Daniyɛ́li 5:23 - MAWUXÓWÉMA

²³ A zě Aklúnɔ sɛ́xwé tɔn ɔ́ hwe, bó yi bɛ́ kɔ́fu e ɖo sinsɛnxɔ tɔn mɛ lɛ́ɛ, bɔ hwi kpó gbɛ̌ towe lɛ́ɛ kpó asi towe lɛ́ɛ kpó, kpó agalɛtɔ́ towe lɛ́ɛ kpó dó nu ahan ná, bɔ a nɔ ji han dó kpa susu nú vodún e è zě kpatágan dó bló ná lɛ́ɛ, ée è zě siká dó bló ná lɛ́ɛ, ée è zě ganvɔ dó bló ná lɛ́ɛ, ée è zě gan dó bló ná lɛ́ɛ, ée è zě atín dó bló ná lɛ́ɛ, kpó ée è zě awǐnnya dó bló ná lɛ́ɛ kpó. Vodún énɛ́ lɛ́ɛ ká nɔ mɔ nǔ ǎ, yě ká nɔ́ se xó ǎ, yě ká lɛ́ tunwun nǔ ɖěbǔ ǎ. A nɔ ɖo vodún énɛ́ lɛ́ɛ sɛn wɛ, bó nɔ́ gɔn susu kpa nú Mawu e sín alɔ mɛ funfún towe kpó nǔ e gbɛ towe ná nyí ɔ́ kpó ɖe é.

Daniyɛ́li 5:23 Iomraidhean Croise

Bǐbɛ́mɛ 14:19

É xo ɖɛ dó Ablámu jí, bó ɖɔ: “Mawu Ajalɔ̌nlɔn ní kɔn nyɔ̌ná dó Ablámu jí. Mawu Ajalɔ̌nlɔn e bló jǐnukúnsin kpó ayǐkúngban kpó é ní kɔn nyɔ̌ná dó jǐ we.

Bǐbɛ́mɛ 2:7

Mawu Mavɔmavɔ kán kɔ́ dó mɛ gbɛtɔ́, bó fún funfún e nɔ ná gbɛ mɛ ɔ́ dó awɔntín tɔn mɛ, bɔ gbɛtɔ́ ɔ́ húzú mɛ gbɛɖe.

2 Axɔ́sú 14:10

Ée a ɖu ɖo Edɔ́munu lɛ́ɛ jí é ɔ́, a jɛ afɔ tɛ ayǐ jí. Susu énɛ́ e a xɔ ɔ́ ní kpé we bónú a nɔ fí e a ɖe ɔ́. Étɛ́wú a jlǒ ná dó ta ahwan e mɛ hwi kpó Judáanu lɛ́ɛ kpó bǐ ná yi dɔn ɖe ɔ́ mɛ?”

Jɔ̌bu 12:10

Mawu Mavɔmavɔ sín alɔ mɛ wɛ nǔ e ɖo gbɛ ɔ́ bǐ sín funfún ɖe; alɔ tɔn mɛ wɛ gbɛtɔ́ bǐ sín gbɛ ɖe.

Jɔ̌bu 31:4

Lo ɔ́, Mawu ɔ́, éyɛ́ tunwun nǔ e wa wɛ un ɖe lɛ́ɛ bǐ; afɔ e ɖe wɛ un ɖe lɛ́ɛ bǐ wɛ é nɔ́ xa.

Ɖɛhan 104:29

A sɔ́ hwiɖée hwlá dó yě ɔ́, xɛsi nɔ jɛ yě jí. A yǐ funfún sín yě sí ɔ́, yě nɔ́ bɔnu, yě nɔ́ lɛ́ húzú kɔ́gúdu.

Ɖɛhan 115:16

Jǐxwé ɔ́, jǐxwé Mawu Mavɔmavɔ ɖokpónɔ géé tɔn wɛ, lo ɔ́, é ná ayǐkúngban ɔ́ gbɛtɔ́ lɛ́ɛ.

Ɖɛhan 139:3

A nɔ tunwun hwenu e un nɔ ɖi zɔnlin é, bó nɔ́ tunwun hwenu e un nɔ mlɔ́ ayǐ é. A nɔ tunwun nǔ e un nɔ wa lɛ́ɛ bǐ.

Ɖɛhan 146:4

Funfún ná jó yě dó gbe ɖokpó, bɔ yě ná lɛ́ kɔ yi kɔ́ glɔ́, bɔ gbe nɛ́ ɔ́ gbe ɔ́, linnáwa yětɔn lɛ́ɛ ná fó ɖó fínɛ́.

