Daniyɛ́li 5:1 - MAWUXÓWÉMA

¹ É wá su gbe ɖokpó, bɔ axɔ́sú Bɛlucasáa ylɔ́ agɔ̌ ɖaxó ɖokpó dó tozɔ́watɔ́ tɔn ɖaxó ɖaxó lɛ́ɛ tamɛ. Yě bǐ kplékplé yi afatɔ́n (1.000), bɔ axɔ́sú ɔ́ nu vɛ̌ɛn xá yě.

Daniyɛ́li 5:1 Iomraidhean Croise

Bǐbɛ́mɛ 40:20

Azǎn atɔngɔ́ ɔ́ gbe nǔgbó ɔ́, axɔ́sú ɔ́ ɖo jijizán tɔn sín xwe ɖu wɛ, bó ylɔ́ agɔ̌ ɖaxó ɖokpó, bó kplé azɔ̌watɔ́ tɔn lɛ́ɛ bǐ. Axɔ́sú ɔ́ ká zé mɛ e nɔ hɛn sinnuká n'i lɛ́ɛ sín gǎn ɔ́ kpó mɛ e nɔ ɖa wɔ̌xúxú n'i lɛ́ɛ sín gǎn ɔ́ kpó ɖó tɛn ɖaxó ɖaxó ɖé mɛ, ɖo azɔ̌watɔ́ tɔn lɛ́ɛ bǐ nukún mɛ.

Ɛsitɛ́ɛ 1:3

hwenu e é ɖo xwe atɔn bló wɛ ɖo axɔ́súzinkpo jí ɔ́, é ylɔ́ agɔ̌ ɖaxó ɖokpó ɖó azaglɔ́gán tɔn lɛ́ɛ bǐ, kpó azɔ̌watɔ́ tɔn lɛ́ɛ kpó tamɛ; é ylɔ́ ahwangán Pɛ́si tɔn lɛ́ɛ kpó Mɛdi tɔn lɛ́ɛ kpó; bó ylɔ́ mɛ klogǎnklogǎn lɛ́ɛ kpó tokpɔngán lɛ́ɛ kpó.

Ezayíi 22:12

Gbe énɛ́ gbe ɔ́, Aklúnɔ, Mawu Mavɔmavɔ Nǔbǐwúkpétɔ́ ɔ́ byɔ́ mi ɖɔ mi ní ya avǐ, mi ní dó gbɛvíhan, mi ní xwlɛ́ ta, mi ní dó nǔwamɛ vɔ.

Ezayíi 22:14

Amɔ̌, Mawu Mavɔmavɔ Nǔbǐwúkpétɔ́ ɔ́ ɖɔ nú mì ɖɔ: “Un xwlé nyǐkɔ ce nú mi, nǔ énɛ́ e mi wa nyi do ɔ́, un ná sɔ́ kɛ mi có mi ná kú ǎ.” Xó e Aklúnɔ, Mawu Mavɔmavɔ Nǔbǐwúkpétɔ́ ɔ́ ɖɔ é nɛ́.

Jelemíi 50:35

Mawu Mavɔmavɔ ɖɔ: “Ahwanfunfun ɖo te kpɔ́n Babilɔ́nunu lɛ́ɛ. Ahwanfunfun ɖo te kpɔ́n mɛ e ɖo Babilɔ́nu tota mɛ lɛ́ɛ; é ɖo te kpɔ́n gǎn hɔn-yitɔ́ lɛ́ɛ kpó nǔnywɛ́tɔ́ lɛ́ɛ kpó.

Jelemíi 51:39

Hwenu e nǔ ná jɛ yě jlǒ jí ɔ́, un ná ylɔ́ agɔ̌ ɖokpó nú yě, un ná ná ahan yě, bɔ yě ná nu mú, bó sɔ́ ná tunwun nǔ e ɖɔ wɛ yě ɖe ɔ́ ǎ. Yě ná dɔ́ amlɔ dɔ̌mányí; yě sɔ́ ná fɔ́n gbeɖé ǎ. Xó e nyɛ Mawu Mavɔmavɔ ɖɔ ɔ́ nɛ́.

Jelemíi 51:57

Nyɛ Axɔ́sú e nyǐkɔ ce nɔ́ nyí Mawu Mavɔmavɔ Nǔbǐwúkpétɔ́ ɔ́ ɖɔ: Un ná ɖó ahan kɔ jí nú gǎn hɔn-yitɔ́ tɔn lɛ́ɛ, azaglɔ́gán tɔn lɛ́ɛ, tokpɔngán tɔn lɛ́ɛ, axɔ́sú tɔn lɛ́ɛ kpó ahwanfuntɔ́ syɛ́nsyɛ́n tɔn lɛ́ɛ kpó bɔ yě ná nu mú; yě ná dɔ́ amlɔ dɔ̌mányí; yě ná fɔ́n gbeɖé ǎ.”

Daniyɛ́li 5:30

Gbe énɛ́ gbe zǎn mɛ ɔ́, è hu axɔ́sú Babilɔ́nu tɔn Bɛlucasáa.

Naxúmu 1:10

Yě hízí wunkan ɖɔhun, yě cí mɛ e nɔ nu ahan mú é ɖɔhun. Yě ná ji kɛn sɛníyɔ ɖɔhun.