Daniyɛ́li 4:34 - MAWUXÓWÉMA

³⁴ Énɛ́ wú wɛ nyɛ axɔ́sú Nabukodonɔzɔ́ɔ ɖo Mawu jǐxwé tɔn ɔ́ mlá wɛ din, bó ɖo sísɔ́ ɛ su wɛ, bó ɖo susu kpa n'i wɛ. Nǔ e é bló é bǐ wɛ sɔgbe, nǔ e é wa lɛ́ɛ bǐ wɛ nyɔ́. É lɛ́ ɖó acɛ e ná sɔ́ mɛ e ɖo afɔ tɛ ayǐ wɛ lɛ́ɛ hwe é lɔ.”

Daniyɛ́li 4:34 Iomraidhean Croise

2 Samuwɛ́li 22:31

Mawu ɔ́, alixlɛ́mɛtɔ́ e nyɔ́ bɔ nǔ bǐ vɔ ɖ'é wú ɔ́ wɛ, xó e Mawu Mavɔmavɔ nɔ ɖɔ ɔ́ nɔ sɔgbe. Gǎglónú wɛ é nyí nú mɛ e nɔ hɔn wá su i lɛ́ɛ bǐ.

1 Tan 29:10

Davídi kpa susu nú Mawu Mavɔmavɔ ɖo kplékplé bǐ nukɔn. É ɖɔ: “Mawu Mavɔmavɔ, Mawu tɔ́gbó mǐtɔn Jakɔ́bu tɔn, susu nú we káká sɔ́yi.

1 Tan 29:13

Mawu mǐtɔn, énɛ́ wú wɛ mǐ ɖo kpikpa we wɛ, bó ɖo nyǐkɔ towe ɖagbe ɖagbe ɔ́ sɔ́ su wɛ.

Jɔ̌bu 1:21

bó ɖɔ: “Mɛ̌ wɛ un zɔn sín nɔ ce xomɛ, bó ká ná lɛ́ zɔn mɛ̌ byɔ́ kɔ́ glɔ́. Mawu Mavɔmavɔ wɛ ná, Mawu Mavɔmavɔ wɛ ka lɛ́ yí, susu nú Mawu Mavɔmavɔ.”

Ɖɛhan 10:16

Mawu Mavɔmavɔ wɛ nyí axɔ́sú káká sɔ́yi. É sú mɛ e ma nɔ sɛn ɛ ǎ lɛ́ɛ kún dó sín to tɔn mɛ.

Ɖɛhan 102:24

Mawu ɖe hlɔ̌nhlɔ́n ce kpo ɖo alixo, é ɖe gbɛzán ce kpo.

Ɖɛhan 107:15

Yě ní kpa Mawu Mavɔmavɔ ɖó wǎn yíyí tɔn wú, yě ní kpa ɛ ɖó nǔjíwǔ e é nɔ́ wa nú gbɛtɔ́ lɛ́ɛ wú.

Ɖɛhan 107:22

Yě ní sá vɔ̌ dó dó kú n'i, yě ní jlá nǔ ɖaxó ɖaxó e é wa lɛ́ɛ kpó awǒbóbó kpó.

Ɖɛhan 107:31

Yě ní kpa Mawu Mavɔmavɔ ɖó wǎn yíyí tɔn wú, yě ní kpa ɛ ɖó nǔjíwǔ e é nɔ́ wa nú gbɛtɔ́ lɛ́ɛ wú.

Ɖɛhan 107:8

Yě ní kpa Mawu Mavɔmavɔ ɖó wǎn yíyí tɔn wú, yě ní kpa ɛ ɖó nǔjíwǔ e é nɔ́ wa nú gbɛtɔ́ lɛ́ɛ wú.

Ɖɛhan 111:7

Nǔ e é sɔ́ alɔ tɔn dó bló lɛ́ɛ nɔ́ ɖe xlɛ́ ɖɔ é nyí gbejínɔtɔ́, é nyí hwɛjijɔnɔ. Nǔ e é zɔ́n ɖɔ è wa lɛ́ɛ bǐ wɛ nyí nǔ ɖeji d'é wú,

Ɖɛhan 121:1

È ɖo kpó fán wɛ xwe Mawu xwé ɖo Jeluzalɛ́mu ɔ́ wɛ è nɔ ji han élɔ́. Un ɖo só lɛ́ɛ kpɔ́n sɛ́ dó wɛ: Fítɛ́ alɔdó ná gosín wá nú mì?