Nǔnywɛ́xó 20:24

Mawu Mavɔmavɔ wɛ sɔ́ mɛ ɖokpó ɖokpó ɖó ali e jí é ɖe é; nɛ̌ gbɛtɔ́ sixú tunwun ali e ná gbɔn wɛ é ɖe é gbɔn?

Ezayíi 13:11

Mawu ɖɔ: “Un ná dɔn tó nú gbɛ ɔ́ ɖó dǎkaxixo tɔn wú, un ná dɔn tó nú mɛ nyanya lɛ́ɛ, ɖó nǔ baɖabaɖa e yě dó sin lɛ́ɛ wú. Jimakplɔ́n e nɔ ɖo go yí wɛ lɛ́ɛ ɔ́, un ná sú kún yětɔn dó, acɛgannaganna-kpanúmɛtɔ́ e nɔ ɖo afɔ tɛ ayǐ wɛ lɛ́ɛ ɔ́, un ná zin yě dɛ́.

Ezayíi 14:13

A nɔ ɖɔ dó ayi mɛ ɖɔ: “Un ná hun káká yi jǐnukúnsin; un ná sɔ́ axɔ́súzinkpo ce dó jǐ, bɔ é ná nɔ aga nú sunví Mawu tɔn lɛ́ɛ. Un ná kpa acɛ dó só e ta vodún lɛ́ɛ nɔ́ yi kplé ɖe é ɖo totaligbé aga dɔ̌n.

Ezayíi 2:12

Mawu Mavɔmavɔ Nǔbǐwúkpétɔ́ ɔ́ zé azǎn ɖokpó ɖó te, bó ná ɖó hwɛ nú mɛ e nɔ mɔ éɖée é, mɛ e nɔ yí go é, mɛ e nɔ zé éɖée su é bó ná sɔ́ ɛ hwe.

Ezayíi 33:10

Mawu Mavɔmavɔ ɖɔ: “Din ɔ́, un ná sí te; din ɔ́, un ná ɖe hlɔ̌nhlɔ́n ce xlɛ́.

Ezayíi 37:19

bó bɛ́ nǔmɛsɛn yětɔn lɛ́ɛ dó myɔ mɛ nǔgbó. Amɔ̌, nǔmɛsɛn yětɔn énɛ́ lɛ́ɛ cí hwi ɖɔhun ǎ. Nǔdówá gbɛtɔ́ lɛ́ɛ tɔn wɛ, atín kpó awǐnnya kpó wɛ, bɔ yě vívá kún ná.

Ezayíi 37:23

Senakelíbu, mɛ̌ wɛ a zun? Mɛ̌ wɛ a ba hǎ? Mɛ̌ wɛ a wa adǎn dó ta ná? Mɛ̌ wɛ a kpɔ́n wunvɔ? Nyɛ Mawu, mɛ mímɛ́ Izlayɛ́li tɔn ɔ́ wɛ a?

Ezayíi 42:5

Mawu Mavɔmavɔ ɖɔ xó nú mɛsɛntɔ́ tɔn; é mɛ e bló jǐxwé, bó vlɔ́n é, é mɛ e ɖó ayǐkúngban kpó nǔ e ɖ'é jí lɛ́ɛ bǐ kpó ɔ́, é mɛ e ná gbɛ gbɛtɔ́ lɛ́ɛ ɖo ayǐkúngban jí, bó ná funfún yě ɔ́, xó e é ɖɔ nú mɛsɛntɔ́ tɔn ɔ́ ɖíe:

Jelemíi 10:23

Mawu Mavɔmavɔ, un tunwun ɖɔ ali e jí gbɛtɔ́ nɔ́ gbɔn ɖo gbɛmɛ fí ɔ́, é kún nyí é ɖésú wɛ nɔ́ ɖe ó. Gbɛtɔ́ ɖésú sixú xlɛ́ ali e é ná gbɔn é éɖée ǎ.

Jelemíi 48:26

Mɔwabu mɔ ɖɔ émí hú gǎn Mawu Mavɔmavɔ. Ényí mɔ̌ hǔn, mi ná ɛ ahan nú é nu mú. É ní vi, bó blí gbo gbɔn mɛ babá ɖɔhun. É ní húzú nǔkiko.

