Daniyɛ́li 5:28 - MAWUXÓWÉMA

²⁸ ‘Palusíin’ ɔ́ sín tínmɛ nyí nǔmímá. É ɖo ɖiɖɔ ɖo fínɛ́ wɛ ɖɔ è mǎ axɔ́súɖuto ɔ́ nú Mɛdinu lɛ́ɛ kpó Pɛ́sinu lɛ́ɛ kpó.”

Daniyɛ́li 5:28 Iomraidhean Croise

2 Tan 36:23

“Xó e Dadá Pɛ́si tɔn Silúsi ɖɔ ɔ́ ɖíe: Mawu Mavɔmavɔ, Mawu jǐnukúnsin tɔn ɔ́ sɔ́ axɔ́súɖuto e ɖo ayǐkúngban jí lɛ́ɛ bǐ ɖó acɛ ce mɛ; é zɔ́n mì ɖɔ nyɛ ní sá xwé ɖokpó nú émí ɖó Jeluzalɛ́mu ɖo Judáa. Mi mɛ e ko sixú ɖo togun tɔn mɛ lɛ́ɛ bǐ ní lɛ́ kɔ yi Jeluzalɛ́mu. Mawu Mavɔmavɔ, Mawu mitɔn ní nɔ kpɔ́ xá mi.”

Ezayíi 13:17

Éɖíe, un ná fɔ́n Mɛdinu lɛ́ɛ dó jǐ nú yě; akwɛ́ nyí nǔ ɖěbǔ nú yě ǎ, siká ká nɔ́ jló yě ǎ.

Ezayíi 21:2

Nǔ baɖabaɖa ɖé wɛ Mawu hun xlɛ́ mì. Mɛ e kpó mɛ kpó jɛ akɔ ɔ́ húzú mɛsaɖutɔ́. Nǔhɛngblétɔ́ ɔ́ ná hɛn nǔ gblé. Mawu ɖɔ: “Elámunu lɛ́ɛ e mi, mi yi fun ahwan. Mɛdinu lɛ́ɛ e mi, mi yi xá to ɔ́. Un ná ɖó wǔvɛ́ bǐ te.”

Ezayíi 47:11

Nǔgbó wɛ, awě ɖokpó ná xo we, bɔ a nǎ sixú gló ǎ; adǎn baɖabaɖa ɖokpó ná gbo we, bɔ a nǎ sixú nya ta ɖ'é nu ǎ. Jǐ ɖaxó ma ɖó ayi tɔn ɖé ná wá fyán we.

Jelemíi 25:13

Nǔ e un ɖɔ un ná wa xá to élɔ́ ɔ́, un ná wa bǐ xá ɛ. Un ná wa nǔ e è wlǎn dó wěma élɔ́ mɛ lɛ́ɛ bǐ xá ɛ; bó wa nǔ e Jelemíi ɖɔ dó nyǐkɔ ce mɛ dó akɔta ɖě lɛ́ɛ bǐ wú ɔ́ bǐ xá ɛ.

Jelemíi 51:28

Mi fɔ́n mɛ bǐ dó jǐ tɔn, mi dɔn Mɛdi xɔ́sú lɛ́ɛ, gǎn hɔn-yitɔ́ Mɛdi tɔn lɛ́ɛ kpó dó tokpɔngán Mɛdi tɔn lɛ́ɛ kpó dó jǐ tɔn. Fí e ɖo Mɛdi sín acɛ mɛ lɛ́ɛ bǐ ní fɔ́n gǔ dó jǐ tɔn.”

Daniyɛ́li 2:32

Ta tɔn nyí siká akú; akɔ́nnu tɔn kpó awa tɔn lɛ́ɛ kpó nyí kpatágan; adɔgo tɔn kpó asá tɔn lɛ́ɛ kpó nyí ganvɔ.

Daniyɛ́li 2:39

Nú axɔ́súɖuto mɛtɔn wá yi ɔ́, axɔ́súɖuto ɖěvo ná wá; é ká ná ɖó acɛ sɔ mɛtɔn ǎ. Axɔ́súɖuto atɔngɔ́ ɔ́ ná wá, bó ná gba kpé ayǐkúngban ɔ́ bǐ jǐ. Axɔ́súɖuto énɛ́ ɔ́ wɛ ɖo ganvɔ ɔ́ nyí wɛ.

Daniyɛ́li 6:28

É wɛ nɔ hwlɛ́n mɛ gán, bó nɔ ɖe mɛ sín mɛ kannu. É wɛ nɔ jlɛ́ nǔ tɛnmɛ tɛnmɛ lɛ́ɛ, bó nɔ́ bló nǔdábaɖa lɛ́ɛ ɖo jǐxwé kpódó dodomɛ kpó. Mawu énɛ́ ɔ́ wɛ yí Daniyɛ́li sín kinnikínní lɛ́ɛ sín fɛn mɛ.”

Daniyɛ́li 6:8

Mǐ mɛ gǎn e ɖo axɔ́súɖuto ɔ́ mɛ lɛ́ɛ bǐ: Nǔjíkpɔ́ntɔ́ lɛ́ɛ, tokpɔnjíkpɔ́ntɔ́ lɛ́ɛ, nǔnywɛ́námɛtɔ́ lɛ́ɛ kpó tokpɔngán lɛ́ɛ kpó bǐ kplé, bó ɖó gbe kpɔ́ ɖɔ mɛ ní ɖe gbeta ɖokpó tɔ́n, bó jlá gbɔn to ɔ́ bǐ mɛ, bó ɖɔ syɛ́nsyɛ́n ɖɔ sín égbé káká yi azǎn gban (30) gbe ɔ́, mɛ ɖěbǔ xomlá nǔmɛsɛn ɖěbǔ, abǐ gbɛtɔ́ ɖěbǔ, bɔ é má nyí mɛ Sɛ́mɛɖó ɔ́ wɛ è xomlá ǎ ɔ́, è nǎ sɔ́ mɛ énɛ́ nyi dó kinnikínnído mɛ.

Daniyɛ́li 8:20

Agbo e ɖó zo we bɔ a mɔ ɔ́, ɖo axɔ́súɖuto Mɛdi tɔn kpó Pɛ́si tɔn kpó sín xlɛ́ nyí wɛ.

Daniyɛ́li 9:1

“Hwenu e Daliwúsi Asuelúsi ví ɔ́ ɖo xwe ɖokpó bló wɛ ɖo zinkpo jí, ɖo akɔta Mɛdi tɔn nu, ɖo axɔ́súɖuto Babilɔ́nu tɔn ɔ́ mɛ ɔ́,

Mɛsɛ́dó 2:9

Gbɛtɔ́ ɖo mǐ mɛ bó gosín Paati, Mɛdinu kpó Elámu kpán; mɛ ɖě gosín Mɛzopotamíi, Judée, Kapadɔ́si, Pɔ́ɔn, gbɛtɔ́ gosín tokpɔn Azíi tɔn mɛ.