Daniyɛ́li 5:20 - MAWUXÓWÉMA

²⁰ Lo ɔ́, ée goyíyí kpó mɛmasí kpó byɔ́ ayi tɔn mɛ ɔ́, è ɖe e sín axɔ́súzinkpo ɔ́ jí, bó yí acɛ bǐ sín así tɔn.

Daniyɛ́li 5:20 Iomraidhean Croise

2 Axɔ́sú 17:14

Lo ɔ́, yě wlí tó nǔ e ɖɔ nú yě wɛ gbeyíɖɔ lɛ́ɛ ɖe ɔ́ wú ǎ. Yě tlí tó tɔ́gbó yětɔn lɛ́ɛ ɖɔhun. Tɔ́gbó yětɔn lɛ́ɛ ɖi nǔ nú Mawu Mavɔmavɔ, Mawu yětɔn ǎ.

2 Tan 32:25

Lo ɔ́, ɖagbe e Mawu Mavɔmavɔ wa nú Ezekiyási ɔ́, é tunwun n'i ǎ. É nyɔ́ wa ɔ́, afɔ tɛ ayǐ jí wɛ é lɛ́ jɛ, bɔ Mawu Mavɔmavɔ sin xomɛ dó e, bó sin xomɛ dó Judáa to ɔ́ kpó Jeluzalɛ́mu toxo ɔ́ kpó.

2 Tan 36:13

Axɔ́sú Nabukodonɔzɔ́ɔ ɖɔ nú Sedesíyasi ɖɔ é ní xwlé Mawu nú émí ɖɔ émí ná nɔ gbejí nú émí, bɔ é xwlé, có Sedesíyasi fɔ́n gǔ dó jǐ tɔn. É ti tamɛ bó gbɛ́ bǐ ɖɔ émí kún sɔ́ ná lɛ́ kɔ yi Mawu Mavɔmavɔ, Mawu Izlayɛ́li tɔn ɔ́ gɔ́n ó.

Tíntɔ́n 18:11

Un mɔ din ɖɔ Mawu Mavɔmavɔ hú gǎn nǔmɛsɛn lɛ́ɛ bǐ. É ɖe hwenu e Ejípunu lɛ́ɛ ɖo acɛ gannaganna kpa nú Izlayɛ́li ví lɛ́ɛ wɛ é xlɛ́.”

Tíntɔ́n 9:17

Káká jɛ din ɔ́, a ɖo nǔ e jló we ɔ́ wa xá togun ce wɛ, bó gbɛ́ ɖɔ émí kún ná jó e dó bɔ é ná yi ó.

Tíntɔ́n 9:7

Axɔ́sú Ejípu tɔn ɔ́ sɛ́ mɛ dó ɖɔ è nǐ yi ba do nú nǔ e jɛ ɔ́; bɔ mɛ lɛ́ɛ wá ɖɔ n'i ɖɔ Izlayɛ́li ví lɛ́ɛ sín kanlin ɖokpó kún kú ó, bɔ é kpácá ɛ; é se mɔ̌ có, é lɛ́ tlí tó bó gbɛ́ ɖɔ togun ɔ́ kún ná yi ó.

Nǔnywɛ́xó 16:18

Mɛ ɖé ja cu kpé gbé ɔ́, goyíyí wɛ é nɔ́ bɛ́. Mɛ e nɔ mɔ éɖée ɔ́ nɔ́ sɔ́ éɖée nyi gbě.

Nǔnywɛ́xó 16:5

Mawu Mavɔmavɔ gbɛ́ wǎn nú gbɛtɔ́ e nɔ yí go lɛ́ɛ, é ná gɔn tó dɔn nú yě ǎ.

Ezayíi 47:1

Mawu ɖɔ: “Đyɔ̌vǐ Babilɔ́nu, jɛ te sín axɔ́súzinkpo jí; jǐnjɔ́n kɔ́gúdu mɛ. Toxo Babilɔ́nunu lɛ́ɛ tɔn e, jǐnjɔ́n kɔ́ mɛ, ma sɔ́ ba zinkpo ó. È sɔ́ ná nɔ́ ylɔ́ we ɖɔ nyɔ̌nu fífá, nyɔ̌nu ɖagbe ɖagbe ɖě ǎ.

Jelemíi 13:18

Mawu ɖɔ nú mì ɖɔ: Jelemíi, ɖɔ nú axɔ́sú ɔ́ kpó na kpɔjitɔ́ ɔ́ kpó ɖɔ: “Mi jínjɔ́n kɔ́ mɛ! Đó jɛ̌gbákún e ɖo ta mitɔn e j'ayǐ.

Jelemíi 19:15

“Xó e Mawu Mavɔmavɔ Nǔbǐwúkpétɔ́, Mawu Izlayɛ́li tɔn ɖɔ ɔ́ ɖíe, é ɖɔ: ‘Nǔ e un ɖɔ un na dó sín xá toxo élɔ́ kpó toxo e lɛ́ lɛ̌ dó e lɛ́ɛ kpó ɔ́, un na dó bǐ sin xá yě. Đó yě ci ta mɛ; yě ɖótó xó ce ǎ.’ ”

Jelemíi 48:18

Divɔ́ni toxo, gbɔ bo gosín gǎn tɛnmɛ; yi jínjɔ́n zunkɔ́ta. Mɛ e ɖo Mɔwabu toxo gba wɛ ɔ́ ja gɔ̌n towe; é ɖo ahohó towe lɛ́ɛ mu wɛ.

