Daniyɛ́li 4:32 - MAWUXÓWÉMA

³² Lě do gbɛtɔ́ sukpɔ́ ɖo ayǐkúngban jí sɔ é nɛ́, có yě mɛ ɖěbǔ ká nyí nǔ ɖěbǔ ɖo nukɔn tɔn ǎ. Nǔɖíɖó sɛ́xwé tɔn lɛ́ɛ kpó gbɛtɔ́ lɛ́ɛ kpó ɔ́, nǔ e jló e ɔ́ wɛ é nɔ́ sɔ́ yě dó wa. É ja nǔɖé wa gbé ɔ́, mɛɖé nɔ́ sixú gbɛ́ ǎ, mɛɖé ka nɔ́ sixú kɛ nu dó nǔ e é wa ɔ́ wu n'i ǎ.

Daniyɛ́li 4:32 Iomraidhean Croise

2 Tan 33:13

É sa vo nú Mawu ɖɔ é ní kú nǔbláwǔ nú émí, bɔ Mawu Mavɔmavɔ yí ɖɛ tɔn, bó kplá ɛ wá Jeluzalɛ́mu, bó lɛ́ sɔ́ ɛ ɖó axɔ́súzinkpo tɔn jí. Énɛ́ ɔ́, Manasée mɔ ɖɔ Mawu Mavɔmavɔ ɖokpónɔ wɛ è ɖǒ nǎ sɛn.

Jɔ̌bu 42:2

un mɔ ɖɔ a kpé nǔ bǐ wǔ; un tunwun ɖɔ a nɔ bló nǔ e jló we ɔ́ bǐ.

Jɔ̌bu 9:12

Nú é xo nǔɖé yí ɔ́, mɛ̌ ká sixú hwlɛ́n xá ɛ? Mɛ̌ wɛ sixú glá bó kan nǔ e wa wɛ é ɖe ɔ́ byɔ́ ɛ?

Ɖɛhan 115:3

Mawu mǐtɔn ɖo sɛ́xwé; nǔ e jló e lɛ́ɛ bǐ wɛ é nɔ́ bló.

Ɖɛhan 135:6

Nǔ e jló Mawu Mavɔmavɔ é bǐ wɛ é nɔ́ bló. É nɔ́ bló ɖo jǐxwé, bó nɔ́ bló ɖo ayǐkúngban jí; é nɔ́ bló gbɔn xu lɛ́ɛ mɛ, bó nɔ́ bló ɖo ayǐkúngban glɔ́.

Tíntɔ́n 8:10

Bɔ è bɛ̌ yě kplé ɖó sonu sonu, bɔ wǎn kpé to ɔ́ bǐ mɛ.

Tíntɔ́n 9:14

Đó din tɔn ɔ́, un ná sɛ́ nǔ nyanya e ɖo así ce lɛ́ɛ bǐ dó hwi kpó gǎn hɔn-yitɔ́ towe lɛ́ɛ kpó, kpó togun towe kpó, bónú a nǎ dó tunwun ɖɔ è kún sixú jlɛ́ mì dó mɛ ɖěbǔ wú ɖo ayǐkúngban ɔ́ jí ó.

Tíntɔ́n 9:29

Énɛ́ ɔ́, Mɔyízi ɖɔ n'i ɖɔ: “Un tɔ́n sín toxo ɔ́ mɛ ɔ́, un ná dlɛ́n alɔ sɛ́ dó Mawu Mavɔmavɔ, bɔ jǐ sɔ́ ná dó gbe ɖě ǎ, kɛ́njí ká sɔ́ ná ja ɖě ǎ; énɛ́ ɔ́, a nǎ tunwun ɖɔ Mawu Mavɔmavɔ tɔn wɛ nyí ayǐkúngban ɔ́.

Ezayíi 37:20

Din ɔ́, Mawu Mavɔmavɔ, Mawu mǐtɔn, hwlɛ̌n mǐ sín Senakelíbu sí, bónú axɔ́súɖuto e ɖo gbɛ ɔ́ mɛ lɛ́ɛ bǐ ná tunwun ɖɔ hwi Mawu Mavɔmavɔ ɔ́, hwi ɖokpónɔ géé wɛ nyí Mawu.”

