Daniyɛ́li 4:31 - MAWUXÓWÉMA

³¹ Axɔ́sú Nabukodonɔzɔ́ɔ ɖɔ: “Ée xwe tɛ́nwe lɛ́ɛ wá yi ɔ́, un kpɔ́n jǐxwé, bɔ gbɛtɔ́ sín ayixa e un ɖó ɖ'ayǐ ɔ́ lɛ́ wá nú mì. Un dó kú nú Mawu Ajalɔ̌nlɔn e ɖo gbɛ káká sɔ́yi é. Un jɛ mlǎmlá ɛ jí, bó jɛ susu kpa n'i jí ɖɔ: Acɛkpikpa tɔn ɖó dogbó ǎ, axɔ́súɖuɖu tɔn ná nɔ ayǐ káká sɔ́yi.

Daniyɛ́li 4:31 Iomraidhean Croise

Bǐbɛ́mɛ 14:18

Lo ɔ́, Mɛlukisedɛ́ki , axɔ́sú Salɛ́mu tɔn ɔ́, éyɛ́ hɛn wɔ̌xúxú kpó vɛ̌ɛn kpó wá nú Ablámu. Mawu Ajalɔ̌nlɔn ɔ́ sín vɔ̌sánú-xwlémawutɔ́ wɛ é kó nyí ɖ'ayǐ.

Jɔ̌bu 20:23

Hwenu e é ná ɖo nǔ wlá ɖu wɛ magbokɔ ɔ́, Mawu ná kɔn xomɛsin tɔn kɔn nyi jǐ tɔn, bɔ é ná syɛ́n ɖésú; xomɛsin ná ja dó jǐ tɔn, xomɛsin ɔ́ wɛ ná nyí nǔɖuɖu tɔn.

Ɖɛhan 145:13

Axɔ́súɖuɖu towe ɔ́, axɔ́súɖuɖu mavɔ mavɔ wɛ, bɔ gǎnhúnǔ towe ɖo te káká sɔ́yi.

Nǔnywɛ́xó 29:23

Mɛ e nɔ yí go ɔ́, goyíyí tɔn ná sɔ́ ɛ kɔn nyi ayǐ; mɛ e ka nɔ sɔ́ éɖée hwe ɔ́, è nǎ sɔ́ ɛ su.

Ezayíi 14:27

Nǔ e Mawu Mavɔmavɔ Nǔbǐwúkpétɔ́ ɔ́ ɖɔ é ná jɛ ɔ́, mɛ̌ ká ná gbɛ́? É dlɛ́n alɔ dó mɛ ɖé ɔ́, mɛ̌ ká ná wún alɔ tɔn?

Daniyɛ́li 12:7

Nya e dó lɛ̌ɛnkanvɔ ɔ́ dlɛ́n alɔ tɔn we lɛ́ɛ dó jǐxwé, bɔ un se bɔ é ɖɔ: “Un xwlé Mawu e ɖo gbɛ káká sɔ́yi ɔ́ sín nyǐkɔ ɖɔ nǔ énɛ́ lɛ́ɛ ná jɛ káká nú xwe atɔn adaɖé. Nǔ énɛ́ lɛ́ɛ ná fó hwenu e togun Mawu tɔn ɔ́ sín acɛkpikpa ná gba hánnyá bǐ é.”

Daniyɛ́li 4:24

Énɛ́ ɔ́ wú ɔ́, Sɛ́mɛɖó, mɛ ná kɛnklɛ́n bó yí gbe nú nǔ e kplɔ́n mɛ gbé un ja é: mɛ ná jó hwɛ e mɛ nɔ hu lɛ́ɛ dó; mɛ ná lɛ́ kɔ sín nǔ e mɛ nɔ wa nyi do lɛ́ɛ gúdo, bó ná nɔ́ wa nǔ jlɔ́jlɔ́. Mɛ ná nɔ́ nyɔ́ xomɛ dó wamamɔnɔ lɛ́ɛ wú. Mɛ ɖo nǔ wa gbɔn mɔ̌ wɛ ɔ́, afɔ nyɔ́ ɔ́, nǔ ná nyɔ́ nú mɛ yi nukɔn.

Daniyɛ́li 4:26

È tín dlɔ̌ ɔ́ mɛ nú axɔ́sú ɔ́, é ko yi xwe ɖokpó bɔ é ɖo sa ɖi gbɔn xɔ tɔn ta wɛ, ɖo hɔn tɔn mɛ ɖo Babilɔ́nu,

Daniyɛ́li 4:30

Tɛn tɔn mɛ fínɛ́ jɛ́n nǔ e é se ɔ́ jɛ ɖe. Nǔ gbó ɔ́, è nya Nabukodonɔzɔ́ɔ sín gbɛtɔ́ lɛ́ɛ mɛ, bɔ é jɛ ama ɖu jí nyibú ɖɔhun; ahǔn nɔ́ ja dó jǐ tɔn. Đa tɔn ɖi ga káká bó cí gangan sín awafún ɖɔhun. Fɛn tɔn lɛ́ɛ ɖi káká bó cí xɛfɛn ɖɔhun.

