Daniyɛ́li 5:16 - MAWUXÓWÉMA

¹⁶ Lo ɔ́, un se ɖɔ hwɛ ɔ́, a nɔ ɖɔ nǔsodómɛ lɛ́ɛ, bó nɔ́ mɔ nǔ jɛ nǔbúdo lɛ́ɛ wú. Ényí a sixú xa nǔwlánwlán élɔ́, bó tínmɛ nú mì ɔ́, un ná zé axɔ́súwu dó nú we, bó ná dó sikáwlɔ kɔ nú we.”

Daniyɛ́li 5:16 Iomraidhean Croise

Bǐbɛ́mɛ 40:8

Bɔ yě yí gbe n'i ɖɔ: “Dlɔ̌ ɖé wɛ mǐ kú, bɔ mǐ mɔ mɛɖé bɔ é ná tínmɛ nú mǐ ǎ.” Jozɛ́fu ka ɖɔ nú yě ɖɔ: “Mawu wɛ nɔ́ tín nǔ mɛ nú mɛ. Mi bo ɖɔ dlɔ̌ e mi kú ɔ́ nú mì.”

Bǐbɛ́mɛ 41:15

Ée Jozɛ́fu wá ɔ́, axɔ́sú ɔ́ ɖɔ nú Jozɛ́fu ɖɔ: “Un kú dlɔ̌ ɖokpó; mɛ ɖěbǔ ká kpé wú bó tín nǔ e ɖɔ wɛ dlɔ̌ ɔ́ ɖe ɔ́ mɛ nú mì ǎ. Un ka se ɖɔ nú è kú dlɔ̌ bó ɖɔ nú we ɔ́, a nɔ tínmɛ nú mɛ tlóló.”

Bǐbɛ́mɛ 41:42

Ée axɔ́sú ɔ́ ɖɔ mɔ̌ ɔ́, é ɖe alɔkɛ́ e ɖe acɛ tɔn xlɛ́ ɔ́, bó sɔ́ dó alɔ nú Jozɛ́fu; é zé akwɛ́núwu ɖagbe ɖagbe dó n'i, lobo zé sikáwlɔ dó kɔ n'i.

Daniyɛ́li 2:48

Énɛ́ ɔ́ gúdo ɔ́, axɔ́sú ɔ́ sɔ́ Daniyɛ́li su, bó ná ɛ nǔ ɖagbe ɖagbe gěgé. É sɔ́ Daniyɛ́li tokpɔngán ɖo tokpɔn Babilɔ́nu tɔn nu. É lɛ́ sɔ́ gǎn Daniyɛ́li bɔ é kpa acɛ dó nǔnywɛ́tɔ́ e ɖo Babilɔ́nu lɛ́ɛ bǐ nu.

Daniyɛ́li 2:6

Ényí mi ka ɖɔ dlɔ̌ e un kú ɔ́ nú mì ɔ́, un ná dó dɔkun nú mi, bó ná wlí yɛ̌yi nú mi ɖaxó. Din ɔ́, mi bó ɖɔ nǔ e un mɔ ɖo dlɔ̌ mɛ ɔ́ nú mì, bó tínmɛ nú mì.”

Daniyɛ́li 5:29

Bɛlucasáa nɔ tɛn e mɛ é se nǔwlánwlán ɔ́ sín tínmɛ ɖe é, bó ná gbe mɛsɛntɔ́ tɔn lɛ́ɛ ɖɔ è nǐ zé axɔ́súwu dó nú Daniyɛ́li, bó zé sikáwlɔ dó kɔ n'i, lobo jlá ɖɔ Daniyɛ́li wɛ nyí mɛ e ɖo zinkpo atɔngɔ́ ɔ́ jí ɖo axɔ́súɖuto ɔ́ mɛ é.

Daniyɛ́li 5:7

Énɛ́ ɔ́, é sú xó ɖɔ è nǐ yi ylɔ́ nǔkantɔ́ lɛ́ɛ, majíkiblótɔ́ lɛ́ɛ, azětɔ́ lɛ́ɛ kpó azɔnɖatɔ́ e ɖo Babilɔ́nu lɛ́ɛ bǐ kpó wá nú émí. Ée è yi ylɔ́ yě wá ɔ́, é ɖɔ nú nǔnywɛ́tɔ́ énɛ́ lɛ́ɛ ɖɔ: “Mɛ e ná xa nǔ e è wlǎn ɖó fínɛ́ ɔ́, bó ná tínmɛ nú mì ɔ́, un ná zé axɔ́súwu dó n'i, bó ná dó sikáwlɔ ɖokpó kɔ n'i, bó ná zé e ɖó tɛn atɔngɔ́ ɔ́ mɛ ɖo axɔ́súɖuto ce mɛ.”

Daniyɛ́li 6:2

Daliwúsi mɔ ɖɔ é nyɔ́ ɖɔ émí ní má axɔ́súɖuto émítɔn ɖó do kantɔn (120), lobo ná sɔ́ tokpɔngán ɖó ɖokpó ɖokpó nu, bónú yě ná sɔ́ acɛkpikpa émítɔn sín afɔ ɖó te gbɔn tokpɔn lɛ́ɛ mɛ.

Mɛsɛ́dó 8:18

Ée Sinmɔ́ɔ ka mɔ ɖɔ mɛsɛ́dó lɛ́ɛ ɖó alɔ nǔɖitɔ́ lɛ́ɛ jí, bɔ Mawu ná Yɛsinsɛn yě ɔ́, é dó akwɛ́ sín akpá nú yě,