Daniyɛ́li 4:7 - MAWUXÓWÉMA

⁷ Dlɔ̌ e un kú ɔ́ ɖíe, ɖǒ tó: Hwenu e un ɖo ayǐmlɔ́mlɔ́ ɖo adɔ̌zan ce jí ɔ́, dlɔ̌ e un kú ɔ́ ɖíe: Un mɔ atín ɖaxó gɛnnyigɛnnyi ɖé ɖo ayǐkúngban ɔ́ tɛ́ntin.

Daniyɛ́li 4:7 Iomraidhean Croise

Bǐbɛ́mɛ 41:24

Blěe e má ɖi be ǎ lɛ́ɛ ká fɔ blěe ɖɛkpɛ ɖɛkpɛ tɛ́nwe lɛ́ɛ mi. Un ko wlí ɖɔ nú majíkiblótɔ́ lɛ́ɛ, yě mɛ ɖěbǔ ká ɖɔ tínmɛ tɔn nú mì ǎ.”

Bǐbɛ́mɛ 41:8

Ayi tɔn gbadó ayǐhɔ́ngbe tɔn zǎnzǎn, bɔ é dó wɛn sɛ́ dó majíkiblótɔ́ lɛ́ɛ bǐ kpó nǔnywɛ́tɔ́ Ejípu tɔn lɛ́ɛ bǐ kpó ɖɔ yě ní wá. Ée mɛ lɛ́ɛ wá ɔ́, é wlí dlɔ̌ e é kú lɛ́ɛ ɖɔ nú yě. Lo ɔ́, yě mɛ ɖěbǔ kpé wú bó tín nǔ e ɖɔ wɛ dlɔ̌ lɛ́ɛ ɖe ɔ́ mɛ nú axɔ́sú ɔ́ ǎ.

Ɖɛhan 37:35

Un mɔ mɛdídá bɔ é ɖo hlɔ̌nhlɔ́n sa wɛ; é ɖo vunvun wɛ atín e ayǐ nyɔ́ ná ganjí é ɖɔhun.

Ezayíi 44:25

Din ɔ́, nǔ e ná wá jɛ bɔ nǔkantɔ́ lɛ́ɛ nɔ́ ɖɔ lɛ́ɛ ɔ́, un sɔ́ bǐ dó húzú nǔ yǎyá. Nǔmɔtɔ́ lɛ́ɛ ɔ́, un sɔ́ yě dó húzú xlonɔ; un nya nǔnywɛ́tɔ́ lɛ́ɛ dó gbě, un sɔ́ nǔnywɛ́ yětɔn dó húzú gblǒ.

Ezekiyɛ́li 31:3

Asilíi wú wɛ un ná jlɛ́ we dó! Asilíi ɔ́, sɛ́dlutín wɛ, sɛ́dlutín Libáan tɔn wɛ. Ala tɔn lɛ́ɛ nyɔ́ ɖɛkpɛ káká, é dó ama ɖo gbɛ mɛ, yɛtɛn tɔn kpé fí bǐ, é yi jǐ káká bɔ ɖa tɔn byɔ́ akpɔ́kpɔ́ mɛ.

Daniyɛ́li 1:4

Súnnuví énɛ́ lɛ́ɛ ɖó ná ɖó blɔ̌ ɖěbǔ ɖo wǔ ǎ; ninɔmɛ yětɔn ɖó ná nyɔ́ kpɔ́n. Wǔ ɖó ná yá yě, bɔ nǔnywɛ́ ná kpé yě. Yě ɖó ná tunwun nǔ, bó ɖó ná nɔ mɔ nukúnnú jɛ nǔ mɛ. Gbɛtɔ́ mɔ̌hunkɔtɔn wɛ yě ɖó ná nyí cóbó ná sixú wa azɔ̌ ɖo axɔ́sú ɔ́ sín hɔnmɛ. È nǎ kplɔ́n Babilɔ́nunu lɛ́ɛ sín gbe yě, bó ná kplɔ́n wlǎnwlán tɔn yě.

