Daniyɛ́li 4:8 - MAWUXÓWÉMA

⁸ Atín ɔ́ húzú atín ɖaxó, bó syɛ́n. Ala tɔn lɛ́ɛ ɖi ga káká yi sɔ́ jǐnukúnsin. È ɖo fí ɖěbǔ ɖo gbɛ ɔ́ mɛ ɔ́, è nɔ mɔ atín ɔ́ sɛ́ dó.

Daniyɛ́li 4:8 Iomraidhean Croise

Bǐbɛ́mɛ 41:38

Énɛ́ ɔ́, axɔ́sú ɔ́ ɖɔ nú gǎn hɔn-yitɔ́ tɔn lɛ́ɛ ɖɔ: “Nya élɔ́ ɔ́, Yɛ Mawu tɔn ɖo jǐ tɔn. Mǐ ná sixú mɔ étɔn ɖɔhun a?”

Ezayíi 46:1

Mawu ɖɔ: “Vodún Bɛ́lu ɖíe ɖo tɔ́tɔ́ e; vodún Nɛbo ɖíe jɛ ayǐ e. È dǒ bǒcyɔ yětɔn lɛ́ɛ sín agban nú nyibú lɛ́ɛ; ɖ'ayǐ ɔ́, è sɔ́ yě kɛɛ ɖo nǔwiwa lɛ́ɛ hwenu, amɔ̌, din ɔ́, agban kpinkpɛn ɖé wɛ yě nyǐ bɔ è dǒ nú kanlin e nǔ ko cikɔ ná lɛ́ɛ.

Ezayíi 63:11

Énɛ́ ɔ́, togun tɔn wá flín nǔ e jɛ xóxó hwenu lɛ́ɛ, bó flín Mɔyízi bó ɖɔ: “Fítɛ́ mɛ e ɖe togun tɔn tɔ́n sín xu mɛ ɔ́ ká ɖe? Mɛ e ɖe lɛ̌ngbɔ́ tɔn lɛ́ɛ kpó lɛ̌ngbɔ́nyitɔ́ tɔn lɛ́ɛ kpó tɔ́n sín xu mɛ ɔ́, fítɛ́ é ká ɖe? Fítɛ́ mɛ e sɛ́ yɛ mímɛ́ tɔn dó bɔ é wá nɔ yě mɛ ɔ́ ká ɖe?

Jelemíi 50:2

Mawu ɖɔ: “Mi jlá wɛn élɔ́ akɔta lɛ́ɛ bǐ, mi ɖɔ nú mɛ bǐ se. Mi ná xlɛ̌ ɖé bónú mɛ bǐ ní tunwun. Mi ɖɔ bǐ, mi ma ɖe ɖě kpo ó. Mi ɖɔ: è yǐ Babilɔ́nu; vodún Bɛ́lu ɔ́ ɖu winnyá. Vodún Maadúki gba hánnyá. Bǒcyɔ tɔn lɛ́ɛ sín wi kɔ́n, vodún tɔn lɛ́ɛ gba.

Ezekiyɛ́li 17:23

Un ná zé yi tun ɖó Izlayɛ́li só ɖaxó ɖokpó jí, bɔ é ná zɛ ala bó ná sɛ́n. É ná nyí sɛ́dlu ɖagbe ɖagbe ɖokpó. Xɛ alɔkpa alɔkpa bǐ ná nɔ́ wá ɖó ɖ'é jí. Nǔ e kó sixú nyí xɛ lɛ́ɛ bǐ ná wá nɔ yɛtɛn tɔn.

Daniyɛ́li 1:7

Mɛ e kpa acɛ nú mɛ e nɔ wa azɔ̌ ɖo hɔnmɛ lɛ́ɛ ɔ́ ná nyǐkɔ ɖěvo yě. É sun nyǐ Daniyɛ́li ɖɔ Bɛluticasáa, bó sun nyǐ Hananiya ɖɔ Cadlaki, bó sun nyǐ Micaɛ́li ɖɔ Mɛcáki, bó sun nyǐ Azalya ɖɔ Abɛ́di-Nɛgó.

Daniyɛ́li 2:11

Nǔ e ba wɛ axɔ́sú ɔ́ ɖe ɔ́ dín gbě, bɔ mɛ ɖěbǔ sixú ná ɛ tínmɛ tɔn ǎ; vodún jɛ́n é ná nyí; vodún lɛ́ɛ sín nɔtɛn ɖíe ma ka ɖo gbɛtɔ́ lɛ́ɛ mɛ ǎ e.”

Daniyɛ́li 2:26

Axɔ́sú ɔ́ yí xó, bó kanbyɔ́ Daniyɛ́li e è sun nyǐ ɖɔ Bɛluticasáa ɔ́ ɖɔ: “A sixú ɖɔ dlɔ̌ e un kú ɔ́, bó tínmɛ nú mì a?”

Daniyɛ́li 3:14

axɔ́sú ɔ́ kanbyɔ́ yě ɖɔ: “Cadlaki, Mɛcáki, Abɛ́di-Nɛgó! Nǔgbó wɛ mi gbɛ́ ɖɔ émí kún ná sɛn vodún ce lɛ́ɛ ó a? Émí kún ka ná ɖe kɔ́ nú bǒcyɔ e un tun te é ó a?

Daniyɛ́li 4:18

Atín ɔ́ sín ama lɛ́ɛ nyɔ́ ɖɛkpɛ ɖésú, bó sɛ́n titewungbe, bɔ mɛ bǐ ná mɔ ɖu. Kanlin lɛ́ɛ nɔ wá bɛ yɛ ɖo glɔ̌ tɔn, bɔ xɛ lɛ́ɛ nɔ́ wá xo adɔ̌ nyi ala tɔn lɛ́ɛ mɛ.

Daniyɛ́li 4:9

Ama tɔn lɛ́ɛ nyɔ́ ɖɛkpɛ ɖésú. Atín ɔ́ sɛ́n káká bɔ mɛ bǐ ná mɔ sínsɛ́n tɔn ɖu. Kanlin lɛ́ɛ nɔ́ wá bɛ yɛ ɖo glɔ̌ tɔn. Xɛ lɛ́ɛ nɔ́ xo adɔ̌ nyi ala tɔn lɛ́ɛ mɛ. Nǔ e ɖo gbɛ ɔ́ mɛ lɛ́ɛ bǐ nɔ wá ba nǔɖuɖu ɖo gɔ̌n tɔn.

Daniyɛ́li 5:14

Un se ɖɔ nǔmɛsɛn lɛ́ɛ sín yɛ ɖo jǐ we, bɔ a nɔ mɔ nukúnnú jɛ nǔ wú céɖécéɖé bó bí, bɔ nǔnywɛ́ e a ɖǒ ɔ́, gbɛtɔ́ ɖěbǔ ɖó ǎ.