Daniyɛ́li 4:9 - MAWUXÓWÉMA

⁹ Ama tɔn lɛ́ɛ nyɔ́ ɖɛkpɛ ɖésú. Atín ɔ́ sɛ́n káká bɔ mɛ bǐ ná mɔ sínsɛ́n tɔn ɖu. Kanlin lɛ́ɛ nɔ́ wá bɛ yɛ ɖo glɔ̌ tɔn. Xɛ lɛ́ɛ nɔ́ xo adɔ̌ nyi ala tɔn lɛ́ɛ mɛ. Nǔ e ɖo gbɛ ɔ́ mɛ lɛ́ɛ bǐ nɔ wá ba nǔɖuɖu ɖo gɔ̌n tɔn.

Daniyɛ́li 4:9 Iomraidhean Croise

Bǐbɛ́mɛ 41:38

Énɛ́ ɔ́, axɔ́sú ɔ́ ɖɔ nú gǎn hɔn-yitɔ́ tɔn lɛ́ɛ ɖɔ: “Nya élɔ́ ɔ́, Yɛ Mawu tɔn ɖo jǐ tɔn. Mǐ ná sixú mɔ étɔn ɖɔhun a?”

Ezayíi 33:18

Énɛ́ ɔ́, ayi towe ná wá flín nǔ baɖabaɖa e ko jɛ wá yi lɛ́ɛ, bɔ a nǎ kanbyɔ́ ɖɔ: “Fítɛ́ wěgbójínɔtɔ́ e nɔ́ kpɔ́n ɖɔ mɛ bǐ ná nǔjɔ é ká ɖe? Fítɛ́ mɛ e nɔ yí nǔjɔ lɛ́ɛ bó nɔ́ da kpɔ́n é ká ɖe? Mɛ e nɔ kpɔ́n ɖɔ ahohó ɔ́ ɖo ganjí a jí ɔ́, fítɛ́ é ka ɖe?”

Ezayíi 54:14

A nǎ nɔ́ xwedó hwɛjijɔ dó wa nǔ; mɛ ɖěbǔ sɔ́ ná dó tagba nú we ǎ; a sɔ́ ná ɖi xɛsi nú nǔɖé ǎ; mɛ ɖěbǔ sɔ́ ná nɔ́ dó adohuhu nú we ǎ; ado sɔ́ ná hu we ǎ.

Ezekiyɛ́li 17:23

Un ná zé yi tun ɖó Izlayɛ́li só ɖaxó ɖokpó jí, bɔ é ná zɛ ala bó ná sɛ́n. É ná nyí sɛ́dlu ɖagbe ɖagbe ɖokpó. Xɛ alɔkpa alɔkpa bǐ ná nɔ́ wá ɖó ɖ'é jí. Nǔ e kó sixú nyí xɛ lɛ́ɛ bǐ ná wá nɔ yɛtɛn tɔn.

Ezekiyɛ́li 28:3

A mɔ ɖɔ nǔɖé kún tíin bónú émí dán do ná ó. A vɛdó ɖɔ émí ɖó nǔnywɛ́ hú Daniyɛ́li wɛ sín a?

Daniyɛ́li 1:20

Nǔ e ná nyí nǔ bó ná byɔ́ ɖɔ è nǎ ɖó nǔnywɛ́ kpó nukúnnú-mɔjɛnǔmɛ kpó cóbó kɛ nu d'é wú ɔ́, ényí axɔ́sú ɔ́ kan nǔ byɔ́ yě dó ɖěbǔ jí ɔ́, xósin e yě nɔ́ ná ɔ́ nɔ́ mɛ́ hú ée nǔkantɔ́ lɛ́ɛ kpó majíkiblótɔ́ e ɖo axɔ́súɖuto ɔ́ mɛ é kpó nɔ́ ná ɔ́ azɔn wǒ.

