Daniyɛ́li 5:30 - MAWUXÓWÉMA

³⁰ Gbe énɛ́ gbe zǎn mɛ ɔ́, è hu axɔ́sú Babilɔ́nu tɔn Bɛlucasáa.

Daniyɛ́li 5:30 Iomraidhean Croise

Ezayíi 47:9

É nyɔ́, gbe ɖokpó ɔ́ wɛ adǎn we énɛ́ lɛ́ɛ bǐ ká ná gbo we ɖo ajijimɛ. A sɔ́ ná ɖó vǐ ǎ, a nǎ húzú asúkúsi. Azě towe lɛ́ɛ kpó majíki towe lɛ́ɛ kpó ná ɖo fínɛ́, có nǔ énɛ́ lɛ́ɛ bǐ ká ná gbo we.

Jelemíi 50:24

Babilɔ́nu, un ɖó mɔ nú we, bɔ a jɛ mɛ, a ɖǒ ayi tɔn ǎ. A jɛ wlɔ mɛ, ɖó nyɛ Mawu Mavɔmavɔ wɛ a fun ahwan xá.”

Jelemíi 51:11

Mawu Mavɔmavɔ fɔ́n hun dó jǐ nú Mɛdi xɔ́sú lɛ́ɛ, bó jló ná vívá kún nú Babilɔ́nu to ɔ́. Mawu Mavɔmavɔ wɛ ɖo hlɔn ba wɛ, ɖó yě ɖu su nú xwé tɔn. Mi gan gǎ mitɔn lɛ́ɛ ganjí, mi fɔ gǎglónú mitɔn lɛ́ɛ.

Jelemíi 51:31

Wɛnsagun lɛ́ɛ ɖo wezun nu bó nɔ́ ɖo wɛn yi dó wɛ, mɛ ɖě ɖo yiyi wɛ ɔ́, mɛ ɖě nɔ́ ɖo wiwa wɛ; yě nɔ́ yi ɖɔ nú Babilɔ́nu xɔ́sú ɔ́ ɖɔ: “È jǎn to ɔ́ gbɔn fí bǐ.

Jelemíi 51:39

Hwenu e nǔ ná jɛ yě jlǒ jí ɔ́, un ná ylɔ́ agɔ̌ ɖokpó nú yě, un ná ná ahan yě, bɔ yě ná nu mú, bó sɔ́ ná tunwun nǔ e ɖɔ wɛ yě ɖe ɔ́ ǎ. Yě ná dɔ́ amlɔ dɔ̌mányí; yě sɔ́ ná fɔ́n gbeɖé ǎ. Xó e nyɛ Mawu Mavɔmavɔ ɖɔ ɔ́ nɛ́.

Jelemíi 51:57

Nyɛ Axɔ́sú e nyǐkɔ ce nɔ́ nyí Mawu Mavɔmavɔ Nǔbǐwúkpétɔ́ ɔ́ ɖɔ: Un ná ɖó ahan kɔ jí nú gǎn hɔn-yitɔ́ tɔn lɛ́ɛ, azaglɔ́gán tɔn lɛ́ɛ, tokpɔngán tɔn lɛ́ɛ, axɔ́sú tɔn lɛ́ɛ kpó ahwanfuntɔ́ syɛ́nsyɛ́n tɔn lɛ́ɛ kpó bɔ yě ná nu mú; yě ná dɔ́ amlɔ dɔ̌mányí; yě ná fɔ́n gbeɖé ǎ.”

Amɔ́si 6:7

Énɛ́ ɔ́ wú ɔ́, mi wɛ ná nyí kannumɔ nukɔn tɔn e è nǎ wlí lɛ́ɛ. Agɔ̌ e ɖu wɛ fɔnlínnɔ lɛ́ɛ ɖe ɔ́ kpé lo!