Jelemíi 50:28

Mi ɖótó mɛ e ɖo hinhɔn wɛ lɛ́ɛ, mi ɖótó mɛ e ɖo hinhɔn sín Babilɔ́nu wɛ lɛ́ɛ; yě ɖo ɖiɖɔ nú Sinyɔ́ɔnu lɛ́ɛ wɛ ɖɔ: “Mawu Mavɔmavɔ, Mawu mǐtɔn ba hlɔn nú mi, yě ɖu su nú xwé tɔn bɔ é ba hlɔn.”

Jelemíi 50:29

Mi da gǎdatɔ́ lɛ́ɛ bǐ dó Babilɔ́nu wú. Mi ɖó gɔnu lɛ́ lɛ̌ dó Babilɔ́nu, mɛ ɖěbǔ ní ma gló mi ó. Mi sú nǔ e é wa lɛ́ɛ sín axɔ́ ɛ. Mi bló n'i, lě e é nɔ́ bló nú mɛ gbɔn é. Đó é nɔ́ ba hǎ Mawu Mavɔmavɔ, Mawu Izlayɛ́li tɔn.

Ezekiyɛ́li 28:17

Ɖɛkpɛ towe wú wɛ a jɛ go yí jí; lě e nǔ nyɔ́ nú we sɔ ɔ́ zɔ́n bɔ a sɔ́ nɔ́ lin tamɛ kpɔ́n ǎ; énɛ́ ɔ́ wú wɛ un kpíkpé we nyi dó ayǐkúngban jí, bó dó winnyá we ɖo axɔ́sú lɛ́ɛ nukɔn.

Ezekiyɛ́li 28:2

“Hwɛ gbɛtɔ́ e, yi ɖɔ xó nú axɔ́sú Tíi tɔn; ɖɔ n'i ɖɔ xó e nyɛ Aklúnɔ Mavɔmavɔ ɖɔ sɛ́ dó e ɔ́ ɖíe: A yǐ go bo ɖɔ: ‘Nyɛ ɔ́, Mawu wɛ un nyí, bó jínjɔ́n axɔ́súzinkpo ce jí ɖo xu jí.’ Lo ɔ́, gbɛtɔ́ kpowun wɛ a nyǐ; a sixú sɔ́ hwiɖée jlɛ́ dó nyɛ wú ǎ. A nɔ sɔ́ linlin towe ɖó nyɛ Mawu sín linlin há jí.

Ezekiyɛ́li 28:5

Bǐbí e a nɔ dó wa ajɔ̌ ná ɔ́ zɔ́n bɔ a kplé dɔkun dó dɔkun jí; dɔkun towe zɔ́n bɔ a jɛ afɔ tɛ ayǐ jí.

Ezekiyɛ́li 31:10

“Xó e nyɛ Aklúnɔ Mavɔmavɔ ɖɔ é ɖíe: Sɛ́dlutín ɔ́ su bó yi jǐ káká bɔ ɖa tɔn byɔ́ akpɔ́kpɔ́ mɛ, bɔ goyíyí tɔn fɔ́n ɔ́, é nɔ́ ɖo jijɛ jí wɛ.

Daniyɛ́li 11:12

Axɔ́sú Tofɔligbé tɔn ɔ́ ná yí go ɖó é ná hu mɛ gěgé ɖo ahwan énɛ́ ɔ́ mɛ. Lo ɔ́, é ná bó hu sɔ́ja tobutóbú énɛ́ lɛ́ɛ ɔ́, é ná ɖu ɖ'é jí ǎ.

Daniyɛ́li 8:11

Zo ɔ́ zɔn mɔ̌ káká yi sɔ́ gǎn e kpa acɛ dó nǔɖogbɛ e ɖo sɛ́xwé lɛ́ɛ nu é, lobo ɖó vɔ̌ e è nɔ sá n'i ayǐhɔ́ngbe ayǐhɔ́ngbe lɛ́ɛ é te, lobo lɛ́ ɖu su nú fí e goxɔ tɔn ɖe é.

Xabakúku 2:4

Wlǎn ɖɔ: gbɛtɔ́ ayixanyanyanɔ ɔ́, gbɛ tɔn ɔ́, gblě wɛ é nɔ gblé; lo ɔ́, hwɛjijɔnɔ ɔ́, é nɔ́ nɔ gbɛ gbɔn nǔɖiɖi tɔn gbla mɛ.

Mɛsɛ́dó 17:25

É ka ba nú gbɛtɔ́ ní bló nǔ alɔkpa ɖěbǔ dó sɛn ɛ ná nǔɖé wɛ hudó e ɖɔhun ǎ; é wɛ nɔ́ ná gbɛ, bó nɔ́ ná funfún kpódó nǔ bǐ kpó gbɛtɔ́ lɛ́ɛ.

