Daniyɛ́li 5:13 - MAWUXÓWÉMA

¹³ Nǔgbó ɔ́, è kplá Daniyɛ́li wá axɔ́sú ɔ́ gɔ́n, bɔ axɔ́sú ɔ́ kanbyɔ́ ɛ ɖɔ: “Hwi wɛ nyí Daniyɛ́li kannumɔ Jwifu e tɔ́ ce axɔ́sú ɔ́ kplá sín Judáa wá é a?

Daniyɛ́li 5:13 Iomraidhean Croise

Ɛsidlási 10:16

Izlayɛ́li ví ɖě lɛ́ɛ e lɛ́ kɔ sín kannumɔgbénu wá lɛ́ɛ ká yí gbe nú xó ɔ́. Énɛ́ ɔ́, vɔ̌sánú-xwlémawutɔ́ Ɛsidlási hɛ̌nnugán lɛ́ɛ ɖo xwédo yětɔn lɛ́ɛ ɖokpó ɖokpó mɛ. Nyǐkɔ yětɔn wɛ è ylɔ̌ dó ɖe yě ná, bɔ yě jínjɔ́n ayǐ ɖo sun wǒgɔ́ ɔ́ sín azǎn nukɔntɔn ɔ́ gbe, bó ná ɖɔ xó ɔ́ gbo.

Ɛsidlási 10:7

È ɖɔ gbɔn Judáa kpó Jeluzalɛ́mu to ɔ́ bǐ kpó mɛ ɖɔ mɛ e lɛ́ kɔ sín kannumɔgbénu wá lɛ́ɛ ní wá kplé ɖo Jeluzalɛ́mu.

Ɛsidlási 4:1

Mɛ e ɖo to ɔ́ mɛ lɛ́ɛ ɔ́, akɔta Judáa tɔn kpódó Bɛnjamɛ́ɛ tɔn kpó sín kɛntɔ́ lɛ́ɛ se ɖɔ Jwifu lɛ́ɛ lɛ́ kɔ sín kannumɔgbénu wá, bó jɛ Mawu Mavɔmavɔ, Mawu Izlayɛ́li ví lɛ́ɛ tɔn ɔ́ sín xwé ɔ́ vɔ́ gbá jí.

Ɛsidlási 6:16

Jwifu vɔ̌sánú-xwlémawutɔ́ lɛ́ɛ, Levíi ví lɛ́ɛ, kpódó mɛ ɖě lɛ́ɛ e gosín kannumɔgbénu wá lɛ́ɛ kpó jó xwé ɔ́ nú Mawu, bó ɖu xwe tɔn kpódó awǎjijɛ kpó.

Daniyɛ́li 1:1

Hwenu e Yoyakímu Judáa xɔ́sú ɔ́ ɖo xwe atɔn bló wɛ ɖo zinkpo jí ɔ́, Axɔ́sú Babilɔ́nu tɔn Nabukodonɔzɔ́ɔ wá tɔ́n ahwan Jeluzalɛ́mu toxo ɔ́ bó yí.

Daniyɛ́li 1:2

Aklúnɔ jó Yoyakímu dó, bɔ Nabukodonɔzɔ́ɔ ɖu ɖo jǐ tɔn, bó lɛ́ jó nǔzínzán e è nɔ dó wa azɔ̌ ná ɖo sinsɛnxɔ Mawu tɔn mɛ lɛ́ɛ ɖě dó n'i. Nabukodonɔzɔ́ɔ wlí gbɛtɔ́ gěgé yi kannumɔgbénu ɖo Babilɔ́nu, bó bɛ́ nǔzínzán e é hɛn wá lɛ́ɛ yi dó vodún tɔn lɛ́ɛ xwé, ɖo xɔ e mɛ è nɔ kplé vodún tɔn lɛ́ɛ sín dɔkun lɛ́ɛ dó é mɛ.

Daniyɛ́li 1:21

Daniyɛ́li nɔ axɔ́sú ɔ́ sín acɛ mɛ káká jɛ hwenu e Silúsi wá yi gǎnzinkpo jí é.

Daniyɛ́li 1:6

Judáa sín súnnu wínnyáwínnyá ɛnɛ ka ɖo mɛ e è cyán lɛ́ɛ mɛ. Mɛ ɖokpó nɔ nyí Daniyɛ́li, mɛ ɖěvo nɔ nyí Hananiya, mɛ ɖěvo nɔ nyí Micaɛ́li, bɔ mɛ ɖěvo nɔ nyí Azalya.

Daniyɛ́li 2:25

Ée Alyɔki se mɔ̌ ɔ́, é kplá Daniyɛ́li yi axɔ́sú ɔ́ gɔ́n tlóló bó ɖɔ: “Sɛ́mɛɖó, un mɔ mɛ ɖokpó ɖo mɛ e è wlǐ sín Judáa lɛ́ɛ mɛ, bɔ é ná tín dlɔ̌ e mɛ kú ɔ́ mɛ nú mɛ.”