Daniyɛ́li 2:47

Bó ká ɖɔ nú Daniyɛ́li ɖɔ: “Mawu mitɔn hú gǎn vodún lɛ́ɛ bǐ nǔgbó; é wɛ nyí Aklúnɔ axɔ́sú lɛ́ɛ tɔn. É ɖokpó jɛ́n nɔ ɖe nǔbúdo lɛ́ɛ xlɛ́ mɛ; ɖó é bló din bɔ dlɔ̌ élɔ́ e mɛ un má mɔ nǔ jɛ ǎ ɔ́, a kpé wú bó tínmɛ nú mì.”

Daniyɛ́li 2:48

Énɛ́ ɔ́ gúdo ɔ́, axɔ́sú ɔ́ sɔ́ Daniyɛ́li su, bó ná ɛ nǔ ɖagbe ɖagbe gěgé. É sɔ́ Daniyɛ́li tokpɔngán ɖo tokpɔn Babilɔ́nu tɔn nu. É lɛ́ sɔ́ gǎn Daniyɛ́li bɔ é kpa acɛ dó nǔnywɛ́tɔ́ e ɖo Babilɔ́nu lɛ́ɛ bǐ nu.

Daniyɛ́li 4:18

Atín ɔ́ sín ama lɛ́ɛ nyɔ́ ɖɛkpɛ ɖésú, bó sɛ́n titewungbe, bɔ mɛ bǐ ná mɔ ɖu. Kanlin lɛ́ɛ nɔ wá bɛ yɛ ɖo glɔ̌ tɔn, bɔ xɛ lɛ́ɛ nɔ́ wá xo adɔ̌ nyi ala tɔn lɛ́ɛ mɛ.

Daniyɛ́li 4:5

É nɔ zaan bɔ Daniyɛ́li lɔmɔ̌ wá mɔ mì. Nya ɖé wɛ bɔ è nɔ lɛ́ ylɔ́ ɛ ɖɔ Bɛluticasáa. Nyǐkɔ énɛ́ ɔ́, vodún ce sín nyǐkɔ mɛ wɛ è ɖe sín . Nya énɛ́ ɔ́, nǔmɛsɛn mímɛ́ lɛ́ɛ sín yɛ ɖo jǐ tɔn. Ée é wá ɔ́, un ɖɔ dlɔ̌ e un kú ɔ́ n'i; un ɖɔ n'i ɖɔ:

Daniyɛ́li 4:8

Atín ɔ́ húzú atín ɖaxó, bó syɛ́n. Ala tɔn lɛ́ɛ ɖi ga káká yi sɔ́ jǐnukúnsin. È ɖo fí ɖěbǔ ɖo gbɛ ɔ́ mɛ ɔ́, è nɔ mɔ atín ɔ́ sɛ́ dó.

Daniyɛ́li 5:11

Nǔmɛsɛn mímɛ́ lɛ́ɛ sín yɛ ɖo nya ɖokpó jí ɖo axɔ́súɖuto mɛtɔn mɛ. Tɔ́ mɛtɔn hwenu ɔ́, nya ɖé wɛ, bó nɔ́ mɔ nukúnnú jɛ nǔ wú céɖécéɖé. É bí, bó ɖó nǔnywɛ́ nǔmɛsɛn ɖɔhun. Énɛ́ ɔ́ wú wɛ tɔ́ mɛtɔn sɔ́ ɛ gǎn, bɔ é kpa acɛ dó nǔkantɔ́ lɛ́ɛ, majíkiblótɔ́, azětɔ́ lɛ́ɛ, kpódó azɔnɖatɔ́ lɛ́ɛ kpó nu.

1 Samuwɛ́li 4:8

Étɛ́ ɖíe ká gbo mǐ e! Mɛ̌ ká ná hwlɛ́n mǐ gán ɖo nǔmɛsɛn hlɔ̌nhlɔ́nnɔ énɛ́ ɔ́ sí din. Nǔmɛsɛn énɛ́ ɔ́ wɛ dó nǔ tɛnmɛ tɛnmɛ sin xá Ejípunu lɛ́ɛ ɖo gbětótló mɛ.