Daniyɛ́li 5:4 - MAWUXÓWÉMA

⁴ Ée yě bǐ nu ahan ganjí ɔ́, yě jɛ han e yě nɔ́ dó kpa susu nú vodún yětɔn lɛ́ɛ é ji jí. Vodún yětɔn lɛ́ɛ ɔ́, è zě siká dó bló ɖě, bó zé kpatágan dó bló ɖě, bó zé ganvɔ dó bló ɖě, bó zé gan dó bló ɖě. È zě atín dó bló ɖě, bó zé awǐnnya dó bló ɖě.

Daniyɛ́li 5:4 Iomraidhean Croise

1 Axɔ́sú 1:49

Ée mɛ e Adoniyasi ylɔ́ wá agɔ̌ gbé lɛ́ɛ se mɔ̌ ɔ́, xɛsi jɛ yě bǐ jí, bɔ yě jɛ te sí jí, bɔ mɛ ɖokpó ɖokpó wlí ali tɔn.

Ezayíi 42:17

Mi mɛ e nɔ gán jɛ vodún wú, bó nɔ́ ɖɔ nú bǒcyɔ mitɔn lɛ́ɛ ɖɔ yě wɛ nyí nǔmɛsɛn émítɔn lɛ́ɛ ɔ́, mi ná j'agɔ dó gǔdo, mi ná ɖu winnyá.”

Ezayíi 42:8

Nyi wɛ nyí Mawu Mavɔmavɔ; mɔ̌ wɛ nyǐkɔ ce nyí; susu e nyí ce ɔ́, un nɔ jó dó nú mɛ ɖé ǎ. Un ka nɔ jó yɛ̌yi e nyí ce ɔ́ dó nú bǒcyɔ ɖé ǎ.

Daniyɛ́li 1:8

Daniyɛ́li ka tunwun dó ayi tɔn mɛ ɖɔ émí kún ná kpɔ́n dó nǔɖuɖu e axɔ́sú ɔ́ nɔ́ ɖu ɔ́, kpó vɛ̌ɛn e é nɔ́ nu ɔ́ kpó wú, bó ná hɛn émíɖée blí ó. Ée é mɔ mɔ̌ ɔ́, é cikpɛ nú gǎn ɔ́ ɖɔ é ní má hɛn émí blí ó.

Daniyɛ́li 5:23

A zě Aklúnɔ sɛ́xwé tɔn ɔ́ hwe, bó yi bɛ́ kɔ́fu e ɖo sinsɛnxɔ tɔn mɛ lɛ́ɛ, bɔ hwi kpó gbɛ̌ towe lɛ́ɛ kpó asi towe lɛ́ɛ kpó, kpó agalɛtɔ́ towe lɛ́ɛ kpó dó nu ahan ná, bɔ a nɔ ji han dó kpa susu nú vodún e è zě kpatágan dó bló ná lɛ́ɛ, ée è zě siká dó bló ná lɛ́ɛ, ée è zě ganvɔ dó bló ná lɛ́ɛ, ée è zě gan dó bló ná lɛ́ɛ, ée è zě atín dó bló ná lɛ́ɛ, kpó ée è zě awǐnnya dó bló ná lɛ́ɛ kpó. Vodún énɛ́ lɛ́ɛ ká nɔ mɔ nǔ ǎ, yě ká nɔ́ se xó ǎ, yě ká lɛ́ tunwun nǔ ɖěbǔ ǎ. A nɔ ɖo vodún énɛ́ lɛ́ɛ sɛn wɛ, bó nɔ́ gɔn susu kpa nú Mawu e sín alɔ mɛ funfún towe kpó nǔ e gbɛ towe ná nyí ɔ́ kpó ɖe é.

Daniyɛ́li 5:3

È yi bɛ́ sikákɔ́fu e è bɛ̌ sín sinsɛnxɔ Mawu tɔn mɛ ɖo Jeluzalɛ́mu lɛ́ɛ wá, bɔ axɔ́sú ɔ́ má nú mɛ e é ylɔ́ lɛ́ɛ, bɔ yě bǐ nu ahan ɖ'é mɛ.

Daniyɛ́li 5:5

Hwenu e yě ɖo han ji wɛ ɔ́, è mɔ gbɛtɔ́ sín alɔ ɖokpó ɖo nǔ wlán dó ahohó e è sá nǔ wěwé dó ɔ́ wú wɛ, ɖo zogbɛ́nhɛnnú ɔ́ kpá. Axɔ́sú ɔ́ mɔ alɔ e ɖo nǔ wlán wɛ é.

Amɔ́si 6:7

Énɛ́ ɔ́ wú ɔ́, mi wɛ ná nyí kannumɔ nukɔn tɔn e è nǎ wlí lɛ́ɛ. Agɔ̌ e ɖu wɛ fɔnlínnɔ lɛ́ɛ ɖe ɔ́ kpé lo!

Xabakúku 2:19

Mi mɛ e nɔ ɖɔ nú kpo énɛ́ ɖɔ é ní sí te lɛ́ɛ, heelú mi! Mi mɛ e nɔ ɖɔ nú awǐnnya ɖɔ é ní fɔ́n sí te lɛ́ɛ heelú mi! Awǐnnya ká nɔ kɛ nu bo nɔ sixú ɖe nǔɖé xlɛ́ mɛ wɛ a? Énɛ́ è bɛ̌ siká kpódó kpatágan kpó dó va nɛ́! Yɛ e nɔ ná gbɛ mɛ ɔ́ ká ɖ'é mɛ ǎ.

Mɛsɛ́dó 17:29

“Ée é ka nyí ɖɔ Mawu sín vǐ wɛ mǐ nyí é ɔ́, mǐ sɔ́ ɖó ná lin ɖɔ Mawu cí siká abǐ kpatágan abǐ awǐnnya ɖagbe ɖagbe e gbɛtɔ́ sɔ́ linlin tɔn kpódó aɖawun tɔn kpó dó kɔn ná é ɖɔhun ǎ.