Ɖɛhan 123:1

È ɖo kpó fán wɛ xwe Mawu xwé ɖo Jeluzalɛ́mu ɔ́ wɛ è nɔ ji han élɔ́. Un jlɔ́ kɔ bó kpɔ́n we sɛ́ dó, un kpɔ́n hwi mɛ e axɔ́súzinkpo towe ɖo sɛ́xwé ɔ́ sɛ́ dó.

Ɖɛhan 145:13

Axɔ́súɖuɖu towe ɔ́, axɔ́súɖuɖu mavɔ mavɔ wɛ, bɔ gǎnhúnǔ towe ɖo te káká sɔ́yi.

Ɖɛhan 146:10

Mawu Mavɔmavɔ ɖu axɔ́sú káká sɔ́yi. Óo! Sinyɔ́ɔ, Mawu towe tíin káká sɔ́yi. Mi kpa Mawu Mavɔmavɔ!

Ɖɛhan 50:14

Vɔ̌ e a nǎ sá nú nyɛ Mawu towe ɔ́ wɛ nyí ɖɔ a nǐ tunwun nǔ e bló nú we wɛ un ɖe ɔ́ nú mì. Đe akpá e a dǒ nú nyɛ Mawu Ajalɔ̌nlɔn lɛ́ɛ.

Ɖɛhan 66:7

É sɔ́ gǎnhúnǔ tɔn dó ɖu axɔ́sú, bó ná ɖu káká sɔ́yi. Nukún tɔn ɖo akɔta lɛ́ɛ jí. Mɛ e nɔ fɔ́n gǔ dó jǐ tɔn lɛ́ɛ ní má yí nugo ó. Agbɔ̌n

Ɖɛhan 7:17

É mɛ e nyi kpo ɔ́ ta wɛ kpo ɔ́ lɛ́ wá jɛ. Gɛ̌ e é ɖó ɔ́ jɛ́n lɛ́ wá fɛ́ gba ta ɛ.

Ɖɛhan 9:2

Mawu Mavɔmavɔ, un ná nɔ kpa we kpó ayixa ce bǐ kpó. Un ná nɔ́ jlá nǔjíwǔ towe lɛ́ɛ bǐ.

Ɖɛhan 92:1

Han e è nɔ ji gbɔjɛzán gbe é.

Ezayíi 13:11

Mawu ɖɔ: “Un ná dɔn tó nú gbɛ ɔ́ ɖó dǎkaxixo tɔn wú, un ná dɔn tó nú mɛ nyanya lɛ́ɛ, ɖó nǔ baɖabaɖa e yě dó sin lɛ́ɛ wú. Jimakplɔ́n e nɔ ɖo go yí wɛ lɛ́ɛ ɔ́, un ná sú kún yětɔn dó, acɛgannaganna-kpanúmɛtɔ́ e nɔ ɖo afɔ tɛ ayǐ wɛ lɛ́ɛ ɔ́, un ná zin yě dɛ́.

Ezayíi 2:11

Mɛ e nɔ́ ɖo éɖée mɔ wɛ ɔ́, è nǎ sɔ́ ɛ hwe, mɛ e nɔ ɖo go yí wɛ ɔ́ ná ɖu winnyá. Mawu Mavɔmavɔ kɛ́ɖɛ́ wɛ è nǎ sɔ́ su gbe énɛ́ gbe.

Ezayíi 24:15

Yě nɔ́ ɖɔ: “Mi mɛ e ɖo zǎnzǎnhwe jí lɛ́ɛ mi! Mi kpa susu nú Mawu Mavɔmavɔ! Mi mɛ e ɖo xutó xutó lɛ́ɛ mi! Mi xomlá nyǐkɔ tɔn bó ɖɔ Mawu Mavɔmavɔ wɛ nyí Mawu Izlayɛ́li tɔn.”

Jelemíi 10:10

Lo ɔ́, Mawu Mavɔmavɔ wɛ nyí Mawu ɖokpó e tíin é; é wɛ nyí Mawu, bó nyí axɔ́sú káká yi káká sá. È sin xomɛ ɔ́ ayǐkúngban nɔ dán wǔ, akɔta lɛ́ɛ nɔ́ sixú nɔ te xomɛsin tɔn nukɔn ǎ.