Ezekiyɛ́li 30:6

Xó e nyɛ Mawu Mavɔmavɔ ɖɔ ɔ́ ɖíe: Bɛ́ sín Migidɔ́lu ɖo taligbé káká wá Siɛni ɖo afɔligbé ɔ́, è nǎ hu mɛ e nɔ nya xɛ ɖo Ejípu jí lɛ́ɛ bǐ ɖo ahwan ɔ́ mɛ, bɔ nǔ e wú Ejípu gán jɛ, bó nɔ́ ɖo go yí wɛ ɔ́ bǐ ná vívá. Xó e nyɛ Aklúnɔ Mavɔmavɔ ɖɔ ɔ́ nɛ́.

Ezekiyɛ́li 31:10

“Xó e nyɛ Aklúnɔ Mavɔmavɔ ɖɔ é ɖíe: Sɛ́dlutín ɔ́ su bó yi jǐ káká bɔ ɖa tɔn byɔ́ akpɔ́kpɔ́ mɛ, bɔ goyíyí tɔn fɔ́n ɔ́, é nɔ́ ɖo jijɛ jí wɛ.

Daniyɛ́li 11:36

“Axɔ́sú ɔ́ ná nɔ́ wa nǔ lě e é jló e gbɔn é. É ná nɔ́ tɛ afɔ ayǐ, bó ná nɔ́ mɔ ɖɔ émí hú gǎn vodún lɛ́ɛ bǐ. É ja xó ɖɔ nú Mawu mawu lɛ́ɛ tɔn gbé ɔ́, é ná nɔ́ lin tamɛ kpɔ́n ǎ. Nǔ nǎ ɖo nyǐnyɔ́ n'i wɛ káká jɛ hwenu e xomɛsin Mawu tɔn ná wá é. Lo ɔ́, nǔ e Mawu ɖɔ ɔ́ jɛ́n ná jɛ.

Daniyɛ́li 4:26

È tín dlɔ̌ ɔ́ mɛ nú axɔ́sú ɔ́, é ko yi xwe ɖokpó bɔ é ɖo sa ɖi gbɔn xɔ tɔn ta wɛ, ɖo hɔn tɔn mɛ ɖo Babilɔ́nu,

Daniyɛ́li 4:28

Hwenu e Nabukodonɔzɔ́ɔ ɖo xó énɛ́ lɛ́ɛ ɖɔ wɛ ɔ́, é se gbe ɖé sín jǐxwé, bɔ gbe ɔ́ ɖɔ: “Axɔ́sú Nabukodonɔzɔ́ɔ, ɖǒ tó xó élɔ́. È ko yí acɛkpikpa ɔ́ sín así we!

Daniyɛ́li 8:8

Gbǎgbá ɔ́, hlɔ̌nhlɔ́n tɔn ɖo jijɛ jí wɛ. Ée hlɔ̌nhlɔ́n tɔn wá syɛ́n bǐ ɔ́, zo tɔn ɖaxó ɔ́ nɔ mɔ̌ bó wɛ́n, bɔ zo ɖagbe ɖagbe ɛnɛ wú ɖó tɛn tɔn mɛ, lobo kpan nukɔn wɛ̌kɛ́zo ɛnɛ lɛ́ɛ.

Luki 18:14

Jezu ka ɖɔ: “Má ɖɔ nú mi: Tokwɛ́yítɔ́ ɔ́ lɛ́ kɔ yi xwé tɔn gbe kɔ vɔ́; Falizyɛn ɔ́, hwɛ e éyɛ́ hu lɛ́ɛ ka nɔ kɔ n'i. Đó mɛ e sɔ́ éɖée su ɔ́, Mawu ná sɔ́ ɛ hwe; mɛ e ka sɔ́ éɖée hwe ɔ́, Mawu ná sɔ́ ɛ su.”

Eblée 3:13

É nyɔ́ wa ɔ́, mi nɔ ná akɔ́nkpinkpan miɖée ayǐhɔ́ngbe ayǐhɔ́ngbe káká yi jɛ hwenu e “Égbé din” e xó è ɖɔ dó Mawuxówéma ɔ́ mɛ ɔ́ ná ɖo azɔ̌ wa dó mǐ jí wɛ yi jɛ é, bónú ɖokpó mitɔn ma jó éɖée dó nú hwɛhuhu flú i, bónú é wá húzú tótlítɔ́ ó.

1 Samuwɛ́li 6:6

Mi ma tlí tó Ejípunu lɛ́ɛ kpó Ejípu xɔ́sú ɔ́ kpó ɖɔhun ó. Ée yědɛɛ lɛ́ɛ tlí tó mɔ̌ ɔ́, Mawu dɔn tó tɛnmɛ tɛnmɛ lɛ́ɛ nú yě, bɔ yě gbɔ bó wá jó Izlayɛ́li ví lɛ́ɛ dó bɔ yě yi.