Ezayíi 40:15

Akɔta lɛ́ɛ sɔ sin e kun téwún j'ayǐ é ɖo Mawu nukɔn ǎ; yě da gan sɔ kɔ́kwín ɖokpó ɖo nukɔn tɔn ǎ. Akɔta e gbɔn zɔ zɔ lɛ́ɛ fúɖá hú afúntúntún ɖo nukɔn tɔn.

Ezayíi 40:17

Akɔta lɛ́ɛ bǐ kplékplé ɖó zin ɖé ɖo Mawu nukɔn ǎ. Nǔ yǎyá, nǔ tófwe wɛ yě nyí ɖo nukɔn tɔn.

Ezayíi 45:3

Un ná ná dɔkun e ɖo nǔglɔ́ lɛ́ɛ we; un ná ná dɔkun e ɖo hwlǎhwlá lɛ́ɛ we. Énɛ́ ɔ́, a nǎ tunwun ɖɔ nyi wɛ nyí Mawu Mavɔmavɔ; a na tunwun ɖɔ nyɛ Mawu Izlayɛ́li tɔn ɔ́ wɛ ylɔ́ we.

Jelemíi 27:5

“Un bló ayǐkúngban, bó bló gbɛtɔ́ lɛ́ɛ, bó bló kanlin e ɖo ayǐkúngban ɔ́ jí lɛ́ɛ bǐ dó ɖe hlɔ̌nhlɔ́n ce kpódó nǔwúkpíkpé ce kpó xlɛ́. Nǔ e un bló lɛ́ɛ ɔ́, un nɔ ná mɛ e jló mì lɛ́ɛ.

Daniyɛ́li 2:21

É wɛ nɔ́ húzú hwenu lɛ́ɛ. É wɛ nɔ́ húzú nǔ e ɖo jijɛ wɛ lɛ́ɛ. É wɛ nɔ́ ɖe axɔ́sú sín gǎnzinkpo jí. É wɛ nɔ́ zé mɛ axɔ́sú. É wɛ nɔ́ ná nǔnywɛ́ nǔnywɛ́tɔ́ lɛ́ɛ. É wɛ nɔ́ ná nukúnnú-mɔjɛnǔmɛ nukúnnú-mɔjɛnǔmɛtɔ́ lɛ́ɛ.

Daniyɛ́li 4:31

Axɔ́sú Nabukodonɔzɔ́ɔ ɖɔ: “Ée xwe tɛ́nwe lɛ́ɛ wá yi ɔ́, un kpɔ́n jǐxwé, bɔ gbɛtɔ́ sín ayixa e un ɖó ɖ'ayǐ ɔ́ lɛ́ wá nú mì. Un dó kú nú Mawu Ajalɔ̌nlɔn e ɖo gbɛ káká sɔ́yi é. Un jɛ mlǎmlá ɛ jí, bó jɛ susu kpa n'i jí ɖɔ: Acɛkpikpa tɔn ɖó dogbó ǎ, axɔ́súɖuɖu tɔn ná nɔ ayǐ káká sɔ́yi.

Daniyɛ́li 5:21

È nya ɛ sín gbɛtɔ́ lɛ́ɛ mɛ, bɔ é yi nɔ gběkanlin lɛ́ɛ tɛ́ntin, bó nɔ́ ɖu gběhan nyibú ɖɔhun; ahǔn nɔ́ ɖo jija dó jǐ tɔn wɛ. É nɔ mɔ̌ káká jɛ hwenu e é wá tunwun ɖɔ Mawu Ajalɔ̌nlɔn ɔ́ wɛ kpa acɛ dó axɔ́súɖuɖu gbɛtɔ́ tɔn lɛ́ɛ bǐ jí, bó nɔ́ sɔ́ axɔ́sú mɛ e jló e é.

Jozuwée 4:24

É bló mɔ̌ bónú togun e ɖo ayǐkúngban jí é bǐ ná tunwun lě e hlɔ̌nhlɔ́n tɔn dó agba sɔ é, bónú mi ná ɖó sísí nú Mawu Mavɔmavɔ, Mawu mitɔn tɛgbɛ.”