Daniyɛ́li 5:14 - MAWUXÓWÉMA

¹⁴ Un se ɖɔ nǔmɛsɛn lɛ́ɛ sín yɛ ɖo jǐ we, bɔ a nɔ mɔ nukúnnú jɛ nǔ wú céɖécéɖé bó bí, bɔ nǔnywɛ́ e a ɖǒ ɔ́, gbɛtɔ́ ɖěbǔ ɖó ǎ.

Daniyɛ́li 5:14 Iomraidhean Croise

Bǐbɛ́mɛ 41:15

Ée Jozɛ́fu wá ɔ́, axɔ́sú ɔ́ ɖɔ nú Jozɛ́fu ɖɔ: “Un kú dlɔ̌ ɖokpó; mɛ ɖěbǔ ká kpé wú bó tín nǔ e ɖɔ wɛ dlɔ̌ ɔ́ ɖe ɔ́ mɛ nú mì ǎ. Un ka se ɖɔ nú è kú dlɔ̌ bó ɖɔ nú we ɔ́, a nɔ tínmɛ nú mɛ tlóló.”

Bǐbɛ́mɛ 41:38

Énɛ́ ɔ́, axɔ́sú ɔ́ ɖɔ nú gǎn hɔn-yitɔ́ tɔn lɛ́ɛ ɖɔ: “Nya élɔ́ ɔ́, Yɛ Mawu tɔn ɖo jǐ tɔn. Mǐ ná sixú mɔ étɔn ɖɔhun a?”

Daniyɛ́li 2:22

É wɛ nɔ́ ɖe nǔbúdo e ɖo hwlǎhwlá lɛ́ɛ xlɛ́. É tunwun nǔ e ɖo zǐnflú mɛ lɛ́ɛ, wěziza ɔ́, gɔ̌n tɔn wɛ é ɖe.

Daniyɛ́li 4:8

Atín ɔ́ húzú atín ɖaxó, bó syɛ́n. Ala tɔn lɛ́ɛ ɖi ga káká yi sɔ́ jǐnukúnsin. È ɖo fí ɖěbǔ ɖo gbɛ ɔ́ mɛ ɔ́, è nɔ mɔ atín ɔ́ sɛ́ dó.

Daniyɛ́li 5:13

Nǔgbó ɔ́, è kplá Daniyɛ́li wá axɔ́sú ɔ́ gɔ́n, bɔ axɔ́sú ɔ́ kanbyɔ́ ɛ ɖɔ: “Hwi wɛ nyí Daniyɛ́li kannumɔ Jwifu e tɔ́ ce axɔ́sú ɔ́ kplá sín Judáa wá é a?

Daniyɛ́li 5:15

È ko kplá nǔnywɛ́tɔ́ lɛ́ɛ kpó majíkiblótɔ́ lɛ́ɛ kpó wá nú mì din, bónú yě ná xa nǔwlánwlán e mɔ wɛ a ɖe ɔ́, bó ná tínmɛ nú mì, yě mɛ ɖěbǔ ká kpé wú ǎ.

Daniyɛ́li 6:3

É lɛ́ cyán gǎn nǔjíkpɔ́ntɔ́ atɔn ɖó tokpɔngán lɛ́ɛ nu. Yě wɛ tokpɔngán lɛ́ɛ ná nɔ ɖó azɔ̌ e yě wa ɔ́ sín gbe ná. É bló mɔ̌ bónú mɛɖé ma wá hɛn axɔ́sú ɔ́ sín nǔ ɖěbǔ gblé ó. Daniyɛ́li lɔ ɖo gǎn atɔn e axɔ́sú ɔ́ cyán lɛ́ɛ mɛ.