Daniyɛ́li 4:32

Lě do gbɛtɔ́ sukpɔ́ ɖo ayǐkúngban jí sɔ é nɛ́, có yě mɛ ɖěbǔ ká nyí nǔ ɖěbǔ ɖo nukɔn tɔn ǎ. Nǔɖíɖó sɛ́xwé tɔn lɛ́ɛ kpó gbɛtɔ́ lɛ́ɛ kpó ɔ́, nǔ e jló e ɔ́ wɛ é nɔ́ sɔ́ yě dó wa. É ja nǔɖé wa gbé ɔ́, mɛɖé nɔ́ sixú gbɛ́ ǎ, mɛɖé ka nɔ́ sixú kɛ nu dó nǔ e é wa ɔ́ wu n'i ǎ.

Daniyɛ́li 4:34

Énɛ́ wú wɛ nyɛ axɔ́sú Nabukodonɔzɔ́ɔ ɖo Mawu jǐxwé tɔn ɔ́ mlá wɛ din, bó ɖo sísɔ́ ɛ su wɛ, bó ɖo susu kpa n'i wɛ. Nǔ e é bló é bǐ wɛ sɔgbe, nǔ e é wa lɛ́ɛ bǐ wɛ nyɔ́. É lɛ́ ɖó acɛ e ná sɔ́ mɛ e ɖo afɔ tɛ ayǐ wɛ lɛ́ɛ hwe é lɔ.”

Daniyɛ́li 5:20

Lo ɔ́, ée goyíyí kpó mɛmasí kpó byɔ́ ayi tɔn mɛ ɔ́, è ɖe e sín axɔ́súzinkpo ɔ́ jí, bó yí acɛ bǐ sín así tɔn.

Daniyɛ́li 5:28

‘Palusíin’ ɔ́ sín tínmɛ nyí nǔmímá. É ɖo ɖiɖɔ ɖo fínɛ́ wɛ ɖɔ è mǎ axɔ́súɖuto ɔ́ nú Mɛdinu lɛ́ɛ kpó Pɛ́sinu lɛ́ɛ kpó.”

Daniyɛ́li 6:27

“Un ná gbe ɖɔ mɛ e ɖo axɔ́súɖuto ce sín ayǐkúngban jí lɛ́ɛ bǐ ní ɖó sísí nú Mawu Daniyɛ́li tɔn, bó ɖi xɛsi n'i. É wɛ nyí Mawu gbɛɖe ɔ́. É wɛ ná nɔ ayǐ tɛgbɛ sɔ́yi. Axɔ́súɖuɖu tɔn ná vɔ gbeɖé ǎ. Acɛkpikpa tɔn ná nɔ ayǐ káká sɔ́yi.

Matíe 3:17

Tlóló ɔ́, è se gbe ɖé sín jǐxwé bɔ é ɖɔ: “Vǐ ce vívɛ́ná wɛ mɛ élɔ́ nyí; xomɛ nɔ hun mì dó wǔtu tɔn tlala.”

Luki 12:20

Mawu ka ɖɔ n'i ɖɔ: ‘Xlonɔ; zǎn élɔ́ mɛ ɔ́, è nǎ yǐ gbɛ towe sín así towe. Nǔ e a ka kplé lɛ́ɛ ɔ́, mɛ̌ tɔn wɛ é ka ná nyí lo?’ ”

Jǎan 12:28

Hǔn Daá, bo sɔ́ nyǐkɔ towe su.” Hwenɛ́nu ɔ́, gbe ɖé ka ɖi sín jǐxwé, bó ɖɔ: “Un ko sɔ́ nyǐkɔ ce sɔ́ su; un ka ná lɛ́ sɔ́ ɛ su.”

1 Tɛsalonikinu 5:3

Hwenu e gbɛtɔ́ lɛ́ɛ na ɖɔ: “Fífá tíin, bɔ ayi jɛ ayǐ” ɔ́, hwe énɛ́ ɔ́ nu wɛ nǔ e ná vívá kún yětɔn ɔ́ ná zɔn yě jǐ ajijimɛ lě e nyɔ̌nu e ɖo xo ɔ́ nɔ jɛ flú mɛ ajijimɛ é ɖɔhun; yě ná gán ɖ'é mɛ ǎ.

Nǔɖexlɛ́mɛ 16:7

Énɛ́ ɔ́ gúdo ɔ́, un se gbe ɖé gosín vɔ̌sákpe ɔ́ kɔn, bó ɖo ɖiɖɔ wɛ ɖɔ: “Nǔgbó wɛ Aklúnɔ Mawu Nǔbǐwúkpétɔ́, hwɛɖiɖɔ towe lɛ́ɛ nyí nǔgbó bó sɔgbe!”

1 Samuwɛ́li 13:14

Amɔ̌, din ɔ́, axɔ́súɖuɖu towe ná fó. Mawu Mavɔmavɔ ko sɔ́ mɛ e nyɔ́ nukún tɔn mɛ, bɔ é ná nyí gǎn ɖo togun tɔn nu é. Đó nǔ e é ɖɔ nú we ɔ́, a blǒ ɖ'é jí ǎ.”

1 Samuwɛ́li 15:23

Đó mɛ e gbɛ́ gbe nú Mawu ɔ́, hwɛ ɖokpó ɔ́ wɛ é hu xá mɛ e kan nǔ é. Mɛ e dó tókúse nǔ e Mawu ɖɔ ɔ́ mɛ ɔ́, hwɛ ɖokpó ɔ́ wɛ é hu xá mɛ e nɔ sɛn vodún é kpó mɛ e nɔ sɛn bǒcyɔ lɛ́ɛ kpó. Ée a hɔn xó Mawu tɔn sɔ́ nyi gbě ɔ́, élɔ́ ɖe we sín axɔ́súzinkpo jí.”