Gbɛvíhan 3:38

Mawu Ajalɔ̌nlɔn wɛ nɔ́ ɖɔ bɔ nǔ nyanya abǐ nǔ ɖagbe nɔ jɛ ǎ cé?

Daniyɛ́li 12:7

Nya e dó lɛ̌ɛnkanvɔ ɔ́ dlɛ́n alɔ tɔn we lɛ́ɛ dó jǐxwé, bɔ un se bɔ é ɖɔ: “Un xwlé Mawu e ɖo gbɛ káká sɔ́yi ɔ́ sín nyǐkɔ ɖɔ nǔ énɛ́ lɛ́ɛ ná jɛ káká nú xwe atɔn adaɖé. Nǔ énɛ́ lɛ́ɛ ná fó hwenu e togun Mawu tɔn ɔ́ sín acɛkpikpa ná gba hánnyá bǐ é.”

Daniyɛ́li 2:44

Axɔ́sú énɛ́ lɛ́ɛ sín hwenu ɔ́, Mawu sɛ́xwé tɔn ná ɖe axɔ́súɖuto e mɛɖé má sixú gba ǎ é ɖokpó tɔ́n. Acɛkpikpa tɔn ná jɛ akɔta ɖěvo sí gbeɖé ǎ. Axɔ́súɖuto énɛ́ ɔ́ ná gba axɔ́súɖuto e ko ɖo ayǐ lɛ́ɛ bǐ, bó ná hu acɛ nú yě, bɔ yě sɔ́ ná tíin nyǐ ǎ. Lo ɔ́, éyɛ́ ná nɔ te káká sɔ́yi.

Daniyɛ́li 4:2

É wá su zǎn mɛ gbe ɖokpó, bɔ un ɖo ayǐmlɔ́mlɔ́ ɖo adɔ̌zan ce jí, lobo kú dlɔ̌ ɖokpó, bɔ é ɖó adohu nú mì. Nǔ e un mɔ ɖo dlɔ̌ ɔ́ mɛ ɔ́ dó xɛsi nú mì.

Daniyɛ́li 4:26

È tín dlɔ̌ ɔ́ mɛ nú axɔ́sú ɔ́, é ko yi xwe ɖokpó bɔ é ɖo sa ɖi gbɔn xɔ tɔn ta wɛ, ɖo hɔn tɔn mɛ ɖo Babilɔ́nu,

Daniyɛ́li 4:3

Énɛ́ ɔ́, un ɖɔ è nǐ kplé nǔnywɛ́tɔ́ e ɖo Babilɔ́nu lɛ́ɛ bǐ, bónú yě ná tín dlɔ̌ ɔ́ mɛ nú mì.

Daniyɛ́li 4:32

Lě do gbɛtɔ́ sukpɔ́ ɖo ayǐkúngban jí sɔ é nɛ́, có yě mɛ ɖěbǔ ká nyí nǔ ɖěbǔ ɖo nukɔn tɔn ǎ. Nǔɖíɖó sɛ́xwé tɔn lɛ́ɛ kpó gbɛtɔ́ lɛ́ɛ kpó ɔ́, nǔ e jló e ɔ́ wɛ é nɔ́ sɔ́ yě dó wa. É ja nǔɖé wa gbé ɔ́, mɛɖé nɔ́ sixú gbɛ́ ǎ, mɛɖé ka nɔ́ sixú kɛ nu dó nǔ e é wa ɔ́ wu n'i ǎ.

Daniyɛ́li 5:18

Mawu Ajalɔ̌nlɔn ɔ́ sɔ́ tɔ́ mɛtɔn Nabukodonɔzɔ́ɔ ɔ́ axɔ́sú ɖaxó, bɔ susu kpó yɛ̌yi kpó kpé e.

Daniyɛ́li 5:21

È nya ɛ sín gbɛtɔ́ lɛ́ɛ mɛ, bɔ é yi nɔ gběkanlin lɛ́ɛ tɛ́ntin, bó nɔ́ ɖu gběhan nyibú ɖɔhun; ahǔn nɔ́ ɖo jija dó jǐ tɔn wɛ. É nɔ mɔ̌ káká jɛ hwenu e é wá tunwun ɖɔ Mawu Ajalɔ̌nlɔn ɔ́ wɛ kpa acɛ dó axɔ́súɖuɖu gbɛtɔ́ tɔn lɛ́ɛ bǐ jí, bó nɔ́ sɔ́ axɔ́sú mɛ e jló e é.

