Daniyɛ́li 4:5 - MAWUXÓWÉMA

⁵ É nɔ zaan bɔ Daniyɛ́li lɔmɔ̌ wá mɔ mì. Nya ɖé wɛ bɔ è nɔ lɛ́ ylɔ́ ɛ ɖɔ Bɛluticasáa. Nyǐkɔ énɛ́ ɔ́, vodún ce sín nyǐkɔ mɛ wɛ è ɖe sín . Nya énɛ́ ɔ́, nǔmɛsɛn mímɛ́ lɛ́ɛ sín yɛ ɖo jǐ tɔn. Ée é wá ɔ́, un ɖɔ dlɔ̌ e un kú ɔ́ n'i; un ɖɔ n'i ɖɔ:

Daniyɛ́li 4:5 Iomraidhean Croise

Bǐbɛ́mɛ 41:1

Xwe tɔn we gúdo ɔ́, é wá su gbe ɖokpó zǎn mɛ, bɔ axɔ́sú Ejípu tɔn ɔ́ kú dlɔ̌, bó mɔ éɖée ɖo Nilu tɔ ɔ́ tó.

Daniyɛ́li 1:7

Mɛ e kpa acɛ nú mɛ e nɔ wa azɔ̌ ɖo hɔnmɛ lɛ́ɛ ɔ́ ná nyǐkɔ ɖěvo yě. É sun nyǐ Daniyɛ́li ɖɔ Bɛluticasáa, bó sun nyǐ Hananiya ɖɔ Cadlaki, bó sun nyǐ Micaɛ́li ɖɔ Mɛcáki, bó sun nyǐ Azalya ɖɔ Abɛ́di-Nɛgó.

Daniyɛ́li 2:1

Hwenu e axɔ́sú Nabukodonɔzɔ́ɔ ɖo xwe we bló wɛ ɖo zinkpo jí ɔ́, é kú dlɔ̌ ɖokpó, bɔ ayi tɔn bǐ gbadó, bɔ adɔ̌ vɛ́ ɛ.

Daniyɛ́li 2:3

bɔ é ɖɔ nú yě ɖɔ: “Un kú dlɔ̌ ɖé, bɔ é hu ado nú mì taala. Un jló ɖɔ mi ní ɖɔ nǔ e un mɔ ɖo dlɔ̌ mɛ ɔ́ nú mì.”

Daniyɛ́li 4:10

“Un ɖo adɔ̌zan ce jí mɔ̌, bó lɛ́ mɔ wɛnsagun ɖokpó jɛ te sín jǐxwé.

Daniyɛ́li 4:13

È nǎ yí ayi gbɛtɔ́ tɔn sín así tɔn, bó ná ná ɛ ayi kanlin tɔn, bɔ é ná nɔ mɔ̌ káká nú xwe tɛ́nwe.’

Daniyɛ́li 4:15

“Dlɔ̌ e nyɛ axɔ́sú Nabukodonɔzɔ́ɔ kú ɔ́ nɛ́. Din ɔ́, hwɛ Bɛluticasáa, a mɔ tínmɛ tɔn ɖé hǔn, nǎ mì. Nǔnywɛ́tɔ́ mɔ̌hun ko ɖo axɔ́súɖuto ce mɛ, bó ná ná tínmɛ tɔn mì ǎ. Amɔ̌, hwɛ ɔ́, a hɛn ɔ́, a nǎ tínmɛ nú mì, ɖó nǔmɛsɛn mímɛ́ lɛ́ɛ sín yɛ ɖo jǐ towe.”

Daniyɛ́li 4:19

Sɛ́mɛɖó, mɛ wɛ ɖo atín énɛ́ ɔ́ nyí wɛ. Đó mɛ ɖésú wá d'agba bó syɛ́n ɖésú, bɔ susu mɛtɔn hun káká yi jǐxwé, bɔ acɛkpikpa mɛtɔn gba kpé gbɛ ɔ́ bǐ mɛ.

Daniyɛ́li 5:10

Nyɔ̌nu axɔ́si ɔ́ se xó e sú wɛ axɔ́sú ɔ́ kpó tozɔ́watɔ́ tɔn lɛ́ɛ kpó ɖe ɔ́, lobo wá. É byɔ́ xɔ e sá ɖu agɔ̌ ɖe wɛ yě ɖe ɔ́, bó ɖɔ: “Sɛ́mɛɖó, jidɔ́ mɛtɔn ní nyí káká. È ma nú nǔ e lin wɛ mɛ ɖe lɛ́ɛ gba ayi dó nú mɛ ó. É byɔ́ ɖɔ mɛ ná dɔn nukún mɛ nyɔ sɔ mɔ̌ ǎ.

Daniyɛ́li 5:11

Nǔmɛsɛn mímɛ́ lɛ́ɛ sín yɛ ɖo nya ɖokpó jí ɖo axɔ́súɖuto mɛtɔn mɛ. Tɔ́ mɛtɔn hwenu ɔ́, nya ɖé wɛ, bó nɔ́ mɔ nukúnnú jɛ nǔ wú céɖécéɖé. É bí, bó ɖó nǔnywɛ́ nǔmɛsɛn ɖɔhun. Énɛ́ ɔ́ wú wɛ tɔ́ mɛtɔn sɔ́ ɛ gǎn, bɔ é kpa acɛ dó nǔkantɔ́ lɛ́ɛ, majíkiblótɔ́, azětɔ́ lɛ́ɛ, kpódó azɔnɖatɔ́ lɛ́ɛ kpó nu.

Daniyɛ́li 7:1

Xwe e xwe axɔ́sú Babilɔ́nu tɔn Bɛlucasáa yi zinkpo jí ɔ́, Daniyɛ́li mlɔ ayǐ ɖo zan jí, bó kú dlɔ̌, bó mɔ nǔ tɛnmɛ tɛnmɛ ɖo amlɔ mɛ. Ée é yá ɔ́, é wlán dlɔ̌ e é kú ɔ́, bó xa nǔ tají tají e é mɔ ɖo amlɔ mɛ lɛ́ɛ.

Daniyɛ́li 7:28

“Dlɔ̌ ɔ́ fó dó fí. Amɔ̌, nyɛ Daniyɛ́li ɔ́, ayi ce nɔ ɖo hun xo xá mì wɛ, bɔ un blá wǔ bǐ, bó nɔ́ ɖo nǔ lin dó xó énɛ́ lɛ́ɛ wú wɛ ɖo gbɛmɛ.”