Daniyɛ́li 2:10

Azɔnɖatɔ́ lɛ́ɛ yí gbe nú axɔ́sú ɔ́ ɖɔ: “Mɛ ɖěbǔ ɖo gbɛ ɔ́ mɛ bó ná sixú ɖɔ nǔ e ba wɛ axɔ́sú ɔ́ ɖe ɔ́ ǎ. Axɔ́sú ɖěbǔ ná bó syɛ́n bó ɖó acɛ gbɔn ɖěbǔ ɔ́, é ná byɔ́ nǔ mɔ̌hunkɔtɔn majíkiblótɔ́, abǐ azětɔ́, abǐ azɔnɖatɔ́ ɖěbǔ kpɔ́n ǎ.

Daniyɛ́li 2:27

Daniyɛ́li yí gbe nú axɔ́sú ɔ́ ɖɔ: “Sɛ́mɛɖó, nǔ e búdo dó mɛ ɔ́, mɛ ɖěbǔ sixú tínmɛ nú mɛ ǎ. Nǔnywɛ́tɔ́ lɛ́ɛ, majíkiblótɔ́ lɛ́ɛ, nǔkantɔ́ lɛ́ɛ, azɔnɖatɔ́ lɛ́ɛ ɖěbǔ sixú tínmɛ nú mɛ ǎ.

Daniyɛ́li 2:7

Azɔnɖatɔ́ lɛ́ɛ lɛ́ ɖɔ nú axɔ́sú ɔ́ azɔn wegɔ́ ɔ́ ɖɔ: “Sɛ́mɛɖó, mɛ vɛ́ ɖɔ dlɔ̌ e mɛ kú ɔ́ nú mǐ, bónú mǐ ná sixú tínmɛ nú mɛ.”

Daniyɛ́li 3:8

Nǔwiwa ɔ́ ɖo fífó wɛ kɛ́ɖɛ́, bɔ Babilɔ́nunu ɖé lɛ́ɛ wá slɛ́ Jwifu lɛ́ɛ nú axɔ́sú ɔ́.

Daniyɛ́li 4:18

Atín ɔ́ sín ama lɛ́ɛ nyɔ́ ɖɛkpɛ ɖésú, bó sɛ́n titewungbe, bɔ mɛ bǐ ná mɔ ɖu. Kanlin lɛ́ɛ nɔ wá bɛ yɛ ɖo glɔ̌ tɔn, bɔ xɛ lɛ́ɛ nɔ́ wá xo adɔ̌ nyi ala tɔn lɛ́ɛ mɛ.

Daniyɛ́li 5:7

Énɛ́ ɔ́, é sú xó ɖɔ è nǐ yi ylɔ́ nǔkantɔ́ lɛ́ɛ, majíkiblótɔ́ lɛ́ɛ, azětɔ́ lɛ́ɛ kpó azɔnɖatɔ́ e ɖo Babilɔ́nu lɛ́ɛ bǐ kpó wá nú émí. Ée è yi ylɔ́ yě wá ɔ́, é ɖɔ nú nǔnywɛ́tɔ́ énɛ́ lɛ́ɛ ɖɔ: “Mɛ e ná xa nǔ e è wlǎn ɖó fínɛ́ ɔ́, bó ná tínmɛ nú mì ɔ́, un ná zé axɔ́súwu dó n'i, bó ná dó sikáwlɔ ɖokpó kɔ n'i, bó ná zé e ɖó tɛn atɔngɔ́ ɔ́ mɛ ɖo axɔ́súɖuto ce mɛ.”

Daniyɛ́li 5:8

Nǔnywɛ́tɔ́ axɔ́sú ɔ́ tɔn lɛ́ɛ bǐ wá, mɛ ɖěbǔ ká ɖo yě mɛ bó sixú xa nǔ e è wlǎn ɔ́, bó ná tínmɛ nú axɔ́sú ɔ́ ǎ.