é. Un jɛ mlǎmlá ɛ jí, bó jɛ susu kpa n'i jí ɖɔ: Acɛkpikpa tɔn ɖó dogbó ǎ, axɔ́súɖuɖu tɔn ná nɔ ayǐ káká sɔ́yi.

Daniyɛ́li 4:33

Hwenɛ́nu wɛ gbɛtɔ́ sín ayixa ɔ́ lɛ́ wá nú mì. Un lɛ́ mɔ susu e axɔ́súɖuto ce ɖó ɔ́. Acɛkpikpa ce kpódó axɔ́súɖuto ce sín ɖɛkpɛ kpó lɛ́ vɔ́ wá. Azaglɔ́gán ce lɛ́ɛ kpó tozɔ́watɔ́ ce lɛ́ɛ kpó ná wun bó jɛ gbě ce mɛ, bó wá kplá mì. Yě lɛ́ sɔ́ mì axɔ́sú, bɔ yɛ̌yi e yě wlí nú mì ɔ́ syɛ́n hú ée yě kó nɔ́ wlí nú mì ɖ'ayǐ é.

Daniyɛ́li 5:15

È ko kplá nǔnywɛ́tɔ́ lɛ́ɛ kpó majíkiblótɔ́ lɛ́ɛ kpó wá nú mì din, bónú yě ná xa nǔwlánwlán e mɔ wɛ a ɖe ɔ́, bó ná tínmɛ nú mì, yě mɛ ɖěbǔ ká kpé wú ǎ.

Daniyɛ́li 5:4

Ée yě bǐ nu ahan ganjí ɔ́, yě jɛ han e yě nɔ́ dó kpa susu nú vodún yětɔn lɛ́ɛ é ji jí. Vodún yětɔn lɛ́ɛ ɔ́, è zě siká dó bló ɖě, bó zé kpatágan dó bló ɖě, bó zé ganvɔ dó bló ɖě, bó zé gan dó bló ɖě. È zě atín dó bló ɖě, bó zé awǐnnya dó bló ɖě.

Daniyɛ́li 5:6

Ée é mɔ mɔ̌ ɔ́, é dɔn nukún mɛ nyɔ, bɔ ayi tɔn bǐ gbadó, bɔ alin tɔn kɛwun, bɔ koligó tɔn lɛ́ɛ ɖě nɔ́ xo dó ɖě wú.

Daniyɛ́li 5:8

Nǔnywɛ́tɔ́ axɔ́sú ɔ́ tɔn lɛ́ɛ bǐ wá, mɛ ɖěbǔ ká ɖo yě mɛ bó sixú xa nǔ e è wlǎn ɔ́, bó ná tínmɛ nú axɔ́sú ɔ́ ǎ.

Kolósinu 2:14

Wěma e jí è wlǎn hwɛ mǐtɔn lɛ́ɛ dó, bɔ è ɖo hwɛ dó mǐ wɛ, bɔ tito tɔn lɛ́ɛ ma sɔgbe xá mǐ ǎ ɔ́, Mawu ká wěma ɔ́ nyi aklúzu jí, bó súnsún hwɛ mǐtɔn e ɖ'é jí lɛ́ɛ bǐ.