Daniyɛ́li 6:26

Ée axɔ́sú Daliwúsi bló mɔ̌ ɔ́, é wlán sɛ́ dó togun lɛ́ɛ bǐ, akɔta lɛ́ɛ bǐ kpó mɛ e nɔ dó gbe alɔkpa alɔkpa ɖo gbɛ ɔ́ mɛ lɛ́ɛ kpó ɖɔ: “Fífá ní nɔ kpɔ́ xá mi bó túnflá!

Daniyɛ́li 7:14

È ná ɛ acɛkpikpa kpó susu kpó, kpódó axɔ́súɖuɖu kpó, bónú togun lɛ́ɛ, akɔta lɛ́ɛ kpódó gbɛtɔ́ e nɔ dó gbe alɔkpa alɔkpa lɛ́ɛ kpó bǐ ná sɛn ɛ. Acɛkpikpa tɔn nyí acɛkpikpa ɖé, bó ná nɔ ayǐ káká sɔ́yi; é ná ɖó vivɔnu ǎ, mɛɖé ká ná sixú gba axɔ́súɖuto tɔn gbeɖé ǎ.

Daniyɛ́li 7:27

Axɔ́súɖuto e ɖo ayǐkúngban ɔ́ jí lɛ́ɛ bǐ sín axɔ́súɖuɖu kpó acɛkpikpa kpó, kpódó susu yětɔn kpó ná húzú togun mímɛ́ Mawu Ajalɔ̌nlɔn tɔn ɔ́ tɔn. Togun mímɛ́ ɔ́ ná ɖu axɔ́sú káká yi mavɔ mavɔ, bɔ hlɔ̌nhlɔ́n e ɖo gbɛ ɔ́ mɛ lɛ́ɛ bǐ ná nɔ acɛ tɔn mɛ, bó ná nɔ́ se tónú n'i, bó ná nɔ́ sɛn ɛ.’

Daniyɛ́li 9:14

Énɛ́ ɔ́ wɛ zɔ́n bɔ a sɛ́ nyladó énɛ́ lɛ́ɛ dó mǐ. Nǔgbó wɛ Mawu Mavɔmavɔ, Mawu mǐtɔn, nǔ e a nɔ wa lɛ́ɛ bǐ wɛ nɔ sɔgbe; lo ɔ́, mǐ nɔ́ ɖó tó nǔ e a nɔ kplɔ́n mɛ lɛ́ɛ ǎ.

Jonási 1:14

Yě gbɔ bó jɛ Mawu Mavɔmavɔ ylɔ́ jí ɖɔ: “Mawu Mavɔmavɔ! Ma lɔn nú mǐ dɔn ɖó nya élɔ́ wú ó; é ní má ká nyí ɖɔ mǐ wɛ hu xomɛvɔ́nɔ ó, ɖó hwi Mawu Mavɔmavɔ ɔ́, nǔ e jló we ɔ́ wɛ a nɔ wa.”

Micée 4:7

Un ná kplé afɔkponɔ lɛ́ɛ, bónú togun ɔ́ ná lɛ́ fɔ́n. Un ná zé yě mɛ e ɖo gbejí lɛ́ɛ dó bló togun syɛ́nsyɛ́n ɖé, bɔ nyɛ Mawu Mavɔmavɔ ɔ́ ná ɖu axɔ́sú ɖo yě nu, ɖo Sinyɔ́ɔ só ɔ́ jí, sín hwenɛ́nu káká sɔ́yi.

Luki 1:33

É ná ɖu axɔ́sú ɖo Izlayɛ́li ví lɛ́ɛ nu káká sɔ́yi, bɔ axɔ́súɖuɖu tɔn ná vɔ gbeɖé ǎ.”