1 Kɔlɛ́ntinu 8:4

Hǔn nǔ e kan nǔɖuɖu e è dǒ sá vɔ̌ nú vodún lɛ́ɛ ɖuɖu ɔ́, mǐ tunwun ganjí ɖɔ vodún ɖě kún ɖo gbɛ ɔ́ mɛ ó; mǐ tunwun ganjí ɖɔ Mawu ɖokpó géé wɛ tíin.

1 Timɔtée 3:6

É ɖó ná nyí mɛ e ɖi nǔ nú Klísu yɔ̌yɔ́ ɔ́ ǎ; é ma nyí mɔ̌ ǎ ɔ́, goyíyí táá wá byɔ́ lanmɛ n'i, bɔ Mawu ná ɖó hwɛ n'i lě e é ɖó hwɛ nú awǒvi gbɔn é.

Eblée 4:13

Nǔ ɖěbǔ tíin bɔ è sixú sɔ́ hwlá dó Mawu ǎ. Nǔ e Mawu bló lɛ́ɛ ɖěbǔ ɖo hwlǎhwlá n'i ǎ; nǔ lɛ́ɛ bǐ wɛ é nɔ mɔ ɖo mɛ̌, bó nɔ mɔ yě ɖo wěxo; é wɛ mǐ bǐ ɖó ná ɖó gbe ná.

Nǔɖexlɛ́mɛ 9:20

Gbɛtɔ́ e kpo bɔ nǔ nyanya énɛ́ lɛ́ɛ ma hu ǎ lɛ́ɛ lɛ́ kɔ sín nǔ e yě sɔ́ alɔ yě ɖésúnɔ tɔn dó bló ná lɛ́ɛ sinsɛn gúdo ǎ. Yě nɔ gɔn yɛ nyanya lɛ́ɛ sɛn ǎ; yě ka nɔ gɔn vodún e è sɔ́ siká dó bló ná lɛ́ɛ, ée è sɔ́ kpatágan dó bló ná lɛ́ɛ, ée è sɔ́ ganvɔ dó bló ná lɛ́ɛ, ée è sɔ́ awǐnnya dó bló ná lɛ́ɛ kpó ée è sɔ́ atín dó bló ná lɛ́ɛ kpán sɛn ǎ; nǔ énɛ́ lɛ́ɛ ka sixú mɔ nukúnnú ǎ; yě ka sixú se tónú ǎ; yě ka sixú ɖi zɔnlin ǎ.

Hwɛɖɔtɔ́ 16:23

Axɔ́sú Filisitɛ́ɛn lɛ́ɛ tɔn lɛ́ɛ sɛ ta kplé gbe ɖokpó, bó ná ɖu ɖuɖéjí e yě ɖó ɔ́ sín xwe, bó ná sá vɔ̌ ɖaxó ɖokpó nú vodún yětɔn Dagɔ́ni. Yě ɖo han ji wɛ ɖɔ: “Vodún mǐtɔn jó Sanmusɔ́ɔn, kɛntɔ́ mǐtɔn ɔ́ nú mǐ.”

1 Samuwɛ́li 17:26

Davídi kanbyɔ́ sɔ́ja e ɖo akpá tɔn lɛ́ɛ ɖɔ: “Étɛ́ è ka ná ná mɛ e ná hu Filisitɛ́ɛn énɛ́, bó ná ɖe winnyá nú Izlayɛ́li to ɔ́ é? Bɔ mɛ̌ ká nyí Filisitɛ́ɛn énɛ́ ɔ́, mɛ e ma nɔ sɛn Mawu ǎ nɛ́ ɔ́, bó glá káká bó zun Mawu gbɛɖe ɔ́ sín ahwangɔnu?”

1 Samuwɛ́li 17:36

Lě e nyɛ mɛsɛntɔ́ towe hu kinnikínní mɔ̌kpán, bó hu lɔnmɔ mɔ̌kpán gbɔn é nɛ́. Nǔ e un nɔ dó sin xá lan énɛ́ lɛ́ɛ ɔ́ wɛ un ná dó sin xá Filisitɛ́ɛn énɛ́ lɔ. Đó mɛ énɛ́ e ma nɔ sɛn Mawu ǎ ɔ́ gblɔ́n adǎn nú ahwangɔnu Mawu gbɛɖe ɔ́ tɔn.”