Daniyɛ́li 2:48

Énɛ́ ɔ́ gúdo ɔ́, axɔ́sú ɔ́ sɔ́ Daniyɛ́li su, bó ná ɛ nǔ ɖagbe ɖagbe gěgé. É sɔ́ Daniyɛ́li tokpɔngán ɖo tokpɔn Babilɔ́nu tɔn nu. É lɛ́ sɔ́ gǎn Daniyɛ́li bɔ é kpa acɛ dó nǔnywɛ́tɔ́ e ɖo Babilɔ́nu lɛ́ɛ bǐ nu.

Daniyɛ́li 5:11

Nǔmɛsɛn mímɛ́ lɛ́ɛ sín yɛ ɖo nya ɖokpó jí ɖo axɔ́súɖuto mɛtɔn mɛ. Tɔ́ mɛtɔn hwenu ɔ́, nya ɖé wɛ, bó nɔ́ mɔ nukúnnú jɛ nǔ wú céɖécéɖé. É bí, bó ɖó nǔnywɛ́ nǔmɛsɛn ɖɔhun. Énɛ́ ɔ́ wú wɛ tɔ́ mɛtɔn sɔ́ ɛ gǎn, bɔ é kpa acɛ dó nǔkantɔ́ lɛ́ɛ, majíkiblótɔ́, azětɔ́ lɛ́ɛ, kpódó azɔnɖatɔ́ lɛ́ɛ kpó nu.

Daniyɛ́li 5:14

Un se ɖɔ nǔmɛsɛn lɛ́ɛ sín yɛ ɖo jǐ we, bɔ a nɔ mɔ nukúnnú jɛ nǔ wú céɖécéɖé bó bí, bɔ nǔnywɛ́ e a ɖǒ ɔ́, gbɛtɔ́ ɖěbǔ ɖó ǎ.

Daniyɛ́li 5:18

Mawu Ajalɔ̌nlɔn ɔ́ sɔ́ tɔ́ mɛtɔn Nabukodonɔzɔ́ɔ ɔ́ axɔ́sú ɖaxó, bɔ susu kpó yɛ̌yi kpó kpé e.

Daniyɛ́li 5:2

Hwenu e é ɖo ahan nu wɛ ɔ́, é ná gbe ɖɔ è nǐ yi bɛ́ sikákɔ́fu kpó kpatágankɔ́fu kpó e tɔ́ émítɔn bɛ́ sín sinsɛnxɔ Jeluzalɛ́mu tɔn mɛ lɛ́ɛ é wá, ɖó é jló ɖɔ tozɔ́watɔ́ émítɔn lɛ́ɛ kpó asi émítɔn lɛ́ɛ kpó xɔ́ntɔn émítɔn lɛ́ɛ kpó ní nu ahan ɖo kɔ́fu énɛ́ lɛ́ɛ mɛ.

Daniyɛ́li 6:13

Yě yi mɔ axɔ́sú ɔ́, bó ɖɔ n'i ɖɔ: “Sɛ́mɛɖó, mɛ ma dó sɛ́n ɖɔ mɛ ɖěbǔ xomlá nǔmɛsɛn ɖěbǔ, abǐ gbɛtɔ́ ɖěbǔ bɔ é ma nyí mɛ ɖésúnɔ ɔ́ wɛ è xomlá ǎ ɔ́, è ɖǒ ná sɔ́ mɛ ɔ́ nyi dó kinnikínnído mɛ ǎ cé?” Axɔ́sú ɔ́ yí gbe nú yě ɖɔ: “Gbeta e tɔ́n e nɛ́ mi ɖɔ pɛ́pɛ́pɛ́ nɛ́. É ná cí Mɛdinu lɛ́ɛ kpó Pɛ́sinu lɛ́ɛ kpó sɛ́n e mɛɖé ma nɔ́ húzú ǎ é ɖɔhun.”

Daniyɛ́li 8:1

Hwenu e axɔ́sú Bɛlucasáa ɖo xwe atɔn bló wɛ ɖo zinkpo jí ɔ́, nyɛ Daniyɛ́li lɛ́ mɔ nǔ ɖěvo dó ée un ko mɔ ɖ'ayǐ ɔ́ gúdo.

Daniyɛ́li 8:27

Énɛ́ ɔ́ gúdo ɔ́, nyɛ Daniyɛ́li ɔ́, un ba hlɔ̌nhlɔ́n kpo, lobo jɛ azɔn nú azǎn. Ée azɔn gbɔ nú mì ɔ́, un jɛ azɔ̌ e un nɔ wa nú axɔ́sú ɔ́ lɛ́ɛ wa jí. Nǔ e un mɔ ɔ́ kpó ɖo kpíkpácá mì wɛ, ɖó un ko mɔ nukúnnú jɛ mɛ ǎ.”

Jǎan 7:1

Énɛ́ ɔ́ gúdo ɔ́, Jezu ɖo to e ɖo Galilée gbé jí lɛ́ɛ mɛ gbɔn wɛ; é ka jló ná yi gbɔn Judée ǎ, ɖó Jwifugán lɛ́ɛ ɖo biba ná hu i wɛ.

Jǎan 7:3

Bɔ Jezu sín nɔví lɛ́ɛ ɖɔ n'i ɖɔ: “Yi Judée, bónú ahwanvú towe lɛ́ɛ lɔ ná mɔ azɔ̌ e a nɔ wa lɛ́ɛ.