Luki 18:13

Tokwɛ́yítɔ́ ɔ́ ka ɖo te ɖo zɔ; é glá bó zé ta yi jǐ vɔ́vɔ́ ǎ; bó ná dó ɖe xlɛ́ ɖɔ émí yí hwɛ émítɔn lɛ́ɛ gbe ɔ́, é nɔ́ zin alɔ dó akɔ́n, bó nɔ́ ɖɔ: ‘Mawu ce, kú nǔbláwǔ ce, ɖó hwɛhutɔ́ wɛ nú mì.’ ”

Jǎan 5:26

Đó lě e Tɔ́ ɔ́ ɖó acɛ, bó nɔ ná gbɛ mɛ gbɔn ɔ́, mɔ̌ ɖokpó ɔ́ wɛ é ná ɛ acɛ, bɔ élɔ́ ná ná gbɛ mɛ.

Sɛ́nflínmɛ 32:4

É wɛ nyí só ɔ́; nǔwiwa tɔn lɛ́ɛ nyɔ́ bɔ nǔ vɔ ɖ'é wú. Đó ali tɔn lɛ́ɛ bǐ jlɔ́. Mawu gbejínɔtɔ́ wɛ. É nɔ́ wa nǔblíblí ǎ. É jlɔ́ bó ɖo xwi jí.

1 Timɔtée 1:17

Axɔ́sú mavɔ mavɔ e ma nɔ kú gbeɖé ǎ ɔ́, axɔ́sú e è ma nɔ mɔ ǎ é, axɔ́sú e nyí Mawu ɖokpó géé ée tíin é; è nǐ wlí yɛ̌yi n'i, bó kpa susu n'i káká sɔ́yi mavɔ mavɔ. Amǐ.

1 Timɔtée 6:16

É ɖokpónɔ géé wɛ má nɔ kú ǎ, bó ɖo wěziza e mɛɖé ma sixú sɛkpɔ́ ǎ é mɛ; mɛɖé mɔ ɛ kpɔ́n gbeɖé ǎ; mɛɖé ka sixú mɔ ɛ lɔ bo gbɔ ǎ. Susu kpódó hlɔ̌nhlɔ́n mavɔ mavɔ kpó ní nyí étɔn; amǐ!

Nǔɖexlɛ́mɛ 10:6

bó xwlé nǔ dó Mawu nyǐkɔ mɛ. Mawu e ɖo gbɛ káká sɔ́yi, bó bló jǐxwé kpó nǔ e ɖ'é mɛ lɛ́ɛ bǐ kpán é nyíkɔ mɛ; Mawu e bló ayǐkúngban kpó nǔ e ɖ'é mɛ lɛ́ɛ bǐ kpán é nyíkɔ mɛ; Mawu e bló xu kpódó nǔ e ɖ'é mɛ lɛ́ɛ bǐ kpán ɔ́ sín nyǐkɔ mɛ; é xwlé nǔ dó Mawu nyíkɔ mɛ ɖɔ: “Hwenu ɖé sɔ́ kpo bɔ è nǎ ɖó ǎ.

Nǔɖexlɛ́mɛ 11:15

Énɛ́ ɔ́ gúdo ɔ́, wɛnsagun Mawu tɔn tɛ́nwegɔ́ ɔ́ kún kpɛn, bɔ gbe ɖaxó ɖé lɛ́ɛ ɖi ɖo jǐxwé bó ɖɔ: “Axɔ́súɖuɖu gbɛ ɔ́ tɔn nyí Aklúnɔ mǐtɔn kpó Klísu tɔn kpán tɔn lo! Bɔ é ná ɖu axɔ́sú káká sɔ́yi.”

Nǔɖexlɛ́mɛ 4:10

mɛxó ko-nukún-ɛnɛ lɛ́ɛ nɔ jɛ kpo ɖo mɛ e ɖo axɔ́súzinkpo ɔ́ jí, bó ɖo gbɛ káká sɔ́yi ɔ́ nukɔn, bó nɔ sɛn ɛ. Yě nɔ zé axɔ́súgbákún yětɔn lɛ́ɛ nyi axɔ́súzinkpo ɔ́ nukɔn, bó nɔ ɖɔ:

Nǔɖexlɛ́mɛ 4:9

Nǔɖogbɛ ɛnɛ lɛ́ɛ nɔ ji han dó kpá susu, dó wlí yɛ̌yi, dó dó kú nú mɛ e ɖo ayǐjínjɔ́n ɖo axɔ́súzinkpo ɔ́ jí, bó ɖo gbɛ káká sɔ́yi é. Nú yě ɖo mɔ̌ bló wɛ hweɖěbǔnu ɔ́,